大大碗車仔麵

Open Now

Now Closed

職員態度好差冇記住客人講咩又冇咩禮貌餐廳供應食材唔夠好多送都話賣曬麵好鹹有d生 要不停飲野解喝好彩餐廳有水提供叫清湯湯底都唔知點解會好鹹i cant think why 煮唔熟咁😥

新開張冇幾耐，已經食過一次，第一次食嘅時候嗌咗三餸麵，碗麵唯一嘅印象就係幾鹹😅前幾日再去多一次，諗住俾多次機會，點知都係好鹹😂，叫咗個三餸麵，（咖喱魚蛋，蘿蔔，水餃），埋單$47。諗住外賣返屋企慢慢食，唔知係咪啲麵浸得湯太耐，返到去碗麵好鹹，餸又鹹湯又鹹，結果食咗一半就抌我諗唔會再有下次😅😅😅

星期日 13:35. 見新開都未試過就入去試吓。叫左個"招牌大大碗"。落咗單之後大概10分鐘話冇牛腩，咁就改咗做牛筋。之後聽到老闆又同第二啲人講可以轉鮑魚！（不過最後好彩冇轉，因為應該都係韌到咬唔開）因為人手唔夠關係，前後等咗20分鐘左右終於黎到。個碗係好大嘅但麵份量唔多。本身要油麵，嚟到變米線，湯...鹹到盲嘅都開眼，蘿白...苦又多渣，雞翼...除咗隻色係滷水色之外，就好似啱啱冰格攞出嚟整熱咁...好韌好嚡冇味道好難食。成碗麵堅持咗一半就放棄咗，真係太～鹹！！其他餸只可以話正常。

因為想食車仔麵，咁岩係天后，所以就試下。個麵好咸、個湯好咸、啲餸好咸，得個咸字。就算唔咸、應該都未必好食。鋪頭內有一兩隻烏蠅飛嚟飛去。員工正常。但真的不會再食。