壹號漁船 (Fuller Gardens)

Open Now

Now Closed

💁‍♀️💁‍♂️ 29/12/2023(Fri), Dinner🍽大埔間稻香早前裝修咗一輪，呢幾日重開之後改咗名叫壹號漁船，都係稻香集團旗下嘅食肆，新餐廳特別在於喺餐廳嘅後段有一個位置間開咗專門安排食自助火鍋🍲，有晒凍櫃、飲品櫃同食物擺放嘅位置，呢個安排係未裝修之前係無嘅。今晚本身我哋打算係去另一間餐廳食飯，但路過呢度時被新開張所推出嘅自助火鍋🍲同新張優惠吸引咗，最後都係臨時改喺呢度食晚飯。新張期內仲要晚上8點半後入座有82折，就更加提高咗性價比↗️。好在而家新張唔係太多人知，否則第時應該會好受歡迎要等位。裝修完後餐廳比之前光猛咗，坐得都好閖落，餐枱都幾大張，即使放完兩個大大嘅冰鎮海鮮盤，都仲有位置可以放到其他食物。而今晚我地order咗：🔆 120分鐘晚市自助火鍋🍲（SRF黑和牛肩胛）（$298/成人；$168/130cm以下小童）點解講呢個自助火鍋🍲性價比好高呢？首先，一坐低每位先送一碟蠔皇鮑魚扣百花菇🍄，鮑魚都唔隻，配合爽滑而又煮到入味嘅百花菇🍄，伴住蠔皇汁，味道都唔錯。呢個係新張優惠，遲啲嚟食可能就無得送啦。跟住會跟人數上一大盤冰鎮嘅海鮮，分別每位有：- 波士頓龍蝦🦞【半隻】- 骨膠

陪屋企人去咗大埔稻香食長腳蟹，嗰日中秋節食飯，但係人流唔算多，堅咁高興就嗌咗個阿拉斯加長腳蟹 連埋套餐埋單千幾蚊，但節日出去食都預咗我哋六個人食都啱啱好夠食，同埋幫手剪晒隻蟹，老人家食都啱

二人去打邊爐，揀左龍蝦湯底。佢仲有差唔多十款湯底，有花膠雞等等，湯底濃郁嘅。一坐低首先係一大盆海鮮拼盤，有蝦、鮮魷魚、桶蠔、蝦滑、魚肚、魚片、小鮑魚、大扇貝，好新鮮。另外仲放低兩碟牛，又係新鮮好食。無論菜、丸、蠔等等都係新鮮料，我地再加40蚊要左半隻澳洲龍蝦，鮮甜，啲肉令嘅，係爽口彈牙。基本上，食左海鮮拼盤，加一兩碟牛，已經飽到上心口。飲品任飲，雪糕有mega雀巢雪糕杯甜筒等等，熱甜品有芝麻糊。環境乾淨光猛，人均消費300蚊。哎嘅價錢，有咁嘅質素，我無投訴，會再去食。

母親節當日同媽咪去食晚飯，5個人叫左個半席母親節套餐$14xx(未計加一)，有10款食物、1支啤酒、4罐汽水 。柯打後20分鐘內已極速上左5度菜，同佢地講左食吾切慢慢嚟，但廚房一於少理，其餘5度都係迅速送出😆，啲野好快凍哂 。但其實餐廳吾爆，入座8成左右 ，可能廚房唔夠人掛🤷🏼‍♀️出餐次序同食物評價：1. 乳豬拼盤 - 乳豬一般，切雞、黑木耳、麻醬粉皮正常，叉燒好乾似柴皮2. 炸鮮奶 - 正常3. 澳洲龍蝦伊麵 - 龍蝦都新鮮嘅，味道正常，但伊麵就好難食，好「林」無味 。4. 蒸沙巴 - 腥，但養魚腥係正常，所以預左 。5. 螺片西蘭花 - 螺片好硬同整到好辣，怪怪地，西蘭花正常 。6. 炸子雞 - 七八成熟有血水，叫亞姐攞番入去整熟啲，佢話隻隻都係咁架喎，想放低就走😓，我哋堅決吾收貨，佢先肯攞走，最後碟雞10分鐘內出返嚟相信係用微波爐叮熟，冇咩雞味啲皮又唔脆 。7. 翅（唔記得係咩翅） - 魚翅近乎無，我嗰碗搵到兩條幼過粉絲，咁都算，但根本一啲味都冇唔知食緊乜 。8. 鮑魚花菇生菜 - 正常9. 荷葉飯 - 濕爹爹10. 壽桃包 - 最好味最正常😂我哋食淨好多嘢，好嘥，但真係好難食😭

第一次朋友介紹去食小菜，見D評論麻麻地，朋友又話好好食，真係一心諗住Try 下，朋友真係冇介紹錯，我叫左海鮮餐12人份量，真係冇諗過又平又好食😋直得推介由第一道菜開始到最尾都冇失望，海鮮又新鮮又好味，第一道菜出龍蝦🦞又新鮮又彈牙真係正到暈，魚又新鮮又滑捋捋又肥美，炸雞皮脆內軟又好味，鮑魚有新鮮，蜆肉菜有甜，個炸生蠔先不得了又大隻又好食，就嚟又到母親節都會帶家人去吃飯⋯正推介推介⋯正正正正正正正正

食物質素已經唔係重要 ‼️因當你上到去知道落唔到嚟已經所有胃口都無晒‼️4月20號晚帶同老人家去試呢間火鍋店，果晚傾盤大雨諗住都無所謂室內，我家老人家要用輪椅代步，但呢間已開多年前身是 稻香 都知有扶手電梯可以上，當落時可轉扶手電梯方向，因有兩層樓高度，當上到去等待入位時見一老人家要離開 當時要求店舖職員轉電梯方向，職員稱電梯已經不能轉方向，本舖亦沒有其他貨𨋢使用，只可以用樓梯行下去！！！樓下大堂完全沒有任何指示「電梯只供上 不提供落」，由於當晚大雨已上到去只好草草食完再由4-5人扶我家老人家落樓，所以發此文希望行動不方便就不要到此家！

未入去之前啲阿姐已經唔想做生意咁，唔理人，問咗幾次仲有幾多張檯先答你，明明入面有大量位置都唔畀你入…第一，餐具極其污糟，有幾個碗仲有菜係度…第二，餐牌編排不妥當，好難睇。寫好單後，等咗2分鐘一個樓面都未見到，最後要親自拎去接待處先可以落單。第三，食物好難食，乳鴿超咸，咸到苦，$288嘅龍蝦伊麵又細份，唔好食。價錢就見仁見智啦，但呢個價錢嚟講食啲咁嘅嘢絕對唔抵。唔建議食呢間壹號漁船，隔離明星咁cheap都好過佢。

行完山，滾水淥腳趕返嚟同屋企人食生日飯。都知就近過年，都預咗冇乜選擇，本身屋企人都預咗食套餐，咁就有一定嘅心理準備。人多所以都係嗌咗半席啫。白灼蝦係新鮮嘅，至少我食完個喉嚨冇痕痕癢癢。不過如果佢有個辣椒豉油點綴下就會更加好。另外，浸菜就淡咗少少，有少少失望之際，個蟹鉗挽回唔少分數。鮑魚好似泰式酸辣，而個燒雞唔夠熱，又好似跌返落去谷底咁。另外佢個海中寶賣晒，轉咗個羮我哋，都係基本嘢冇乜特別。反而對個斑有啲驚喜，好鍾意佢有啲榨菜土魷同銀魚仔喺上邊一齊蒸，咸鮮味十足送飯一流。個帶子炒飯都尚算乾身。如果要揀，我都係比較鍾意去另外嗰邊打邊爐放題，感覺上性價比高好多。

超級後悔的團年飯家人話平時點心幾好食所以黎試下全晚嘅食物都係唔熱燒鵝係返叮熱 啲皮叮到反晒但都係唔熱霸氣鮮炒出晒煙但都只係暖海中蝦個啲肉係腍嘅 蝦頭有幾隻都黑左個白飯係微暖同硬既 用筷子可以好似砵仔糕甘篤起成餅飯最嬲係明明個芝麻糊阿姐話送既 落晒俾全檯埋單時話只送一碗 個經理李小姐仲話唔好理佢地最多送兩碗算。 照俾$120錢唔係問題 成餐飯都食左幾千銀 態度好啲話溝通誤會 唔會全家人都食到成肚氣。呢間以後絕對唔會幫襯！

夜晚6:30開始禁飛攞位，7個人，嗰陣仲未有其他食客一齊等，到7:30問佢仲有幾耐，佢話大概半個鐘，等一張枱，但係其他人就算五至10個人，遲過我哋撳飛都入晒去🤷🏼‍♀️大家都係冇book枱，估唔到等一張枱要等到八點都仲未入得🤷🏼‍♀️跟住啲侍應零埋你，望住有一台客，舉手舉咗5分鐘都仲未有人過去嘢食就唔想講，等咗1:30鐘去食，真係唔係好值冇咩事建議多人嘅話book咗枱先去食👍🏼👍🏼反正服務0分

新開海鮮火鍋放題，見到價錢吸引，所以黎一試。裝修新淨企理有卡位，但衛生一般，不少食客都投訴枱凳有污跡，我當日去張枱就未完全抹乾淨。有多個湯底可以選擇，選擇咗龍蝦海鮮湯，同一般罐頭龍蝦湯嘅味道有些許相似，但唔會過鹹。套餐蓬鬆海鮮拼盤，以下係二人份量，海鮮拼盤份量多，有龍蝦、鮑魚及海蝦等等，而且海鮮尚算新鮮。肉類屬於一般放題級數，普普通通。一般嘅菜及丸類都可以出去自己拎，飲品選擇亦都多。甜品有雀巢雪糕及雪條等等，算係合格。可惜，衛生情況一般。由於衛生最為重要，因此應該唔會再嚟食。

新開諗住去試下,簡直係虐待自已!飽肚 : 所謂點心任食,大部分點心都冇到!有到就得一件.再點又要等!服務: 流單追嗰啲侍應!個個聽唔到,幾個比較矮嘅年長女士,根本唔係做嘢!叫佢收啲嘢,都話轉頭先!唔好講追單.攞啲點心嚟,客人全部食佢手指.勁恐怖!質素 : 點心,一咬成口油,油炸果啲,仲要唔洗咬都滴油,最恐怖係生同熟放埋一齊(普通蒸好點心,同放火煱未熟點心,一齊攞嚟,蒸好果啲又唔熱,問推車送來啲呀姐,邊啲係熟,邊啲係生,佢話佢都唔知!)真係虐待自己,一夠鐘,就叫人走!完全無服務的放題經歷!

行完山，食咗個唔好味嘅下午茶，好彩有夜晚呢一餐補數。凍凍地返到屋企沖完涼，就出去同其他鄰居再打個邊爐見呢度新開，又送鮑魚又又海鮮拼盤，不妨試吓。可能始終都係新，同埋喺街頭街尾嘅位置，唔算多人，晚飯小菜嘅話得兩張大枱，但係邊爐嗰邊嘅話都叫滿座。我哋8:30後入座，再加碼食埋佢個SRF牛。都係壞習慣平時一去到一啲任食嘅場都係去睇吓啲櫃。有啲醬料都幾特別，唔知係咪專登俾你點牛或者點雞肉食。餐前小食，我就覺得可以慳返quota啦，但係佢個蔬菜櫃都幾多選擇，啲丸仲係好好食，一向打邊爐唔食丸嘅，都覺得唔介意食多幾粒打爆個胃。同埋個粟米超級甜超推！另外飲品嘅話都好落本任飲嚟講嘅話有「喜力」真心正。上餐不過可能我哋食8:30嗰輪，啲鮑魚同埋花菇就放涼咗唔夠熱。另外啲湯底就冇乜了，牛肉係正嘅。不過其他雜項就份量少啲，我寧願佢任食嘅話比多幾粒好過咁多個膠兜。圖裏便嗰啲份量係我自己group埋嘅。另外最矚目都係個海鮮拼盤一樣起碼半隻龍蝦，另外啲草蝦用竹籤插住上枱嘅時候仲係郁嘅超新鮮。好彩佢個拼盤後上，食完兩灣樓再加埋啲海鮮其實已經飽到上頸，性價比超高。雖然雪條好多選擇，因為實在太飽，只係食咗一條。因為實在太

我六點開始取火鍋飛，當時講7點半會開始叫飛，但等到8點都未叫飛，就話D人未埋單冇枱，服務極差,問佢幾時有位唔出聲唔埋😡😡😡🤬🤬等足兩個鐘都冇得入座，話老人家唔等得大聲責罵都冇反應唔出聲，有冇搞錯咁大間酒樓可以咁九樣🤬🤬於是行個場睇有枱竟然可以冇凳，仲話擺酒搬曬入去，一間酒樓，點解可以話唔夠凳😡🤬😡😡😡😡😡🤬大枱小菜火鍋都冇位🤬🤬🤬，等位又冇凳坐，點解唔夠凳可以唔停火鍋😡😡🤬🤬

今日兩個人下午5點幾去到，全場只有一成左右入座率，侍應竟然安排我哋坐近廁所門口一張特別細嘅枱，我要求換其他較為正常嘅2人枱，竟然即時遭到無禮拒絕，唯有即時離開食個晚飯俾幾舊水，連坐得正常啲都唔可以，感覺極差