Bubble Tree (成業工業大廈)

-因為睇到網上嘅介紹，所以Lunchtime去咗食，鐵板拌飯價錢唔貴，有包埋嘢飲同埋湯，一上枱見到個吉列豬扒同埋大啡菇勁大個，視覺上勁澎湃，我最鍾意呢啲咁打卡able嘅飯，我係100%自費，但openrice又要我edit🥲吉列豬扒炸得酥脆、蒜香啡菇都好入味好juicy，蛋包飯仲有啲粟米同醬汁配飯食☺️湯有幾種選擇，除咗蕃茄湯、仲有南瓜湯紫薯湯，感覺蕃茄湯冇咁伏，蕃茄茄湯飲落清新可口，係預期中的味道，蘋果茶偏淡唔會好甜-▶︎吉列豬扒、大啡菇滑蛋蓋鐵板拌飯 | $68▶︎羅勒蕃茄湯、蘋果茶 | 套餐包含-🏠【Bubble Tree】📍觀塘成業街19-21號成業工業大廈2樓27室🕑星期一至六 11:00 - 22:00 星期日 11:00 - 16:00…查看更多

軟殼蟹蟹籽香辣薈茄汁雜海鮮意粉🍝軟殼蟹香脆，蟹籽鮮甜，配上各種海鮮如蝦、魷魚等，茄汁香辣濃郁。意粉吸收咗茄汁嘅香辣味道，每一口都充滿豐富嘅海鮮風味~微薑南瓜湯🥣🎃南瓜湯香甜滑嫩，微薑嘅清新味道為湯增添一絲獨特嘅香氣, 湯底濃郁，南瓜嘅自然甜味同微薑嘅微辣完美結合雪糕窩夫🍧窩夫香脆鬆軟，雪糕濃郁香甜。熱騰騰嘅窩夫同冰涼嘅雪糕形成強烈對比，口感豐富蘆薈香橙冰紅茶🍹薈清新爽口，橙汁香甜，冰紅茶清涼解渴。蘆薈嘅爽脆口感同橙汁嘅酸甜味道完美結合，紅茶嘅淡雅香氣提升整體口感，令人神清氣爽水牛城雞中翼🍗雞翼嫩滑多汁，水牛城醬香辣濃郁。雞翼外皮香脆，內裡嫩滑，水牛城醬嘅辣味同酸味完美平衡…查看更多

收工匿入工業大廈搵食真係明智過中六合彩！Bubble Tree呢個「飛驒牛漢堡＋吉列豬扒鐵板雙響炮」簡直係犯規級存在🔥！鐵板熱辣辣上枱嗰陣煙霧瀰漫，牛漢堡肉質鬆軟到似棉花，每啖都滲出濃郁牛脂香，吉列豬扒脆皮仲薄過薯片，咬落「咔嚓」聲直衝耳膜！最癲係滑蛋黃好似熔岩咁湧出嚟撈飯，加埋秘製醬汁嘅甜辣味，食到筷子都唔捨得停呀～ 水牛城雞翼堅係驚喜位！外皮掛滿酸辣帶微甜嘅醬汁，咬開爆汁之餘仲有煙燻香，食完手指都要啜乾淨👌🏻！朱古力鮮奶濃到似飲緊液體版金莎，面頭灑滿朱古力碎脆脆，飲完成個人都幸福到飄起～ 壓軸朱古力心太軟簡直係甜品界核彈💥！一刀切開即刻有黑朱古力漿海嘯式湧出，襯埋冰凍雲呢拿雪糕，冰火二重奏爽到打冷震！今餐由頭到尾冇冷場，食完即刻想bookmark再encore！ 📍Bubble Tree 觀塘成業街19-21號成業工業大廈2樓27室 #工廈神級飯堂 #鐵板系暴走族 #邪惡拉絲現場 #相機先食強制症 #觀塘胃食地圖 🐮🍳🍨…查看更多

好友約我去位於觀塘成業街19-21號成業工業大廈2樓27室的 《Bubble Tree》 食午餐，環境舒適，坐得舒服。我點左個 吉列海老滑蛋鐵板伴飯，配餐湯（微薑南瓜湯）及飲品（凍檸檬茶），追加田園素菜沙律配牛油果，甜品係 朱古力心太軟配雪糕；好友點左個 雞扒法蘭克福腸滑蛋蓋鐵板拌飯，配餐湯（不要）及餐飲（凍檸檬水），追加田園素菜沙律配牛油果，甜品係 提拉米蘇。吉列海老滑蛋鐵板伴飯賣相不錯，炸蝦有5隻，香口又好味，滑蛋煎到流心好味；雞扒法蘭克福腸滑蛋蓋鐵板拌飯好味又好食；田園素菜沙律配牛油果好新鮮；兩款甜品(心太軟及提拉米蘇）非常好味。…查看更多

又到Bubble Tree吃飯。愛它的環境闊落乾淨，輕工業風設計加上開放式廚房，職員親切有禮，食物擺盤精緻，處處可見用心。主打日式鐵板蓋飯、小食及甜品，食物水準高。日本飛驒牛漢堡滑蛋蓋飯 + 吉列牡蠣飛驒牛漢堡肉香濃郁卻不失肉汁，厚實有口感，表面微焦香脆，滑蛋嫩滑，蛋液混合燒汁和粟米，撈飯一流。我們追加了吉列牡蠣，外層酥脆不油膩，蠔肉飽滿鮮甜。雞扒法蘭克福腸滑蛋蓋飯 + 吉列豬扒雞扒皮脆肉嫩，醃製入味。吉列豬扒炸衣薄脆，肉質鬆化不乾，好味！套餐配羅勒蕃茄湯，羅勒香氣突出，蕃茄湯底濃郁帶微酸，解膩開胃。  我們再追加雪糕窩夫和朱古力心太軟配雪糕。窩夫外脆內軟，蛋香濃厚；朱古力心太軟切開即流心！濃郁朱古力漿湧出，搭配雪糕，罪惡但幸福！  …查看更多

觀塘工廠大樓上面搵到一間勁多好評嘅Cafe，入座主場隔離間房，私隱度高，大大張梳化可以輕鬆chill吓，好似一個神秘嘅基地。照燒鰻魚滑蛋漢堡 $118﹕賣相勁靚，勁澎湃，原條鰻魚做到漢堡有夠豪華。漢堡包脆卜卜，牛油味好香。全條鰻魚實淨有口感，照燒醬非常濃甜，滑蛋非常creamy，吸收晒鰻魚汁嘅甜味，兩者實在太夾。配菜仲有新鮮脆卜卜嘅生菜同鮮甜嘅番茄，略加少少帶酸嘅沙律醬，正正為漢堡增添清爽感。整體味道不錯，啖啖滿足感。薯條新鮮即炸，口感綿密，絕對係食漢堡必備。肉桂蘋果批配雪糕 $48﹕賣相非常吸引，一上枱已經聞到好香嘅肉桂味。外層嘅批皮比較濕潤，上面整體舖滿一片片蘋果，煮熟左嘅蘋果柔軟得黎仍保留輕微爽脆，每一啖都滲透住肉桂嘅濃香，味道微甜微酸。最後配上雲呢拿雪糕來一個冰火交融。雪糕滑溜香濃，奶香味突出，同蘋果批嘅味道完全夾。雪糕慢慢融化將兩者溝埋一齊食，幸福滿瀉！雪糕窩夫 $42﹕啱啱出爐嗰種香味已經夠迷人，窩夫烤到外皮金黃脆卜卜，入口鬆化，內層柔軟，帶啖啖香濃牛油味，最鍾意佢甜度夠，非常不錯。加上雲呢拿雪糕加添一份奶香。淋上少少糖漿同朱古力醬又靚又好味。亞芺佳朵 $29﹕半價可以加配飲品，廿幾蚊一杯又靚又勁高質嘅手工咖啡。大大杯雲尼拿雪糕伴意大利濃縮咖啡。將熱辣辣嘅咖啡淋入雪糕，雪糕慢慢融化，咖啡香味慢慢散到發出黎。本身咖啡濃郁香濃得黎帶點微苦，雪糕嘅奶香平衡咗咖啡微微嘅苦澀味，咖啡慢慢變得柔和，最後就係鮮奶咖啡嘅口味，每啖都好滿足。豐富嘅一餐，不過二百幾蚊，咸點甜點品質都相當高，又坐得舒服，超喜歡! 收納為秘密基地！…查看更多

睇食評見咁多好評就嚟試試，好少嚟觀塘，搵個門口都搵咗一陣，7點左右星期四的晚上店內未坐滿人，到8點左右都full 場了，食物味道都唔錯又可以+$6加大份量藍青口蒜香白酒忌廉汁意粉意粉個青口好多，最記得呢個青口意粉同心太軟，好好味😋凱撒沙律配烤雞南瓜湯＆蕃茄湯大啡菇雞肉配南瓜汁燴意大利飯Tiramisu朱古力心太軟配雪糕Hojicha Latte 先付款，餐具同水自助，食飽後傾計坐到廚房收工店主都唔會趕我地走😍會再嚟👍🏼😋…查看更多

主打西日fusion風嘅餐廳，整體表現好有驚喜，無論擺盤定味道都好有誠意，配料新鮮之餘，環境仲好舒服，裝修有品味，好多元素都係自家手作，睇得出餐廳有心經營。🥢 **主食（1）－吉列海老滑蛋蓋鐵板拌飯（套餐）**滑蛋香嫩，鋪上**五隻即炸大海老**，炸粉薄脆唔油膩，蝦身厚實彈牙。底層係熱辣辣鐵板炒飯，炒入粟米、芝士、洋蔥，鹹香惹味、有層次感，拌埋滑蛋食落特別香。🍅 配湯係**羅勒蕃茄湯**，濃郁鮮甜，飲落有蕃茄自然酸香，仲有淡淡羅勒草本味，開胃又暖胃。🍔 **主食（2）－瘋狂芝士日本飛驒牛肉漢堡**厚切手打漢堡扒選用飛驒牛，肉味超香濃，夾住流心芝士、蕃茄、生菜，仲有**新鮮青瓜**，配料爽脆，口感豐富。漢堡包烘得外脆內軟，配粗薯條同沙律，追加飲品只需+\$6，性價比高。🥤 **凍檸茶（套餐飲品）**真材實料，有**4片厚切檸檬**，茶底香濃、唔澀，檸檬味足又天然，夠哂提神，唔係得個樣嗰種。🍰 **甜品－朱古力心太軟配雪糕（+\$32 加購）**可選餐後送上，熱朱古力蛋糕一切開就流心，配埋雪糕、忌廉食落冰火交融，甜而不膩，非常滿足。💬 **總結**：餐廳裝修用心，環境舒適，出品即叫即整，用料新鮮、味道紮實。好多元素都係自家製，細節見誠意。套餐設計彈性大，連飲品、甜品都高水準，值得回訪！…查看更多

✨又一間觀塘工廈隱世美食，成業街Bubble Tree係一間食西餐嘅餐廳，餐牌有好多選擇，午餐時間人流不斷。***** ***** ***** ***** ***** 日式飛彈牛漢堡滑蛋蓋鐵板拌飯🥘上枱擺盤已經好吸引，日式飛彈牛漢堡口感軟腍，配上滑滑的蛋漿同吃，口感層次豐富，惹味追住來吃。三文魚柳牛油果無花果藜麥沙律配柚子醋汁🥗份量好大，好多嘅新鮮沙律菜，一個熟到剛剛好嘅牛油果🥑非常軟滑。炸薯條配黑松露醬🍟粗身薯條外脆內軟，全部金黃色醮上黑松露醬，好有新鮮感。玫瑰鮮奶咖啡🌹順滑芳香的咖啡，有淡淡的玫瑰花香味。美式咖啡☕️咖啡味香濃，一流享受。總括來說，午餐時間前嚟到好彩有位，餐牌有好多選擇，味道唔錯，價錢又公道，一定會再嚟。…查看更多

餐廳：Bubble Tree (觀塘)地址：觀塘成業街19-21號成業工業大廈2樓27室如果你喺觀塘人，相信十有八九都聽過Bubble Tree呢間人氣Cafe西餐廳🍽️，今年已經踏入開業15週年，由東廣場時期做外賣生意，到6年前搬入成業工業大廈開Cafe，依然吸引住一班忠實食客，靠嘅唔止喺悠閒氣氛同靚仔老闆嘅親切熱情❤️‍🔥，仲有抵食嘅多元化西餐美食Bubble Tree喺工廈2樓🫧，空間唔算大，但裝潢簡約舒適，牆上有唔少手作設計，有種溫馨嘅街坊Cafe感覺。座位數量適中，唔會太逼，適合同朋友聚餐或者自己chill住歎杯咖啡☕️✝️日本飛驒牛漢堡滑蛋蓋鐵板拌飯 $89一見到「飛驒牛」三個字已經好期待😍，上到枱果然無令我失望😎，鐵板拌飯香氣撲鼻，牛肉漢堡扒煎得岩岩好，外層微微焦香，內裏依然保持肉汁💦，食落肉嫩濃郁。滑蛋喺靈魂之一，滑溜而且賣相吸引，包住成個飯，加上芝士🫕、粟米同燒汁一齊食都幾惹味，唯獨喺啲汁濃味咗少少🤏✝️蟹籽·蘆筍·煙三文魚拌香蒜橄欖油意粉 $65煙三文魚上面放咗大量蟹籽，連埋蘆筍、蒜粒同意粉一齊食，加上陣陣橄欖油香氣，味道層次相當豐富，食材配合夠balance唔會太過heavy👍叫主食送餐湯——羅勒蕃茄湯或者微薑南瓜湯，前者酸甜適中 ，有新鮮蕃茄蓉嘅清新味道🍅，羅勒帶出額外層次，特別開胃；後者就帶有南瓜甜香🎃，薑味唔會過重 🫚，岩岩好提升濃郁感，暖胃一流另外跟餐加咗個墨汁包多士($12)同自家製甜品Tiramisu ($32)，墨汁包多士烘得夠脆，食落好有空氣感，同餐湯一齊食喺絕配；Tiramisu夠精緻，用料足帶有輕輕酒香，濕潤細膩，完全唔會過甜，絕對有高質西餐廳嘅水準🤓加錢叫咗杯大嘅熱Latte($17)同細嘅Cappuccino($14)☕️，鮮奶同咖啡嘅比例唔錯，豆香出色，加上靚靚拉花，如果鐘意飲咖啡，呢度都喺個值得試嘅地方😝Bubble Tree用咗15年時間證明咗自己喺觀塘西餐界嘅高質平價之選，如果仲未試過，就快啲約埋朋友去試吓喇😜…查看更多

Bubble Tree (成業工業大廈)觀塘成業街19-21號成業工業大廈2樓27室味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：日本飛驒牛漢堡滑蛋蓋鐵板拌飯，煙肉白菌卡邦尼意粉，微薑南瓜湯，玉桂蘋果烤批配雪糕日本飛驒牛漢堡滑蛋蓋鐵板拌飯：選用優質的飛驒牛肉製作漢堡，肉質鮮嫩多汁，搭配滑蛋，口感柔軟，再加上流心芝士、蕃茄及粟米粒，材料豐富。鐵板拌飯吸收了牛肉的香氣，米飯粒粒分明，十分美味！😄😄😄煙肉白菌卡邦尼意粉：煙肉的香氣與白菌的鮮味相互交融，醬汁濃郁而滑順。意粉煮至口感彈牙，與醬汁完美結合，奶油味濃郁芬香，小朋友既至愛！👍👍👍微薑南瓜湯：以新鮮南瓜為主料，湯底滑順，帶有淡淡的南瓜甜味。薑的加入為湯增添了一絲暖意和香氣，讓整體口感更加豐富！😍😍😍玉桂蘋果烤批配雪糕：內餡由新鮮蘋果和香濃的玉桂製成，烤至金黃酥脆，散發著誘人的香氣。搭配一球雪糕，冰涼的口感與熱烤的派形成絕妙的對比，讓人欲罷不能！😋😋😋朱古力心太軟配雪糕：朱古力心太軟是一道令人垂涎的甜品，外層酥脆，內裡流心的朱古力醬濃郁而香滑。搭配一球雪糕，熱冷交融的口感讓人驚喜，每一口都是滿滿的幸福感！ ❤️❤️❤️…查看更多

經常約朋友到觀塘成業工業大廈Bubble Tree:)鐘意呢度環境闊落，地方乾淨企理，職員非常友善，食物水準高，價錢仲要好合理，值得推薦新鮮雜菌配黑松露忌廉汁意大利飯滿滿黑松露香，配上新鮮雜菌，意大利飯軟硬適中，味道不錯:)香煎三文魚扒滑蛋蓋鐵板拌飯招牌菜鐵板拌飯，今次叫左香煎三文魚扒肉質幼嫩，配上滑蛋，口感順滑，值得推薦三文魚柳牛油果無花果藜麥沙律配柚子醋汁新鮮沙律菜配厚切三文魚柳，仲有最愛牛油果，清新又健康炸薯條配黑松露醬炸薯條外層香脆，內層軟綿，好邪惡玫瑰鮮奶咖啡最鍾意呢度嘅咖啡，咖啡味香憹，口感幼滑檸檬茶、美式咖啡…查看更多

Bubble Tree (成業工業大廈)地址: 觀塘成業街19-21號成業工業大廈2樓27室電話: 做一次facial 好多用上千元架skin care ! 特別是過了35歲要keep ,一定要做機。去觀塘做facial 前醫醫肚食了個雞扒法蘭福腸滑蛋蓋飯$65加$12 有牛油果田園沙律，包湯同飲品。蛋很滑，雞扒肉嫩入味多汁。羅勒蕃茄湯重茄味，酸酸岩我新藍蒜香白酒忌廉青口意粉$98，青口有淡淡海水鹹香，意粉吸了忌廉汁，吃下有蒜香。玫瑰鮮奶coffee甜品玉桂蘋果烤批雪糕，一冷一熱，蘋果肉富玉桂香。食物水汁高而且相宜，下次再encore…查看更多

最近發現左一間位於觀塘，CP值高既餐廳Bubble Tree，走輕工業風路線，而且staff好nice。Open kitchen 可以睇到佢地好有heart準備食物❤️，連擺盤也做得很有有心思😍。🐄日本飛驒牛漢堡滑蛋蓋鐵板飯口感豐富，和牛漢堡牛味濃郁❤️，外層香口，配上香滑的蛋蓋，加上豐富嘅芝士🧀和粟米🌽，令人食到停唔到口！最喜歡佢用鐵板上，食嘅時候仲係熱辣辣！🍝新鮮白菌配雞肉拌忌廉汁意粉這個意粉非常creamy，而且都幾大份，意粉有咬勁，非常推介。🥐火腿芝士牛角酥牛角酥上盤還是微熱的，芝士半溶化，好味！🍰提拉米蘇這個提拉米蘇，軟硬度剛剛好。🍲羅勒蕃茄湯跟餐的蕃茄湯蕃茄味道非常濃，喝完非常開胃。☕️熱朱古力鮮奶這個熱朱古力鮮奶上桌時有拉花，鮮奶香濃，而且不會太甜。…查看更多

觀塘工廈好多野食，而且價錢親民，平日夜晚都好多人幫襯！首先叫左日本飛驒牛漢堡滑蛋蓋鐵板拌飯($89)，賣相好靚，漢堡肉味香濃仲保持到多汁同滑，仲加左芝士更加香！個蛋都嫩滑，仲有粟米再配燒汁撈飯一流另外叫左蟹籽蘆筍煙三文魚拌香蒜橄欖油意粉($65)，上枱已經聞到香，食落淡淡橄欖油嘅味 撈埋蟹籽好有咬口同口感，煙三文魚既咸味同意粉都好夾飲品選擇都多！揀左抹茶鮮奶，飲落唔太甜而且抹茶味香濃仲叫左愛爾蘭咖啡，好特別，飲落有啲似baileys 甜甜地幾好味平平地又一餐，仲要幾好食！…查看更多