Introduction
An art-enthusiastic themed restaurant in Tseung Kwan O. Our spaghetti is worth trying. We also provide a wide variety of dessert and 3D latte.
continue reading
Good For
Casual Drink
Opening Hours
Today
08:00 - 22:00
Mon - Sun
08:00 - 22:00
*Last Order: 21:15
Above information is for reference only. Please check details with the restaurant.
Recommended Dishes
RELATED ARTICLES
今天無所事事走去 popcorn 閒逛，行行下又去到荳子，下午4點幾又未肚餓，雖然5使排隊，但真係食5落，所以我地又漫無目的，左行右行，行到5點先去餐廳。本來近門口有枱，但我想坐入面，寧願等位。結果一等就差不多半小時，終於坐到靠窗位置。餐廳是用手機點餐，我地點咗：1. 軟殼蟹意粉：上碟時覺得份量少，在一綑意粉上放了幾嚿軟殼蟹。但扒開意粉，是份量充足味道很好，意粉軟硬適中，每條意粉都沾滿醬汁，啱我～軟殼蟹都ok2. 焦糖雞翼：我睇d食評推介，所以叫了一客來試。雞翼鋪滿焦糖，又香又甜。伴碟菜也好味～3. 芝士薯條：呢個5得。。。首先薯條無口感，然後芝士醬太稀又無乜芝士味。最後，我地用薯條蘸焦糖來吃，才勉強吃晒4. 帆立貝 pizza：竟然好好味，5乾身，又多醬，鬆軟感好5. 姜母茶：原來叫主食係包3款飲料，其中一款係姜母茶。味道ok～6. 荔枝玫瑰茶：叫主食可以減$6。係茶包。雖然可以refill，但只得頭一壺才有味，refill 即是飲清水而已7. 茉莉綠茶+鮮奶+珍珠：大大杯，香濃又好味，但真係幾飽肚坐得6點幾，見到街燈亮了，遠處大廈也開始戶戶亮燈，感覺好寧靜，看得出神，真係好舒適～
continue reading
四點鬆啲去到餐廳，已經過哂午市/下午茶，又未到晚市，估唔到都要排咗廿幾分鐘先有位，真係好生意。原條烤八爪魚鬚墨汁意大利飯（$138）賣相幾好，原條八爪魚鬚頗大條又粗身，因為煮得剛剛熟，所以煙韌得嚟又夠軟身，但可惜食唔出烤嘅味道。墨汁意大利飯味道偏淡，味道唔夠濃郁。飯中間有十數粒墨魚仔頭，好得意，口感不錯。另外仲有塊芝士脆脆，芝士味好濃，我鐘意。黑松露軟殼蟹意大利粉（$122）軟殼蟹一隻開半，但頗細隻，味道正常。意粉煮得剛好有咬口，黑松露醬味足亦夠濃厚。蕃茄肉醬溫泉蛋意大利闊條麵（$108）份量頗大碟，蕃茄肉醬都有不少，夠撈哂成碟闊條麵，微酸/甜/咸，味道正常。闊條麵同樣煮得剛好有咬口，更有口感。羽衣甘藍藜麥沙律（+$28）份量唔算多，但對得住價錢，清新爽口。車打芝士薯條（+$28）黑松露醬薯條（+$28）叫咗兩份薯條，兩款醬。薯條夠熱夠脆。車打芝士醬同黑松露醬都夠哂濃味，不分上下，都好啱點薯條食。熱黑糖薑母茶（$0）甜甜哋，辣辣哋，夠哂驅風。凍檸檬蜂蜜（$0）酸酸哋，甜甜哋，夠哂清爽。PS：自己 scan QR code 落單。另收加一服務費。PPS：「荳子」同對面間「我想與你無所事事」cross-over，前者可以係餐廳點後者嘅嘢飲，仲有原價減$8。另外後者可以買前者啲甜品，有折。
continue reading
最近Beans同kitkat合作推出限定甜品，點可以唔支持下～🍗焦糖單骨雞翼$58 – 小金必食推介每隻單骨雞翼都被黏到好似麥芽糖咁樣嘅焦糖包裹住，so sweet~主食區🦀蟹膏甲羅燒黃金蟹肉意粉$138呢個相信係Beans經典黃金蟹肉意粉嘅變奏版。蟹膏加上蛋黃，才與蟹肉意粉略略攪拌，蟹味更濃郁，質感更creamy🐙原條烤八爪魚鬚墨汁意大利飯$138呢個都係佢哋嘅新menu之一，八爪魚鬚係意想不到咁彈牙，個意大利飯亦相當入味，但記得食完唔好露齒笑呀🍄黑松露雜菌意大利飯$118同上面個個一樣係好入味，而且份量係重量級。素友們唔驚來到無好野食啦～飲品區🍫Premium Chocolate(+$36)賣相好吸睛，朱古力味唔洗我多講都知有幾濃郁，冬天飲到呢個簡直不要太幸福🫖荔枝玫瑰花茶(壺)(+$32)呢個cp值超高，飲完一壺仲可以加水，實行無限添飲？茶味好香濃，飲完有好窩心嘅感覺🍹荔枝玫瑰梳打(+$32)呢杯係我每次來都會叫嘅飲品選項，微微漸變嘅顏色相當誘人，而且唔會過甜，可以放心飲呀甜品區🗻Crunchy mountain$42不得不提嘅當然係今次聯乘KitKat推出嘅Crunchy Mountain-雪山嘅造型，外層嘅朱古力mousse會比較苦澀，中和翻內層脆脆同朱古力嘅甜度，個雪山造型真係好可愛呀～☕️Tiramisu$42呢個係Beans嘅人氣款式之一，classic之選，咖啡迷別錯過🍮Crème burlee$42焦糖脆面嘅厚度恰到好處，內在嘅燉蛋又甜又滑。仲有個好似係叫瑪德蓮嘅小蛋糕，好圓滿嘅感覺
continue reading
成日經過呢間都見到有人排隊，其實都唔係第一次食㗎喇，我覺得佢哋個水準keep得好好！蟹膏甲羅燒黄金蟹肉意大利粉（$148）呢個意粉其實之前喺坑口分店都食過，一直念念不忘，意粉上面除咗有蟹膏之外仲有少少咸蛋黃醬，啲醬汁掛晒喺意粉上面，超好食，記得趁熱食呀！熱榛子朱古力(鮮奶）（$36）店員一拎上嚟嗰陣已經係滿到瀉，上面除咗有好多朱古力之外，飲落去都超濃郁，鍾意飲熱朱古力嘅人一定唔可以錯過！Blueberry Double Cheese Cake（+$30）呢個芝士蛋糕食落唔會太漏，加埋藍莓清清地啱啱好！
continue reading
好想試好耐，假日時通常都要排好耐。今日唔洗排就試到啦。叫左1份tea set:開心果芝士pizza +維也納咖啡。好大份pizza.. 埋單加埋1都係$70，幾抵食。Pizza邊脆口，開心果碎冇咩味，因為芝士味點都濃過佢，蓋過哂。。還好芝士唔係好咸，配少少蜜糖醬，咸咸甜甜，好似食toast；第一次飲維也納咖啡，cream好快溶哂，我本身以為深焙咖啡會好濃味，原來唔係，唔算濃厚，少少苦啦。熱呼呼都幾香嘅。但係我都係鍾意像美式多啲。呢度地方寬敞，冇咩客時靜靜地幾好。其實仲有好多嘢食，下次再試啦。。
continue reading