Bot Noodle (Closed)

位於K11 Musea地庫food court (Food Playground)的一間泰式船麵店。比較特別係無論選擇邊款配料嘅粉麵，都可以選擇牛骨湯或清雞湯。試咗兩款麵，分別係:招牌牛皇船面（包括牛肉片，生牛肉片，牛丸）配牛骨湯（$75）鳳皇船麵（包括雞髀雞肉同雞蛋）配清雞湯（$72）。個人比較推薦前者，不論配料嘅牛肉，抑或牛湯都做得比較出色，特別是牛湯都頗濃。但係鳳皇船麵雞肉配料就比較乾（可能因為係燒雞髀），而清雞湯亦都好清，冇乜味道。與一般泰式粉麵比較，價格當然算貴，不過以K11 Musea而言，已屬平價（用紙碗即棄餐具，就知道係平價😅）。整體而言，不過不失。…Read More

👍🏻：趕時間之選！嗌完冇耐就有得食👍🏻：餸比想像中多！☹️：湯底好油。普通普通叫了鳳凰船麵、牛魔皇船麵。價格都是$72～其實真的蠻貴的-..- 不過這裡的都差不多這些價格…Read More

今日返工前經過諗住試下呢間海南雞飯，的確係我人生中食過最難食嘅海南雞。啲雞一啲都唔滑，黃油飯硬到唔知想點又唔香。佢送咗一杯湯味精極重。$85食呢啲垃圾不如食樓上間$123海南雞。大家千祈唔好中伏…Read More

今次黎到k11musea Food playground諗住食船麵, 不過最尾叫左個海南雞飯，點解？因為真係…好靚！😆😆海南雞飯（$80）：首先個擺盤賣相超水準，誠意十足，完全交足功課🥰雞肉方面，非常嫩滑，多汁，勁juicy😋😋雞味超濃郁，另外還配上薑蓉及辣椒醬， 個醬都係surprise位之一，勁濃味，一啲都唔hea，蘸點雞肉更加惹味， 附送的雞湯味道濃郁，仲要超熱😚好暖身！至於黃油飯，不油膩，非常正宗，意料之外，香味俱全，可惜冇得番添🤣🤣…Read More

平日去行街係最開心嘅因為街上面唔算多人今日就去咗尖沙咀嘅K11 musea本身行街行得好開心可惜就叫咗一個唔係幾好食嘅船麵令到心情都唔係幾好𝐎𝐫𝐝𝐞𝐫::⧐招牌牛皇船麵 牛骨湯 | $75落單之後好快就整好見到佢好多餸都好期待可惜一食落去個面底就真係唔係咁好食平時嘅麵底都比較軟而呢度嘅麵底就比較硬身而且麵質比較粉而且佢嘅牛骨湯底根本就冇乜牛味色水係比較深可惜真係冇乜味道其實佢嘅配料都好足料只係可惜麵底同湯底真係最大嘅問題依我而言真係唔係好啱我嘅口味如果下次有機會或者會試吓其他野食嘅( ´△︎｀)…Read More

K11 Musea個food court 在地庫B2，位置寬敞坐位亦很多，見到這間泰國菜就試一試它的船麵。【招牌豚皇船麵】有豬肉丸、豬肉碎及扎肉，湯底有四款選了清湯，粉類就選擇了米線比較粗身，扎肉有點太腍，豬肉丸幾彈牙，雖然肉碎顏色淺，不過味道又酸又甜，有驚喜。【雙拼船粉】選了金不換豬肉碎和海南雞，湯底冬陰功辣度可以接受，雞肉比較結實，金邊粉較幼身配冬陰功湯好吃。【小食拼盤】炸豬皮、炸魚餅、燒雞鎚、沙嗲串燒及青木瓜沙律，炸豬皮趣卜卜，配上船麵好夾；魚餅味道都幾香不過較細塊；串燒細細串，雞肉燒得香；燒雞鎚就太結實，有啲鞋口；沙律較酸。【巷仔奶茶】超濃郁的茶香味，十分有水準，而且加配只需$12！…Read More

第五波疫情下來到K11 musea行街，六點禁晚市 ,唯有早少少食埋晚餐回家。記起呢度個food court多選擇，質素聽聞也不錯， 揀咗呢間有飯又有粉麵的泰式店食， 加價價錢也算相宜招牌牛王船麵一碗已經有三款料，牛肉片,生牛肉和牛丸揀選了牛骨湯底, 濃郁非常， 三大粒牛丸有濃厚牛肉味， 質地彈牙.加埋配菜，金不換，洋蔥，芽菜， 吃落很豐富.海南雞飯賣相不錯, 醬油，湯都齊備, 油飯帶點微微油香； 雞肉口感煙韌， 嫩滑.加12蚊有飲品，呢個奶茶性價比非常高，香滑濃郁。整體而言呢個Food court 都算多選擇 ,座位多，空間感也算高， 下次可以再嚟食。…Read More

一直尋尋覓覓都搵唔到我覺得好好食嘅豬手飯，竟然係呢一個美食廣場比我遇到佢😂😂真係幾好味，豬手唔係炆到林晒，冇晒咬口嗰隻，係爽口彈牙，配返鹹酸菜啱啱好！賣相就一般般啦，不過味道搭救🤙🏻🤙🏻🤙🏻美食廣場來講，K11算係好乾淨…Read More

原來K11 musea 都有foodcourt!! 位於B2 層Food Playground 入面的這間越南食店，除了有幾款招牌越南船麵，還有海南雞飯及多款小食，由於我同朋友都好肚餓，忍唔住叫咗好多野食😂😂🍜 招牌豚皇船麵 （牛骨湯）$72＋海南雞 船麵份量頗大，湯底濃郁，少少提示🤗 在收銀處有辣魚露及紅椒糖，可以自行加落船麵～會更加惹味！這個招牌船麵有3個餸～ 彈牙有口感的豬肉丸、香口豬肉碎同埋扎肉，已經好豐富！好彩加咗海南雞呢個配料，加 $8 好抵呀～個海南雞好滑嫩，值得一試👍🥘 小食拼盤 $118order這個拼盤時本身覺得略貴，原來裡面有5種小食⋯⋯泰式脆炸豬皮 - 香口脆卜卜，亦可以浸湯食炸魚餅 - 香辣惹味 😍 👍 推介！沙爹串燒 - 好似有齊豬牛雞肉，但menu好似得雞豬，都燒得幾香口青木瓜沙律 - 走咗辣，意外驚喜，一啖食落去幾個層次，酸酸甜甜好開胃，清爽的木瓜，青瓜絲及甘荀絲，以及芫茜的風味，另一推介！😍 👍 燒雞鎚 - 雖然味道較其他清淡，但勝在燒得外皮香脆，沾上泰式酸辣醬都可以一試🍗 燒雞鎚 $48一份4件雞鎚，見佢啖啖肉，外皮咁香脆忍唔住叫多一份食🍹 咸青檸梳打地道咸青檸，外加一罐梳打，飲完醒神清爽 🤣 今次由於朋友皮膚敏感食唔到牛，見好多熟客好自然叫咗招牌牛皇船麵 及 冬蔭公湯底 （要加錢轉），下次要試下先～！…Read More

兩條友無食lunch ，黎個下午茶🤭每人一碗船麵+拼盤食唔晒要打包😂只係我地細食者金邊粉係ok既，但湯底未去到好似係泰國咁囉😂肥牛呀，雞鎚呀，串燒呀就無乜驚喜反而炸豬皮幾好味，好脆同味道感覺新鮮果隻👍🏻碗粉份量係多既，細食既朋友絕對要share食🤣尖沙咀系列：Bot Noodle (尖沙咀) ⭐️⭐️⭐️尖沙咀梳士巴利道18號Victoria Dockside K11 Musea B2樓 Food Playground#飲飲食食 #食好西 #周圍玩 #周圍食 #介紹返 #k11musea美食 #尖沙咀 #船麵#泰國菜…Read More

我想講以美食廣場嚟講，喺K11 MUSEA嘅Food Playground，真係冇得輸，環境優雅，有空間感，而且播放嘅音樂🎵，都係好適合休息同放鬆😌今次我同朋友就揀咗Bot Noodle🍜一試，凍凍哋想食啲有湯嘅熱嘢，食2串燒串燒咁～$58 串燒（4串）🐷🐤我哋要咗雙拼，豬同雞，肉都幾新鮮，紮實有咬口嘅，配沙嗲醬都幾夾！$85 泰式海南雞飯🐔呢喥嘅海南雞飯，油飯好正，飯粒綿滑，充滿油香。雞亦軟滑，可揀點薑蓉或泰式辣醬。+$12 支裝凍奶茶🧋係好味嘅茶餐廳果種濃滑奶茶，奶同茶味都適中～$75 招牌牛皇船麵🐮我哋揀咗牛骨湯🦴，其實仲有得揀雞湯，或者加錢要喇沙湯，配金邊粉。餸方面有薄肥牛片、鮮牛肉、牛肉丸，好夠牛味，配菜有芽菜、金不換、洋蔥🧅，都幾豐富😋+$33 熱情海濱🏖️呢杯飲品個名好夏日繽紛，飲落係有果粒嘅雜果賓治🍹，啱我呢啲中意飲少少偏甜嘅人🥰有啲好細粒嘅蘋果粒，可以增添少少口感，邊飲邊咬下粒粒咁～…Read More

今日去開尖沙咀行街，經過K11 Musea，今日嘅food court冇乜人，於是同朋友一齊去咗food court食嘢，醫下肚仔。泰式海南雞飯 $85海南雞飯嘅雞係雞髀，所以好滑，配埋油飯一齊食，又香，又重雞味。另外仲有碗湯可以飲下。泰式豬手飯 $85同海南雞飯一樣都係有碗湯。豬手份量幾多，豬手嘅皮同肉比例相若，豬手嘅皮脂肪感好重，有啲彈牙，配埋白飯食一流，豬嘅味道好濃，好香。招牌牛皇船麵 $75船麵湯底可以揀牛骨湯、喇沙湯等等，今次我哋就揀咗個牛骨湯，自己再額外加咗啲辣椒片，辣椒片入邊撈左啲糖，因為自己鍾意食辣，所以加辣椒片，成個湯幾好味，鹹鹹地，辣辣地，牛骨味幾重。船麵幾好味，有牛丸、鮮牛肉、同埋和牛片，幾豐富。牛丸都幾彈牙，和牛片唔會太肥，口感唔錯。…Read More

帶住孖寶好鐘意去k11 musea ,貪個商場新又靚😁今次試吓商場food court,有日本拉麵，韓國飯卷，泰國船麵等…..品牌都比較新👍少見嘅，所以一家四口試一試，由於兩年冇去泰國真係好掛住船麵！所以試吓boat noodles. 船麵的湯底可以揀雞湯或者牛肉湯😆牛丸牛肉都唔錯👍最正係大大舊嘅脆豬皮👍同泰國食無乜分別，夠曬正宗👍同場飲品仲有手調飲品，配埋雜果賓治同好特別嘅荔枝青檸梳打👍不錯👍…Read More

As a Thai person, I’m so disappointed! Although I don’t expect much when i dine out at the food court but this is the worst Thai restaurant I’ve never tried. This is not a traditional Thai food, not even close to it. I have tried beef boat noodles, Hainan chicken rice and satay. I don’t feel like they cook Thai food with passion. Nothing taste like Thai. I believe you can find better Thai food anywhere in TST with similar price. I can’t say taste bad but it completely Cantonese style. …Read More

麵偏林身 好重米味 個人不太喜歡湯底無特別 叫左清雞湯 並無咩味海南雞好滑 唔會太肥 麵幾好食牛肉就唔算出色 無牛味 側邊有好香既金不換 芽菜 青檸同辣椒 係呢個地方性價比唔算差 不過不失…Read More