巴特卡非 (Closed)

同朋友係旺角行街街，行到腳仔軟見呢間caf人少少，就入左去歇下啦~$30 一個set tea, 有一個cheese cake+一杯野飲，我要左個藍莓cheese cake，入口算鬆化但芝士味不太濃，食得出係自製cake既味道。Friend 要左個雲石cheese cake，同我個藍莓cheese cake 既味同料都係一樣既，爭在冇左０的藍莓only，呢道０的cake都okay 好食，不過飲品就唔得了。我杯凍奶茶水水的冇咩味咁，friend 杯熱咖啡都唔見得好飲。呢道得幾張sofa其他都係普通硬椅，本來我同friend 重好開心有sofa 坐，點之一坐落去先發覺０的sofa 都係淋淋的，一０的都唔好在。坐坐下重聞到唔知邊道傳來好重既油煙味，呢道既環境真係要改善下，如果唔係盞趕客。

前幾日兩個人經過雅蘭, 咁見呢間cafe都幾靜, 格局唔錯, 咁就入o黎食個tea啦...當時除左我兩個人之外, 重有另一台(3人)已經食緊野... 咁入去, 到坐低... 都未有人招呼喎...等左一陣, 終於有人放低menu喇...佢食tea係好早餐feel, 點諗到食tea有得食多士加奄列?叫左個拿破侖多士, 點知要轉hazelnuts fresh milk要加$13!!!朋友叫左個磨姑奄列餐, 加一杯熱啡...奄列ok, 拿破侖多士似pizza, 味道唔錯, 但兼唔夠熱...杯hazelnut fresh milk唔錯...不過呢間cafe既service認真麻麻, 落單時個waiter又好似心不在焉, 冇乜笑容...好似食左total $ 65...

開工日還帶著假期的心情, 偷閒來了一個下午茶餐, 胃口不佳破例的點了一杯Coffee Latte, 咖啡和牛奶味道偏淡; 跟餐來的脆皮腸味道一般, 腸仔外皮微脆, 但汁料和肉味有點特別, 不太討好; 朋友點了一個火腿蘑菇炒蛋, 亦只是不過不失, 其中蘑菇的味道最不討好.

睇完Bad Santa, 行落旺角重有得shopping, 好彩朗豪坊收11點o者!行過雅蘭, 有d肚餓, 上Buddyz Coffee望望, 環境就...幾多梳化, 但好少客, 大把位任坐.食物方面order了一個set dinner $29, 白汁吞拿魚長通粉+Iced Latte(再加$10). 白汁吞拿魚長通粉o麻...白汁好罐頭, 用牛奶+粉咁o既味, 吞拿魚係原罐倒出來, 長通粉太"林", 填肚就ok, 好味就一d都唔算, 唯一好處係唔太鹹, Italian Tomato果d成日過鹹.Latte...鞋, 澀, 唔夠奶...唔掂.結論, 齋坐+飲下茶就ok, 想好味就去Pokka穩陣d, 雖然Pokka都唔係好出色.

今日去哩度食tea, 真係好抵, 只係$22咋~d staff個個都幾好service~我叫左raisin scone w/ butter同coffee~咖啡好大呀~飲極都重有咁, 我唔識飲, 所以都冇咩資格評咖哩...個scone等成起碼10mins, 好熱的, 口感好好, 提子唔多唔少, 牛油另外上比你, 我覺得唔要牛油都好好食~哩度好似bar咁, 落左order要即刻比$$的

日期：2004.03.19時間：20:30 ~23:15食品：跟友人各點1份「意粉晚餐」（$30/份，包1杯咖啡）。選了「黑椒雞肉意粉」、「白汁吞拿魚三色螺絲粉」，黑咖啡。評語：$30一個set，理應食「罐頭、冷凍、乾貨、即溶」這類貨色。出奇地，煮意粉的火喉和時間控制得剛剛好，心裡暗暗讚賞。黑椒雞肉香口惹味；白汁吞拿魚的白汁略稠，仍可接受。咖啡是即磨，不算大師級，但好過大快活的「即磨咖啡」。兩個女生，每碟意粉食剩1/3，咖啡則喝光。盛惠$60，坐了一個晚上，直到店家將近打烊。好抵！註：晚上8:30後，不用等位。環境一般，勝在傾到計。侍應算Okay有禮。

今日去旺角“索平”﹐行到腳仔軟﹐走上雅蘭商場一樓(扶手電梯一上就係) 的BUDDYZ COFFEE 抖一抖。相信呢間咖啡店因為開業不久﹐唔係太多人知道所以無乜人幫趁﹐自然坐得好舒服﹐位任揀﹐又靜﹐最緊要係抵飲。剛開業的時候我記得係$22 一杯咖啡飲品(如LATTE﹐MOCHA等)﹐但買一送一﹐等如$11 杯﹐茶餐廳都未必得﹐抵到爛﹗但今日再去﹐只係第二杯半價﹐不過都算係非常抵飲。芝士餅味道一般﹐相信都係買返來的﹐但係$10 件又係幾抵食﹐兩個人一人一杯咖啡一件芝士餅都只係$50幾蚊﹐又唔使等位﹐幾好架。最緊要係位於旺區中的旺區﹐又平唔污煙漳氣又唔使同人逼的COFFEE SHOP﹐相信只得呢間。環境夠晒闊落又唔逼﹐但裝修欠奉﹐無咩氣氛可言。而且一分錢一分貨﹐你唔好期望有高水準的咖啡﹐但點都好過飲茶餐廳啦。