42
7
2
3-min walk from Exit B2, Tsuen Wan MTR Station continue reading
Telephone
28177338
Opening Hours
Today
07:00 - 22:00
Mon - Sun
07:00 - 22:00
Payment Methods
Cash
Review (54)
Level4 2021-04-18
403 views
/大兄冰室🇭🇰/#sa荃灣篇 ➖➖➖最近愛上茶記 會揾唔同好食嘅番茄湯同沙嗲牛西式嘅話都會想食burger 滿足下~呢間冰室同時滿足到我幾樣願望❣️佢近荃灣嗰啲住宅商場 但有啲隱蔽 店舖主打番茄湯底 大部分粉麵都係配番茄濃湯除咗粉麵都有西式嘅burger 、潛艇堡連台式飲品都有!番茄湯的確幾出色 係荃灣又多間可以食🤤➖➖➖1️⃣港式沙嗲牛公仔麵 $33 (𝟟.𝟠/𝟙𝟘) 🌟本身以為係沙嗲牛😝但原來都係配番茄湯底覺得配螺絲粉會更夾~湯底都可以揀辣度 中辣已經夠惹味會越食越辣😆 番茄味都夠濃稠 雖然公仔麵唔算好有咬口 較腍 但都幾掛湯入味沙嗲牛嘅味道都幾濃 牛肉都帶嚼勁 不過加左番茄湯就變咗唔係主角🤣配埋炒蛋都幾滑 亦可以+$8 配炒蛋蒜蓉多士+ 多一份滑蛋牛油香幾重🤤 如果再烘脆啲就更好➖➖➖2️⃣經典日本牛肉流心五重芝士漢堡包 $58 (𝟟.𝟜𝟝/𝟙𝟘) 漢堡包就好似平日茶記咁~不過烘得幾香脆 有好多芝麻粒✨中間塊漢堡扒幾厚身 肉質幾軟腍 亦有幾多流心芝士同芝士醬~凍左會比較乾硬 但食完唔會好膩!另外亦會配埋薯條同沙律呢👻➖➖➖3️⃣奶蓋四季春 ~$17 (𝟟.𝟛/𝟙𝟘) 跟餐半價 雖然無得無糖 甜度都唔會好高初頭飲都覺得茶底幾濃 後來混埋奶味較重😛奶蓋都幾厚稠 充滿咸香 覺得茶記嘅話質素算不錯👌🏻➖➖➖4️⃣鮮橙四季春 ~$17 入面有新鮮橙😝 都算幾清新嘅如果茶底再濃啲就更好🌟➖➖➖📍大兄冰室 continue reading
(The above review is the personal opinion of a user which does not represent OpenRice's point of view.)
Level4 2021-04-17
241 views
二月尾跟車爸爸一起在大窩口換身分證,之後走到這間大兄冰室吃了頓挺喜歡的午餐,這間餐廳服務和質素也認真不錯,絕對值得推介給荃灣的街坊。來到這兒要小心因為門口左右兩邊其實是兩間餐廳來的,我也差一點兒入錯了右手邊那一間呢!餐廳裝潢頗具玩味加上有透光度十足的玻璃,坐下來整體感覺也十分舒適。坐定定消毒好雙手後看看餐牌有什麼吃,很快地我倆便選出了自己喜愛的午餐,餐廳出菜的速度亦很迅速但又不會感覺太迫趕,餐廳侍應手腳快之餘亦十分健談招呼真的很周到。我們點的粉麵餐可額外加錢享用小食我們以$20加配了瑞士雞翼,一客有兩隻Size正常的雞翼味道是可以的但我覺得可以滑溜些便會更加吸引,對於吃開老婆弄瑞士雞翼的車爸爸當然覺得沒那什吸引啦哈哈哈⋯車爸爸例牌選喝熱奶茶聽聞口感挺順滑而且茶香也頗足,絕對是一杯吸引到他味蕾的熱奶茶~我們同樣點了皇牌番茄濃湯系列他選了黑椒牛扒米線$50,一客有三小件的黑椒牛扒看上去弄得香口,車爸爸說質感挺不俗起碼不會乾柴之餘也頗淋身。番茄湯底之中原來還有三種口味可選,而他揀上的的是雙重芝士番茄湯底,另外還有的經典原味配嫩滑炒蛋、和配脆口響鈴卷的惹味香辣番茄湯底。看車爸爸的性感演出是否感覺到那份美味呢!我也試了一口雙重芝士番茄湯底,味道酸甜中帶有陣陣奶是吸引的。而我則選了鴛鴦雞扒螺絲粉$56,鴛鴦代表了香煎雞扒和香酥雞扒,餐廳更貼心地可供客人選兩件同樣或每樣一件,我第一次來品嚐當然每樣試一件吧!先嚐醃得味道恰好的香煎雞扒咬下肉嫩又多汁好吃喔!另外香酥雞扒也炸得香口但我就略嫌粉漿有點厚重,所以我較喜歡煎雞扒多一點呢!至於湯底嗜辣的我當然選上惹味香辣番茄湯吧!很喜歡湯底內還配有一件脆口響鈴卷,令成件事即時升級不少啊~餐廳原來有台式飲品供應而我則選了幾乎每檯也有點的泡沫檸檬茶,我選了少甜喝下去甜度也可接受,檸檬和茶已經融為一體還帶上幼滑的泡沫,入口沒有渣滓口感是很舒適的,吃飽飽後便慢步回娘家陪兩老竹戰嚕!! continue reading
(The above review is the personal opinion of a user which does not represent OpenRice's point of view.)
Level4 2021-03-14
486 views
今次呢間冰室都幾高質,忍唔住要介紹一下!好嘢梗係要開心Share啦!話說前兩日去左呢間「大兄冰室」食Lunch,並唔係一般茶餐廳貨色喎!有驚喜!首先我地見到好多人食漢堡,唔執輸嘅吳師奶當然又要跟隊!「經典日本牛肉流心五重芝士漢堡」個名勁架勢堂!味道同樣咁架勢!一上枱已經聞到勁香麵包味,再揭起望望,見到果堆芝士,真係勁邪惡呀!!之後緊係要一野咬落去啦!麵包夠鬆軟,肉汁咇晒出嚟,牛肉味香濃,再夾埋有幾種唔同嘅芝士味道,成件事係超超超滿足呀!另外我地仲叫咗店員哥哥極力推薦嘅「脆皮豬手」!呢個我地選擇咗跟餐,仲可以試埋佢嘅「皇牌蕃茄濃湯粉」!先講講碟豬手,勁大隻呀!仲要有3大舊咁多,好似唔使錢!至於味道都唔差,食落香脆得嚟又有咬口,配埋個蜜糖芥末醬真係無得輸!而碗蕃茄湯粉真係要食!有好濃郁嘅蕃茄味,唔知以為飲緊蕃茄湯,完全飲唔到有味精嘅味道,真係真材實料,最後我地真係連湯都飲埋!同埋豬手跟餐仲有可以加多款小食同飲品,我地揀咗炸花枝丸,不過呢個份量就少咗啲,唔夠喉!整體嚟講完全唔覺得係食緊茶餐廳,高質抵食!脆皮豬手加蕃茄湯粉,再加飲品同小食,都只係$78!絕對超值!去開荃灣區嘅朋友不訪去試吓! continue reading
(The above review is the personal opinion of a user which does not represent OpenRice's point of view.)
今日終於食到去荃灣區啦!咁岩陪朋友去荃豐中心買野就順便睇下附近有冇好野食啦🤪·🌭 火焰芝士肉醬熱狗套餐 (HKD 65)熱狗可單點可叫套餐,我就轉套餐配左薯條食😙而想試辣嘅朋友仔亦可以轉辣肉醬!首先熱狗嘅賣相係100分!肉醬同芝士多到滿瀉🤤用火槍燒溶左嘅芝士,令味道食落更香口。外層用左軟綿綿嘅麵包,裡面就有惹味嘅秘製肉醬配脆皮法蘭克福腸,非常匹配!最驚喜係脆皮腸底下竟然加了生菜,配搭新鮮蕃茄,令整體感覺好清新👍🏼·🍔 經典日本牛肉流心五重芝士漢堡包 (HKD 58)朋友就加左$8配炒滑蛋+蒜香多士,漢堡包口感外脆內軟,食到有香濃嘅蒜香味。配料有牛肉漢堡、洋蔥、野菌、生菜和蕃茄,一咬落去d芝士流哂出黎,有多重口感😋牛肉肉質恰到好處,亦能鎖到肉汁!·🥛四季春奶蓋 (跟餐+ HKD 17)奶蓋特別之處係用左3.6牛乳製作而成,咸咸地配埋四季香,特別清新,岩哂配埋burger👍🏼·🍫朱古力脆脆 (跟餐+ HKD 8)朱古力飲落唔會好甜,最頂仲有朱古力脆脆同棉花糖,就好似食緊脆皮雪條嘅感覺,口感好特別!估唔到中心嘅小角落會食到咁好味嘅熱狗,真係有驚喜,下次會推介朋友黎試試😋 continue reading
(The above review is the personal opinion of a user which does not represent OpenRice's point of view.)
Level4 2021-02-13
803 views
黎到荃灣已經LUNCH TIME,路經呢度見到開左間新冰室,而且係FUSION冰室,中意試特別野既我又點會錯過!!😌由於DINNER做節,所以LUNCH唔想食太多,點左個包餐。日式芥未蟹籽吞拿魚潛艇 $42芝麻包鬆軟,有烘過,包面上D芝麻脆而香,包裡搽左牛油,夾住蕃茄,再配埋滿瀉既吞拿魚蓉,酸酸地既魚蓉食落開胃,整體味道唔錯,更令我諗起山崎麵包店既魚柳包,由於呢個味係童年味道,所以個人幾中意呢個配搭😊。而分量黎講,亦岩岩好。友人點左吉列豬扒拼雞翼蕃茄公仔麵 $52偏酸既蕃茄湯,配少少辣好惹味,再加埋熱溶芝士無得輸!! 😋公仔麵個分量好似有兩個麵餅,食極都有。😮但吉列豬扒好薄,而且炸到過哂火,硬掘掘,乾爭爭;雞翼比豬扒好。午餐包餐飲,友人杯凍檸茶幾特別,用上青檸,茶色淺D,但唔係友人杯茶;而我杯咖啡就中規中矩。我中意FUSION既食物,所以我對餐廳印象唔差,只係價錢唔算平🤔;而友人則表示麻麻,主因午餐全部都係粉、麵、包,中意食飯既佢表示選擇唔夠全面,加上食物以蕃茄為主,令一向唔太中意蕃茄既佢更覺得別無選擇🤔。其實各有所好,離開果陣剛到下午茶時間,門外早已有一堆捧場客。 continue reading
(The above review is the personal opinion of a user which does not represent OpenRice's point of view.)