Video
Telephone
60759838
Additional Information
售賣多款梳乎雪批、曲奇及小食，口感新奇
Above information is for reference only. Please check details with the restaurant.
當旺角、灣仔，甚至澳門也賣著所謂的長洲糯米滋，糯米糍已跟特色扯不上一丁點關係。相反，只能夠在長洲買到的「熊屋」雪批，才是真正的小島特色美食。「熊屋」位於小巷內，與花店、日式餐廳、家品店相鄰，並非長洲的主要街道，登門造訪的必定是識食之人。頂著高溫掃墓祭祖後，慶幸能嚐到熊屋雪批，絕對是解暑的首選。經熱情的老闆娘介紹後，分別品嚐了咖啡朱古力脆脆及榴槤口味，老闆娘還貼心的提醒「即食」或「攤一攤再食」的口感及滋味各有特色。故此，我立即品嚐了咖啡朱古力脆脆味，一手拿著巴掌大的雪批，蛋糕表面極奇鬆軟，想像不到剛從雪櫃拿出來的凍餅，能有如此新鮮的質感，極像剛出爐的蛋糕。忍不住大咬一口，蛋糕包裹著冰凍的餡料，咖啡味的餡料甜度適中，餡料質地既像幼滑的慕絲，又像忌廉般豐厚，鬆軟外餅夾著比雪糕幼滑的內餡及口感十足的朱古力脆脆，在口腔內溶化及混為一體，便是「即食」令人冰冷沁涼的獨特滋味。依老闆娘的吩咐，榴槤雪批以「攤一攤再食」絕對是最高享受。如圖所見，外層的蛋糕更綿密鬆軟，而榴櫣內餡除了香氣濃郁外，啖啖甜美香甜的榴槤蓉與海棉蛋糕簡直是完美結合。「熊屋」雪批絕對是令人一試難忘的小島美食！
continue reading
我係好鍾意食蛋糕個類甜野！！買咗一個咖啡味雪批。。@＄16，分量夠曬兩個人淺嚐，個蛋糕就唔太鬆軟，有dd硬，一定唔似果間出名芝士撻鋪頭「XX工房」款「布雪」咁，無咁鬆軟、無咁軟棉棉、無咁正，人地都係@$15。。。。唔知係咪放雪櫃太耐，所以就咁硬。。雪糕就揀咗咖啡味，入面仲有咖啡脆粒粒！好鍾意個口感！！整體咖啡味好淡，但最大扣分位係個蛋糕太硬，成年事錯曬普普通通，始終係長洲食嘅未必係食質素，而係食人情味、個種風味。。
continue reading
放暑假長洲人山人海，最近幾年長洲唔再淨係芒果糯米磁同食海鮮喇，多左好多特色小店，包你去完長洲重番幾磅。呢個雪批比雜誌介紹過幾次，長洲街坊都話久唔久會幫襯。話佢係小店不如話佢係舖頭外一個檔仔，對面正正係日式餐廳，咁會比較易搵到。我去到買果時已經係夜晚， 岩岩老闆食緊飯，都行出黎招呼我地，好好人，長洲人真係好親切我本身想買榴連味架，朋友話榴連忘返可惜係賣晒，老細就推介我試下牛奶朱古力脆脆，個包裝係咁樣：外層蛋糕好鬆軟，中間果層好似雪糕咁，即刻食好似雪糕，放軟身食就有啲似忌廉，仲夾雜著啲朱古力粒粒好似迷你麥提沙好好味，老細仲話啲朱古力粒粒係Valrhona出品（鍾意食朱古力嘅朋友一定識得呢個牌子啦）老細仲好好幫我地切左做兩份，開心share我地仲買多左個綠茶紅豆雪批上船邊行邊食所以話入去長洲，去完沙灘，食完海鮮，點都要掃下街，搵下街頭巷尾小食。每次都會搵到驚喜呢個係鋪頭個檔仔， 運氣好就有齊咁多種味，下次我一定要食埋榴槤！
continue reading
長洲作為最熱門的離島旅遊景點，近年已發展至全島皆鋪的地步。街頭巷尾的小店，不是精品店就是小食店，即使是街坊它店也兼售手信小食，當中包括了這家熊屋。看店內的陳設，平日該是一家尋常的街坊小店。近年推出四款口味的梳乎雪批，在雜誌曝光後便大熱起來，因此光顧的客人一點也不少。說是由北海道引入，這雪批外型確是似曾相識，不過看來是店方自家製的，該不是日本直送的吧！選了牛奶朱古力脆脆雪批($15)，雪批以兩片厚厚的蛋糕夾着薄薄的雪糕，蛋糕口感實在又軟綿，滿有奶香的雪糕當中有顆顆朱古力脆脆，凍冰冰的雪批絕對是消暑配搭，若然雪糕能豐厚一點就更完美了。
continue reading
又繼續搵野食,上網見到呢間新店的介紹,出品是梳乎雪批,好似幾吸引,於是又試下呀。梳乎雪批,有5款口味選擇,其中有一款是夏日限定,還有奶凍呢。梳乎雪批,$13,要了莫卡咖啡朱古力脆脆,厚身的蛋糕,口感好鬆軟,有少少濕潤,餡是雪糕來的,莫卡咖啡味香濃,入面有朱古力脆脆,幾好味呀。下次再來試下其他味先。
continue reading