1
2
1
4-min walk from Exit C, Wan Chai MTR Station continue reading
Review (4)
隨同事到長灘島用膳,環境配置仍是比較差,衛生情況一般,人手不太足,態度亦只是一般。和以前一樣,午餐有四款選擇。牛油餐包普通。羅宋湯口味偏淡,僅屬合格貨色。主菜白菌雞皇飯,賣相一服,醬汁除白菌外也有洋蔥、青椒、火腿等,食味都算過得去。凍奶茶茶底澀了一點。 continue reading
(The above review is the personal opinion of an user which does not represent OpenRice's point of view.)
Level1 2012-08-13
195 views
一入到餐廳感覺上好似去左地下監獄o甘, 雖然係地下JEI, 但都o吾駛o搞到燈光o甘, 突然面前出現左個好嚇鬼o既阿姑問你幾多位, 坐低左之後, 水都冇杯, 拿拿臨o羅左張紙出來, 入面寫左4個午餐, 問你食o羊, 點左午餐之後, 足足等左成10分鐘, 另外一個阿叔先施施然捧個餐出來,呢個牛猪雙扒飯表面睇好似冇o羊, 但係一咬落去, 塊牛扒硬到好似石頭o甘, 都吾知隔左幾多晚, 而塊猪扒則生OUT OUT, 仲有血水, 想食死人o羊, 耙左幾啖飯, 我都係怕怕, 兩塊o甘o既扒都係留番俾餐廳, 二話不說, 放低40大元走先, 下次一定o吾再光顧!!PS: 服務態度真係好MA MA. continue reading
(The above review is the personal opinion of an user which does not represent OpenRice's point of view.)
Level4 2010-05-20
76 views
係盧押道近海皮既BORACAY, 一向比我既感覺是一間會有賓妹陪酒, 俾那些軍艦水手狂歡的半邪吧. 有一日去開稅局經過, 原來中午是會開門的.中午, 沒有disco音樂, 沒有賓妹陪酒. 成個dance floor, 擺滿摺檯摺凳, 不想坐左dence floor的我們, 找到一個梳化位, 雖然近廚房, 但總好過坐摺凳同高腳吧檯凳.門口見到是日菜式不錯, 坐低之後想睇多一次再作決定. 問了哥仔, 佢就係衫裝尋出一張手寫單出來...如圖...原來呢張咁既紙仔就係是日menu...工本大, 成本低. 我地點了一個焗葡國雞飯, 同一個黃粟燴牛脷配薯菜.苞先來個軟綿綿既麵包同一個只有cream味既蘑菇忌廉雞湯我地飲. 基本上, 成個場得套餐食. 湯又冇得揀. 正確來說, 我地坐低, 執好檯, 佢地唔需要問, 湯同麵包即到. 麵包, 點解軟綿綿, 餐廳既麵包部就係我們身旁, 原來上檯俾客之前就丁一丁, 咁咪會軟綿綿囉, 算是幾好食既, 因為牛油全溶, 滲哂入個包裡面. 湯, 講了, 就是cream only, 都勉強食到有胵肉同蘑菇既.主菜, 焗葡國雞, 果然是即焗好的. 我們等了一會兒原來就是等個葡國雞焗好. 真的沒想過呢求會即叫即焗. 熱辣辣的盛上, 香噴噴, 未食已經感覺到會是不錯. 聞落香, 味道就比較普通, 因為椰味不夠重, 不過雞肉嫩滑的, 葡汁焗過之後係唔錯既, 若是多一點椰香, 加一點芝士, 更好.黃粟燴牛脷配薯菜, 即是粟米牛脷啦. 牛脷切到細細塊. 味道又醃得好, 配上的粟米汁, 是不錯的, 送飯一流, 我要薯菜伴, 其實是一個錯配, 這個黃粟燴牛, 配飯才對.$35換來的味道不差, 人不是太多而且位子寬敞. 感覺幾舒服. 平平地一大班同事食晏仔, 呢度不錯. continue reading
(The above review is the personal opinion of an user which does not represent OpenRice's point of view.)