Bistro Wellington (Closed)

唐揚雞塊95%以上是麵粉，that‘s it:)The food is awful, I ordered a fired chicken curry rice set, and above 90% of the fried chicken is flour, definitely added to my black list.…Read More

試咗佢嘅日式厚牛舌咖哩飯同埋日式炸豬扒咖哩飯。 嗰塊厚牛舌真係好大塊好厚外脆內軟，個炸豬扒都好好味， 再加咗個炸蟹肉可樂餅。價錢同品質相比都好合理，絕對可以返頭再食!下次嚟再試下去嘅其他嘢先。…Read More

原來呢到變左咖哩專門店，黎之前係想試花雕雞胸冷烏冬，但餐牌上已轉了全部都係咖哩食品。*吉列豬扒咖哩飯*飯量尚可，一個女仔都食得哂，吉列豬扒都做到脆皮，但豬扒好實好乾好鞋，雖然係叫咖哩專門店，但唔覺得咖哩有咩特別，食哂啲飯，冇食哂啲豬扒。*照燒雞扒烏冬*烏冬要另加$15，咁進取我期望個烏冬會出色啲，但好濕好軟身，一pat野漿住大家，照燒雞扒就係普通質素，好薄一塊，都係偏乾但比豬扒好啲。中環黎講呢個價位算係咁，但午飯時間都唔洗等位，相信都反映左佢的質素平平。…Read More

今日係我一家居家隔離嘅第一日諗起對上星期同太太行過附近呢間新鋪不如試下佢外賣 之後一試難忘今日想再試佢咖哩吉烈豬扒飯太太食咖哩厚牛利飯由於居家隔離 唔可以外出我試下問下攞去我樓下掛係鐵閘我自己再攞得唔得點知佢地一口答應 仲比埋自取折扣我 真係人間有愛講返食物 真係超值 一大塊無骨豬扒 岩晒我啖啖肉外皮仍然鬆脆 肉質唔會死實厚牛利都好好 厚得黎咬落唔會韌調味亦夠 好好味咖哩汁係似日式 香口帶甜 撈飯一流最後有支小甜意米水送 解下油膩講真 爭D食唔晒 夠飽 味道好好 價錢好合理自取折實總共只係＄102 呢區性價比黎講算高 …Read More

@bistro.wellington 中環抵食平價西餐💛十二月得知銅鑼灣分店 @around.wellington被罰晚市，第二日已經去幫襯中環店午市外賣～當時排哂長龍頗為多人仲幾欣慰。🤧但到之前想試埋晚市成晚陣時只得我地一台客真心有啲唏噓，我自己論盡部電話沾到醬汁店員仲即刻俾濕紙巾我🥲大家點忍心睇小店員告急😰😰宜家又停堂食實在需要大家幫幫手！！～❤️❤️花雕無激素雞胸配稻庭烏冬 🍜$118👍🏻另上嘅花雕酒好香好濃味！😍無論沾上煙靭爽彈嘅稻庭烏冬定係雞胸都真心不錯又幾夾！～😚呢個搭配好好食！👌🏻雖然雞胸原本無乜額外調味，但勝在份量好多質地幾軟，正常不錯～蟹肉蟹膏忌廉意粉 🍝$148👌🏻忌廉意粉加入咗炒香後嘅大粒蘑菇🍄同鮮甜蘆筍，再連同頂上嘅蟹肉蟹膏和蟹籽拌勻～🦀食落材料幾豐富足料，但可惜意粉比較偏甜和有偏油，🥵單靠蟹籽為意粉帶來鹹味有點不太足夠，🥲落多少少鹽應會更好，整體未去到膩但味道比較普通。🥲是日餐湯：西蘭花湯🥦 $0👍🏻好好飲！一啲草青味都無！不用擔心～😚😈飲落質地濃稠得黎仲食得到嘅西蘭花蓉🥳真材實料地像似用$38單嗌嘅湯點～蟹籽蟹肉蓋飯 配松葉蟹甲羅燒 🦀 $100👍🏻外賣有折之餘一樣有食用花擺得靚靚仔仔～🥺🤤一打開見到蟹膏🦀 蟹肉🦀蟹子🦀三重奏超開心～餸多足料够哂拌飯，超高質抵食！🥳🤧私心建議店鋪可考慮另搭配醬汁會更好食～🥰可以轉換下味道又避免食到尾會偏乾～😋📝中環友絕對可幫襯！晚市一百中💰嘅平價西餐味道也不錯又坐得好舒服放鬆～！食物大份質素又良心值得多啲人幫襯。（6/10）📍 Bistro Wellington- 中環威靈頓街112-114號新威大廈地下C號舖Around Wellington -銅鑼灣登龍街28號永光中心21樓…Read More