大灣咖啡廳

Open Now

Now Closed

今日和老婆往紅磡嘉里酒店大灣咖啡廳食自助午餐,自助餐食物豐富,這裡有冷盤,凍海鮮,熱食和甜品,冷盤有凍火腿,凍莎樂美腸和凍牛肉,食落咸度適中 ,凍海鮮有青口和蜆,青口食落味道新鮮,口感鮮甜味美,蜆食落有濃香海水味,口感新鮮,這裏有紅酒,白酒,香檳,橙汁和可樂任飲,熱食有叉燒,燒牛肉,燒鴨和韓式泡菜鍋飯,叉燒食落有油花,食落美味,燒牛肉眼食落爽口,肉質香濃,燒鴨肉質肉味香濃,韓式泡菜鍋飯材料有泡菜,豆腐,午餐肉,金菇和冬菇,泡菜辣度適中,豆腐香滑,午餐肉惹味,金菇和冬菇爽口,白飯軟綿,很少見酒店自助餐损供韓式泡菜鍋飯,整份韓式泡菜鍋飯食落辣度美味,口感滿足,刺身有油甘魚,希靈魚,八爪魚和三文魚,食落鮮甜彈牙,甜品款式多,有提拉米蘇,芝士蛋糕,面包布甸,咖啡泡芙,可麗露,雞蛋仔和朱古力撻,芝士蛋糕味道香濃,口感香滑,提拉米蘇食落軟綿,面包布甸食落香滑,配上雲呢拿汁,口感惹味,咖啡泡芙咖啡香濃,可麗露餅即叫即整,味道香溢,配上榛子醬,花生醬和蜜糖味道提昇,雞蛋仔即叫即整味道香脆和朱古力撻味道香濃,這裡有意大利手打雪糕我選了榛小和雲呢拿,味道香濃,食落口感滿足,酒店座位舒適,食物美味,冷盤,

💥榴槤Buffet真係值唔值？唔洗$150任食榴槤主題晩餐實測報告‼️自問榴槤控🙋🏻‍♀️見到優惠價回歸，二話不說又去咗食榴槤主題自助餐～上次食要$5XX，今次今次係某K字頭網站以優惠價錢買到唔洗$150，想知質素仲係咪咁高？即刻開箱！🍽️ 食物實況👇✨榴槤拼盤以前有4件 依家只剩3件、size細咗，品種級數都跌咗，仲要冇貓山王～有啲失望😭職員今次亦無主動推薦好味次序，感覺冇之前咁貼心🦀 凍海鮮部份:冇咗長腳蟹，唯一有麵包蟹都未解凍，咬到一塊塊冰🥶🍣 刺身無高級食材，鮮度普通，三文魚只得火炙版 感覺怪怪～🍖 主菜得燒牛肉（羊扒同其他肉消失咗），味道ok但唔驚喜🧀 榴槤炸鮮奶唯一值得encore！外脆內香🍰 甜品部份最大失望：例如 榴槤撻似「泥膠」，榴槤芒果糯米飯就成碗糯米煮爛晒😰💫推介：榴槤麻糬、榴槤焦糖布甸、即場可麗餅都算ok🥤汽水／果汁／茶飲任飲加返啲分👍📝總結：$150來講都算咁，但以平日原價$500計，真係唔建議入場，對榴槤控嚟講未必滿足

種類豐富 環境舒適 服務良好是晚自助餐是榴槤主題 食物豐富超多選擇 每種吃一口也飽了!刺身大推薦火炙三文魚腩 肥美又有特色;凍海鮮最推薦小鮑魚 爽彈滑溜 口感很好;榴槤甜品則有點失色 試了幾款都有點失望 ;熱盤的種類也很多，牛扒燒得不錯，羊架及燒豬腩肉也很值得試吓自助餐中段會敲鐘派燉湯，充料又暖胃反而Gelato有驚喜 一定要試coconut !榴槤拼盤是憑卡領取的 新鮮又美味 打卡一流食得非常滿足，搶到優惠的話很推薦來吃吃看

冇冷氣, 食物七點四十分已經冇晒, 我七點三十幾分去到, 唔講都唔知自己比成六百幾蚊食buffet, 凍海鮮只淨返少許, 其他食物唔睇仲好, 一出去睇, 我問自己呢間係咩五星酒店buffet. 其他三四星酒店buffet好過佢百倍, 真係食到一肚氣.

由於某平台技術問題而成功拿下一折自助餐優惠，為免夜長夢多，立即使用。亦都因為查詢人數眾多，餐廳已不勝負荷，最近要訂位的話還是乖乖到網站完成吧！餐廳環境整潔，員工儘管知道我使用優惠亦用心服務。也不知是餐枱距離太近還是隔離食客太興奮，整晚都被迫聽著他們對食物的評價 。至於食物方面，款式不算多，味道只能說及格吧。凍海鮮四款，但只有蝦質素中上，而刺生櫃內display則是失去光澤。雖然如此，師傅分發的厚切油甘魚比想像中好，忍不住再要一客。ham分別有手切和機切的，最上那碟是師傅手切，比較細塊。然而兩者都久缺油份，甚至有筋。順便一提，蜜瓜可以在甜品部拿到已切粒的，這個連皮要再處理，麻煩多了。中式食物有蒸點心、燉湯、花雕蟹肉蒸蛋 、手撕雞刈包、粉麵攤檔….. 燉湯大概7點才開始派發，當你見到長長的人龍便是了。當日是蟲草花栗子紅棗燉雞，足料味濃。花雕蟹肉蒸蛋味道不俗，可惜我那份有蟹殼，扣分。黃金白飯魚很惹味，可惜後段沒有了，換上炸魚皮。沙律、芝士、燒牛肉、清真和印度食品都有少少，一定可以滿足不同需求。甜品部分，madeleine為正常size作對比。酒店有蛋糕櫃放置各式小蛋糕，可以按喜好請甜品師拿取

我提前一個月已經訂位，但最近你們搞了一個1折的優惠活動，結果導致實際的食物質素嚴重下降。基本的龍蝦、生蠔等原本應該有的高級食材完全沒有了，熟食的選擇也被大幅削減，根本就沒有達到我支付500元這個價格應該享受的服務和質素。反而你們給的是1折優惠的質素，完全不符合預期。更令人失望的是，你們沒有提前通知客人，讓我有機會選擇改期或取消。如果你們早點說明活動可能影響質素，我絕對不會選擇這個時間來用餐。生意真的不是這樣做的，這樣只會讓客人失去信任，不會再來光顧。我提前一個月book左, 最近搞個1折活動, 最後將食物偷工減料, 基本的龍蝦生豪無晒, 熟食又cut晒...我比500蚊的價錢, 你比我1折既質素...至少你提前通知, 比我改期...生意唔係咁做...

在此享用大餐慶祝母情節，由泊車開始所有酒店員工都非常有禮貌並跟我母親說母情節快樂，並示意自助餐的位置，服務非常到位~到達大灣咖啡廳之後，在場員工亦體貼帶我們就坐並送上母情節特別cocktail。自助餐雖然食物種類不算多，但都是老人家愛食的中菜、年輕人喜歡的甜品冷盤，建議如果和家中長輩慶祝特別日子可以選擇這裏~咖啡廳外更有露天位置，可以看到維港景色！

第一次喺紅磡香港嘉里酒店食buffet，原來今個五月推出咗阿拉伯主題嘅「阿拉伯美食盛宴」！成個buffet有30款傳統阿拉伯美食，重點推介大家一定要食：黑松露鷹嘴醬配堅果、舒馬克醃三文魚配乳酪、即煮即製嘅傳統中東烤肉麵包同黎巴嫩風味大蝦！食物質素全部都好高，成晚我食咗七轉🤭甜品區仲有唔同嘅傳統中東甜點，包括肉桂開心果風味米布丁、黎巴嫩無花果奶凍、中東甜點烏姆阿里同杜拜朱古力！食完個buffet仲可以喺門口打埋卡添📸📸

文字版食評(已我當天為標準）⚠️強調自助餐的食物主題是可能每次都不同，（可能小編當天有的食物，你們可能沒有）咁樣做都正常！餐廳不時轉換主題也希望食客再次光臨，另外我評分準則是公平公正，所有我上傳的文字版食評，必定沒有廣告———————————（大灣咖啡廳) 香港嘉里酒店級數：🏨 ⭐️⭐️⭐️⭐️⭐️日期：2025年3月25日價錢：$4xx - 5xx +1(服務費)———————————————飲品 ：高分 😀 有免費汽水（超凍）丶果汁丶茶、咖啡（☹️香檳或白酒要加錢）凍海鮮 ：剛剛合格 😀有麵包蟹丶凍蝦（🙁味道較淡）熱葷 ：合格 😀有燒西冷扒（推介）丶石鍋蠔仔粥丶粉麵等（🙁少選擇、好亂擺得）甜品 ：合格以上 茉莉蛋糕、提拉米蘇丶忌廉芝士蛋糕，以上甜品味道好味😋 （🙁份量太少）—————————————————-S （散慢) J (一般) JF (正常) F (特別快）—————————————————-添加食物速度：F (列如：燒西冷 我食咗一轉等咗隱約見到佢仲未切晒就攞咗舊新，汽水都係）—————————————————-P (有) H (中英不對照或不清楚）F (沒有)———————————

見Klook出咗買一送一優惠，趁住兩老生日，去食自助餐慶祝當日6:00到咗，排隊等緊安排座位嘅時候，已經見到唔少人喺凍海鮮區拎緊嘢食安排入座ge時候，見到枱嘅間距都好闊落嘢食嘅種類都好似唔少，已經滿心期待入咗之後第一時間衝咗去海鮮同魚生區拎嘢食海鮮嘅種類唔算多，長腳蟹同龍蝦隻隻都好似好靚咁，屋企人拎咗幾隻返去，個個都讚不絕口魚生方面有三文魚，油甘魚，甜蝦，希靈魚同埋八爪魚每一樣都好新鮮，同埋魚類都係厚切嘅，直接食咗三碟Cured ham同埋沙律種類都唔少今次限定推出嘅St. Daniel ham, 喺香港好少見，味道好香濃，好值得一試，意式和牛刺身都係，食落去入口即溶，但又唔會太肥膩芝士有四種，但好可惜冇camenbert cheeseRoast beef 就有啲可惜… 可能我拎嗰個比較前面，比較熟嘅部份，就覺得有啲韌… black pudding 好食熟食方面有中菜，印度咖喱，羊膝，麵類果d… 味道正常，反而豬腩肉刈包好好食，好似去咗台灣咁每人都會有張卡仔可以換到個蟹粉意大利麵，個意粉煮得好彈牙，蟹粉嘅份量都唔少，加埋red pepper 好好食到7:30嗰陣，有燉湯推出每人可以攞兩

今日嚟到呢間餐廳，一入門口就覺得環境幾唔錯，光線充足，裝修都幾有格調，望出去仲可以睇到啲靚景，心情即刻靚晒。講番啲食物啦，首先行到甜品區，哇，真係眼花繚亂！嗰個巧克力蛋糕，外表黑得嚟又閃閃發亮，好似黑鑽石咁。一刀切落去，口感綿密，巧克力味濃郁到爆，同啲高檔朱古力專賣店嘅出品有得揮，不過就覺得有少少偏甜，食多幾件可能會膩。再睇下嗰啲白色嘅小蛋糕，造型精緻，上面嘅奶油好似雪咁白，入口即化，甜度啱啱好，同巧克力蛋糕形成咗鮮明對比，好似一對黑白雙煞，各有千秋。仲有啲水果，西瓜、蜜瓜、哈密瓜，顏色鮮艷，切得又靚，食落去清甜多汁，好似喺沙漠行咗好耐突然遇到清泉咁爽。不過就覺得水果嘅品種可以再多啲，好似其他餐廳會有火龍果、奇異果等，咁樣選擇就會豐富好多。總體嚟講，呢間餐廳嘅甜品區都幾唔錯，雖然有啲小瑕疵，但係都值得一試。食住呢啲甜品，就會諗起以前細個去茶餐廳食西多士嘅時候，嗰種簡簡單單嘅快樂，依家雖然選擇多咗，但係有時都會懷念以前嘅味道，希望呢間餐廳可以繼續保持水準，帶畀我哋更多嘅美食回憶啦！

大灣BUFFET 我食過好多次. 基本上平日有DISCOUT 性價比都系高. 今次星期六BRUNCH 都有折真系可以講不得了. 買了半價COUPON ($717.60) 2人同行享受了一個不錯星期六. 同好友飲下酒chill 下, relex 下包free flow drink sparkling wine, house red & white wine, soft drinks , orange juice, coffee & tea食物多樣化. 沙律, 日本魚生, 壽司, 長腳蟹, 龍蝦鉗, 翡翠螺, 蒸、炒、煮、炸、甜品吧、新鮮焗製食品等滋味佳餚，盡顯各國美食風味，讓食客探索及品嚐與別不同的美食。餐廳設有室內及室外用餐區，飽覽無懈可擊的維港海景。因為我真系食左好多次. 故此今之的熱盤我只食了一片牛扒同即做壽喜燒 

見到某apps 有優惠，貪小便宜嘅我，梗係唔放過佢。入座後行咗一圈睇吓有乜好嘢食，第一輪揀咗呢啲⋯⋯首先要講sorry , 我哋呢啲麻甩佬，唔係幾好意思揸住部手機係咁喺出面影啲食物，所以唔能夠將所有食物呈現喺各位眼前，只影我食的🙏，蟹腳麻麻哋，其他過得去，蟹腳啲肉「了」出嚟，每隻出得一半，好水下，食唔到好多肉，1round 夠。刺身幾好，雖然真係唔係好想食三文，但「佢」又幾有誠意～厚切到呢，咁酒店呢啲肯定新鮮，所以唔多講。跟著由左至右，羊𩣑，牛肉，蒸魚腩，牛舌。魚～長時間蒸住，一定鞋，牛舌最好，其他二樣普通。飛驒牛～一定要前圖所有料加一片「牛」，放入熱窩內，另上一隻温泉蛋，味道過得去，縱使片牛肉好食，但如果要加埋咁多嘢，食多一碗都幾「辛苦」。中場唔係休息，而係突然有人打「鑼」，原來有嘢派，我剛經過，當然唔蝕扺～排，原來派燉湯。你哋睇吓幾足料，呢個燉湯真係正，女友話唔要，我真係唔客氣，啪晒二盅，竟然成晚啲嘢，呢盅燉湯至係波～正！最尾梗係甜品同生果，甜品係好多選擇，但口感同味道我真係覺得一般，連雪糕都無驚喜。生果係得西瓜得，「西梅」真係差，又酸又爛。唔知係咪買一送一，啲選擇同質素，差小小。

must try 5-star hotel Japanese-inspired buffet dinner at Big Bay Café in Kerry Hotel @kerryhotelhk 🎏 savour succulent buttery Hida beef, juicy Wagyu hamburger steak, and torched Hida beef sushi 🥩 indulge in jet-fresh chilled seafood like Boston lobsters and snow crabs, abalone isoyaki, monkfish liver, and sashimi 🌊 enjoy an array of Japanese delicacies and international delights 🍽️ exquisite delectable desserts 🍰 free-flow Japanese sake and beer 🍶 reserve now for a Japanese gastronomic journey!香港

今次的晚餐真係非常划算，搶到嘉里酒店的日本主題buffet買一送一優惠！這裡的凍盤食品、熱盤食品、甜品和水果都達到最佳水準。特別是日本時令刺身，先吃了三文魚、油甘魚和帶子刺身，鮮味十足，接著品嘗了和牛牛舌、飛驒牛壽喜燒和浜燒扇貝，味道從淡到濃，層次感極佳。不過，今天吃得太飽，幾乎接近滿分！唯一的小缺點是埋單時候稍微慢了一點，建議大家可以先叫服務員埋單，然後再慢慢享受美食，這樣就不會在吃蟹的時候突然被打斷收錢，避免狼狽的情況出現。整體而言，這次的晚餐體驗非常愉快，值得推薦！