59
9
22
Exit F, Tsing Yi MTR Station, Exit G, Tsing Yi MTR Station, Exit A2, Tsing Yi MTR Station
continue reading
Good For
Private Party
Opening Hours
Mon - Fri
12:00 - 22:30
Sat - Sun
11:30 - 22:30
Public Holiday
11:30 - 22:30
Above information is for reference only. Please check details with the restaurant.
Recommended Dishes
一家人出去食飯，見未試過呢間即管試下（老公唔贊成既），我諗住火鍋啫，點知中哂伏，打邊爐都可以咁差，實屬難得湯底淡不特止牛肉明顯係下下價貨，最強既係切好哂原碟雪，攞出嚟係癡實個碟，點都夾唔到，原來特別之處係要放响爐旁邊自行解凍，要食就預早嗌幾碟解凍先😪自助區選擇唔多，諗住食飽就算啦！點知攞啲菜返嚟係苦既😓有啲所謂海鮮係急凍蜆肉、青口、虾之類（百佳，惠康買到既雜感海鮮包）😑我都已經唔知仲有乜可以食幸好無加錢加埋海鮮，如果唔係。。。。。。呢個伏就會中得好應😣
continue reading
平時都有去開呢間食素食，不過經過下面呢件事，以後都唔會再去！過年時分，每間食肆啟市日子都唔同，去之前打個電話去問定有冇開市都好正常，電話接通咗，我用好正常有禮貌嘅語氣去問：「唔該想問下今日有冇開？」有個男人態度惡劣咁答我：「咁我拎得起個電話，就當然有開門㗎啦！」咁我只好回應：「咁0係你拎起電話嗰一刻，我當然已經知道你係有開市，但我無理由直接cut你線。禮貌上我都要話你知我打黎做乜嘅。」可惜佢聽唔明我講咩，可能呢個回應對佢來講太複雜。其實佢只需要簡單回應「有開」兩個字，所有嘢都會簡單好多。之前去呢間食肆，都感覺到啲侍應好火爆，見過佢哋鬧交，充滿負能量，可能做得唔開心，所以幫老細趕啲客走。
continue reading
一個店家滿足食肉獸同食素獸，店家一開二分開客人，先介紹左邊的素食當日（頭4張圖）叫左個肉排主食＋自助吧，然後被塞飽了，皆因唔計小食（甜品），個南瓜粥正斗，勁多南瓜同綿，湯品還好，不過提供十幾種靚菜任君選擇，而煮好放出黎的沙律（特別烤南瓜懷疑自己係南瓜控）包埋係打邊爐＋韓式自選配料拌飯總會塞飽你。 而今日進攻另一邊食肉的，要左個沙律吧＋雞牛豬＋炸雞套餐一百七十幾加一。熟食平均水準算高，喜歡韓式炸雞的仲有個配料區有特別調味料比你混醬沾黎食。每日一款指定老火湯提供，蔬菜都有十幾款，韓式拌飯多野落比你選。甜品區芋圓ma ma Day, 帶少少食材味沒煙韌口感（沒落糯米粉？）牛奶雪糕同樣ma ma Day, 綿密的相反唔知點形容）仲有少少似奶粉味。 撇除甜品區 整體嚟講試下去食是不錯的， 話曬 韓式又有純素又有肉食仲要幫你分開兩邊處理嘅好少見。
continue reading
見間餐廳係青衣城新開，門面幾靚，就打算一家人去試下，食下冬至飯，由於人數較多所以係Openrice 一早訂位.平時一般餐廳都會當日打黎confrim booking,但食飯前一兩個小時都無人打黎，為免老人家失望唯有自己打去confirm.我真心覺得要confirm booking 係餐廳責任囉， 令食客安心，扶老攜幼搵位不是一件易事。一入到去侍應完全無解釋餐牌，放下給我們看就算。 枱面衛生欠佳，枱面好油，叫人抹枱，完全無人理會，最誇張係有蟑螂。衛生問題欠佳都算，侍應同經理態度先不能接受。首先，一名短髮女侍應幫我們下單，我地第一次光顧這間餐廳，不知食物份量如何，加上有人不食辣，所以想叫幾款食物試下，看下份量如何和泡菜的辣度如何。該名女侍應不停強調我們這麼多人叫7樣餸不夠的，我都同佢講了我想知幾大碗再叫，點解佢仲要黑我地臉 完全有hard feeling lo. Menu 款色又少又無人推介，唔食過點再叫呀，個女侍仲扮出一款討厭的嘴臉，我地真金白銀食野架 ，點解要受佢氣。之後，我地想叫野飲，但佢話無得散叫，要加28 任飲，我地知道無可能一個加 一個唔加 ，所以全部加哂，好啦 加完當然出去拎野飲，款式好少，無汽水 得柚子茶 酸梅湯，要自己沖的蘋果蜜同薑蜜。我地每人拎了一杯後，個經理就出現了，話我地個炒烏冬係包出面的沙律bar,得但一個餐,要我地每人加128沙律bar.重點黎啦，一開頭menu 無白字黑紙，個烏冬包咩，係一開頭個女侍應話包沙律bar,話只可以一個人拎，但我地見d野一d都吾吸引 咩都無拎，一開頭話包一個，之後無啦啦話要每人加128，好過去搶，我見烏冬未黎即刻cut左佢 又無拎出面d野食。兩個員工前言不對後語，不如熟讀下公司產品再講啦。過左五至十分鐘後，個男經理再出場la，但d食物上菜快 想走都吾得。無啦啦又話我地叫吾夠主菜，要一主菜先可以加一個28蚊飲品，最好笑佢個同事幫我地落到單，過左一陣佢又話吾得，我地都飲緊啦，之後我地話你地menu無寫 你員工提議加28蚊dink bar ，佢話我地無睇出面個promation 牌，真係好無common sense ,我地一早book左，一到就入得點會睇，正常只會聽reception 簡介同睇枱上的餐牌，但兩樣都無e個條款好似被人老屈緊。我地有老人架根本無可能食到一個前菜一個主菜，佢地枱面又有珍惜食物的logo,真係好諷剌，唔通為左一人28蚊叫到全枱食物浪費咩。散叫飲品又唔比，拎左又唔比再加，個男人話一係再叫 一係取消28蚊，我地真係食唔通就叫佢取消，我地一開頭果杯都即刻收走，當我地係乞衣 叫我地自己出去拎水飲，明明要比加一服務費，我完全睇吾到服務係邊，食到成肚氣，明明自己員工講錯仲可以理直氣壯，一定無下次，服務欠佳，收費不清晰，員工對產品不熟悉重點食物只得賣相，味道完全不入流
continue reading
朋友知道我每逢初一都會食素，所以今次青衣城開咗呢間樸生，素食，朋友仔就即刻叫我去試一試啦！最初係外面望吓望吓嘅時候，都唔清楚裏面係食乜嘢，原來係韓式嘅素食自助餐我哋lunch平均都係每人$97，而且裏面嘅選擇都好多熟食，甜品，仲有石鍋飯嘅材料樣樣都齊甜品既豆腐花都好好味講返主菜，我哋一入到去裏面，見到可以自己做嘅石鍋飯喎，即時好興奮 自行攞材料去做石鍋飯，材料選擇真係好多食到我地都好飽飽，除咗石頭鍋飯，特別推介熟食，紫菜餅仲有記得要飲埋薑茶
continue reading