Video
Opening Hours
Today
06:00 - 22:00
Mon - Sun
06:00 - 22:00
Above information is for reference only. Please check details with the restaurant.
## 食評：賓墟冰室的平民晚餐老婆公幹的第二晚，我同外父選擇咗賓墟冰室，因為價錢相對平民。佢有個二人餐，包兩個餸、白飯、油菜，以及一杯咖啡或茶。### 食物評價本來我哋打算叫「男人的浪漫」枝竹火腩煲同埋咕嚕雞球，但佢話冇雞球，所以我哋決定試下西檸雞。**湯**：兩碗湯味道一般，似乎有落味精，唔算特別好。**西檸雞**：炸粉太多，質素一般，未能令我哋滿意。**枝竹火腩煲**：火腩偏鹹，味道唔算太好，整體表現差強人意。**油菜**：送嘅油菜就非常簡單，濕潤度普通，搭配蠔油味道一般。### 飲品問題我哋本來叫咗咖啡走甜同埋凍奶茶走甜，結果飲品錯送到隔籬枱，最後再俾我哋時發現咖啡唔係走甜。我哋冇跟餐廳反映，只好默默飲埋。### 總結整體而言，今晚的晚餐性價比不算高，質素比我哋想像中要差。雖然價錢唔貴，但希望下次可以有更好嘅體驗。
continue reading
第一次在此寫食評，真係忍吾住要不討不快！從未試過茶餐廳食到咁差嘅蒸肉餅！求其放舊肉上飯面，加左幾滴鼓油。仲差過兩餸飯的茶餐廳😢🥲 當日因為老婆話太肚餓，才會選擇此餐廳，估不到真的差到這個點！
continue reading
呢排成日過嚟青衣搵嘢食，不過就多數嚟食晚飯，咁啱今日一早過來，本來想去長發嗰邊食茶餐廳。點知架巴士就停咗喺灝景灣落，但費事行返轉頭，就係呢度食。唔多人但炸野味幾重。其實好想試佢個沙嗲牛，但雞扒同嗲牛一樣價，又費事問佢可唔可以加錢加一樣野，咁都係揀雞扒。先試下塊多士，有甜味真係好少有，突然想起以前會牛油多士口沙糖食，就得嗰種feel。個米粉又大碗、湯底又有味，同埋食落去唔係嗰d「新式」米粉，好食好多。雞扒雖然塊皮唔脆，但係塊雞扒好熱又大塊又厚真係好鬼滿足。－早開左個靚頭，心情都特別開心！
continue reading
最近真係有啲失望，之前好鍾意去嗰間餐廳，但近幾個月水準明顯下降。早餐嗰陣，啲麵包本來都幾好，最近食完唔單止唔新鮮，仲有種怪怪嘅感覺，食完之後個胃都唔係好舒服，真係唔知發生咩事。中午嘅時候，啲飯量係多，但啲餸菜真係超鹹，食幾口就覺得唔想再食。品質又差，啲肉質真係唔夠新鮮，食起上嚟好像有啲味道好奇怪。最慘係，下午茶同埋晚餐都冇改善，感覺一切都係用咗劣質食材，真係令人失望。而且，夥記嘅態度越嚟越差，之前最少都會有啲笑容，依家好似隨便咁，有時甚至要自己去叫佢哋，感覺好 hea。唔知係咪換咗廚房，定還是管理上有問題？總之，依家去食飯已經唔再有以前嗰種享受，實在有啲唔開心，希望佢哋可以改善返，唔好再咁下去。
continue reading
鐵板西冷牛扒 配 薯條（$55）本來諗住下午茶餐唔會多，但上枱見到份量著實不少。首先薯條一大碗分開放，唔怕放係鐵板好快會腍，粗身波浪薯條外脆內粉，掂。牛扒雖然唔係什麼高級貨，但肉質可以，唔會韌柴柴，肉味就無乜，點蒜蓉汁一齊食都OK。另外仲有車厘茄、西藩花、粟米、椰菜，十分豐富。如此價錢，真係抵食。星洲炒米（$44）炒嘢有分大細揀，大嘅用大圓碟，細嘅用方平碟。大嘅份量十分足，星洲炒米炒得夠乾身，有啲鑊氣，配料有蝦仁、火腿、叉燒、蛋絲、韭菜、芽菜、洋蔥、青蔥，味道香濃但欠少少辣度。乾炒牛河（$37）雖然係細，但份量以下午茶餐來說都唔少，牛肉至少都有五六片，乾炒牛河炒得更有鑊氣，河粉唔會痴埋一齊，條條都上哂色，味道亦夠，加埋辣醬食一流。西式炒飯（$37）炒飯飯粒分明，配料有蝦仁、火腿、香腸、三色豆，茄汁微酸帶甜，味道合格。
continue reading
You may be interested in