波士冰室

Open Now

Now Closed

想簡簡單單喺銅鑼灣食個lunch, 點知…. 不知所謂！求其到暈！到底知唔知咩叫撈公仔麵？如同中學時期，食$5 淨麵！丹麥多士，油到滴油、又硬！杯茶有「廿四味」味！！

好耐冇去過茶餐廳食早餐，今日我地去左銅鑼灣利園山道「波士冰室」食早餐。餐廳裝潢走懷舊風格，光潔明亮，乾淨企理，坐得舒適健康五穀蛋白麥皮配半份滑蛋三文治最正既就係以到既煉奶可以成支自己無限添加，配埋半份滑蛋三文治，就岩岩好飽晒。厚切白豬仔餐肉併火腿扒炒蛋公仔麵+$6轉出前一丁餐肉夠厚，出前一丁煮得剛剛好，不會太淋太硬。香煎豬扒拼雞肉腸、櫻花蝦炒滑蛋、丹麥多士豬扒煎得夠香，不會柴口，炒滑蛋炒得夠滑，蛋味濃郁，餐廳用上丹麥多士，而不是普通多士，丹麥多士好酥脆，而且多士上搽了牛油，味道更豐富凍咖啡&凍阿華田&凍朱古力

在銅鑼灣想搵平靚正的茶記，便想起波士冰室了。我和朋友大約1時半來到，等了5分鐘便有枱。坐下後，發現這裡除了有傳統的午市套餐外，見到很多食客都叫漩窩蛋包飯，於是我們便叫了西冷牛扒漩窩蛋包飯配芝士汁，及常餐瑞士雞翼撈米，配炒滑蛋及丹麥多士，餐茶加$12轉了蛋白杏仁茶。西冷牛扒漩窩蛋包飯：西冷牛扒大大件，肉質嫩滑，點了芝士汁一起吃很香。漩渦蛋包飯由一層滑滑的蛋包著，伴飯一流。常餐瑞士雞翼撈米，配炒滑蛋及丹麥多士：瑞士雞翼好大隻，非常入味，配撈米粉很正，索晒瑞士汁嘅精華。炒滑蛋蛋味濃郁，炒蛋控一定極like。丹麥多士非常香口，夾埋炒蛋一起吃夾到不得了⋯⋯蛋白杏仁茶：加$12 便可轉配，入口傳來陣陣杏仁香，加埋蛋白非常養顏，女士們一定唔好走雞呀！整體來說，感覺很滿足，下次會來試試午市套餐啊

銅鑼灣食lunch好多人，周圍都排晒隊非常誇張，今日放飯時經過見到波士冰室，排左一陣就可以入座，環境帶點懷舊風格，坐位都坐得很舒適👍🏻常餐香茅豬扒銀絲米粉配煎蛋豬扒大大塊整得好林又好juicy，而且很入味，米粉幼細好咪再配埋煎蛋更美味可口😋😋😋吉列豬扒旋風蛋包飯配日睇相已經好吸引，吉列豬扒炸到很香脆可口，旋風蛋非常滑溜😋😋😋蛋唔會太厚剛好，令味道更豐富，很有心思嘅飯餐👍🏻👍🏻👍🏻加$16瑞士雞翼整得很入味，十分滋味熱奶茶熱咖啡

波士冰室一朝早比個仔嘈醒咗，就早啲出門口返工，經過呢間平時冇留意嘅餐廳，諗住入去坐低同同事食個長早餐。沙嗲牛肉麵：有厚度、有質感、冇落鬆肉粉嘅牛肉，真係好難得，個人口味上，更喜歡濃厚d嘅沙嗲味，不過都調配得好味嘅。早餐F: 塊丹麥多士好鬆脆，而且唔油膩，配埋略帶鹹香嘅櫻花蝦炒蛋，感覺昇華之餘，出邊仲好少食得到。牛扒大大塊，有種好扺食既感覺，又唔會比塊好多根/肥高，扮大份，真材實料，仲要食到牛味，配上唔太搶既黑椒汁，絕配。

而家週圍都係冰室茶餐廳，但要食到真港式口味嘅都唔係間間食到，中過唔少伏了。。。點解想食正常嘅都咁難搵到？常餐用丹麥麵包，已經唔簡單，炒蛋有櫻花蝦，完全唔係普通料啦！Menu嘅食品名寫得好清楚，鮮牛就鮮牛，生磨就生磨。沙嗲鮮牛(轉)通粉，沙嗲湯底都夠濃，係鮮牛肉，都幾多塊。自家製生磨蛋白杏仁茶好正，入面有成隻蛋白，好夠熱，入口有好多杏仁微粒，唔會好似平時出面用粉沖嘅咁臭，無飲過咁好飲！平時同fd去糖水舖佢地叫杏仁茶係勁臭杏仁味嘅。。。完全食唔到！丹麥麵包三文治，配午餐肉炒蛋，勁邪惡！平時屋企唔比食呢d, 出到黎就食到最fat fat!!伙記勁nice, 又年輕，有禮貌

外賣叫咗個下午茶加星米，質素比之前好，但整體偏油。先講個下午茶，滑蛋鮮牛三文治加配奶茶紅豆冰。明明係滑蛋變咗炒蛋，感覺唔符合商品說明條例，蛋嘅份量都唔算多；牛肉真係用鮮牛有醃製過，係軟腍嗰種唔錯，份量都算多；用上厚多士加牛油烘所以感覺較油。整體唔係差，但$44係貴嘅奶茶紅豆冰嘅紅豆大粒有咬口，未算係煲到起沙，略為甜。奶茶正正常常星米足料，係厚火腿仲有叉燒，額外有叫到加辣，只係唔夠咖哩味，米粉係偏幼嗰隻重點係服務好，我三心兩意唔是要咩嘢飲都唔介意等咗我好耐😂

女朋友要去銅鑼灣做facial，男朋友當然要做柴可夫司機，照顧週到啦！最近Sogo做緊感謝節，銅鑼灣既人流多左好多，非常誇張。送完女朋友之前，諗住一個人食左lunch，點知周圍都喺人，間間餐廳都滿座。經過見到波士冰室，人客好多，排左一陣入去食個茶記午餐先。環境新式簡約，我好快就落單，叫左一個「咖哩吉列豬扒旋風蛋包飯」。賣相有睇頭，旋風蛋非常滑溜，蛋味又重！吉列豬扒炸到脆卜卜，厚度剛好唔油膩，好鬆脆！飯底有驚喜，加左日式味素，味道層次更豐富。果然有心思，而且非其他一般茶餐廳質素！

呢排又開始搵吓有咩地方食lunch 平靚正，今次我地又搵到一間又好食，又有特色，裝修唔錯既冰室👍🏻👍🏻環境坐得好舒適，牆上面兩個信箱，令我諗起細細個既回憶🤪🤪🤪🤪⭐️咖哩牛筋腩飯⭐️$64咖哩唔會搶哂牛筋腩味，椰奶味好重，好香，最緊要為牛筋腩忟得好夠淋…👍🏻👍🏻👍🏻個咖哩汁唔會辣到搶喉…撈飯一流⭐️懷舊紅豆冰⭐️紅豆好夠淋，奶既分量岩岩好，唔會超甜👍🏻👍🏻⭐️照燒雞扒蛋包飯⭐️$69雞扒超大塊，大過我塊臉，脆卜卜，外脆內軟，雞肉嫩淋，個蛋包飯好好味，入面仲加左日式紫菜，又係好好撈飯😍😍⭐️乒乓波黑糖咖啡⭐️聽個名都夠特色… 乒乓波其實係個咖啡波.. 杯咖啡愈放愈濃味，好好飲！餐廳整體唔錯，可以再食👍🏻👍🏻👍🏻

B餐 ($41)即係珍珠帶子粒火腿通粉、炒滑蛋、丹麥多士。通粉份量大，炒蛋超級滑溜K餐 ($41)即係鮮雪菜蝦米肉絲米粉、炒滑蛋、丹麥多士。配料算多，差唔多啖啖米粉都有配料；我平時最鍾意食丹麥麵包，基本上今日呢個早餐都係俾丹麥多士吸引住，口感好鬆化，牛油味超級香濃，簡直想encore多一塊波士公司三文治 ($44)總共有4件，都真係幾豐富，有炒蛋、午餐肉、芝士、火腿番茄、生菜，OK食完呢個早餐唔洗食lunch了店員非常有禮貌，簡直唔似係去咗茶餐廳

朝早送左阿女去上興趣班，有啲空檔時間，就同老婆諗住兜下周圍有冇早餐食。行兩步，轉過角，就見到呢間波士餐廳，於是就入去試吓。佢鋪面唔算大，不過望落又幾潔淨。我揀咗個卡位坐低之後，就落單啦。我就叫咗個吉列魚柳餐，飲凍啡；老婆就叫咗沙嗲牛麵餐，飲凍利賓納。落咗單冇耐，嘢食嘢飲就上枱啦。我吉列魚柳都炸得唔錯，外脆肉嫩，炒蛋又唔會炒得太老，配埋櫻花蝦都幾特別。另外，丹麥多士都唔錯，甜甜地幾好味。至於個沙嗲牛麵，老婆話都幾唔錯，水準以上。最緊要佢價錢合理，睇來以後送亞女上堂之後，都可以過嚟食個早餐先。

補寫食評用餐日期：2021年10月5日 星期二Lunch time１個人到銅鑼灣，本來想到利舞臺亞參雞飯，但門口有10+ 人排隊，不想等就換個地方。在附近兜了一圈，發現利園山道有家波士冰室 (之前沒留意)，剛剛有人賣單，不用等，直接入座，來得早不如來得巧！午餐有 A to E，５個選擇，３款飯和２款麵，點了Ｃ餐，包括以下的：#丹麥多士：點Ｃ餐就因為這個，微甜酥脆，本餐最好味！#炸魚柳瑞士汁香葱撈丁：點的時候，餐牌寫的是炸魚柳瑞士汁香葱撈天使麵，落單後被告知沒有天使麵，改成撈出前一丁，感覺由優雅變地氣！份量足，但味道普通。#熱檸檬茶：紅茶有澀味，扣分！

懷舊又水準茶餐廳利園山道小店多選擇！試了牛肉麵早餐加滑蛋厚多士不錯！奶茶也出色！收六点早餐約四至五十元中等價錢！可以食早上十一時半！也多款式！窗口位置舒適街景！旺中帶靜！服務也周到！

🍜 波士瑞士雞翼撈公仔麵+炒滑蛋、丹麥多士 $56💯 評分：🌕🌕🌕🌕🌑 (4/5)💬 瑞士雞翼煮得相當之入味，鹹香味恰到好處，肉質都算多汁，再熟少少就更加好！炒滑蛋十分嫩滑，丹麥多士亦稱得上外脆內軟，散發住濃郁嘅牛油香氣。🤤🍖 豆卜欖豉蒸排骨飯 $62💯 評分：🌕🌕🌗🌑🌑 (2.5/5)💬 豆卜嗦滿汁相當juicy，排骨嘅鹹味比較重，肉量還可以接受，欖豉嘅香味尚算濃郁。🙂🍳 芝士西蘭花漩渦蛋包飯 $64💯 評分：🌕🌕🌕🌕🌑 (4/5)💬 西蘭花嘅份量俾得毫不吝嗇，蛋做成漩渦形狀非常吸引，口感十分嫩滑，一絲絲層次感非常豐富。飯亦都粒粒分明，散發住淡淡嘅米香，既飽肚又滿足。😋🍹 檸檬蜂蜜有機奇亞籽特飲 $28 (跟餐價$12)💯 評分：🌕🌕🌕🌕🌗 (4.5/5)💬 蜂蜜味道十分香甜，粒粒奇亞籽爽滑彈牙，同檸檬嘅酸澀味非常配合，口感同層次相當之豐富！😍

年近聖誕，同老公去銅鑼灣祟光行吓，睇吓有冇心水嘅聖誕禮物。之後行咗去利園山道，見到有間懷舊嘅波士冰室 ，見到餐牌都啱口味，價錢公道又冇加一，老公話不防入座試吓！深海魚柳漩渦蛋包飯：魚柳係即炸，熱辣辣好大條，外層金黃酥脆，魚肉雪白鮮嫩，用蛋做成漩渦包住白飯，蛋十分滑溜，加上特製咖喱醬汁，真係色香味俱全！凍檸樂加$6蚊，有埋冰底好抵飲。常餐波士瑞士雞翼撈公仔麵配炒滑蛋和丹麥多士：炒蛋嫩滑，丹麥多士酥脆，好香牛油味，雞翼嫩滑入味，公仔麵撈左醬汁彈牙惹味。加12有懷舊紅豆，紅豆林甜起沙，奶味香濃！星洲炒米：用料足，味夠香，我最鍾意係用咗銀絲米粉炒，特別爽口！