Bohdan

尋日星期六同朋友去開荔枝角D2行街，最近覺得成日出去食飯，洗咗好多錢想慳返啲錢，上網搵咗原來呢度有間工廠大廈地下開嘅超級抵食西餐廳，平均一個餐都係60幾蚊，個人覺得必點日本唐揚滑蛋雞扒飯（星期六餐牌），嗰塊雞扒真係超大塊大過你塊面🤭😂然後滑蛋係疊上，驟眼望滑蛋好似落咗至少幾隻整！點解咁重點推介？因為我真係未試過見到咁大塊雞扒嘅飯，難怪星期六嘅晏晝12點之後就開始瞬間滿座！而且佢哋冷氣好夠，裝修仲好舒服乾淨，性價比極高！日式唐揚滑蛋雞扒飯 配柚子蒜香汁呢個就係我主打推介嘅滑蛋雞扒飯，雞扒仲要係炸到非常香脆，而且炸粉唔會太多，食落口真係香脆軟熟，而且滑蛋份量係多到好似塊雞扒咁多，連碗白飯都好似係二人份量咁😂認真咁講，如果細食嘅兩個女仔真係一碟已經可以兩份分，究竟餐廳可以點樣為皮？而且味道真係做得幾好！真心必定要返嚟再食🤭煙三文魚凱撒沙律 如果以雞扒飯嘅份量，呢個三文魚嘅凱撒沙律就好似比較下去了，不過沙律嘅份量都算幾多，三文魚有三小片捲埋一齊裝飾，仲有落芝士粉增加口感層次，我最鍾意嘅地方係佢嘅醬汁竟然係另上，喺我忘記咗落單嘅時候講，但係呢樣嘢真係好重要，可以自己隨意落份量！香煎美式公司雜扒 配黑椒汁 （配飯/ 意粉/ 螺絲粉/薯條）因為唔食牛嘅關係，其中一片轉咗做豬扒，份量非常多，有雞扒豬扒司華力腸，側邊仲有沙律同薯條，百幾十蚊有咁嘅份量又係非常抵食，而且每塊雜扒都唔會醃製得太鹹，調味剛剛好，肉都處理得好軟熟，因為唔食黑椒汁嘅關係，店員重幫我轉咗做洋蔥汁🤭…Read More

🍟🍟🌭🌭星期六下午係荔枝角逛得耐，想搵間餐廳坐底食下下午茶，誤打誤撞發現到依間，地方寬敞，價錢親民選擇好多，即刻坐低入去慢慢簡單單tea menu 都有29個餐，未計lunch menu同大menu 都可以order，真係花多眼亂煙三文魚碎蛋沙律大牛角酥($40)聽到大牛角酥已經好想食，攞起上手，係熱辣辣架，咬落口好脆碎蛋沙律份量多，每啖都食到碎蛋👍🏻👍🏻👍🏻沙律亦好夠凍，唔會俾牛角酥影響溫度香脆拼盤crispy platter ($48)拼盤有炸雞翼、薯條、蜜糖腸再配左鮮雜果沙律，炸雞翼好熱辣辣，似乎係即叫即炸，炸粉唔厚，薯條好脆好香口，腸仔唔係普通既煎蜜糖腸，反而加左蜜糖係面，甜甜地都唔錯鮮雜果沙律另上，都好大份，而又好夠凍，食完熱食再食佢真係好夾薄荷鮮奶朱古力-熱加大 (跟餐加$13）可能order左加大，所以外賣杯上雖然熱辣辣，但薄荷味好多，係薄荷朱古力雪糕嘅味道，聯想到清涼嘅感覺👍🏻👍🏻👍🏻…Read More

係荔枝角站B1出口直行轉左入光昌街，光昌街變電站對面就係「Bohdan」。❤️特餐：日本櫻花蝦粟米蘑菇蕃茄濃湯配螺絲粉+柚子汁烤雞田園沙律螺絲粉櫻花蝦香脆還有粟米粒🌽和蘑菇，好豐富！好大碗！食完好飽😂。柚子汁烤雞田園沙律🥗柚子汁用一個兜裝住另上，鍾意落幾多就幾多。除左烤雞重有蕃茄、青瓜、麵包糠和爽脆沙律菜。落埋柚子汁酸酸甜甜，清新又健康。套餐配熱飲+$14轉配「鮮果配乳酪」。+$5變雙拼，揀左奇異果🥝和西瓜🍉。搾出黎係紅色。西瓜甜、奇異果酸，酸酸甜甜，味道清新😄。❤️另嗌左個lunch set。Lunch set天天不同。今日係星期六就嗌左個「香煎深海比目魚扒拼德國黑椒蜜糖豬手配蜜糖燒汁配迷你凱撒沙律及湯」。加$6配焗薯時蔬。餐湯係羅宋湯。香煎深海比目魚扒啖啖魚肉，嫩滑夠熱唔鯹👍🏻😋。焗薯由中間切開，中間擺左d煙肉粒🥓，為薯仔添上鹹香。套餐配熱飲朋友+$14轉配「鮮果配牛奶」。+$5變雙拼，揀左哈蜜瓜和牛油果🥑。…Read More

同朋友約咗去長沙灣MCL睇戲，睇戲之前諗住喺附近食啲嘢，跟住見到舖頭裝修唔錯就決定食呢間入到去叫咗一份西式早餐，包含牛扒、煙肉、炒蛋同多士，另外朋友叫咗一份熱狗個炒蛋非常之好食，大力推薦另外幾樣嘢都不過不失，唯一美中不足嘅係熱狗比較普通，不過朋友表示味道都唔錯，純粹多啲配料比較開心。餐廳名稱：Bohdan餐廳地址：荔枝角青山道479號麗昌工廠大廈地下2號舖#Bohdan #早餐#高質素美食 #服務態度一流 #用餐環境優美#安東尼日記 #安東尼美食日記 #美食博客#香港 #香港美食 #香港美食之旅 #香港好去處 #九龍 #九龍美食 #九龍美食之旅 #九龍好去處#荔枝角 #荔枝角美食 #荔枝角美食之旅 #荔枝角好去處…Read More

🍴抵食工廠區平民西餐🍴-上星期六同媽媽去長沙灣戲院睇戲 所以係附近㨂咗呢間好多喺附近做嘢嘅打工仔大推嘅餐廳😗 整體環境都幾整理 而且份量都好大份 大食嘅朋友都夠食😋-🦞香草芝士焗波士頓龍蝦（半隻）拼香煎美國西冷牛扒配黑椒汁及意粉 $98見到餐牌都有啲surprised 估唔到工廠區都有龍蝦食😂 龍蝦肉質都OK 配上香草芝士焗都幾入味😗 牛扒就有啲似平時港式餐廳嘅煎扒 淋得嚟好夠味 加埋黑椒汁 可以撈大大碟意粉-🐠香煎深海比目魚扒拼德國黑椒蜜糖豬手配蜜糖燒汁配迷你凱撒沙律及湯及飯 $78比目魚扒煎得幾香脆 中間仲有啲魚油好香😋 豬手就硬咗少少 另外配嘅蜜糖燒汁調味唔錯😗 成個餐仲有跟迷你凱撒沙律同湯加飯 份量十足🤪-🥝 奇異果乳酪 $26佢係用新鮮水果整 所以好真材實料 乳酪幾香 奇異果味道幾清新 兩者幾夾-🍌香蕉胚芽芝麻奶 $26主要係香蕉奶嘅味道 個底有少少胚芽同芝麻增加口感 夠哂健康啦-📍#Bohdan (荔枝角)荔枝角青山道479號麗昌工廠大廈地下2號舖-…Read More

lunch hour同朋友仔食飯，小店位於荔枝角，裝修似西餐廳，但主要提供港式茶記美食，平有平食，而且質素都唔錯，另外值得一讚嘅係每日menu都唔同，日日食都唔會悶👌🏻香煎美式公司雜扒份量十足，豬扒帶骨，入口幾嫩、雞扒唔細，煎得夠香、牛扒唔乾，仲幾腍添、腸仔大條，厚身，鹹香味夠出，另外主食可以配飯/ 意粉/螺絲粉/薯條或焗薯時蔬，薯仔原隻上，好大塊，煮至軟熟，薯味都好出，點埋黑椒汁就更加惹味了～ 之後有德國黑椒蜜糖豬手拼泰式燒豬頸肉，出面cafe未見過呢種搭配，好特別所以忍唔住叫咗😛 豬手超大件，外皮Q彈，肉質紮實、豬頸肉完全唔乾而且唔算好肥，個人幾鍾意、佔上蜜糖醬甜甜地帶起個味，洋蔥汁都唔錯，竟然有真洋蔥🧅 仲有迷你凱撒沙律同白湯，性價比甚高！呢度嘅飲品有好多選擇，除咗普通嘅咖啡茶之外亦有新鮮果汁，特別少少嘅可以加埋牛奶、乳酪或益力多做個mix and match😂 原本抱住試伏心態叫咗杯西芹乳酪同甘筍益力多，估唔到幾好飲，前者散發著淡淡嘅西味，後者加入益力多後飲落好開胃，會話值得一試👍🏻…Read More

周末喺荔枝角做完Pilates，想同朋友搵間簡單Café食個輕食Lunch，行行下就嚟咗依間平民Café，有好多選擇而且性價比都高，喺附近返工嘅打工仔不妨一試～香草芝士焗波士頓龍蝦（半隻）拼香煎美國西冷牛扒配黑椒汁配焗薯時蔬呢個價錢食到啖啖肉嘅龍蝦同西冷牛扒真係性價比好高，龍蝦肉質彈牙，西冷牛扒不過不失，焗薯亦都焗得恰到好處。香草忌廉煙三文魚帆立貝溫泉蛋意粉近排要控制飲食，依款有齊煙三文魚、帆立貝同溫泉蛋嘅菜色就啱晒我！香草忌廉意粉加埋溫泉蛋汁味道更豐富。…Read More

荔枝角cafe形式茶餐廳多選擇見鋪頭裝橫幾吸引 所以約左個係荔枝角番工既朋友係呢度食個lunch原先以為係cafe但原來係茶餐廳 都幾特別佢唔同星期會有唔同既menu比客人選擇今次我地係星期五中午去我地揀左香煎美式公司雜排 配黑椒汁 可以揀飯或意粉或螺絲粉或薯條或焗薯都好多選擇 我就揀左焗薯有雞排豬排牛排同埋司華力腸 份量豐富甚至係驚人 每一塊排都大大份 朋友就揀左 德國黑椒蜜糖豬手泰式燒豬頸肉配蜜糖洋蔥汁 配迷你凱撒沙律及南瓜忌廉湯 同樣揀左焗薯份量真係超大 幸好落單果時揀左半份焗薯 如果唔係一定飽到上頂好鐘意呢度除左普通既茶餐廳飲品咖啡奶茶之外 佢會提供鮮榨果汁可選擇 我就揀左牛油果汁 淡淡既牛油果味 將雜排既油膩感抹走 係一個唔錯既選擇…Read More

店子的午餐選擇多，同區高質！午餐套餐，平有平食，質素不錯！套餐包主菜及飲品，感覺不錯的龍蝦牛扒焗大薯龍蝦味非常濃郁，很重的龍蝦味，而且還一點也不油膩，吃得很舒服！主菜有兩大快樂，牛扒和龍蝦，一次有兩個味道～兩者均有質素。配芝士煙肉焗法國薯。牛扒入口腍軟多汁，牛扒肉味也濃厚，腍軟嫩滑，醬汁更是惹味吸引，焗薯也超棒，外層的煙肉焗得脆香，拌牛扒吃超棒！龍蝦彈牙，即叫即做，份外鮮味。南瓜忌廉芝士雞扒飯新鮮南瓜，忌廉芝士的醬汁配白飯，好吃～芝士雞扒質鬆軟，多肉汁，濃厚脂肪油香，新鮮感重，以白飯一起吃不錯。…Read More

好少去荔枝角搵嘢食，今日咁啱要去荔枝角做少少嘢，所以順便食埋中午飯，經過見到呢間幾乾淨，裝修簡潔嘅餐廳 cafe，所以就入去試吓。因為我12:45 前食完(set lunch仲可以減$8☺️) set lunch都有驚喜，嘢食整得幾靚，跟餐杯咖啡應該係即磨咖啡（飲落去都幾好)德國黑椒蜜糖豬手拼烤雞肉串燒配洋蒽蜜糖汁配焗薯時蔬 有兩大串串燒，每串燒都有青椒，黃椒，紅椒，豬手加咗啲蜜糖，甜甜哋我鍾意。雞肉，夠鮮嫩。焗薯好香有牛油味，入邊有少少煙肉。…Read More

選擇非常多的早餐🍳荔枝角附近要享用早餐的選擇非常多，今次到這間茶餐廳，餐牌上的選擇非常多，就算咖啡都有非常多的選擇，比起其他茶餐廳，店主都非常有心思，讓客人有更多的配搭和選擇。令當時的我都有選擇困難症。😂😂價錢上都非常大路，我今次選擇了奄烈套餐，可以轉牛角酥，另外有蕃茄濃湯螺絲粉，再加杯薄荷咖啡，這個早餐大滿足。店員的服務態度也非常好，雖然適合比較多，但是他們也會耐心解釋餐牌上食物的選擇。#荔枝角 #荔枝角美食 #早餐 #bohdan #foodie #hkfoodie…Read More

在這小店，有輕鬆之風格，有室外室內座位。一走進餐廳，完全覺得有種放下之感～ 是日精選餐湯 湯的味道很好，是蕃茄湯，味道一點也不賴喔。濃濃之茄味，已把我喝到飽了！蕃茄湯，溫度暖心，茄味濃稠 小店的主菜任選，朋友選了招牌菜之一的龍蝦，甫放下，鼻子已被香味攻陷～芝士滑溜且屬重口味類，進一步提到整碟意粉口味，記得先把牛扒汁拌勻在意粉中！製作到很好之西冷牛扒～肉汁很多。 龍蝦伴西冷牛扒意粉 意粉有咬口又能吸附醬汁～美味！芝士龍蝦，芝味滿滿～意粉彈牙，香濃簡單～會想吃的龍蝦意粉！ 西瓜汁 店子很好的地方，是有即點即做的果汁。喝西瓜汁消暑解渴，元氣滿滿～朋友大叫非常棒，西瓜汁很香，而且不會下糖水，感覺不錯～富含維生素，茄紅素。朋友說飲了後，有 比目魚豬手焗薯 簡單的比目魚，加脆口豬手～很棒，煎出香脆細嫩的魚扒，啖啖肉，配上少在其他吃到的焗薯，滋味。 比目魚份量多，肉質細嫩。最重要是德國咸豬手，做法不易，店子的豬手肉質嫩滑，外層的也很脆又煙韌，吸引的午餐。 跟朋友相聚，當然要吃好一點。這裡午市套餐，選擇多，香脆可口，配上新鮮果汁，令人午餐添上力量。…Read More

最近晏就經過荔枝角，發覺都有唔少美食餐廳，最近就食咗呢間好有茶餐廳風味，但裝修好有西餐廳感覺嘅——🌟Bohdan🌟佢嘅午市套餐係星期一至日都係唔同款式，每日都有成五款選擇，一啲都唔會悶🤩._.🍴｜香煎美式公司雜扒 配黑椒汁｜🍴（焗薯時蔬+$6）一上枱勁豐富，舖滑曬成隻碟，唔同嘅扒每塊都大大塊，除咗扒仲有腸架✨再配埋惹味嘅黑椒汁，食到好滿足👍🏻時疏仲有一整個焗薯，包你一定食得飽飽·🦀｜泰式滑蛋黃咖哩脆軟殼蟹飯｜🦀見到軟殼蟹已經覺得好吸引，再配埋香濃嘅黃咖哩，邪惡得黎又令人無可抗拒💛軟殼蟹半邊炸到勁香脆，啲殼軟腍到可以全隻食曬，黃咖喱飯再配埋香滑嘅蛋勁夾·🥗｜煙三文魚凱撒沙律｜🥗沙律大大碟，生菜大塊好fresh💚沙律醬份量足夠，唔會好酸👍🏻·💚｜三青汁｜💚味道好fresh易入口健康又唔會太甜💕·🫘｜紅豆冰｜🫘紅豆比例有成一半🤩啖啖紅豆冰勁足料._.…Read More

星期六同朋友喺附近做完gym想補充下protein，見佢menu幾多嘢揀所以入咗去我嗌咗份set lunch，芝士焗龍蝦配牛扒同焗薯，跟一杯嘢飲，$98，以分量嚟講價錢都合理，但味道就…首先佢份牛扒係薄切西冷，質素同快餐店早餐嘅牛扒蛋嗰啲差唔多。可能佢煮到全熟嘅關係所以比較韌，同幾多筋，唔夠牙力就唔好嗌😅 焗薯偏硬身，可能焗得唔夠耐，而且唔夠牛油，煙肉碎又得幾粒，冇乜味，要靠點牛扒嘅洋蔥汁先夠味😅最後到龍蝦，本身已經冇任何期望，但出奇哋幾有鮮味，完全唔霉！而且有好多蝦籽，煮幾鮮味。不過龍蝦肉太有彈性，咬咗好耐先呑到，可能有啲overcooked，而上面嘅芝士煮唔夠濃味，但已經係成碟最唔差嗰樣🥲整體嚟講如果喺附近住或返工想食個簡單嘅lunch可以試吓，專登過嚟食就冇必要了～…Read More

餐牌寫烤雞柚子田園沙律，食物來到發現碟上完全冇柚子，只係得生菜粟米，2個侍應答唔到點解柚子沙律冇柚子。 出動阿姐，阿姐話係「柚子汁」，冇柚子肉的。仲同我講餐牌上面個「和風沙律」都冇個「汁」字啦，又知係和風汁，教我中文。睇返英文餐牌有個sauce字，受教。 我話應該寫返柚子汁在餐牌上，阿姐話唔鍾意可叫過另一樣食物，但我趕時間，結果照食。 但食落去完全冇柚子汁，只係普通沙律醋，貨不對辦。烤雞一啲味道都冇，似白烚。…Read More