BUN BUN (Closed)

西營盤最近開了間搶眼的橙色小店，見佢地推出個素食刈包好吸引，即刻要去試試！鬆軟的刈包夾著滿出來的餡料，口要非常大才能一次咬到，韓素辣醬夠惹味配炸豆腐又幾有創意。小店在扶手電梯隔離，咁搶眼的顏色好難見唔到。主打外賣但現場都有幾個位可以坐低好chill咁食。定位係台式外賣店，賣的就是香港比較少人做的刈包，即是類似白饅頭但中間可以夾餡的台式漢堡。我幫你問左，個包有牛奶所以非純素，醬料部分則無蛋奶無魚露可以放心。韓式辣醬素包 HK$88(餐)刈包勁大個餡料多到滿出來，咬的時候一不小心就成面辣汁。酸酸甜甜的菠蘿加埋炸紫蘇葉又幾有趣，反而炸豆腐的存在感比較低，醬汁唔會辣，配泡菜夠惹味。套餐的幼薯條都幾好食，而且份量蠻多，可以兩個人分享食。…Read More

係網上見到西營盤開左間台式Fusion菜一直都好鍾意食台灣野既我 今日放假决定黎試下呢間小店食下午茶😊韓式辣醬素包 $78一見到個包既時候 覺得好驚喜😯真係好香即使食素都可以食到呢個包，我估唔到個包咁大個，同包含咁多餡料，好抵食👍🏻我同店主傾計先知道原來係用左自家製韓式辣醬製作，仲加左炸豆腐、天婦買紫蘇葉、菠蘿同泡菜😬我自己第一次食炸既刈包，好好食👍🏻唔會有好油膩既感覺，絕對值得一試，有用心製作👍🏻奶蓋蜂蜜綠茶 +$18見到加$18可以有奶蓋綠茶，奶蓋飲落既味道唔會太甜，好滑，解渴一流😋下次都會再叫呢個。另外自己好鍾意小店既環境設計😬，環境既用色好吸引，食完野仲可以打卡。見到小店仲會有甜既包，下次會再黎試下👍🏻，支持小店。…Read More

今日放假就決定出遠d，去西營盤搵野食先😁 行行下街見到一間橙藍色裝修嘅小店 Bun Bun，行過去睇原來係食新派台式刈包，佢係外賣店黎，主打炸刈包🫶🏻 我就即刻叫左「香脆炸雞配鮮制青醬刈包」，佢可以揀蒸底炸，呢排食得太多熱氣野，所以就叫蒸~ 佢用左自家製羅勒醬、青瓜、台式蒸雞、溏心蛋、羅勒葉去整，即叫即蒸，材料夠晒惹味😍 睇得出製作極具心思💗另外，仲有台式魯肉飯，我地就叫左慢煮豬腩肉配台灣越光珍珠米🍚 賣相吸引，十分足料～豬腩肉好肥美，口感一流🤩 JENG!! 驚唔夠飽，再叫埋鹽酥菇，佢你限量供應，入面有金菇、秀珍菇、杏鮑菇，配左日本柚子鹽、紅椒粉，香脆可口，真心好食😘食完野當然要試埋野飲🥤我就叫左白桃冷泡茶 & 柑桔熱情果冷泡茶，佢係用左台灣茶葉冷泡8小時而成，清新解膩😌 拎住野飲打卡非常吸睛！📍BUN BUN🔍西環西營盤第三街52號康福閣地下6號舖#西營盤美食 #西營盤 #西營盤好去處 #西營盤好西 #香港美食 #香港 #抵食 #抵食之選 #抵食推介 #hkfoodie #foodiehk #西環美食 #西環 #西環好去處 #西環好西…Read More

《BUN BUN - 西營盤》西環上環一直對我黎講都係個比較陌生既地方，真係幾年都唔會去果邊一兩轉，不過星期五果日放假，我就過左去果邊探位好耐無見既老師，順便就周圍行下🤓喺西營盤果邊沿途都見到好多coffee shop /Cafe，要試曬咁多間都真係要啲時間先試得完，而周邊都真係好多賣特色野既店舖，隨便行都好多野睇，好似去左尋寶咁😎行到第三街斜路附近，比我見到間店舖細細但裝修好搶眼既店舖，橙色既colour tone 令人老遠就見到，好奇心驅使下行去望左個menu，啲野食都幾啱當日心情食，特別係見到刈包呢個item😍而價錢都十分相宜，所以午餐就簡左呢間台灣小食店啦💁🏻‍♀️慢煮豬腩肉配黑醋醬刈包 $58 店舖既刈包可以選擇蒸包或炸包，由於我未試過呢間餐廳既刈包，所以當然係試左最signature 既先啦😉包入面既酸菜味道好出，同豬腩肉既味道好匹配，入面既黑醋為成個刈包畫龍點睛左不少，黑醋既甘甜混和左豬腩肉既醬汁令成個包又juicy 又香濃👍🏻好食，仲有仲有，個包煙煙韌韌包住曬所有既食材，真心好正🥰💁🏻‍♀️白桃冷泡綠茶 +$12 只要係買刈包或者台式滷肉飯就可以加$12玩購冷泡綠茶🍵即時止渴💪🏻💁🏻‍♀️鹽酥菇 $58其實我本人係好鍾意食鹽酥菇，特別係喺台灣淡水漁人碼頭附近嘅一間小食店買，以前去旅行有一間嘅鹽酥菇必定會食，仲有得揀鹽酥金菇添😋呢一度嘅鹽酥菇竟然都有金菇😍所以當刻眼前一亮，金菇炸咗之後好酥脆同埋鹹香，熱辣辣食最正，其次仲食到杏鮑菇添，味道唔會太過鹹，而且菇菌都好Juicy，不過一個人食嘅話份量有點多，兩個人share嘅話就應該剛剛好總括來講，餐廳嘅小食味道都幾有特色，舖頭門面唔大但係俾到人一種好休閒嘅感覺，店舖內嘅位置都唔多，如果唔想同人迫嘅話可以喺lunch time後先過黎會比較好…Read More

小店非常骨緻，外觀裝潢以鮮橙色為主調，整體感覺有點像舊式美國風。食物方面除了三款特色刈包，還有三款魯肉飯和小食可選擇。慢煮豬腩肉配黑醋醬 (套餐 | $78)• 刈包的本體可選炸或蒸；餡料有豬腩肉、黑醋醬、炒酸菜、花生碎、芫茜和芝麻。• 賣相非常澎湃，餡料豐富。我選的是炸刈包，比起蒸的多了一重煙韌緊緻口感，內裡保持香軟。• 汁醬份量十分多，帶有濃郁麻醬味，非常juicy。享用時建議用紙盒承托著。• 豬腩肉口感香腍、肉質細嫩入味，同時帶有些少焦香味。• 芫茜加上酸菜為整體味道和口感增添更多層次，整體配搭得十分滋味。…Read More

Bun Bun！之前行過已經比個裝修吸引到，今日終於嚟會一會佢！以為佢食漢堡包之類嘅野，點知佢係食台灣野叫咗個慢煮豬腩肉配炸包，滷肉薯條，白桃soda軟綿綿嘅豬腩肉夾炸咗嘅脆口刈包！Nice！個白桃soda嘅白桃味都幾出，幾清新，唔會太甜食到咁上下，飲一啖，清一清d油膩，確係ok滷肉薯條店主推介！未試之前，會覺得有少少奇怪，滷肉點會夾到薯條呢🤔點知又真係幾好食！整體嚟講，好食！同埋冇諗過可以咁飽！…Read More

🤍 BUN BUN 🤍.記得科勞  ٩(˃̶͈̀௰˂̶͈́)و些些！..............................🍽 慢煮豬腩肉配黑醋醬 (蒸包) $58（👏🏻8/10）🥢 豬腩肉、自家製黑醋醬、炒酸菜、花生碎、芫茜 、芝麻.首先講吓個蒸包先 口感同質地都幾似饅頭Size就大到嚇死人 男仔都食得飽🤣豬腩肉偏肥 肥膏位食落好香豬油味配料好豐富 估唔到咁多樣加埋嚟食都咁夾😍佢哋嘅自家製黑醋醬好香 減低咗整體油膩感睇得出佢食材配搭上落咗唔少心機同功夫❤️.🍽 香脆炸雞配青醬 (炸包) $58（👏🏻9/10）🥢 脆炸雞、自家製羅勒醬、自家醃製青瓜、糖心蛋、炸羅勒葉 、芝麻🥢 +$10 Combo (薯條+飲品).炸包相對嚟講比較香口 外皮咬落脆卜卜抵讚嘅係雖然炸過 不過一啲都唔油😛材料配搭方面一樣都係咁夾 最正係個青瓜 解膩一流炸雞多汁 滑溜無骨 個人覺得好食過豬腩肉自家製羅勒醬好香 同個炸雞又係好夾糖心蛋賣相都幾靚仔 不過食嘅時候好驚會碌走🤣本身諗住嗌個跟餐薯條過下口癮 點知原來咁大兜薯條炸得夠脆夠乾身 食到最尾都仲係脆飲品就加錢嗌咗白桃泡綠茶 不過就有少少偏甜抵讚嘅係佢哋專登用大粒冰 等杯嘢唔會淡得咁快😍.🍽 鹽酥菇 $58 （👏🏻9/10）.鹽酥菇份量好多 多到差啲食唔哂😂炸粉唔會過厚 每粒都切到大大粒所以仲好Juicy…Read More

今日去西營盤搵好嘢食，見到網上評論話呢一間刈包都幾特別一於試吓！店舖裝修新穎，冇乜位俾你堂食，主力做外賣自取。刈包可以揀蒸包或者炸包，第一次食，我就揀咗每樣一款炸嘅刈包要等大概10分鐘，都唔算好耐一拎上手就覺得好有份量，個包好厚好大個，我一隻手都揸唔晒！炸包好似炸饅頭咁，外脆內軟，好好食餡料份量非常充足，每一啖都可以咬到包同埋配料。慢煮豬腩肉包嘅豬肉都幾淋，係五花腩，加埋少少酸菜、花生、芫荽，唔會太溜麻辣肉醬墨汁腸食落唔覺得有麻辣味，反而覺得肉醬配埋個包感覺甜甜地，都幾得意加$10可以變做餐，有汽水同薯條，咁抵，咁梗係加啦…Read More

本來見到OpenRice寫住裝修緊，諗住冇得食，點知行過見佢重開，所以即刻去買個試試，叫咗個酸菜五花肉炸包，個包底好好食，係啲比較甜身嘅包，食落去有啲似炸饅頭嘅感覺，不過咁嗰個五花肉可以烤得乾身少少，食落口冇咁油膩，同埋香口啲。個夾包好足料，基本上每一啖都要就住食，如果唔係就會跌晒出嚟。最後加咗個set , 有薯條汽水，都係加$10 ，算係OK。薯條就似係麥當勞嗰隻幼身薯條，味道都唔錯。下次可以再試下佢哋個蒸包，睇吓有冇第二種感覺。…Read More

After seeing so many good reviews on Instagram, I decided to try Bun Bun. I came on a rainy weekday night, so there were not many customers. However, with its vibrant orange colors, the store is not hard to find even on a gloomy night.I ordered a Sous Vide Pork Belly Fried Bun $58. The set is for good value, as you get both fries and coke for $10 more, but I couldn’t finish it all, so I did not upgrade it to a set.The bread, although deep fried, is not oily. The bread holds the juicy and overflowing pork belly, as well as a generous amount of sauce. Beware that it is very filling!The staff is very sweet, as she came out to offer me a tissue as soon as she saw me sitting down to eat instead of taking away. She also helped me throw the packaging away after I was done with my food, as there are no rubbish bins in the customer area.…Read More