C. C. Cafe (Closed)

Located next to two other new and Instagrammable cafes, C.C. Cafe is a relatively “down-to-earth” non-gimmicky cafe that serves pasta, all day breakfast and coffee at a reasonable price, which is a bit lower than other cafes in the hood.I chose this Spaghetti with Red Wine Braised Beef Shanks as lunch. The spaghetti was very al dente, and the red wine braised beef shanks was quite tender. I like the dressing and the pasta, it’s just that the pasta wasn’t cooked with the stew (i.e. the red wine b

第一次返工前去食, 點知中晒伏. 出餐好慢, 已經叫左三文魚+蛋早餐, 諗住唔駛點煮, 點知等左15 都未出, 咁即刻轉外賣都要再等, 個餐放得唔好, 行兩步咖啡就倒晒, 心有不甘走返轉頭換, 最後要遲到返工, 最差的早餐體驗, 不想再去.

今朝見時間有多，想坐低食個早餐，我落得單應該8:35分左右。我叫左蕃茄湯米通粉配滑蛋同炒菇，仲有english breakfast tea。女待應好快比左杯茶我，我就等我通粉出，不過由於我趕時間返工9:00，所以我見8:53都未出到，我唯有叫佢轉外賣。好待應問就出得係咪都要轉？我講答因為要趕返工，所以無奈地要轉，佢地好快手幫我轉，仲比多杯breakfast tea我拎走，搞到我都有d唔好意思。講返個通粉，食得出湯底係自己煲，因為無濃厚罐頭蕃茄味，食到底仲有淡淡蒜香味。感覺到廚師其實有放心機落去，所以$49其實都係返到，因為真材實料。下次去我會再預多少少時間😂

有時朝頭早返工都會想買杯咖啡先，唔食早餐可以但一定要有杯醒神咖啡。近排發現原來公司樓下間CC Cafe，可以預早5分鐘用Apps落order，仲可以用Credit Card响Apps度俾埋錢，搞掂晒之後就預返時間行過去Cafe度，真係5分鐘後就沖起杯咖啡👍🏻👍🏻呢間嘅咖啡都好好飲，比得上PP同埋星xx，有得揀糖、奶份量。我今次買左杯Flat White, 因為我喜愛濃少少嘅咖啡份量，但又唔想要齋啡。呢杯我覺得咖啡濃度啱啱好，奶亦唔會太多而蓋過左咖啡味，好正！但係杯size就細少少，不過價錢又平返，啱晒我唔捨得飲貴野又想過吓引😙仲有迎新coupon (-$6), 我地公司福利又有9折qr code，真心抵！

一家精致舒服嘅咖啡店。地方唔大，但装修有格调。点左伯爵茶latte, 浓浓嘅奶白泡沫浮在咖啡上，但坦白讲完全掩盖左伯爵茶的味道。感觉同普通latte无咩分别。但味道还是可以的。不过系呢度悠然自得咁享受一个下疍还是值得的。

今日見有時間我就黎到C.C. cafe 坐底嘆早餐😆，佢粉紅色既招牌係門口都幾吸睛，可惜我吾記得影🙁🙁。佢d裝修都幾好 ，d波波燈個人黎講好喜歡😚😚。佢地仲有個都幾靚既手沖咖啡Menu🙂👍🏻。佢地既早餐都主打包類，都幾岩我呢個早上喜歡食包既人👍🏻👍🏻 不過吾喜歡食包既人選擇就會少左d🤔價錢係$44-$59左右，第一個感覺係貴左d，不過望真d，佢地包一杯咖啡，計返出面d咖啡店一杯咖啡都要$30up，所以飲咖啡其實抵食d。今次我黎到就食左一個幾特別既包： 蘋果蛋沙律法包，係出面好似都無見過，可能我見識少🤪🤪。咖啡就點左Latte，有靚靚拉花，味道都吾錯👍🏻。個包黎到大大個👍🏻，作為一個大食女生既我都覺得飽，d餡好足，都算幾抵食既。個包黎到有焗過，熱熱地咁幾好👍🏻，不過略嫌個包放涼左會韌左d，所以趁熱食就好♨️。整體環境都好舒服，店員好有禮貌，有機會都會再黎食😇！

返工同朋友食Lunch見無人排隊就入左去食跟餐叫左個意粉跟餐飲仲有甜品跟餐係小泡芙嚟意粉不過不失可以煮得硬返小小整體都不錯份量比想像中小上班族嚟講比同一條街既餐飲價錢有小小貴但都直得一食餐廳環境舒適員工有禮

C.C. Cafe 食物質素十分唔錯，同事話lunch成日要排隊，但我個人比較好彩，通常2人去食12點3、4落工去都唔使點排。$78 一個午餐有主菜，飲品，甜品。Menu仲周不時都會轉，有錢既話可以日日食 熱朱古力都有拉花！但偏甜，飲到尾會見到啲粉沉底。意粉超好食，好多煙肉，火箭菜都好香，又唔會水lel lel，正 主食雖然份量唔多，但有好creamy既朱古力同小甜品（今日係豆沙餡和果子），女仔普遍應該夠飽。

作為灣仔商業區內的餐廳, lunch hour是每天「兵家必爭之地」。有些餐廳會以外賣優惠吸引額外客源, 有些會以離座優惠增加翻檯率, 而這間餐廳, 偏偏選擇了最簡單直接的「40分鐘限時逐客令」。 說真的, 在這個年頭, 除了某些任食餐廳會限制食客的用餐時間, 我只想到某廉價迴轉壽司店會要求食客於50分鐘內交檯 - 因為收費便宜, 所以要多做幾轉才能回本。想不到這間餐廳的限制更harsh。基本上商業區的上班族都知道,價錢與食物質素、環境、用餐條件等都是一個trade-off。那麼說這餐廳的收費便宜嗎? 又不。 雖說是西餐, 但沒有西湯沒有沙律, 定價($78-81)也比附近的同類型餐廳貴近一倍。這個價錢,肯定不是一般打工仔的外賣價; 再加上用餐上的限制,只能說這餐廳的「硬件」在同區食肆中只屬差劣。說回食物, 今天同朋友都點了紅酒燴和牛飯。因為朋友較早來排隊及入座, 換言之本人的用餐時間相對被削減了。(食個飯jei...點解都食得咁有壓力...) 上菜時間約5分鐘, 份量不大 (女士們應該夠的, 男士們可以等3點3再下午茶),  賣相簡潔(來不及拍照, 真係食到好似走難咁...), 味道

灣仔區 Lunch好好味，80蚊左右，有意粉飲品同埋甜品，算是不錯的選擇。個人認為凍朱古力的奶味太重， 個意粉味度都唔錯， 雖然份量不太大但非常飽。 可能因為我細食啦!而且職員都好nice, 同食客打成一片。

今日約左同事出街食午飯，同同事二人世界容易搵位，揀左呢間小店!去到已經滿座要等位，不過等左約5分鐘就有啦!店員仲一早幫我地點餐，所以坐底不久就有得食!其實餐廳選擇不多，我點左黑松露鮮菌意粉同熱朱古力!朱古力都有拉花，不會太甜!黑松露鮮菌意粉味道不錯，意粉充滿香蒜同黑松露味道，可惜鮮菌很少，汁亦很少，食到一半有點乾!飯後仲有芒果味雪米滋，美味哩!整體來說，味道不差，但配菜偏少，由於午市較多人等位，所以有點被催的感覺!

今日一人午餐，就試了呢間坐落灣仔既cc cafe。由於一人關係一去到就有位，需與別人併枱。我點了西班牙黑毛豬配香飯，熱朱古力，甜品：雪米糍。飯上有芝麻增加口感及香味，不過黑毛豬只有兩片，份量較少。價格相對比較不便宜。

lunch好想飲杯咖啡, 靜靜地食啲有質素嘅野, 謝斐道呢一間係唔over$100嚟講算唔錯~午餐有4-5款選擇, 我揀左佢嘅c.c. 招牌咖哩吉列豬扒飯($70)吉列豬扒好乾身, 心思位係啲豬扒識用啲飯晾起, 唔會俾啲汁整到淋晒, 值得一👍另外咖啡係唔駛加錢嘅情況下, 可轉flat white, 呢點完全要加分~ 題外話: 雖然小店門外有寫住午餐用膳時間只可30分鐘, 但外面冇人等通常都唔會趕你走, 雖明白灣仔食肆多數只做午餐生意維持生計, 但附近返工的食客都會食完就走, 沒必要在門外寫到咁mean, 以免好似想趕客咁~

跟朋友相約吃午飯，本打算到紫蘭花吃泰菜，但去到竟然見到紫蘭花關門大吉!!唯有轉到隔離的C.C. Cafe，午飯時間，無可避免要等位，大約15分鐘左右，侍應哥哥就招呼我們入內了。每天都有5款午餐供食客選擇，今次我選了西班牙黑毛豬配香飯。跟朋友聊聊，過了一會，朋友點的卡邦尼先上，再聊多一會，才輪到我的飯上場。味道不錯，白飯撒上芝麻，感到這小店的用心蔬菜不是hea hea 的雜菜，而是有煎過的翠玉瓜和青椒汁料是黑醋，不膩之餘，反而挺開胃。豬肉煎得很香，而家沒有豬羶味，可惜只有兩片，這也太少了吧?加了$5配了熱mocha，朱古力味不太突出，不過不失。總結，這份午餐要$78加$5，性價比不算高，偶而一次就好了

這是小編第二次光顧 C. C. Cafe。第一次是餐廳新開業時 walk in 享用早餐，走精緻咖啡室路線，用料質優，但價錢相對較貴。 今回再訪試試一系列精選午餐，定價比預期相宜。這客「香濃肉醬肉丸意粉」，茄醬味重，味道酸溜溜。肉丸選用坊間現成食材，評價中規中矩。隨午餐附送飲品及甜品各一客。「熱朱古力」面上繪製了 latte art，賣相評價因而增分。在大量奶泡的投入下，香滑感有增無減。小編本對甜品帶點期待，但最後竟是雪米糯一粒確實有少許失望。更甚是雪米糯竟在飯局中段送上，「送客」意圖明顯。細心留意餐牌，可見午市用餐時間只有 30 分鐘，亦過於進取。 灣仔謝斐道一帶的食肆定位講求流量，走精緻路線難免會困難重重。與上次的早餐相比，食品的質素無擬下降了，有點可惜。