Bistro on the Mile

Open Now

Now Closed

復活節長假期決定請屋企人食餐好，行完街時間有點尷尬，已經14:30，突然諗起食下午茶🫖但我地年輕人鐘意食西式食物，而老人家鐘意食中式食物，咁決定唔好煩，溝埋做瀨了牛丸阿笨，去食下午茶自助餐，探佢咩都有。下午茶自助餐開始時間由15:00-17:00 ，原價HKD 268 加一，匯豐信用卡或者AE card 八折。因為復活節假期好多家長帶小朋友去食，枱與枱之間都好鬆動唔會出出入入撞到人，又唔會太迫。前菜凍食有多款已經調好味嘅沙律🥗，大推牛蒡、泡菜。仲有清甜柚子粒。海鮮方面有小龍蝦🦞、蝦、青口、正常海鮮係有職員夾比客人但壽司師傅同海鮮師傅係同一人，當日繁忙到客人自己嘅夾😂熟悉方面有自家製點心燒賣糯米雞過得去另外仲有臘味炒飯，炒烏冬、普普通通貨色。甜品方面有多款蛋糕仔但味道普普通通，鬆餅出奇地好食😋牛油🧈味濃，但窩夫🧇好焾。最後都係食哈根達斯雪糕最穩陣，有好多多款口味仲有哈密瓜限定version 😍總結：食物款式吾多 質素都一般但坐得幾舒服 員工服務態度唔錯

Staycation 包1250餐飲消費12點Checkin就去食lunch buffet入場冇乜人，好闊落，枱與枱之間都有鬆動，唔會出出入入都忙撞到人。又唔迫。前菜凍食都有幾多款，牛旁泡菜好食。仲有柚子沙律，一粒粒好得意。蝦沙律杯，幾精緻。海鮮由職員夾，其實咁樣幾好，唔會好似其他buffet咁搶。又舒服又唔迫人。拎左蟹腳同蝦熱食都幾多款，燒牛脷串好食，夠淋又香。正方形果塊係一大條肉卷切出來。好似午餐肉咁既味，但又幾好食。有趣！有咖哩魚旦，雖然係平野，但係平時間係唔會買來食，所以有得食就好滿足。甜品都ok,不過唔算太多款，但都夠食。呢度閒日Lunch唔多人，拎野食唔駛同迫又唔駛排隊好舒服。但食物就唔係話咩貴野，不過都夠食同岩食。想揾地方坐下同朋友傾計又食下多元化野都係唔錯選擇。

少有聖誕節假期仍然有折扣的酒店自助餐。恒生信用咭7折，Open Rice 都有折扣，不過信用咭至抵。COVID-19 香港疫情第四波，1800~0500 禁堂食，唯有食住LUNCH BUFFET頂住先。Buffet 分兩個時段，1100~1300, 1300~1500。食物選擇唔算多，Lunch 不嬲都唔多嘢食，但都算OK。熱食： 火雞， 牛柳，天婦羅，㗎喱，燒賣...冷食： 三文魚，吞拿魚，蟹腳，螺...甜品： Haagen-Dazs雪糕， 芒果布丁，芝士蛋糕...飲品： 可樂，雪碧，Coffee, Tea 任飲

有Affinity club 自助餐買一送一優惠緣故我同朋友星期六走咗去呢間酒店自助餐食下午茶($268+10%)（可以星期六都有非常好，另外我同朋友一般覺得酒店自助餐我好驚唔夠細緻同埋味道都比較一般所以都唔抱有太大期望）*去之前先打去預約入到去坐低咗之後先拎左杯咖啡飲，雖然唔同嘅酒店都係用類似嘅機但係個豆就令大家會有分別呢間都幾唔錯👍🏻之後去食咗啲熱食，普遍都係中式嘅意識為主，平均來講都好唔錯最特別係個牛腩*👍🏻真係非常非常非常非常好食，肉身夠厚夠淋（真係好淋）仲要有牛筋選擇，跟住膽粗粗試吓啲日本刺身同壽司🍣....世紀災難....嗰塊什麼鯖魚魚生唔新鮮到我要吐返出嚟.....甜食方面真係不得了，可能佢哋同自己意大利餐廳嘅廚師👩‍🍳共用...我各式各樣嘅甜品都唔差特別係個熱嘅牛油麵包布丁最出色...生果盤都係世紀災難唔係太新鮮...總體來講喺凍櫃入面嘢麻麻地熟嘅食物同甜品非常唔錯.總結：食物 6 （-4 大概全部都係因為凍櫃入面嘅嘢）環境 5衛生 4.5服務 6性價比 6回頭率 5.5

海鮮霉，食物選擇少且質素低。全部下價食物。全年食過最垃圾自助餐沒有之一。tuna有血腥味。三文魚肉質鬆散，凍飲選擇只有汽水，完全冇其他野飲。其他低價食物更是不值一提。

食咗兩日野，我哋仲未食晒food credit，Check་out之前就落嚟食返個英式下午茶。呢間餐廳主要食自助餐為主，作為一間酒店餐廳，佢嘅座位相對唔特別舒適，鹹點還算OK，三文魚多士、英式鬆餅、炸魚薯條、胡椒吞拿魚、肉丸、越式米紙卷... 芝士蛋糕泡芙同蛋白餅都OK，但有某啲甜品就相當奇怪，朱古力mousse下邊有芒果醬，真係好奇怪呢呢個tea set唔會食到你嘩嘩聲，但餐廳唔多人起碼可以同朋友輕輕鬆鬆傾吓計。呢個價錢喺尖沙咀嘅繁忙地段算係相當唔錯。

尖沙咀5星酒店，假日下午茶Tea Buffet 。疫情下消费<成人>$268。<长者>$214。<儿童>187。会员-33%。<鱼生>+<咖啡>+<冰淇淋>已食足够本。其他食物保持一贯水准，前菜沙律用小盘子分好~加透明盖，卫生可靠。

而家興staycation，住酒店包早晨自助餐。其實Holiday Inn呢一個酒店包嘅breakfast buffet呢已經食咗三次。今次總括講解，可惜我就冇特別去影啦。希望寫多少少資料畀啲而家抗疫想出嚟住酒店嘅朋友大概參考一下。中式早餐有幾份點心，都係好standard嘅例如有蘿蔔糕，機械式整嘅叉燒包，燒賣，粉絲菜餃。佢會有啲炒菜，菇，炸魚，鰻魚炒飯，中式炒麵,白粥,牛肉粥,油炸鬼香腸火腿煙肉。有一個專人嘅煎蛋巴，會隨你喜好去煎太陽蛋，奄列，荷包蛋。佢有即淥麵，會煮烏冬，雲吞，菜麵之類。會有西式嘅甜多士，pancake，蕃茄豆火腿，薯角，雞肉腸,yogurt，冷盤沙律。麵包同muffin,有水果, 奶咖啡同茶。係一個好standard你會expect酒店嘅自助餐，冇乜驚喜，唔係求其但你又唔會覺得佢特別興奮。中規中佢嘅港式酒店自助餐。個人覺得簡簡單單嘅奄列再加啲炸薯餅加個水個盤同toast再加一杯豆漿就已經係一個滿足嘅早餐。

太耐冇食buffet今日嚟咗金域假日酒店食lunch buffet不嬲lunch buffet嘅質素都係麻麻但係因為有半價嘅優惠所以都黎食下因為疫情關係 大家拎嘢食都係要戴口罩沙律類都係整好一份份唔會攤開比你夾有冇用就見仁見智唯有自己小心啦凍海鮮係呢d同小龍蝦質素就麻麻咁呢個價錢都好難比d高質嘅你d魚生都ok厚切可能個師傅都唔想切咁多轉haha主食嚟講 我都無食太多不過個西冷質素都唔錯最主要係佢無太熟其他熟食就正常啦 食得落口但你唔會想食第二轉最緊要梗係食haagen dazs有我最最愛嘅朱古力同咖啡味總結嚟講係好平嘅但我就唔會想再食都無咩好食

Tea buffet 以信用卡七折優惠，平均HK218位 绝對係value for money.抵食。熱盤，冷盤，仲有精美甜品及Häagen-Dazs 雪糕。唯一扣分係個蕃茄湯，味道比較odd.

為慶祝母親生日，揀咗在這裏吃lunch buffet, 價錢合理，折扣完 $295一位成日，環境舒服，檯與檯之間有一定距離，大家都食得好玩心！冷盤除沒有生蠔外，差不多樣樣有齊，新鮮兼有人夾埋俾你，全部食物都有蓋蓋住，衛生做足， 讚一個！

本來在疫情下，其實唔係咁適宜去食buffet，但因為生日，所以括出去🤣🤣去到見到啲食物，除咗熱食嗰part，其他全部都已經分好細細碟，有個透明蓋(好似迴轉壽司咁😅)，減低傳染風險👍🏻而海產類及刺身類，例如生蠔、小龍蝦、長腳蟹等等，全部都要由廚師夾比食客，好安心👍🏻唯一美中不足係服務態度差少少。1）企係門口等咗幾分鐘冇人理，個經理見到我哋，但淨係叫我哋等等、等等，然後佢繼續企係到，直至到佢啲下屬忙完才出嚟接待。完美示範酒店餐廳經理的地位🤦🏻‍♀️2）有一位侍應叔叔好惡，每次去我隔離嗰張枱收碟，都會「罵」隔離枱個食客「拎開隻义」「拎開較剪」😅😅唔知之前佢哋發生過咩事😅😅

金域假日酒店性價比好高嘅自助餐🤩🤩無論係頭盤定係主食都有好多款海鮮選擇🦀🐟🦑而且好欣賞佢好注重衛生, 佢要求客人一定要戴上口罩先可以攞野食, 而且好多款食物都係要蓋蓋上, 一定要大讚👍🏻先講冷盤, 鮮蝦, 長腳蟹一定會有, 而且剩係計龍蝦已經係有好多款, 有新鮮原隻龍蝦, 龍蝦沙律等等🦞🦞仲有即開新鮮生蠔添😍d蠔好有鮮味, 加埋d檸檬汁一流👍🏻估唔到沙律都可以有咁多年來款式, 不同配搭都有另一番鮮味! 主食都有好多款選擇, 有粉絲蒸扇貝,羊架, 壽喜燒😋d牛簡直係入口即溶, 配埋醬汁真係一流! 咁多貴價嘅菜式, 好開胃, 食到好滿足! 仲要份量都好慷慨, 每一份都好大份。佢個咖喱好特別好香口, 原來係請咗個出名嘅印度師傅黎整, 仲可以即整印度薄餅添! 甜品好多款式好高質🤩佢仲要有一般buffet都好少有嘅拿破崙添!! 個綠茶mousse 都好滑好有口感, 可以話係為呢餐畫上完美嘅句號! 成個用餐廳體驗都好滿意, 佢每度菜都會蓋住, 每個客人都必須戴口罩先可以出去攞野食👍🏻👍🏻環境闊落座位舒適, 職員服務都好好🤩總括黎講, 每人唔洗六百蚊就食到咁高質嘅食物, 憑信用卡仲最多可以有75折同

疫情穩定下想吃個自助午餐輕鬆一下心情，很可惜這個自助餐質素比之以前差勁。魚生刺生不新鮮，吞拿魚入口有怪味，似存放很久，從未試過要吃魚生要吐出來。其他熟食沒有什麼特別，生菓也少得可憐，放在杯中，倒算衞生。反而甜品算比較吸引，而且款式算多。

男朋友生日，甘岩見到到網上有酒店住宿優惠（perfect holidays)包1000$餐飲，我同男朋友本來滿心期待，點知入到去已知中伏，選擇極小之於。男朋友細個個時做過抄散，佢講左好多次好吾掂，用難食去形容。搞到我心情都好差，食得好吾開心。計埋仲要7XX$一位，認真下次搵啲岀名既，吾好亂中伏，信埋其他or既食評希望其他人見到我呢個食評，可以信我，吾好食！！Ps. 全場最正常係雪糕，可惜食到真係無心情，我同男朋友食左兩啖，都忍吾住走人