雞同鴨講

Open Now

Now Closed

最近喺元朗雞地發現咗一間用心小店，舖頭主打海南雞同埋醬油雞，見到已經好多街坊排隊加緊餸，又去試吓佢無骨海南雞半隻人氣熱賣一定係佢哋嘅海南雞，拜拜今次買咗半隻海南雞返屋企試吓，黃澄澄的雞皮油亮滑潤，肉身則緊實鮮美，一入口就是滿腔雞肉該有的芬芳， 再輪流蘸上佢哋小店自家製蔥薑醬，簡直冇得彈無骨醬油雞口感以皮脆肉嫩，色澤要呈濃濃醬油的顏色而帶光澤；同時滲出鮮香味美的雞味和豉油焦香，肉質厚肉嫩滑，我覺得我好快又會encore無骨鹽水鴨飯鴨身油潤光亮，味道甘腴鹹香，肉質細嫩，肉味會被雞肉更加濃郁，加埋黃薑飯滿滿風味薑蔥厚豬扒飯厚切嘅金黃帶骨豬扒，用上特調製蔥油，一啖豬扒一啖蔥油送飯，真係回味無窮咖喱煎肉餅飯完全冇諗過居然仲有咖喱飯，即刻用咗好多多種香料，咖喱味道多層次豐富，加埋即叫即煎肉餅，肉餅入邊仲加咗芹菜增加口感同香氣一間絕對係元朗，難得一間用心打理餐廳，睇得出店主食材挑選嚴格用心製作！

難得返屋企食飯，買餸斬料先。同一般燒味店唔同，佢主打海南雞、醬油雞、鹽水鴨，但又有豬頸肉、豬軟骨、肉燥飯、和其他泰式小食。同三餸飯又唔同，師傅即叫即斬，亦都可以外賣雞煲、飲品等等。落咗單，都見到好多人嚟買外賣。🌟無骨醬油雞（例牌）$60😍 嫩滑又唔駛吐骨🌟泰式煎肉餅$48😋好香香茅/泰式香料味🥰🌟泰式豬頸肉 $45🌟鎮香豬軟骨 $55 🌟新鮮沙薑豬手粒 $50另配四個醬汁：沙薑/薑蓉 配雞正👍🏻泰式/百搭醬配其他小食好味👍🏻溫馨提示：可以先落咗單先，買完其他嘢返嚟就有得拎啦😊

星期六簡簡單單諗住去屋企樓下買外賣返嚟食，點知有驚喜！台式肉燥配鹹水鴨飯鹹水鴨嘅皮薄肉滑，咬落去口感超級嫩滑，而肉燥香濃，真係好好撈飯，配合鴨飯一齊食，簡直係完美！豬軟骨配醬油雞飯醬油雞嘅皮，肉質鮮嫩，真係每一口都令人陶醉。豬軟骨嘅口感亦好好，咬落去有彈性。蒜泥白肉真係超級推薦！每一片肉厚薄適中，搭配蒜泥，味道豐富，令人一啖接一啖，停唔到口，口感層次十分豐富。泰式酸辣鳳爪好惹味，酸酸辣辣，清爽得嚟又唔會太過刺激，完美嘅開胃菜。上湯浸娃娃菜入味得滯，湯頭清甜，搭配炸蒜頭，香氣四溢，食得好開心！整體嚟講，今日嘅餐點令人食得心滿意足，絕對值得再來！

最近去了一趟朋友推薦的「雞同鴨講」買外賣。這家店主打海南雞、醬油雞和鹽水鴨，還有各種客飯選擇，非常適合附近的中學生和街坊。我們選了無骨醬油雞（半隻），剛出爐的醬油雞熱辣辣的，雞肉果然非常嫩滑，秘製醬油的味道也很美味，無骨非常貼心。鎮香豬軟骨，豬軟骨很軟滑且入味，香味濃郁。除此之外，還有中式和泰式雙拼飯可供選擇。我們試了泰式豬頸肉拼海南雞飯，豬頸肉和無骨海南雞都非常嫩滑，配特製泰式醬汁/百搭醬汁，味道絕佳。另外有薑蓉/沙薑醬可選擇。肉燥拼豬扒飯，豬扒鬆軟，肉燥搭配豬扒非常入味，是除了雞之外的不錯選擇。最後，還點了上湯娃娃菜，用上湯浸煮後非常入味，連湯都可以喝。

有時晚上懶得煮，都會黎雞同鴨講買外賣番屋企食，佢d 雞真係夠晒滑，仲要無骨ga!豬頸肉拼海南雞飯🍛🐖🐔呢款豬頸肉拼海南雞飯，將嫩滑嘅海南雞同香脆嘅豬頸肉完美結合。海南雞飯嘅油飯夠鬆軟，配上嫩滑嘅雞肉同外脆內嫩嘅豬頸肉，好食！肉燥併豬扒飯🍚🐷濃郁嘅肉燥同軟嫩嘅豬扒結合，肉燥香濃豬軟骨併醬油雞飯🍲🐔豬軟骨同醬油雞嘅嫩滑形成強烈對比，令人食指大動，味道濃郁而不膩，非常值得一試。泰式煎肉餅（五件）泰式煎肉餅外層煎得金黃香脆，肉餅份量適中，非常適合作為小食或者配飯！無骨醬油雞半隻🐔醬油雞去骨處理，食用更方便。肉質鮮嫩多汁，醬油嘅味道滲入每一絲雞肉，味道濃郁，簡直係下飯神器。

晚餐叫咗雞同鴨講嘅外賣，點咗冬陰功牛腩配黃薑飯，再加杯利賓納梳打($65+$5%運費)。整體味道唔錯，酸酸辣辣好開胃，但略嫌牛腩嘅份量少咗啲。食品部分冬陰功牛腩配黃薑飯：冬陰功味道濃郁，酸辣啱啱好，飲落非常開胃，天氣熱食都唔覺得膩。牛腩質地煮得算軟身，但份量真係有啲少，食到一半已經覺得牛冇咩踪影。至於黃薑飯，色澤金黃，飯粒有少少香料味，配埋冬陰功汁食，真係一啖接一啖。利賓納梳打：呢杯利賓納梳打有啲失望，味道淡到接近冇咩利賓納味，感覺就似普通嘅淡氣水咁，完全唔突出，當普通解渴算係咁。⭐食品評分：3.5/5環境與服務由於係外賣，環境冇得睇，但送餐速度算快，包裝整齊，湯底冇漏，仲保持到熱度，服務算唔錯。不過，外賣呢個價錢再加運費，配料份量偏少，會覺得性價比一般。⭐服務評分：3.5/5總體感受冬陰功牛腩飯味道係最大亮點，酸辣汁絕對加分，但牛腩份量少係一個小遺憾。黃薑飯香味十足，但飲品就比較普通。如果你鍾意開胃嘅冬陰功，呢個飯值得試，但就唔好期望太多牛腩囉！⭐總體評分：3.5/5

今次去咗‘元朗雞同鴨講’食晚餐外賣自取，叫咗個‘無骨海南雞飯’黎試吓我用咗唔同嘅角度去分析一下今次嘅餐飲體驗。份量：相當十足，絕對唔會唔夠飽。味道：海南雞真係無骨，唔會擔心哽到骨。而雞亦相當滑唔會太嚡。另外海南雞可以揀醬汁，今次揀咗泰式醬，味道相當惹味。另外亦可以揀黃飯或者白飯，今次我用電話叫定外賣，叫外賣時沒有指名黃飯或白飯，最後俾咗黃飯我，唔會好油，相當唔錯。整體嚟講，海南雞係新鮮嘅，亦唔會太鹹或太油。不過食完個飯之後，感覺好口渴而且晚上睡不着，還會有蒜頭的口氣味。希望不是味精影響吧。餐飲：加咗$8叫咗個330 mL冷泡茉莉花茶，新鮮有茶味。上餐速度：可以電話落定單，所以到舖頭就可以拎走，10分快速。店員態度：良好 店內環境：乾淨企理交通地理：容易尋找近馬路邊付款方法：可選擇八達通改善方案：希望可以解決食後好口乾的問題下次希望試吓豬軟骨飯。

元朗真係好多海南雞黃店😆今次食左間係元朗group都幾出名，今次6點去到都已經見到好多人排隊無骨海南雞飯 $45大大盒，海南雞既份量就正常，但飯就真係好多🤣🤣🤣雞每一件都都啖啖肉，仲要超級滑，好鮮嫩😋😋完全無雪味，即使唔點醬都覺得好好味😋😋每個海南雞飯都可以4選1揀醬料，鍾意濃味既👧🏻就更係揀泰式，酸辣既味道好好味👍👍另外佢都仲有咖喱飯，同埋除咗雞之外，仲有豬同埋肉餅嗰啲可以揀，聽講都好好味，大家都可以去試吓😋😋

好細嘅門面，只做外賣生意。餐牌主要三款食物(鹽水鴨、豉油雞、海南雞)，大家可以再額外加錢加餸例如雞蛋等。🍚去骨海南雞飯 $45★★★☆☆冇專登加錢，但最後都好好彩咁切左雞脾位，有埋雞翅。雞肉份量都唔少，雞皮爽，但冇左海南雞皮與肉之間個層啫喱，雞肉都幾滑身，但味道唔夠，冇咩雞味，唔算有太大驚喜，配埋個泰式醬食幾好，酸酸辣辣，好開胃。佢跟左黃薑飯，顏色好均勻，粒粒分明，而且食落好香黃薑味。唔洗點醬撈飯就咁食都夠味道。🌟總括：海南雞正常表現，但個飯幾欣賞，整體黎講中規中矩。順帶一提試左屯門有間分店，味道冇元朗呢間咁好食，同埋只得白飯。

平時都好鍾意食白切雞今次去朋友度gathering朋友推介食呢間嘅白切雞果然無介紹錯🫶🏻😎雞肉超滑又有雞味可選百搭醬汁💥有薑蓉、沙薑同泰式醬汁暫時係我心中嘅世一白切雞🫶🏻🤣唔食其他野的話我應該一個人可以食到半隻以上🤭🔖全隻$150，半隻$75；只提供外賣。.除左雞，仲可選配油飯亦都有燒鴨賣下次會想試下💗🤣.#hkfoodie#foodie#foodblogger#lovefood#元朗美食#相機食先#白切雞#外賣

元朗賣海南雞嘅店愈開愈多😯 今次試雞同鴨講第一次去的話只要搵到基元中學就搵到間舖，斜對面$48大大盒海南雞飯，仲係黃薑飯，未食已經覺得好抵😄舖面細所以淨係做外賣，不過天氣熱，拎到返去都仲暖，重點係啲雞好香好滑👍🏻如果想食鴨要早啲去，店員話每日都好早賣哂

疫情下晚飯唔想煮飯，見到黑夜中這裡有外賣，即刻試吓先，當然點佢嘅主打無骨海南雞飯，醬料仲可以四選一，今次就配咗泰式醬！海南雞都好滑個泰式醬好味，飯粉量好多不過雞份量就少咗啲😜另外仲叫咗蔥香豬扒飯，配咗百搭醬～兩個飯都係配黃姜飯，豬扒就比較煙韌味道還可以👍🏻

生日梗係要搵好野食，疫情下無堂食，唯有上網四圍睇下有咩好野。係Open Rice 見到 「雞同鴨講」店名好得意，就去試試。店鋪易搵，就在元朗鳳群街花園附近既年發大廈地鋪。未埋到鋪面已經見到有好多人排隊(口碑既保證😍)，行埋少少已經陣陣香氣撲鼻🤤 店員好有禮貌，笑容滿面，仲落力為我推介，讚👍🏻經推介後，我揀左一隻豉油雞，賣相很好，外賣包裝用心。回家後急不及待開餐，豉油雞肉質鮮嫩多汁，入味，雞皮到雞肉嫩滑，食完唔會口渴，$170 一隻豉油雞真心可以比美到大酒家既水準，元朗區極少見有咁高質。我配既係薑蓉，雖然係配料，但店家既功夫食得出 絕不馬虎。薑味有層次，口感豐富，襯托出豉油雞更美味，正😋期待試晒店家咁多款菜式。外賣店中既強力推介

收銀姐姐會問：去唔去骨，為咗小朋友方便進食，當然去骨，亦因為小朋友緣故，之前試食過佢海南雞，味道真係好好，肉質有彈性，若果唔想比太多濃味嘢比小朋友食，依款就最啱。特別一讚收銀姐姐服務好，有禮貌👍🏻

食咗幾次都係豉油雞最好食，豉油味甜甜地唔錯 肉質鮮嫩 不過今次斬嘅位置太肥 姜蓉和百搭汁味道很夾 皮好滑 外皮應該浸過冰水 滑嫩 ，😜😜😜😜😜😜 忍唔住食左兩塊外皮 .