Video
Exit D2, Central MTR Station, Exit C, Hong Kong MTR Station
continue reading
Telephone
23886982
97259926
Opening Hours
Today
11:00 - 15:00
18:00 - 22:00
Mon - Fri
11:00 - 15:00
18:00 - 22:00
Sat - Sun
Closed
Public Holiday
18:00 - 22:00
Above information is for reference only. Please check details with the restaurant.
️明白點解成日煮唔切啲飯，因為真係用心製作，粒粒飯都食到有調味，但唔油膩。雞件已去骨，雞皮有彈性，肉質同肉味都正常水平。個人認為旁邊嘅豉油先係呢碟飯嘅精髓，食得出係自家出品有煮過，味道偏甜微辣，裏面配有大量薑蔥芫荽蓉加辣椒，平時完全食唔到芫荽嘅我，都覺得呢個豉油好出色，芫荽氣味並冇搶到風頭！然後佢嘅熱鴛鴦都不錯，奶茶咖啡嘅比例正合我心意，就係香港特色先有嘅熱鴛鴦，而家好似好難搵到一杯好飲嘅熱鴛鴦，呢度推！今日播放歌單係Kary🥰
continue reading
11:30直入唔使排隊知道珍姐遲啲會搬 趁有機會就食，依然keep 到水準賣相已經好泰式雞飯，啲雞好有肉而唔嚡口，加埋個醬汁 少少辣配埋落個油飯啱啱好，唔會太咸。個人覺得想有泰式雞飯既味道絕對可以一試。價錢$55, 加雙蛋$10
continue reading
被朋友帶去的，整個氛圍驚艷我了！沒想到香港有那麼一間有特色的店！店面本身不大，小小的一間，走的不是舒服路線，但卻很有氛圍。店家老闆聲稱自己是一家酒吧，只不過剛好提供火鍋。確實，他們家的酒都是老闆自己去外國進貨，特別推薦葡萄酒，味道很特別，非常不錯！吃飯過程老闆還會過來敬酒聊天，是E人的天堂🤣海鮮很新鮮，尤其是聖子非常非常好吃！牛肉也不錯，很有飽足感！他們家的腐竹好有特色，拿出來其他桌的人都會送上羨慕眼神😂如果剛好去那裡慶生就可以體會到全場一起唱生日歌的快樂！
continue reading
日日lunch time 都見到珍姐出面大排長龍，所以一直都無機會試。今日lunch time 早放就去排隊，大概等左15分鐘，入到12:20已經無唒拔道腩雞飯，所以叫左佢另外出名嘅頭抽蔥油豬扒煎雙蛋飯。抽蔥油豬扒煎雙蛋飯果然係招牌，蔥油香得黎又唔油，豬扒已經切好細塊易入口，仲食到有香茅味，加埋篤穿個流水蛋撈飯，真心無得輸。係中環咁本土地道嘅碟頭飯，呢個質素真係無得頂，難怪連鬼佬都識過黎食（果日lunch time 都見到5-6個） ～
continue reading
早陣子終於試咗！！！但早兩日見到做到年尾😭因為之前聽聞好難book位，所以一直無試😂直到有朋友日本返嚟，講起想打邊爐，於是試吓book位！網上book位早2個星期開放，較咗鬧鐘準時搭正12點就book😂 最尾都幾順利！餐廳位置就喺蘭桂芳附近，舖頭細細，一眼望晒，全場大約十張檯～唔怪得話難Book，因為真係好少檯！當晚book咗20:40，20:35去到門口已經有一堆人，一夠鐘就放人入去😆裝修都幾有特色，牆上貼咗啲有趣嘅揮春😂我哋坐中間，同隔離檯貼住咁濟，座位之間都幾迫🫢湯底叫咗 #潮州沙茶湯 $188之前已經聽聞呢度啲牛好食！！叫咗 #老蘭嫩牛四併 M $368有封門柳、牛頸脊、匙柄、胸簽肉眼可見啲肉肉顏色已經好靚！😍4款都好食！👍👍店員仲介紹 #活墨魚 $98呢個我平時好少叫，只要輕輕淥一淥就食得，估唔到咁新鮮彈牙，呢個有啲驚喜～👍#鮮製三寶手打肉滑 $158店員話係: 蝦+豬+羊滑羊肉食得多，羊滑真係第一次食，完全唔羶！#香酥腐竹 $68炸完大大舊，呢個又係淥一淥就食得~#生面 配蔥油、豉油 $48煮完個麵擺返落隻碟撈蔥油、豉油撈完啲香味出晒嚟~呢個都推介🙌🏻嘢飲我哋叫咗 #自製羅漢果 $88/揸唔會好甜，打邊爐熱氣飲呢個啱晒！佢其實仲有 #伯爵凍檸茶 呢個都好似幾吸引~下次想試呢個~~另外仲叫咗:#西洋菜 $58 #豆苗 $68#生根 $48店員仲請飲咗一杯嘢飲同甜品，仲好盞鬼咁叫我地擺pose影相😂呢間嘢食係唔錯，係坐得迫啲，不過氣氛搭救!! 😂早兩日見到原來做到年尾咋🥹最近仲推咗宵夜時段！！把握機會呀！！呢間餐廳質素好，又唔算貴，推介推介，希望佢哋搵到新舖搬啦！
continue reading