Binary (Moved) New Location

食品飲品都有幾多選擇，感覺吸引嘅，waffle 新鮮熱辣，味道唔錯，飲品夠靚又幾好飲，同行朋友叫咗咖啡都話味道可以，唯獨價錢有啲貴，不過都係香港地方貴租，實在冇辦法。

一間以木系裝修的cafe, 感覺清新。位置不多，適合二至四人的組合光顧。事實上椅高檯矮，對比較高嘅我來說唔算特別好坐，亦唔太喜歡疫情緩和立即將所有隔板拆掉，檯和檯距離本身很近，撞正隔離位狂噴鼻涕其實令成餐飯感覺麻麻。講番食物，點餐用QR Code方便， 但無即時update售罄或無貨的食品，點完才說沒有有點掃慶。是次點了：富士山蘋果芝士蛋糕：味道清新都算多蘋果，但成件蛋糕細件，性價比唔算高芥末火腿三文治：夠大份香脆，芝士微微流出，好香好味，配有沙律菜，成件事又靚又好味又健康。牛奶咖啡：配餅乾，好飲。整體食物質素是好的，亦適合打卡，但性價比略為一般。另外侍應唔戴口罩無問題，但拎住食物一直唔上餐，掛住和其他客講嘢，傾一輪先送俾另一檯客，又係令人感覺麻麻。

好多時想支持小店，但小店嘅營運同態度係唔抵幫。去完維園諗住幫襯小店，點咗all day breakfast, ham and cheese sandwich, ginger latte and apple juice，食物正常，咖啡唔錯。店內衛生一般，服務普通，惟坐窗傍吧枱，食食吓有職員隔離坐低食外賣。門外標示2:30-6pm店內用餐咖嘛茶可獲半價，遂折返詢問。店員不清楚不緊要，店內經理或東主正眼不敢看顧客，推說週末並不適用，手機點餐點不到半價云云。再三詢問下，終承認没標明不適用日子為誤導消費者並會更正。幫襯得小店都預咗價錢會稍貴，但門外大張告示明顯為吸引顧客並誤導消費者一定唔會再光顧，天后有更好選擇。

好想食梳乎厘，食晏之後就專登走嚟呢度，因為知道呢度有朱古力同雲呢拿梳乎厘。下午茶時間飲品半價 ，兩個人無所事是，最好就係飲下午茶傾下計，食下靚甜品，真係開心。呢度係坐得好舒服， 全玻璃櫥窗裝修，光猛企理，視野開闊， 點咗一個why not both，有兩種口味， 都係108蚊。不過就要等一啲時間，因為現叫現整， 梳乎厘局得好靚，脹卜卜， 肥嘟嘟 ， 再配朱古力醬同雲呢拿醬，好滑好香。又可以飲多杯咖啡， 我唔知點解啲咖啡都夠熱，係咪因為溝咗啲凍奶落啲咖啡度，成杯都變咗唔熱，如果杯咖啡熱啲就更加完美啦。😘😘

紫薯醬窩purple  抹茶拿鐵 &Mocha 最近去了位於天后嘅Binary試佢哋嘅甜品同咖啡，真係唔錯！紫薯醬窩夫鬆軟，配上淋上嘅紫薯醬，真係夠味。仲有抹茶拿鐵，淋上層層細緻嘅抹茶粉，加上一啖啱啱烘焙過嘅咖啡，味道濃郁。如果你唔係抹茶控，不如試下佢哋嘅 Mocha，混合熱巧克力同咖啡，啖落去有層次感同香濃味道。環境同埋裝修都好舒適，係一個可以好好坐低休息嘅地方。另外佢哋嘅職員都好友善，服務都好好，不妨下次黎緊試下！

有早餐餐牌嘅地方就會有我，仲要有wifi！假日朝早好多人去食早餐，幾乎滿晒，所以我坐咗喺窗邊位睇吓街景。服務唔錯，主動提供熱水，整體感覺舒服，嘢食咖啡都唔錯，有時間絕對會再嚟食。*慢煮雞胸配炒滑蛋 $102Slow-Cooked Chicken Breast with Scrambled Eggs合桃杏甫多士單邊煎脆，切薄片令麵包有少少乾。慢煮雞胸唔乾、少juicy，但炒蛋質感有啲似飛機餐😂仲有炒蘑菇、車厘茄、沙律，係健人protein版all day breakfast，非常好健康。Piccolo $42 (Half price)咖啡：牛奶係1:2，所以咖啡味比latte濃。整體唔錯但未夠香。

見到Openrice咁多正評，今日同朋友lunch嚟試一試，結果係”不可一不可再”😒 香蒜大蝦意粉同帶子意大利飯，賣相同味道係ok嘅，但每樣都收$1xx嚟講，份量堅係細，性價比好低 但估唔到低處未算低，份Yellow Pancake等咗40分鐘都未上，叫侍應A跟進，心諗等多陣應該有得食啦，點知15分鐘後侍應B行過嚟話呢隻口味冇喇，真係好嬲囉，個運作竟然可以咁癲，隔咗咁耐先講冇，完全係差到爆嘅體驗 p.s. 等甜品之際，有隻大蒼蠅突然出現，周圍飛，心情差上加差

今日嚟到天后上堂，無意中發現呢間cafe一於同同事一齊試下～入內裝潢以白牆配上簡單木系餐桌仲有一面落地大玻璃窗，採光度充足坐得幾舒服～睇過餐牌後，見到甜品又好想食於是我哋決定share 食😆跟主食+$15 是日餐湯今日係蘑菇忌廉湯，飲落好creamy 而菇味濃郁日本帶子雞白湯意大利飯，賣相不錯～帶子有兩隻，幾大粒，食落爽口彈牙雞白湯清香撲鼻，配埋野菌食落有層次而味道剛好煮法係傳統意大利飯，飯粒係半生熟的White Soufflé 預備需時15分鐘上菜時好吸引，食落鬆軟綿潤，埋配醬汁香甜而細膩富士山，打卡一流～底層係焦糖，中間係蝶豆花，頂層係牛奶飲落清香而味道較甜整體食物味道還好，價錢中上，平日午餐不加一環境舒服，可以再來享受一番～

Cafe主調以純白色同淺木器傢俬配搭而成，打造出小清新嘅角落。 平日極少機會去天后，今次係因為Book咗附近嘅酒店Tuve而有機會周圍搵食。BINARY All Day Breakfast $158超級豐富嘅全日早餐，當中包括有炒滑蛋、 薯餅、香草香腸、煙三文魚、帕爾馬火腿、車厘茄、炒蘑菇、牛油果同一片多士牛油果配和風麻油溫泉蛋 $92好足料既牛油果水波蛋多士，仲有一片煙三文魚，配上特製麻油Cappuccino $40 + Latte $40點少得配埋一杯熱咖啡

。O小姐。下午茶101。日常。讀電腦系嘅朋友就應該有聽過 Binary 🤭 🙂講返正題，難得可以冇咁多人，咁梗係要嘆一下啦～咁多款選擇叫咩好？趁未食早餐，咁梗係叫一個飽啲嘅，食一餐當食兩餐啦！叫一個自己 - Purple 先～紫薯醬加香芋雪糕再加藍莓爆炸糖香脆紫薯..爆炸糖係幾特別嘅，當你放個pancake落個口度嘅時候有啲「炸炸」嘅揀口感、紫薯醬加紫薯係一個好飽嘅組合、香芋雪糕係唔錯嘅～如果用香芋醬可能會更好🫣好….飽！有四塊pancakes! 仲加埋係紫薯，再加埋好味嘅香芋雪糕！飽得滯，加多杯Ginger Latte，不過可能配茶會解膩多啲🫣 整體嚟講係唔錯嘅，靜靜地啱少人啲一齊食個嘢傾吓計🙂 可能我哋食嘅唔係佢出名既食物，下次有機會食佢比較出名嘅嘢食可能會有驚喜d😅

今日同閨蜜下午茶，佢話想食靚麵包🍞🥐🥖，我就帶咗佢藜呢個舖位 ，嚟到先知道原來已經轉咗手， 唔係嗰間有靚麵包嘅西餐店 ，不過既然來到就試下啦 。餐廳嘅裝修冇乜改變， 食物似乎就同以前有啲唔同。我哋就先揀咗一個全日早餐， 加咗兩杯latte☕️， 諗住下午茶食少少嘢應該都足夠😛😛。我哋坐喺窗邊嘅巴枱， 採光度非常足夠， 望住出面街景好舒服， 兩杯 latte ☕️先到， 拉花圖案好靚🍁，味道都好好 ，但係就唔夠熱 ， 美中不足。全日早餐送到， 畫面超靚🥰🥰，顏色鮮豔，品種繁多， 有滑滑炒蛋🥚，香脆多士🍞， 煙三文魚 🐟，炒雜菇🍄，沙律菜 🥬，車厘茄 🍅，雞肉腸🥓，巴馬火腿🌭，炸薯餅🍿，仲有超新鮮好味嘅牛油果🥑， 最重要就係每樣食物 都好新鮮好好味 ，真係超出期待。 係食過全日早餐最好的一個。 雖然個早餐係158蚊唔使加一，但係我都覺得物超所值，好難做到每樣食物都好新鮮好好味， 真係要俾個like呢間餐廳。👍👍食完咁好味嘅全日早餐，又心思思想食甜品，見到有梳乎厘🧁🥧， 閨蜜又鍾意朱古力🍩，所以就點咗個朱古力梳乎厘， 製作需時20分鐘，但係慢工出細貨，個梳乎厘又大又鬆 ，非常之香軟，最特別嘅就係

同朋友帶住兩個學生一齊去食個下午茶，因為唔係太肚餓，都唔係叫咗太多嘢，但店員都同我哋講可以幫我哋升級叫set😊所以俾人嘅感覺真係覺得好舒服Why Not Both soufflé 試咗雲呢拿味同朱古力味嘅疏乎厘，雲呢拿味略勝一籌，因為佢個蛋味會更加出，但叫兩個價錢比較抵！😆Waffle in DarkIn Dark 顧名思義，就係全部都係朱古力，同樣，窩夫一定要熱食先好食，叫咗一定要即刻食呀！店員仲送咗親手整嘅曲奇餅俾我哋❤️❤️環境坐得好舒服！最鍾意坐窗口位，有一啲陽光可以曬入嚟，影相都靚啲！推介 (五星為最高)⭐️⭐️⭐️⭐️⭐️

入到嚟發現間店都幾細間，本身諗住坐圓枱，但張枱又好似好細於是我地坐窗邊位個位好高所以冇咁易同街上嘅人對望到香脆辣蝦米醬大蝦意粉：見到好多人揀呢個，於是我地又試吓比想像中再辣啲，不過好過癮大蝦都好食蟹肉蕃茄意大利飯：蟹肉就係面頭少少焦嗰啲，都幾脆士多啤梨窩夫：呢個叫red waffle, 成個外型都配合返紅色，味道都ok但窩夫唔夠脆整體食物都唔錯，不過對於男士嚟講可能會唔夠飽平日夜晚冇乜人，都幾啱同朋友喺到傾吓計

朋友為咗要食waffle，上網揾咗好耐先揾到附近的咖啡店有得食。本身諗住叫個意大利飯同waffle，點知睇睇下餐牌見到有疏乎厘啊，呢個堅稀有，好少餐廳有，所以今餐有兩個甜品。朱古力疏乎厘 - 夠鬆軟，質地夠疏乎。但有少少失望，咬到d粒粒，唔知係咪d材料撈得唔勻。朱古力醬偏甜，落少少好啦。士多啤梨窩夫 - 呢個waffle 超好味，外脆內軟，熱辣辣，再配上凍冰冰嘅士多啤梨雪糕，又凍又熱，味蕾充滿刺激。而士多啤梨帶酸，為窩夫帶上清新感，可以食多幾塊。蕃茄蟹肉意大利飯 - 蕃茄味充足，而蟹肉蘑菇配料都唔少，呢個risotto正正常常。

公司附近呢間餐廳Lunch time長期滿座 聽聞佢地食物同咖啡都唔錯 成日都想同同事去試下 今次專登book定枱去試 Binary All Day 🧇($158)有炒蛋香草德國腸煙三文魚藍莓醋沙律薯餅牛油果🥑Parma Ham 炒蘑菇 呢度有個特別之處就係多士可以轉做窩夫🧇或者熱香餅🥞 而我哋就揀咗做窩夫 成個All Day Breakfast 嘅份量完全足夠的兩個人食 全部都好好食😋香脆辣蝦米醬大蝦意粉🍤🍝 ($124)呢個係大推 辣蝦米醬令意粉增添左鹹香味同時又有小小麻辣 真係好開胃 大蝦堅大粒同爽口 值得試👍🏻Flat white☕️ ($40)咖啡味唔算好香 不過都可以😌Matcha latte🍵 ($46)抹茶幾香濃 飲落都厚身 ok 👌🏻