11
4
0
3-min walk from Exit D, Prince Edward MTR Station
continue reading
Telephone
23966488
Opening Hours
Today
14:00 - 02:00
Mon - Sun
14:00 - 02:00
Above information is for reference only. Please check details with the restaurant.
太子，好多人都會尼呢度搵一間平靚正既酒吧坐低同朋友相聚，目標一係就係去劈場，一係就想靜靜地同朋友傾偈，而最好緊係搵到一個好chill既地方。經過見呢間裝修好特別，裏面係有夜光既感覺，就吸引左入尼。而特別係廁所既”新浪漫”，好正😎餐廳比廚師既自由發揮度較高，所以會定時轉Menu唷！。辣味吞拿魚牛油果拌飯 ($75)本身感覺少少似夏威夷菜，但佢旁邊既醬原來係由tabasco混合千島醬，而飯底係日本米混合左醋，所以飯混合醬之後食起尼都幾清新。加上上面既伴菜、牛油菜&辣味吞拿魚，食起尼都幾醒胃&惹味。。香蒜蘑菇味噌拌麵配溫泉蛋 ($70)醬汁超級濃郁，感覺係carbonara+芝士粉+蒜蓉混合而成，食起尼既感覺少少鹹鹹地，但好香。麵既質覺唔係普通讚岐烏冬，而食落似狗仔粉，好彈牙&十分掛汁。。一口骨 ($ 78)有濃既腩汁+鹵水汁既味，而肉質好淋身，感覺好似經過長時間炆煮。而旁邊既醬可以自行選擇點唔點，味道似煙燻左既松露汁咁。。甜酸炸豬頸肉 ($68)甜酸醬似平時咕嚕肉味道，而豬頸肉好彈牙，油脂幾充足。Drinks。Hot Dreams ($98) 第一啖有少少鹹鹹地甜甜地既感覺，裏面係混合左chili tequila + grapefruit + lime, 所以最尾係喉嚨返上尼既味道係有少少辣，感覺幾特別。。Just for a day ($98)Lamma Island Honey + London Dry Gin + lime , 飲落甜甜地，而檸味都幾香，以Dry Gin做底尼講都幾易入喉。。Unknown Pleasure ($98)Whiskey + Rum，酒味較濃，有少少似whiskey on the rock咁，但後尼會有茶味滲岀尼。Expresshiu ($88)嗅起尼，酒表面既朱古力可以完全over哂酒既氣味，但飲既時候，酒底既coffee味都幾重，而飲落較酸。回頭指數: ⭐️⭐️⭐️食物質素: 🌮🌮🌮服務質素: ☺️☺️☺️消費指數: 💰💰💰(人均消費$370.2)環境質素: ☘️☘️🍀🍀* Bound by Hillywood (太子)太子界限街32號地舖同類餐廳 #cocofood_西餐同區餐廳 #cocofood_太子如果你鍾意我既分享，按右上角🔔，就可以睇到我所有既update🙈
continue reading
呢間係喺太子嘅一間酒吧餐廳🫶🏻 最出名嘅主要係cocktails同玉冰燒🥰 佢嘅另外一個身份仲有cafe😍 真係好多元化🤣 除咗酒吧之外佢都會提供好多主食同小食等等~ 佢嘅裝修都幾特別! 有好多顏色好鮮艷嘅畫同裝飾等等☺️ 都幾適合打卡!! 今次我係夜晚去~ 同朋友食嘢飲酒傾偈都好適合🫶🏻 而且佢嘅cocktails 同玉冰燒嘅賣相都好靚🥰 不過店員嘅服務態度就正正常常有啲冷淡~ 但係整體來講食物質素都唔錯~🤍太陽蛋辣肉醬拌飯 $98除咗面頭剪得好靚嘅太陽蛋之外, 拌飯嘅材料仲有生菜, 芝士, 肉醬, 蕃茄洋蔥同牛油果🥰 真係好豐富而且肉醬係比得好多!! 好足夠撈晒成個飯😍 肉醬嘅調味比較重但因為有牛油果, 生菜等等中和返個味道~ 所以食落都唔會覺得好膩! 不過肉醬就真係有啲偏辣, 唔食得辣嘅朋友就最好唔好嗌呢款~ 🤍香濃忌廉雜菌烏冬 $88忌廉烏冬嘅將真係好稠身☺️ 成個烏冬好掛汁😍 免頭仲有大量菇, 木魚同芝士🫶🏻 再加上一隻溫泉蛋~ 口感同味道都好豐富🥰 烏冬唔會煮得過淋! 同成個醬汁都配搭得好好🤩
continue reading
環境十分舒服而且係咖啡店+酒吧二合一，店員都好NiceGin&Tonic 就正常，特別要介紹佢地支玉冰燒，細細個喺電視廣告就聽得多，斬大舊叉燒琅琅上口，今次都係人生第一次飲，仲以為會係好核突乸喉嘅米酒但呢支就好唔同，聞起上黎有好香嘅糯米粉味，完全冇平時嗰種一聞就成陣酒精味衝出黎嘅感覺入口好似絲巾咁一下子就滑入喉嚨，由一入口嘅醇香慢慢變成玫瑰花香水嘅餘韻，一直纏繞住鼻腔，整體感覺非常之正，而且單售價錢又唔貴，難怪會有人特登走入黎買幾支拎走順帶一提佢地仲有得吸印仔儲分，我地三人總共飲左三杯，友人試完玉冰燒就即場買左兩支，加加埋埋啲印仔就夠下次free 到一杯80蚊嘅drink，十分之抵，一定會再返啅
continue reading
BOUND – 係太子一隅被彩色霓紅燈充滿嘅迷幻國度🎪。街外係熟悉嘅香港街道，店內卻充溢外國味道，皆因小店由來自美國老闆主理。下午係一間咖啡館，晚上化身一間小酒吧🍸，播放住獨立音樂、販賣手工啤酒及咖啡，帶點少見嘅超現實風格，趁假日嚟個美國快閃之旅。————————————————👅Indomie Pizza（$88）👍🏻 用左香港最為人熟悉嘅印尼撈麵，煎成一個麵餅做Pizza底🍕，落左印尼撈麵原本調味粉，再加上大阪燒汁、紫菜同青蔥碎，絕對係重口味之選👅Toast with Avocado & P. egg（$88）👍🏻烘脆法包搽滿牛油果醬同流心水波蛋， 伴以沙律菜🥗，相對健康嘅輕食👅Pasta with Chicken, Chili, Anchovy & Capers（$108）👍🏻材料簡單但經典嘅橄欖油蒜香意粉🍝，每條意粉掛上油潤嘅蒜汁，間中滲出微辣乾辣椒味，雞胸唔算乾柴👅Cocktail – Gunner（$55）👅Cocktail – Sunset Rollercoaster（$55）👅Cocktail – New Romance（$88）————————————————🚩總結：食物約一人份量，味道正常發揮，主要享受外國風情同自由氣息————————————————🌟注意： 食物餐牌選擇不多，但別具特色
continue reading
☕︎𝐁𝐨𝐮𝐧𝐝 𝐛𝐲 𝐇𝐢𝐥𝐥𝐲𝐰𝐨𝐨𝐝 界限佳坊𖠚ꪾ┉┅━━━━━━━━━━━┅┉✑ 𝙶𝚛𝚒𝚕𝚕 𝚌𝚑𝚒𝚌𝚔𝚎𝚗 𝚠/ 𝚊𝚗𝚌𝚑𝚘𝚟𝚢,𝚌𝚊𝚙𝚎𝚛𝚜 𝚊𝚗𝚍 𝚌𝚑𝚒𝚕𝚕𝚒 𝚙𝚊𝚜𝚝𝚊 蒜辣橄欖油雞肉意粉 $𝟷𝟶𝟾✑𝙸𝚗𝚍𝚘𝚖𝚒𝚎 𝚙𝚒𝚣𝚣𝚊 印尼麵𝚙𝚒𝚣𝚣𝚊 $?✑𝙱𝚎𝚎𝚏×𝙲𝚑𝚎𝚎𝚜𝚎×𝙵𝚛𝚎𝚗𝚌𝚑 𝚏𝚛𝚒𝚎𝚜 芝士牛肉薯條?✑𝙰𝚏𝚏𝚘𝚐𝚊𝚝𝚘(𝚜𝚑𝚘𝚝 + 𝚌𝚑𝚘𝚌𝚘𝚕𝚊𝚝𝚎 𝚒𝚌𝚎 𝚌𝚛𝚎𝚊𝚖) $𝟻𝟶✑𝙼𝚘𝚌𝚑𝚊(𝚜𝚑𝚘𝚝 + 𝚌𝚘𝚌𝚊𝚘) $𝟺𝟾✑𝙻𝚊𝚝𝚝𝚎(𝚜𝚑𝚘𝚝+𝚆𝚑𝚘𝚕𝚎𝚖𝚒𝚕𝚔𝟹.𝟻%) $𝟺𝟶✑𝙰𝚖𝚎𝚛𝚒𝚌𝚊𝚗𝚘 (𝚜𝚑𝚘𝚝+ 𝚒𝚌𝚎) $𝟹𝟽( ._.`)sorry啊大家唔記得影餐牌 然後網上又揾唔到所有 詳細資料不足比個機會我再去過hehe(❁ᴗ͈ˬᴗ͈)(❁ᴗ͈ˬᴗ͈)#💛其實我本來係因為佢影相好靚環境好特別所以去網上都揾唔到餐牌嘅緣故 嚟到食好有驚喜˃ ˂四個分三樣野食再加每人一杯啡 夠曬豐富同滿足😋加上下午茶時段去無咩人 真係好嘆好chill（´𓂍`)留意番夜晚係bar 朝早係cafe 趁住人少少再去幾次先係嗰到仲影左好多好靚好型嘅相 終於完左我嘅小心願˗ˋˏ ♡ ˎˊ˗✿野食方面 好多邪惡又正嘅野食啊( ｡˃ᴗ˂｡)ﾌﾟﾌﾟ首先第一樣食嘅係芝士牛肉薯條🍟好！大！份！食到最後仲有 而且芝士牛肉比得啲都唔吝嗇🤩啲薯條唔會因為食物而變淋哂仲係熱辣辣嘅芝士拉絲濃味加上牛肉好夾 一啖幾種層次😚不過食到最後真係太膩就叫男仔清曬(*ᴗˬᴗ)⁾⁾⁾然後就係雞肉意粉 賣相已經好高分🍝略嫌雞肉得三件 我讓左其他人自己無食到有啲可惜（ •︠˗•︡ ）但意粉每條都沾左橄欖油同蒜蓉同較幼身所以本身少食主食嘅我都食得幾滋味(*´∇｀*)而印尼麵薄餅正常發揮 餅體唔鬆散夠紮實🍕不過可能落左唔少印度麵調味料 十分重口味雖然重鹹但十分特別 不過最好就同人分享啦＼(^ω^＼)廚師係印尼人 感覺到好nice好用心 食得真開心😚✿飲品方面 我地無意咁有意去揀左四款啡⸜(*ˊᗜˋ*)⸝我飲嘅係affogato 配合嘅係朱古力雪糕🍦呢間餐廳嘅啡偏向fruity 入口較酸 苦味後來Aftertaste last得幾耐同係口腔留低餘韻☺︎少驚喜係朱古力雪糕有碎粒 加上杯啡甜苦平衡得好好 合埋提升左層次🔝其餘我都試左一啖 mocha嘅可可味幾出 ♡̷̷̷入口十分順滑同中和苦澀味 係大家都會喜歡嘅味道 Americano 就似我杯espresso變化型·˖✶由於加左冰 融左令成杯啡方面入口但味道仍然好重相對其餘三樣 latte會比較普通 但都正正常常個人最推薦嘅當然係雪糕同啡嘅組合啦～✿環境方面 六隻字 新浪漫型靚正新式得嚟又不失vintage vibes ✧˖°同時間又多變想影型相又得靚相又得係廁所都可以變成打卡位 影香港少有嘅系列相有好多唔同位置選擇 座位與座位之間唔會迫✔️係我會想再嚟嘅一間店 (*´꒳`*)/ﾊｲ!( ///ᵔᴥᵔ///)و𓐄 𓐄 𓐄 𓐄 𓐄 𓐄 𓐄 𓐄 𓐄 𓐄 𓐄 𓐄 𓐄 𓐄 𓐄 𓐄 𓐄 𓐄𝔹𝕠𝕦𝕟𝕕 𝕓𝕪 ℍ𝕚𝕝𝕝𝕪𝕨𝕠𝕠𝕕 界限佳坊⌦ 太子界限街𝟛𝟚號地舖☾︎. ⓂⓄⓃⓈⓊⓃ 𝟚𝕡𝕞-𝟚𝟛𝟘𝕒𝕞（根據openrice提供但以我所知有早餐！）𓂈 𝟚𝟛𝟡𝟞𝟞𝟜𝟠𝟠
continue reading