181
22
5
12-min walk from Exit A1, Kowloon Tong MTR Station continue reading
Telephone
26280330
Introduction
Serves a tempting range of Mediterranean and Asian delicacies using overseas imported ingredients, all crafted by our master chef in creative ways. Decorated in Mediterranean theme, Bistro Bon features spacious yet relaxing ambience through its cozy interior design. continue reading
Opening Hours
Today
08:00 - 22:00
Mon - Sat
08:00 - 22:00
Sun
12:00 - 22:00
Public Holiday
12:00 - 22:00
Payment Methods
Visa Master AlipayHK Alipay Cash Octopus UnionPay Apple Pay Google Pay
Other Info
Online Reservation
Wi-Fi
May Bring Your Own Wine
VIP Room
Phone Reservation
Reward Dining Points
Delivery
10% Service Charge
Spot payment
About Reward Scheme
Review (226)
Level2 2021-01-02
253 views
地中海餐廳Bistro Bon(九龍塘)💛••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點:•聖誕套餐(原價 $898+1/二人)五道菜嘅套餐!晏晝仲會有75折喔!即係今餐有牛扒有鴨肝有龍蝦都唔洗$750!🤩揀唔同主菜會有唔同價錢,最平嘅798+1。今次揀咗牛扒&龍蝦,所以$898+1。••••••••••••••••••••••••••••••♥️食評:先由麵包講起,麵包有烘熱,芝麻嗰個包非常脆,好重芝麻味!另一個好香,質地仲有少少似麵包🥳呢個我自己好鐘意!!前菜揀嘅兩種都幾唔錯,但我比較鍾意香煎法國手切鴨肝配焦糖無花果及黑醋。鴨肝幾香,而個無花果真係令成道菜加晒分,配埋一齊食完全無晒嗰種油膩感。另外一款係48小時慢煮西班牙黑毛豬腩肉,配黑醋雪梨汁及石榴。黑毛豬嘅味道明顯同普通豬肉唔同,而且肉同脂肪係一層一層夾雜,食入口唔會好油!湯方面,揀咗經典茴香忌廉湯配茴香酒,味道好特別,一啲都唔漏,我同朋友都比較鐘意呢個。另一個係松露野菌忌廉湯,呢個都非常唔錯,啖啖都係菇好正,亦有聞到松露味,唔錯!意粉揀咗明太子海膽三文魚忌廉手打意粉,一開始就咁食咗少少海膽,唔會臭!不過我鐘意撈勻食好食啲!手打意粉明顯食得出同普通意粉差好遠,好掛汁同好有咬口!同埋個配搭真係唔會輸!好好食🥺主菜有四款揀,我哋揀咗香烤頂級美國安格斯西冷(12安士)配香煎龍蝦尾、薯蓉、香烤蔬菜、牛燒汁。牛扒叫咗五成,煎得幾好,有啲油脂,唔會韌,而且好有肉味!龍蝦尾相對失色🤣因為唔算好大隻,但睇得出新鮮,唔會縮晒水,同埋肉質彈牙。甜品兩款叫晒,分別係伯爵茶意式奶凍同海鹽布朗尼蛋糕。伯爵茶意式奶凍超滑超重伯爵茶味,上面有啲糖漿中和茶嘅苦味~我自己超鐘意呢個甜品!海鹽布朗尼蛋糕都唔錯,真係會食到一粒粒大粒嘅海鹽,朱古力味都好濃厚,鐘意朱古力嘅朋友唔好錯過。套餐都有配埋餐飲,可以加$16加配特飲一杯,當日加配咗一個乳酸同一個薑汁咖啡,但真係太飽啦食得,所以建議叫返茶類嘅飲品🤣••••••••••••••••••••••••••••••♥️特色:呢間餐廳係浸大校園入面,但因為疫情似乎無咗好多學生生意🧐而且地方都唔太方便,如果得閒可以去試吓,值得支持。環境好闊落,坐得好舒服,如果無咗6點後禁堂食氣氛一定更加好😣•••••••••••••••••••••••••••••• continue reading
(The above review is the personal opinion of a user which does not represent OpenRice's point of view.)
Level3 2020-12-19
1055 views
講起威靈頓牛柳呢道咁經典既英國菜式,就會諗起Gordon Ramsay同謝檸檬🍋🤣,由於一直都好想試下,所以之前趁仲未禁晚市既時候去左間都幾多人推介既西餐試試佢,出奇地,呢間西餐竟然係浸大入面,仲要係黃店黎🤓呢到既威靈頓牛柳同好多餐廳一樣,都係要提早預訂先有既,我地嗌左medium,一上到黎已經幫我地切好晒,total 5大舊,拎起其中一舊見到入面呈現粉紅色,好吸引🤩 食落肉質好嫩滑,完全無筋,又唔會好鞋🤤 雖然傳統係夾左鵝肝醬係中間,但我就麻麻地呢個醬,有啲太鹹🤭,同埋個酥皮係切既時候都比較易甩。另外,佢仲配左醬汁同鹽比我地點,個人認為就咁加少少鹽就已經好夠味👍🏻 伴碟既薯蓉仲要好香牛油味,食落好smooth,成個菜式都好推介!☺️由於個威靈頓牛本身已經好大份,兩個人食都掹掹緊,所以嗌多份鵝肝多士就算。鵝肝好肥美好大舊,咬落油脂咇哂出黎,勁澎湃😋 食落仲帶啲啲鵝肝既甘香,多士烘到脆卜卜,仲有啲牛油香添,唔錯👍🏻(不過鵝肝呢樣野真係間唔中食一次就好了🤭)佢個湯同餐包係另嗌既,不過店員好好人咁送埋salami同Parma ham比我地做頭盤,味道都係鹹鹹地,正正常常咁。而個蘑菇湯就要讚下啦😀 皆因佢係由蘑菇粒煮成蓉,好足料好杰身,啖啖蘑菇肉👍🏻而餐包我就不嬲麻麻地啲硬掘掘既西式包,所以無咩comments,但佢係比cream cheese我地搽,感覺上好過搽牛油🤣最後,我地嗌左佢既自家製tiramisu作為結尾,本身朋友麻麻地tiramisu,但佢話呢到既tiramisu令佢對呢個甜品完全改觀左🤣 皆因佢個tiramisu食落勁幼滑好creamy,最緊要係食落唔會淨係得死甜,手指餅係另上,側邊仲有expresso 用黎點,食法好有趣😗總括而言,呢間黃店西餐真係好推薦!😆 野食味道整體都係中上,特別推介佢個威靈頓牛柳同埋tiramisu☺️ 至於個牛既性價比就唔算好高🤭 而餐廳環境夠大夠闊,坐得幾舒服,不過位置較偏僻,想食好西就要花啲時間搵下路啦🤣 continue reading
(The above review is the personal opinion of a user which does not represent OpenRice's point of view.)
Level3 2020-12-18
505 views
因為老朋友好耐冇見,於是約咗佢食飯,佢就推薦左食呢間西餐廳。地點唔算方便,喺九龍塘站落咗車之後亦都要行好遠嘅距離先到達。餐廳嘅位置就係浸會大學附近,店內嘅環境比較闊落,唔會覺得好擁擠嘅感覺,同朋友傾偈可以暢所欲言。我哋兩個人叫咗一個豬肋骨以及一個意大利飯再加兩杯嘢飲,價錢不算太貴,算係比較抵食。但係食物嘅質素就一般般,唔係想像中咁出色 。呢間餐廳賣點就係價錢唔貴,食物嘅份量好大環境舒適。我哋點嘅兩個食物之中羅勒番茄意大利飯係最好食 ,意大利飯混合左一啲香草特別開胃美味 。豬肋骨套餐嘅份量十分之大,我哋兩個大男人亦都勉強可以食得晒,十分之飽。但係豬肋骨就唔係十分之好食,相比之下薯條係整個豬肋骨餐入邊係顯得較為好食。總結,如果想安靜休閒咁樣傾偈,呢間餐廳係值得去。 continue reading
(The above review is the personal opinion of a user which does not represent OpenRice's point of view.)
Level2 2020-12-12
524 views
🔸除佐又一城之外 九龍塘仲有其他餐廳嘅😊 餐廳喺浸會大學新校嗰邊 環境幾唔錯 店面幾大 座位好闊落 坐得好舒服😀 夜晚唔係好多人 但唔係好近地鐵站🤣-🔹威靈頓牛柳🥩 ($598)呢到嘅威靈頓牛扒係要預約先有得食 但我地好好彩 冇訂都有得食🤣 我第一次食威靈頓牛柳🤩 外面嘅酥皮都幾脆👍🏻 但個牛柳同酥皮好容易一切就分離佐 而且酥皮同牛扒中間嘅鵝肝醬同蘑菇泥太鹹好膻☹️ 個人覺得舊牛柳真係麻麻地 冇乜牛嘅鮮味😅 側邊嘅薯蓉好幼滑幾creamy但冇乜薯仔味😀 份量好多 一定要share黎食😄評分: 🌟.🔹火腿拼盤 🥓🥗餐廳好好 送佐個頭盤俾我地🥰 入面有parma ham同salami🥓 味道就正正常常 幾有鹹香👍🏻 頭盤仲包埋沙律菜 配埋酸酸地嘅醬食👍🏻評分🌟🌟🌟.🔹酥炸魷魚圈配他他醬🦑 ($68)好邪惡嘅小食😍 份量比想像中多好多 所以幾抵食🤩 魷魚圈炸得幾脆👍🏻 個他他醬都唔錯 酸酸地 好夾個魷魚👍🏻評分: 🌟🌟🌟🌟.🔹法式香煎鵝肝🍽 (+68)有嗌意大利飯或者意粉就可以加錢食呢個😉 我哋比較少食鵝肝 所以今次特登試吓😀 好食嘅鵝肝應該充滿油香 但呢個鵝肝實在太膻啦☹️ 我哋幾個人share一件都食唔哂☹️評分: 🌟.🔹大啡菇黑松露雜菌意大利飯🍛 ($168)好常見嘅黑松靈risotto 幾好食👍🏻 份量好多 黑松露同雜菌味真係超香🤩🤩🤩 啲飯唔會太硬 啱香港人食😊 所以係成餐最好食嘅菜式🥰評分: 🌟🌟🌟🌟.🔹德薩斯州式BBQ手撕豬肉薄餅(9吋)🍕($128)呢度嘅Pizza係薄批黎 Pizza皮幾脆👍🏻 而味道就係bbq醬 即係偏甜嘅醬 我覺得有少少太甜😀 餐牌上面寫佐辣椒仔喺隔離 但都唔係太辣 都幾惹味🤩評分: 🌟🌟🌟 continue reading
(The above review is the personal opinion of a user which does not represent OpenRice's point of view.)
Level2 2020-12-11
402 views
冇諗過浸會大學附近都可以有咁高質嘅西式餐廳仲要係黃㗎 !所以我之前喺連登睇到已經好興奮,好想去試,今日就中預先訂咗威靈頓牛柳好食,雖然我係第一次食,但都明白點解呢一個威靈頓牛柳可以買咁貴,因為真係賣功夫,又要整酥皮,又要用牛入面最靚嘅個位,但係喺呢間食已經算平了,我見過其他西餐廳要成$1000一舊,我就真係唔會食了。另外仲叫咗炸八爪魚,都係勁大塊好抵食,所以大家一大班人真係可以嚟呢度食,又抵!最後仲嗌左碟炸雞,最好食係嗰張,係明太子醬來的,好特別哦! continue reading
(The above review is the personal opinion of a user which does not represent OpenRice's point of view.)