老闆火鍋冰室

Open Now

Now Closed

今日係元朗收工，有啲想打邊爐，附近就有間老闆火鍋，個招牌都幾靚仔，入去試試😆原來佢日頭係冰室，夜晚就做火鍋。佢好有特色，好似置身於60年代既鋪頭。好多個湯底，我地又想食雞煲又想打邊爐😆最終簡左個酸辣豬肚鮮雞煲。都係醬料任你用😆懷舊風。同想像中有小小唔同，以為係雞煲🙈不過辣鴨血都係我地所愛。半隻雞份量都唔少。勁口渴叫左杯大jar水果茶😆2個人岩岩好。同埋唔太甜。牛舌。脆骨腩。皇帝菜。白鱔片。窩荀。火鍋必備。豬粉腸。好食，又爽又脆😊價錢實惠，埋單都唔太貴，2xx 一個人，都多野食簡，落腳點又方便，岩晒我哩啲新界牛，唔限時，同朋友仔吹下水，hea 下，都幾爽。大家可以一試，我見附近都係街坊食多，開心吹水日😆

比門口個至尊牛三拼set 吸引入黎食，入到店內走港式茶餐廳風，估唔到有咁正嘅邊爐打！先揀湯底，花多眼亂，最終叫咗個胡椒豬骨鍋，覺得$188 幾貴下，但個鍋一到就知係正野，入面有勁足料大大舊豬骨同雞腳，個湯無論加幾多次湯都勁濃味，超正必點！個牛三拼到啦，擺喺三層架好美觀，最頂層係安格斯牛柳粒，中間有肥牛，底層係牛頸脊，牛肉嘅色澤都好新鮮，雖然啲牛睇落無咩油花，但入口好香牛肉味，配埋個咁濃味嘅湯底仲正，滿足！另外仲叫咗啲火鍋必備嘅響鈴，魚皮餃，午餐肉，山根等等，菜方面都有娃娃菜同油麥菜，而且仲有好少見嘅皇帝菜～超好味！重點係啲白蘿蔔，煲到最後索哂個濃湯，超正～飲品叫咗冬瓜茶同柚子蜜，大大杯好襟飲！服務都好周到，環境闊落，加分！

難得由新界東到元朗探朋友，當然要找一間口碑好的餐廳好好敘舊。先點了兩客小食，墨魚炸油炸鬼，面頭鋪上粒粒蟹籽，賣相升級之餘也令口感更有層次。椒鹽九肚魚，外脆內軟，魚肉嫩滑，配上喼汁更開胃。酸辣豬肚雞煲半隻，點了超小辣，湯底辣度剛剛好，辣中帶麻。湯底有很多配料，除了豬肚外還有豬紅，芽菜，紅薯粉等配料，入味之餘又夠惹味。雞件和湯底分開上桌，可以更佳地控制火候，令雞件肉質保持嫩滑，不會因煮得太久而變老。小的雪花肥牛，份量很多，脂肪分布均勻，肉質軟嫩。另外還點了小份牛脷托，牛味比雪花肥牛較為濃郁，口感也較為爽口。半粉鮮蝦雲吞，每粒都很飽滿，皮薄餡靚，鮮蝦餡料爽口彈牙。四寶丸小拼盤，最喜歡當中的豬肉丸，豬肉肥瘦適中帶油脂香氣，另外牛肉丸也多汁爽口。響鈴豆味香濃，泡浸幾下便沾滿湯汁，口感仍能保持香脆鬆化。半份皇帝菜份量也非常多，新鮮爽脆。半份冬瓜片煮一會已經沾滿湯汁，入味非常。點了大的老闆水果茶，一壺兩個人分享剛剛好。水果茶味道清新，配上新鮮水果酸甜解膩。

今日去左老闆火鍋冰室食lunch 我地叫左濃湯花膠魚肚雞泡飯、鮮蝦蜆肉培根忌廉意粉、兩碗例湯、凍咖啡、熱菊茶蜂蜜濃湯花膠魚肚雞泡飯（$63）: 花膠同魚肚都好林、個湯好有雞味，野食都好足料，超大碗、啲雞都好滑鮮蝦蜆肉培根忌廉意粉（$62）: 份量夠多，忌廉汁都好多，好creamy啲蝦有兩隻，連埋蝦殼，呢碟意粉有埋紫洋蔥🧅，令到碟意粉更加香凍咖啡（+$5）: 有咖啡味，唔係得奶味熱菊茶蜂蜜：唔係得個甜字，仲好香菊花味Total: $132餐廳嘅環境好舊式香港，乾淨好坐，服務態度良好

通常叫得冰室一般都係食碟頭飯，但元朗呢間老闆火鍋冰室食的竟然是火鍋、雞煲及下酒菜；室內座位大多是卡位，坐得舒服、寬躺、安全！今日點了一個虎蝦辣雞煲，雞煲好大個，虎蝦也有很多隻，蝦肉新鮮彈牙，雞煲的雞肉亦很入味，香料很多，雖然只有半隻，兩人食量非常足夠。下酒菜有酥炸九肚魚及鹽酥鮑魚，兩款酥炸食物的炸漿看似都是一樣的吧，酥炸皮鬆脆，熱辣辣食非常香口，九肚魚有外脆內軟的口感，雖然有少許骨，但是可以接受的；鹽酥鮑魚口感彈牙煙韌，平時食蒸鮑魚比較多，酥炸鮑魚夠特別，一試無妨！食了那麼多酥炸食物，當然要食返一些健康的蔬菜啦，不用多說，有圖有真相，這碟小棠菜賣相非常翠綠，食落爽口鮮甜，有降熱氣的效果🤣。還叫了一渣鮮果茶，鮮果茶內裏有很多種生果，加上冰茶，清新鮮甜，一渣可以分到兩大杯，非常清爽！

一路其實都想試呢間舖頭，不過成日都夾唔到時間。今次終於同朋友嚟到試， 結論係好後悔咁遲先來。我同朋友兩個人首先叫咗個海鮮火鍋煲，另外叫咗蟹柳，珊瑚蚌，豆苗，生菜，墨魚滑做配菜。另外亦都叫咗手帕青瓜，蟹子墨魚油炸鬼，椒鹽魷魚酥做小食，真係飽到碌地先講吓火鍋個方面，就咁睇相已經睇得出個火鍋嘅海鮮有幾足料，三百零蚊嘅價錢有咁多海鮮絕對係物超所值。入邊嘅所有海鮮都非常新鮮完全唔腥，亦都唔會有沙。個湯底滾完之後係極級鮮甜，用黎滾其他嘅火鍋配料係令到食材跟上一層樓。其他火鍋嘅配料亦都非常新鮮，處理得非常乾淨，淨係服務呢方面已經加晒分。之後都小食，極力推薦嗰個蟹子墨魚油炸鬼，啱啱乍起食又趣又香，配埋滿滿嘅蟹子一齊食真係好新穎又好味。手帕青瓜亦都非常出色，夠酸夠辣， 值得encore。椒鹽魷魚酥亦都非常酥脆香口。

最近幾開呢間火鍋店，見到人頭湧湧，所以就決定好朋友試吓啦，結果令到我哋食過返尋味🤣🤣🤣海鮮火鍋呢個海鮮火鍋超級足料，每樣海鮮都有三四舊，而且超甜超新鮮，海鮮嘅內臟亦都清除得好乾淨，令到我哋食落去啖啖肉，而且湯底仲用咗好多豬骨同埋蘿蔔去煲，令到湯底超級鮮甜，令到我想飲晒佢🤣🤣🤣呢度嘅牛肉同埋超級新鮮，而且份量超大，食極都仲有，超抵食小食方面同樣有驚喜，青瓜爽口入味，超級開胃。油炸鬼蟹子份量爆多，口感超級豐富

因為疫情關於雞煲邊爐真係好耐都冇食過,今次介紹這間餐廳一次過可以滿足到你地三個願望,因為除左 #雞煲 #打邊爐 仲有 #小菜 可以比顧客選擇,味道仲要唔錯😸重慶雞煲半隻(小辣)當雞煲一滾起開蓋時香味四溢,未食聞到都已經好開胃,加上雞份量真係好足(半隻)配菜都唔馬虎有好多洋蔥同蒜頭,所以煲起身個醬汁好到位,唔會好咸好麻辣味道剛剛好。👍🍹老闆押水果茶大大杯水果茶小編我真心推薦,來到這餐廳必定要點,解渴解膩一流,足足有1L同朋友Share一齊飲,自私飲都唔過份,一邊打邊爐一邊飲真係冇得輸! 杯入面的水果仲要好足料,食到飽飽地可以當飯後果。😁(小食)椒鹽九肚魚🐟脆卜卜的表層咬開食到嫩滑的魚肉,再沾上喼汁一齊食佐酒食真係一流,就算冇酒都會想食多幾口😁不過唯一美中不足係魚肉略少不過整體已經好好味!😋(小食) 沙薑🐷手🐷✋咬落爽口每一啖都有肉,唔會話骨多過肉份量足,味道麻辣味混沙薑味食落口感幾特別。😗椒鹽蝦未食時只見到賣相可能會覺得佢應該會係好重口味的,但食落恰恰相反竟然剛剛好👍蝦肉仲要係彈牙而唔係"林"身。鹽酥鮑魚估唔到鮑魚鹽酥後都食到佢鮮味,個表皮仲要係薄片脆粉,所以食落唔會成口粉,就算放到最後

重慶鮮辣雞煲(半隻)小辣。加熱後香氣撲鼻，因為有大量蒜頭、洋蔥、大蔥、花椒八角、乾辣椒等，雞肉嫩滑，小小麻辣，湯汁惹味，而且越煮越入味。酥炸椒鹽九肚魚。外皮薄而酥脆但比較油膩，椒鹽鹹香，裡面嘅九肚魚肉嫩滑。椒鹽鮮蝦。外殼炸到好脆，蝦肉新鮮爽口，蝦味濃郁，味道就略嫌淡咗小小。鹽酥鮮鮑魚。酥香脆嘅炸外皮包住肉質軟腍爽口嘅鮑魚，椒鹽更能帶出鮑魚嘅鮮甜，非常好食。沙薑豬手。豬手爽脆，沙薑味略嫌不足。食完雞煲，加入豬骨湯打邊爐。手打四寶丸拼盤。有豬肉丸、牛肉丸、墨魚丸同蝦丸各三粒，足料爽口。芝士手打墨魚丸(八粒)，鮮甜爽口墨魚丸包住芝士餡，味道口感都幾特別。美國桶蠔。有六隻大大隻嘅蠔，份量十足，鮮甜美味。白鱔片，肉質嫩滑，油而不膩。野菌什菇籃。有金菇、雞脾菇、冬菇等菇菌，新鮮爽口，索晒啲湯汁非常惹味。皇帝菜特殊嘅香味打邊爐點少得，仲有爽甜嘅油麥菜都係咁好食。美國雪花肥牛。擺盤精美加分不少，油花紋路均勻，肥瘦適中，肉質爽口甘香有牛味。老闆押水果茶。超讚嘅茶飲，一揸份量足夠兩人飲。有蘋果、菠蘿、橙同青檸，仲有薄荷葉，全部都係新鮮水果現切，加入茶包同蜂蜜沖調，冰冰涼涼，酸酸甜甜，解膩開胃。

好耐無雞煲打邊爐，又想試下其他餐廳雞煲如何，見到尼間價位唔算太貴，就決定一試。 本身諗住嗌打邊爐材料，發現原來餐廳有酒飲小食提供，仲要係有酥炸椒鹽九肚魚，太耐無食啦所以嗌咗一碟黎食。 ✨酥炸九肚魚 粉漿剛好唔太厚，即叫即炸熱辣辣，份量都算多兩個人食夠哂，魚既肉質嫩滑，more than expected，下次再黎會想試其他小食，款款都吸引😳✨重慶雞煲半份 適合兩人食用，雞煲味道非常惹味濃郁，唔會太鹹，食到差唔多就開始打邊爐，餐廳有豬骨湯同辣湯比客人選擇，我地就揀咗豬骨湯底 ✨美國雪花肥牛(小） 一盤大約15塊 雪花肥牛具有大理石油花，食落堅實的肉質帶有牛味，即使有濃郁既湯底都蓋唔過本身既肉味，而且份量都算多，都係$108，好鬼抵食!✨芝士手打墨魚丸平時丸類除左手打其他堅決唔食，事實證明係無錯! 依款咬落超級彈牙，食得到裏面有切成小塊的墨魚粒，口感不錯不過芝士味不太突出，可能因為墨魚味太濃😂哈哈✨日本廣島蠔(半份） 食落鮮甜帶有蠔味之餘，重點係完全唔腥，口感柔滑肉質飽滿，煮熟後不會過份縮水✨美國黑豚花腩片(半份）有大約11塊，有少少脂肪分佈，外觀都吸引，但放完落個鍋度有少少縮左水不過依個

嗰日去咗元朗探個朋友，之後喺元朗想搵間餐廳食飯，就經過左一間老闆火鍋冰室，見到門面嘅裝修好得意，就入去打邊爐食雞煲。入到去睇個餐牌，佢哋有好多唔同款式嘅雞煲，但我哋最後都揀咗藥膳花雕酒雞煲，下次再去想試吓重慶先辣雞煲或者香辣蟹雞煲。打邊爐梗係要叫肥牛啦，d肥牛真係冇得頂，又大碟，又新鮮，最後我哋都叫咗兩大碟，全部食晒👍🏻我哋都叫咗好多唔同嘅配料，例如桂花膀，蝦滑，墨魚滑，靚魚頭，魷魚，蠔，冬瓜同埋少少菜類.好快藥膳煲同啲雞都嚟咗，啲湯好有酒味，好正，同埋隻雞都好，簡直正到爆👍🏻同埋都有好多唔同嘅小食例如臭豆腐，炸魷魚同埋炸油炸鬼👍🏻👍🏻 尤其係臭豆腐，佢哋可以整到成間鋪都唔臭但係你一擺入個口度先聞到我臭味，臭得黎食落又好香，真係好好食，熱烈推介必試！嗰度啲服務都唔錯，啲職員都不停幫我哋換碟，禮貌又好，讚！到了埋單，真係估唔到咁平，因為每一碟個份量都好多，我哋叫咗好多唔同嘢食，真係好抵食. 讚不絕口👍🏻👍🏻👍🏻下次入到黎元朗必食之选...決定下次再帶班朋友嚟食.👍🏻同埋一定要叫兩個唔同嘅雞煲，重慶辣蟹雞煲同埋鮑魚雞煲😂😂

⭐️星州竹星米⭐️份量十足，竹星米炒到一條條好分明。食落味度適中，唔算重口味。米粉彈牙，顏色均勻。⭐️咕嚕班腩飯⭐️班腩比一般茶餐廳既份量多好多。味道唔算太酸，肉質嫩滑，感覺新鮮。外皮唔會好厚，口感彈牙。以呢個價錢黎講，十分抵食。⭐️金沙楊州炒飯⭐️份量比星州新竹粉少。食落有輕輕既鹹蛋味，我平時唔鍾意食鹹蛋都接受到，而且食得多都唔會太鹹。而飯就炒到粒粒金黃，不過上台時飯已經係室溫。⭐️跟餐中湯⭐️每碗都有豬骨同紅蘿蔔，係屋企老火湯既味道。如果驚太飽，食唔曬，可以走湯。⭐️招牌凍啡⭐️咖啡面有咖啡粉，好靚。叫少甜既話，味道岩岩好。⭐️職員服務好一般，就算你未食完，都會不斷睇你食完未，有啲趕你走既壓迫感。

同朋友食雞煲，我都一定會推廌元朗呢間「老闆火鍋冰室」，係我so far食過最正既雞煲！好多朋友仔都中意去啲任食既雞煲餐廳，呢間「老闆」雖然唔係任食，但食物份量同價錢係勁抵，分分鐘平過又好食過任食雞煲！今次我叫左個重慶雞煲，半隻已經好大煲，一打開香噴噴，雞有少少肥，勁嫩滑，完全唔老呀！另外亦叫左酥炸魷魚鬚同脆炸南瓜，兩樣都勁出色！南瓜要特別讚下，炸完之後仲keep到入面南瓜甜甜地既味道，第一次食炸南瓜，原來勁好食！一唔小心又叫到成枱都係野食，除左炸南瓜，最impress我既係佢既手打咸蛋豬肉丸。豬肉好軟身，同街市買個啲硬邦邦既肉丸完全唔同，入面仲包住咸蛋，個味勁出，正呀！唔好睇叫左成枱野食，又雞煲又小食又打邊爐，其實人均都唔洗$250，我地仲要食淨好多，高質過唔少雞煲！

今晚OT收工，幾個同事一齊去食飯，揸車經過元朗，搵位泊車，泊車之後見到呢間老闆火鍋冰室門口企滿人等位，就埋去攞左張飛等位，佢地反枱速度好快，轉個頭就入左去啦。入到去之後，就揀食雞煲先定直接打邊爐，我同3個同事就揀左食醉雞煲先，雞煲一上台就已經好香，當然就要再煮多一陣。過多5分鐘左右，終於個湯滾左，可以開餐啦。我地叫既係一隻雞，為左快d有得食，我地先落左半隻，再等多5分鐘，終於有得食。我鐘意食肉多d，我即時夾左雞胸肉食，一食落口，內質好滑，好入味，一入口成口已經係花雕同紅棗味，超級好食。之後我地食埋另外果半隻雞，就開始叫火鍋材料。火鍋材料紙上面選擇超級多，有火鍋料，有即食料，都有好多好特別既野食同飲品。飲品方面，食火鍋係長期作戰，所以一杯又大又凍既飲品係小不了，估唔到呢度既飲品仲要好健康，我朋友叫左2杯凍柑桔檸檬，我叫左呢杯超大杯既水果茶，有超多水果係入面，酸酸甜甜咁，即刻唔覺得食滯左，隻杯又keep到凍，我食左3個鐘，杯茶都仲係凍既。係我哋等緊嘢食嘅同時，叫咗一份熟食，鹽香脆炸魷魚鬚，$4X既價錢，分量多到可以疊到一座山，炸份非常薄，魷魚鬚非常滑。食物方面，打邊爐最重要嘅牛肉，當然係美

今日唔想煮飯，於是出街食。本來自己住上水，但上水到夜晚就好小餐廳選擇。於是搭左去元朗睇下有咩食😁我同屋企人望完一輪，就決定揀左呢間 ‘老闆火鍋冰室’。揀呢間原因係我自己好鐘意佢懷舊的裝修，好似番到六、七十年代！食物款式都好多選擇，而且分量十分足夠。我俾小小建議大家，如果有半份選的就先揀半份，寧願唔夠食先再叫過。醬料方面就有4款：沙嗲醬、蒜蓉、辣椒、蔥花，較為選擇少左。可以建議加番芫茜😍 我哋叫咗藥膳花雕醉雞鍋，淨係睇個湯底就知足料啦。個窩一滾就立刻迫不及待飲啖湯底。我地叫左一隻雞，另一半就倒左落鍋。真係足一隻雞，吾係細版個d囉。雞肉肥瘦平均，食落去係好滑。等緊雞煲熟的時候，我哋叫左3款小食醫肚先。呢個臭豆腐大家一定要試，係超級好食。外層好脆卜卜，一啖咬落去d汁起晒入，好juicy。同起街邊小食店食嘅唔一樣！！！（我起店舖食完都要再打包一碟番屋企）呢個脆炸魷魚鬚賣點係佢作為小食，真係分量好多好多。我以為係一碟仔，點知多到成碟餸禁，先至係$46！我起上水馬會道個間XX芳買$3x先得呢碟的四分一。墨魚脆炸油炸鬼正常，啲蟹子又係好多傻，成舊係起嘴入面食到脆同蟹子的爽。美國桶蠔大大隻，好肥美，食