波士頓餐廳

Open Now

Now Closed

週日同女朋友逛完街，見肚餓唔知食咩好，又想食肉，但燒肉放題又好似大heavy,女朋友又要keep fit,又想有小小浪漫，即刻諗起细個屋企人带我去嘅波士頓餐廳，甘多年都唔知仲有冇，於是seach openrice 点知仲有，仲要未搬，女朋友又未試過，想試下，於是充满興奮嘅心情去啦，点知到左門口，已經面目全非，門口仲好多人等位，先6點幾，心諗氣勢唔錯，應該無去錯，原來裝修左，靚好多，自從搬左去九龍好耐冇嚟差唔多7-8年左右，以前樓下賣麵包，宜家變左小食店，有D歐美feel,有吧枱堂食或者拎走，有啤酒就正，可以行街行到累，休息下食D小食再飲D酒，諗起都正，當然今次同女朋友嚟要浪漫下，下次一支公先嚟試下一個人的浪漫，去到樓下先有個阿姐喺門囗做接待，問佢倆位，佢話等一等，可能太多人應接不暇，之後等左一陣拎到張飛仔排第6個，等左一陣好快有枱，上到去係近門囗位，於是問下D侍應可唔可以轉窗口卡位，話哂都同女朋友嚟食，緊係manD表現下做男友風度，於是侍應好有禮貌話卡位埋緊單，等一陣安排轉枱，話甘快就搞掂轉枱，仲有轉張望電車路窗囗卡位，幾有feel,佢地D員工做野好有效率，快到拍得住茶記，於是問下D員

已經食過好多次午餐，近期最喜愛係A餐：迷你鐵板牛柳粒。港式的扒房，係有羅宋湯或忌廉湯加個熱餐包。$83 鐵板上牛柳，上枱時渣渣聲，呢個價錢已經值得。牛柳粒係唔駛切的，懶人啱晒。而且，呢個牛柳粒腌同煮都係啱啱好，唔會太老又或者太梅。所以係可以的。大家有機會就去試一試啦。

昨晚九點半左右約了朋友第一次上去，印象幾乎係由頭衰到落尾。1)自己揀位嘅權力係無嘅: 我想坐窗口位時。。。 （先生吾好意思，坐位係安排好，嗰張枱有客訂咗）都last order啦，邊會有人吖2)坐低無耐，遠見到count有人同收銀嘈，嘈咗2分鐘，事因係吾齊人吾入得。都已經九點半，我都吾明點解吾齊人吾比人入。3)羅宋湯係咪用洗肉嘅水，睇你有無功力去飲得出了，我吾講。4)最谷氣係塊$16x嘅肉眼扒7成熟，薄過條紅顏命，跟本就係茶記貨，味道吾濃，如果攞花園餐廳午餐嗰塊$80嘅肉眼扒同比佢，呢塊最多值$50仲要吾使指意比小費。除以上之外，都有啲加分位嘅，好似樓下派位嗰位亞姐咁，(昨晚)服務態度係有水準嘅，笑容，禮貌，耐心解釋樣樣有，係抵讚。最後我會同朋友講，如果閣下想尋找兒時嘅回億或環境而不注重食物質素嘅話我覺得無妨。不幸地你又很注重食物質素嘅話，咁會把你兒時的回億殘忍地幻滅。

好耐都冇去港式扒房鋸過扒記得以前成日食花園同金鳳呢類港式扒房最大嘅特點就係啲牛扒會有陣鬆肉粉嘅味同西式扒房嘅腌製方式有好明顯嘅分別不過呢一種都係令人懷念嘅味道依家一行到入去以為鋪頭好細原來地下係小食店類似買快餐一樓先係餐廳晚飯時間基本上都坐滿八九成不過好彩唔洗等位叫左火焰牛柳上菜之前嘅準備侍應會同你講話有需要可以出去影相啲火燒到成米高唔食得都睇得火焰牛柳上枱個時仲有火牛柳有兩件份量好足料酒味好濃個人覺得太多唔太食到牛肉味牛肉腌得好腍厚切西冷扒呢個比較有口感牛味都比較濃套餐包埋餐包餐湯餐飲同飯或意粉真係食到飽

我閨蜜聽過我講，我未試過魚柳，所以今次閨蜜就帶我去距去過噶餐廳度食魚柳！閨蜜叫左份牛扒，而我就系魚柳啦，我地兩個互相share，竟然系鐵板上噶，太令我驚喜了，我最近都很少食到鐵板上噶扒啦，牛扒好好味，滴汁汁入曬味，而且很有口感，而魚柳，感覺系煎噶，口感感覺有滴軟，不過都唔錯，但系我都系覺得牛扒比較出色。

位於灣仔修頓球場對面既波士頓餐廳真係歷史悠久，我記得我第一次食既時候，已經係我十七八歲既時候，食到依家都來不來都会再去食下，尤其係當你係灣仔想食塊扒，又唔想太貴依度真係幾好既選擇仲記得波士頓應該係早幾年裝修過黎，話哂都開左幾十年，唔大裝修下真係好難再吸引到年青人黎幫襯裝修左之後，餐廳環境即刻優雅左燈光偏向昏暗，頗有情調餐牌十年如一，主要都係以扒類為主價錢唔算太貴，算係走平民路線不過唸反起細個無咩收入果時黎食，就真係覺得都唔多平民湯不嬲都唔覺係依度既重點，只可以講不過不失，反而餐飽就甘多年都keep住溫暖軟熟牛仔脾配牛肝菌汁，牛肉依然軟嫩夠牛味五成熟西冷，除左份量夠之餘，依度牛扒既生熟程度多數都掌握得幾準，好少三成變五成，五成變七成除左塊扒之外仲会跟多個飯or 意粉，如果唔係太大食两個人食一份都夠飽

在灣仔閒逛的時候，突然好想吃港式西餐，見到一個大大的霓虹燈牌，寫著波士頓餐廳，便走進去一嚐。樓下是波士頓小食店，供外賣和站著吃的，價錢較實惠，約$60-80左右。但是同行友人很想吃鐵板餐，便上去二樓雅座。我們叫了焗豬扖飯、帶子及雞扖鐵板餐，鐵板餐香氣四溢，但是美中不足的是溫度太高，所有墊底的薯角都焦透了，所以我們並沒有嚐到。但是肉的質地很出色，而且蒜蓉汁也很香口，沒有假的化學汁的味道，帶子大概有5-6粒，套餐有餐飲、麵包和湯，全部也很好吃! 值得一吃!最重要的是梳化卡座真的很舒服~可以輕輕鬆鬆吃~

在灣仔閒逛的時候，突然好想吃港式西餐，見到一個大大的霓虹燈牌，寫著波士頓餐廳，便走進去一嚐。樓下是波士頓小食店，供外賣和站著吃的，價錢較實惠，約$60-80左右。但是同行友人很想吃鐵板餐，便上去二樓雅座。我們叫了焗豬扖飯、帶子及雞扖鐵板餐，鐵板餐香氣四溢，但是美中不足的是溫度太高，所有墊底的薯角都焦透了，所以我們並沒有嚐到。但是肉的質地很出色，而且蒜蓉汁也很香口，沒有假的化學汁的味道，帶子大概有5-6粒，套餐有餐飲、麵包和湯，全部也很好吃! 值得一吃!最重要的是梳化卡座真的很舒服~可以輕輕鬆鬆吃~

黎緊要幫公司搵個地方 farewell，琴晚 search 吓 Open Rice，睇到好多 Boston 旣食評😱，我自己亦曾經身同感受過。無係Boston食早餐都有二個幾月，以前差唔多每星期黎幾次，有個Saturday仲同買亞媽黎過，個日佢話好嘈好煩😡。Boston既早餐宋湯係我飮過既噤多間，最傑👍最濃👍最多菜👍至好飲👍既！至於食評講個個面圓既女侍應，佢可能係面圓圓有條馬尾個個，佢自己話姓葉，係早餐部門最大粒個個😏，有野搵佢就得啦，起初我覺得佢都 ok 既，但係之後每次落完 order 佢就企買黎吹水，同你好熟好 friend 噤，係噤 sell 佢 d 家事，問我隻勞係咪勞好貴，又問我媽隻介子幾多 car ，問我娶左老婆未，😣😣😣😣。講真我唔知佢想點，我只係想靜靜地嘆番個早餐，一面食一面覆吓 e-mail，睇吓劇，次次係噤比佢煩住，好討厭😡！！係無林過利個非常情況仍然存在？！

我在波士頓餐廳吃早餐下午茶餐已有一段時間，有時候我女友放假也來吃，我常常吃羅宋湯通粉，非常好味的湯，有兩次通粉微凍，換過之後亦好味，此外要超值讚的是下午茶餐，價錢以質量是絕對超低食，我多次吃牛柳絲炒麵好香好趣口, 汁好好味，我女友超鐘意吃牛肉飛碟及雜錦拼盤，只是五十幾元一客，下午茶超正，早餐亦好，是我倆超讃好的介紹！未來吃過的人一定要來試吃！非一般的驚喜！一直以來, 餐廳樓面的服務態度是不錯，但是有位圓面的女樓面，特別是早餐時間總是站在我的枱，站在其他人客的枱不斷地與人客大聲傾計大聲笑，她主動問我的家事，仔細不斷地傾她的仔經仔照片，與我們分享她自己的種種家事，更是煩厭的是她曾經在我女友前要我猜她年齡是否年輕，當時我只能表面地應酎她數句，但她仍舊不斷與我傾，那次使我女友極度不開心，亦製造了我倆很多不必要的麻煩！亦曾經因為我的通粉微凍的關係，更在我倆面前不斷的彈唱廚房同工的不是！終於我承諾我女友不再來了，不想再惹上無為的打擾麻煩，不希望使我家人多次的誤會！更甚的是不喜歡聽到不關己的事情！正如俗語所說，樹大有枯枝，無奈！

😋火焰雪山 $98傳統而知名嘅鋸排餐廳！但係呢個個名咁酷炫嘅甜品就......不太似預期般好味🌚俾火燒嗰一刻係型嘅，不過之後個味似燶咗同濕咗嘅綿花糖🥺淋上朱古力醬都無補於事。等左最耐嘅甜品反而令人失望。

今日同老婆出嚟玩懷舊， 當然波士頓餐廳唔係我個年代， 但都出來感受一下當年溝女聖地。餐包，白湯，紅湯，十分普通的西餐前菜。記得細細個睇飲食節目， 介紹T骨扒是一邊西冷一邊肉眼的牛扒， 自此便深深刻入我嘅心， 一扒二食的選擇， 今次都沒有失望， 五成熟， 厚身， 肉嫩有牛肉味， 加上香口嘅蒜蓉汁，一定食唔停口。試了一口老婆的魚扒，有驚喜， 肉質好實， 好似石斑肉， 而且份量十分足。雖然話舊式扒房不是食味道，而是食環境，食氣氛， 食懷舊feel， 但這間舊式扒房可以迄立到現在， 而且平日都有十幾人排隊， 一定有它的質數， 今次的嘗試令我十分驚喜， 食物質素和環境都唔錯， 有緣一定會再光顧。

一去到攞飛等位，真的有很多人，買蛋糕的餅櫃變成了做外賣部，已經沒有賣藍莓芝士蛋糕，十分失望。等了一會兒有位了，上一樓要行一層樓梯，侍應有禮貌地接待。午餐只有三款，卻沒有扒類可選擇。午餐中亦有包和湯。黑椒汁德國咸豬手想不到豬手有一隻，多骨，肉的部分很少，皮微脆，肉質有少許乾，配了黑椒汁味道尚可。印尼炒飯和我吃慣的印尼炒飯有些少出入，我吃的印尼炒飯是餸和飯炒在一起，可是這個都是分開的。雞肉有雪藏味，肉太乾太實，實在吃不下去， 豆角微微煮過， 薑黃飯與魷魚蜆肉一起炒。

波士頓餐廳，是我的童年回憶。
小時候的週末，爸爸媽媽會在週末帶我們兄弟倆來波士頓吃午餐，然後有不同的活動，維持了好些年。當年父母在週末不用加班陪我兄弟倆實難得，食物好食與否我倒無大印象。
數天前和爸爸到灣仔處理事情，心血來潮便去吃午飯。餐廳有許多，有和自己結連往事的卻不多。用餐時無刻意回望，但感覺親切。
喜歡感受過往足跡，是年長的特質嗎？
食物有吃與否，有時不是重點。有時吃的，是份情感。

21/7/2019 @灣仔 波士頓餐廳行完書展去附近搵間餐廳食飯， 喺附近返工的表哥提議去食波士頓餐廳， 雖然地下好多人等位，但等咗三四個字就有位~今日淨係得鐵板餐供應， 餐廳主要在二樓，面積很大有很多位， 一入門口就聞到鐵板餐的香味！雖然人超級多但上菜的速度和服務員的速度 也是相當之快！餐湯配餐包， 餐包都熱辣辣好鬆軟羅宋湯好足蕃茄味！而且蔬菜都好多！表面亦冇好油獲仔牛柳， 本身鐵板配薯菜的， 如果食量比較大的人可以選配飯或意粉侍應會在你面前為你淋上黑椒汁或蒜蓉汁或燒汁， 鐵板真的很夠熱，淋上汁的時候汁都彈到整張紙巾也是？而且沙沙聲很過癮， 重拾以前吃鐵板餐的感覺鑊仔牛柳好厚實而且好腍生食落有牛味， 我要四成熟，入面有些少血水，十分嫩滑。 可能唔係來自同一嚿牛柳，入面有幾粒比較韌和難切開， 淨係食曬成個鐵板都已經非常之飽