Video
1-min walk from Exit B, To Kwa Wan Station
continue reading
Payment Methods
Above information is for reference only. Please check details with the restaurant.
好耐冇食點心，今日去咗包點料理買咗外賣點心返屋企食我揀咗芋頭糕，蘿蔔絲酥餅，燒賣，鹹水角🤗芋頭糕有芋頭粒煎得好香脆👍🏻蘿蔔絲酥餅好正，而家唔係度度地方都有得食，蘿蔔絲餡整得好好味😚燒賣啖啖肉同埋有冬菇粒，真材實料整體來講，食物拎到返到屋企都暖😆十分滿意
continue reading
得罪你啲咩？時間係下午4:30，諗左一陣食乜 😀我就行埋腸粉檔問: 芫荽叉燒可唔可以走芫荽？🙄腸粉檔畫眼線短攣髮 女店員鄙視眼神 串串貢嘅語氣反問: 點樣無芫荽？！😀我: 哦。撈埋嘅。咁我要一份蝦腸一份牛肉腸唔該其實跟住我唔知去邊個位俾錢😅佢又乜都唔講好似嬲左成村人咁☺️最後行去舖另一邊嗌多兩樣野就俾埋錢。必須講其他職員姐姐都係好友善😊又行返去腸粉檔。😀我: 唔要豉油唔該零回應。跟住我就㩒電話📱我的確係聽唔到佢第一句問。之後佢就大聲嗌。😡畫眼線短攣髮 女店員大聲喝: 係咪擺埋一齊啊！？😀我: 分開擺唔該最後係其他姐姐好有禮地遞4盒食物比我。想講嗰度係馬路旁。環境好嘈。聽唔到係咪需要喝我？而其實係我一行埋嚟，問第一句佢已經好不屑。自問全程都好有禮貌，而家係咩事？我都真係反應唔切要當場同佢對質。真心未見過點心包點舖嘅店員，態度可以差成咁😐買得呢啲快餐點心，講真都唔會要求服務，交易來去如風啦，完全理解，天氣熱。其實呢，唔係個個都買過，個個都係熟客，問一兩句幾唔閒？下午4:30，現場認真係無人。做得唔開心辛苦都唔好對別人出氣啊😐你可以直接話唔做我生意，話比我聽得罪你啲咩。而唔係無里頭發洩係我度。嗌➡️整➡️裝➡️收錢➡️拎貨走得正常嚟講做完以上程序走得，你咁惡死做乜？唔想做可以唔做。做得就尊重返別人，包括客人、同事。
continue reading
24-9-2021，返工，想買幾個包當晚餐。然後搭車經土瓜灣站，咪周圍搵下有咩包點可以揀。搵到間賣包點既，查過奶王包低卡路里，咪諗住買3個返工食。同佢講買3個，佢包左一輪，俾包我，我俾左廿蚊，佢找俾我，我見佢找得6蚊，咪問佢係咪找錯錢。佢先話冇奶皇包，搭左個韮菜包，收我14蚊。咁既鋪頭，大家自己諗，我就以後都唔會幫襯。
continue reading
中午想食蒸飯，又未試過這間小店，所以一試。可惜去到時只剩咸魚肉餅和北菇蒸雞，不合口果味，沒有買。最後買了 糯米雞、蟹子燒賣、雞扎、牛肉球粉果、和3個菜肉包，合共$88。比集團式的外賣點心店便宜一點。食物份量充足，呢度夠3個人食。雞扎不是用沙爆魚肚，用了豬皮。糯米雞味道幾好，份量正常。菜肉包就有d失色，包雖然大個，涵就偏小，無咬口，都是唐記的好食。有一點值得讚的是阿姐手腳好快，落完單好快就有。整體有2點需要改善:一,是全部食物都不夠熱，只是微溫。二,是點心衛生需要改善，買點心時才發現，姐姐將蒸籠內的點心，一碟放左另一碟上，即是碟底放在令一碟的食物面上。現今的衛生要求，不能接受吧！
continue reading