184
47
9
Exit C, Tseung Kwan O MTR Station continue reading
All Branches (5)
Telephone
27777009
Introduction
An art-enthusiastic themed restaurant in Tseung Kwan O. Our spaghetti is worth trying. We also provide a wide variety of dessert and 3D latte. continue reading
Opening Hours
Today
10:00 - 22:30
Mon - Fri
11:00 - 22:30
Sat - Sun
10:00 - 22:30
Public Holiday
10:00 - 22:30
Payment Method
Visa Master Cash Octopus
Other Info
Alcoholic Drinks
Delivery
10% Service Charge
Review (292)
相聚在"荳子"😇 Featured Review
Level4 2018-04-09
5985 views
有朋自遠方來,不亦樂乎!天氣晴朗的星期天,相約由海外返港省親的朋友,來到將軍澳 PopCorn 的輕食意式餐廳[荳子]吃午飯。今次已經是我第三次幫襯這間餐廳,根據過往的經驗,我們11點多鐘就到達了餐廳,排了大約十幾分鐘派到了一個近窗邊的圓檯,過程還算順利👌。三位女生點了三個餐跟三個甜品一起share,外加三杯特色咖啡☕。[芝士焗西班牙辣肉腸茄子薄餅包]HK$ 88 另收加一。碗中裝滿熱辣辣的芝士焗肉醬茄子,上面鋪著一個半熟太陽蛋和四片西班牙辣肉腸,用新鮮出爐的薄餅,蘸著醬吃或者是將醬抹在薄餅上吃,不失為一道濃郁香口好吃的主菜🍕。[黑松露軟殼蟹意大利粉]HK$ 98 另收加一。由外觀已經見到有足夠量的黑松露配合著芝士、忌廉和蘑菇,緊緊裹住碟中的意粉,加上那隻炸得酥香,肉質細嫩的軟殼蟹,這種香濃與鮮美的層次感徹底征服了我們的味蕾😍。[小食拼盤]HK$ 118 另收加一。大大的拼盤中有香脆的[啤酒洋蔥圈]、新鮮炸出爐的[薯條]和厚厚的肉醬、醃漬過的濃味微辣的[香辣雞翼]和外表脆脆甜甜的[焦糖雞翼],這兩種味道的單骨雞翼雖然味道各異,但不變的是雞翼的肉質嫩滑帶汁,實屬美味之選👍。女生聚餐,一定少不了甜品的相伴,挑選了菜單上的最新出品來試。[Stone]跟餐加 HK$ 25 另收加一。灰色的外形猶如一塊三角形卵石的慕斯蛋糕,實質是鬆軟的芝麻味的蛋糕表層,內餡為日本柚子蘋果和芝士忌廉。[Belle Helene]跟餐加 HK$ 25 另收加一。這是一個用 64% 巴伐利亞巧克力做的慕斯蛋糕,內餡有朱古力餅底碎、開心果杏仁醬、燴橙梨等材料,口感是濃郁的朱古力味中帶有少少新鮮水果的酸甜。[Uji- 宇治金時]HK$ 48 另收加一。這是一款"特色甜品杯",賣相似一個長滿綠色小草的盆栽,杯中有芝士燒、紅豆、綠茶布甸,外加一個抹茶雪糕球。女生大多童心未泯😁,想一試這家造型可愛的3D咖啡,無奈一檯只能一杯3D的規定,算是滿足了 1/3 的願望😏。[法式焦糖燉蛋拿鐵]跟餐加 HK$ 28 另收加一。上層是飄著咖啡香的焦糖燉蛋,下層是沉澱著蛋香的濃滑咖啡,上下融合,"蛋啡"交融,正呵😍!3D拉花[法式焦糖燉蛋拿鐵],立體的貓型拉花好可愛,增添了多一點的喝咖啡的情趣😍,而且3D咖啡的價錢與別無異。[巧克力曲奇拿鐵]HK$ 36 另收加一。顧名思意就是普通的 mocha 融入曲奇的香味,不加咖啡糖也感覺到很甜很甜☕。一餐飯的時間我們邊吃邊談,無拘無束,抒懷歡笑,友情滿瀉,不知不覺地過了一個中午,短暫的相聚留下了美好的回憶😇,包括餐廳,包括食物,包括聚會……後會有期! continue reading
(The above review is the personal opinion of an user which does not represent OpenRice's point of view.)
吃過也有驚喜 Featured Review
Level4 2017-11-22
11198 views
「每月一聚」已持續了兩年多,友人所帶我去的餐廳都是我從來沒有去來, 每次總給我驚喜, 所以我每次都會詳細記錄一番, 但今次有點例外, 終於反炒了, 我已在2016年和朋友來過這間餐店, 所以此刻有點失望……  餐店的環境沒有改變, 跟一年前大致相同, 但餐牌中的菜式就變了不少。原來友人是這裏的常客, 已嚐過好幾款菜式, 還向我逐一推介, 講到好吸引咁…..******************************先來一道沙律清新一下, 蟹肉牛油果他他 Crab Avocado Tartar ($78)賣相一流,蟹肉 和牛油果 份量都不少,但三色椒 都好多,搶了蟹肉味。吃時塗在柔韌的烤麵包 上, 再蘸些碟邊的黑醋 同吃, 配搭合宜, 亦更加飽肚, 整體都不錯!******************************因為甜品吸引, 所以我倆決定只揀了一道主菜共享, 香煎盲鰽.石榴.薯蓉.西蘭花 Crispy Barramundi with Pomegranate ($169)同樣賣相不錯!魚皮煎很香脆,魚肉不算嫩滑,但不嚡口,跟忌廉汁幾夾, 亦很特別配了有益健康的紅石榴,帶來清新感。******************************龍蝦湯 Lobster Soup ($40,跟主菜減$8/原價$48)以茶壺盛載上枱,很有特色, 初初還以為送錯,哈! 杯中有小蜆、小帶子 和小蝦,仲有些翡翠苗。先把暖笠笠的龍蝦湯注入碗中,散發着陣陣龍蝦香。湯身稀稠度中等,龍蝦味不算很濃郁,但勝在不會太鹹,入口順喉,抵飲!******************************輪到甜品時間, 在蛋糕櫃中揀了一件Pandora's Box (原價$42,跟主菜+$25)成品以柚子、烏龍 和輕盈乳酪芝士 製成,口感都算幼滑,餅底厚度適中。啖啖柚子味,味道清新,但烏龍茶味 有點失色,而芝士味 不會太濃,正合我口味。因有柚子和烏龍茶,故吃起來甜而不膩,喜歡!******************************待了一會, 伯爵茶流心吐司 Earl Grey Lava Toast ($49)亦出場, 還擔心是流心西多士,但原來不是炸,而是以焗的方式炮製,並不油膩,亦冇咁邪惡!賣相一流,見到都開心。竹炭多士 焗至外脆內軟熟,一切開,不只流出伯爵茶醬,還霧出暖煙,很吸引!伯爵茶醬 味道濃,又幼滑,配上香脆的吐司,很美味,如果伯爵茶醬份量再多啲就更理想。再伴上冰凍的雲尼拿雪糕,冷暖交融,很滋味!還有酸咪咪的鮮雜莓 中和甜度,配搭合宜,旁邊亦有脆口的果仁碎 和朱古力餅碎 相伴,更添豐富。******************************終於知道為何友人會帶我來到這間餐店, 是因為她知我愛喝咖啡, 她很想我看看這裏的3D咖啡, 其實我一年前已見過…..也不緊要, 不算驚喜, 但很開心, 因為是友人的心意。每枱只限一杯3D咖啡,我就揀了一杯熱自家製拖肥拿鐵 Hot Home Made Toffee Latte ($36)。登登登...出場啦!竟然是孖犬,仲有一隻是柴犬,好靚好可愛,唔捨得飲添...就因為唔捨得飲,所以入口只是微暖,入口幼滑,咖啡味 不算好濃,有拖肥味 的香甜,但又不會太甜,兩者味道平均,真係又睇得又飲得。------------------------------老實說, 本沒有打算寫下食評, 所以環境和餐牌也沒有拍下相片, 但估不到吃過也有驚喜, 而且越吃越驚喜, 輪到出龍蝦湯時又忍不到手, 又拍多幾張相片, 仲為我本以為沒有驚喜的「每月一聚」再次留下有驚喜的筆跡...... continue reading
(The above review is the personal opinion of an user which does not represent OpenRice's point of view.)
將軍澳分店好食D Featured Review
Level4 2017-10-15
9390 views
次次去將軍澳搵朋友一定會食beans,因為環境舒適,而且野食好食過荃灣店(荃灣美食家朋友表示).大家都話個waffle好食,梗係叫個all day 先啦~圓形又咁厚gei pancake真係唔常見,呢個亦都係焦點所在,佢真係好香蛋味同時又夠鬆軟,2粒一個人食其實好飽.我最鍾意佢有好多菇,D菇好香好爽又唔會太油,仲有好多新鮮菜~另外要特別讚佢個番茄真係超多汁!!好甜!!鍾意番茄的朋友真係一定要試~~朋友當中有個特別鍾意benedict,所以我地都叫左個benedict set,見到個蛋黃咁黃咁流心真係好吸引食慾,中間塊parma ham唔太鹹仲有D脆,加埋清清地gei蛋,味道剛剛好!D沙律菜都好新鮮,加埋少少酸的醬汁好開胃~仲有個waffle 都係普通,可能我食過dazzling太好食,我覺得佢可以在鬆脆D,同埋士多啤利酸左D...由於我地人比較多我地又叫了一個pizza,呢度我就要中立D講啦,個pizza真係普通,size細,味道可更加豐富,宜家感覺好似食緊脆餅咁=0= 無必要可以唔叫還有好爽口不過份量比較少的ceasar salad不過飲品就一定要叫!呢個彩虹latte唔單止外表吸睛,連味道都好特別,上面彩色gei拉花真係有少少味,我飲到D薄荷味~同咖啡好搭XDDDin case 大家想睇menu的話 continue reading
(The above review is the personal opinion of an user which does not represent OpenRice's point of view.)
Level3 2018-07-17
38 views
今日早上仍然猛烈討論究竟聽日會晤會打風呢?就甘講下講下又到食飯時間啦。哈哈!小編終於都遊說到d同事去將軍澳食午餐典解要去甘遠呢?因為就系為左食好西,為左食好西系唔會受距離影響既!之所以一定要去將軍澳食系因為呢間餐廳既分店真系好奇怪又偏遠,一系就要去到荃灣,一系就要去大埔,馬鞍山呢d非常鄉村(對於小編呢個港島區人黎講,同埋小編d同事100%都系住港島區)所以呢,同事們話除非超級好味道否則唔值得長途跋涉去LOR!OK!小編今次非常有信心唔會令佢i地失望既事關呢間店我已經食過無數次,當然對上一次已經系年幾前啦,但仍然對佢好有信心!果然,冇令大家失望,有新款既意粉可以選擇但價錢仍然非常抵食,小編今次試渠地既黃金蟹肉意粉,叫得黃金當然系同蛋黃有關既邪惡野啦,62元包飲品和蟹肉意粉,仲有唔係HEA野,系非常好味道既,小編相信都冇乜邊度有啦。食物質素很好,服務其實都無錯,斯斯文文甘唔會西你面,話曬甘多人幫襯,做到少少掹都正常既同埋目測d食客系附近居民多,個個嘆慢板,真系話Q你出邊d人排到死啦,系唔會快快脆埋單LOR,同中環既打工仔風格完全兩個模樣!不過d食物水準甘高質,排隊都無所謂。蟹肉當然唔係新鮮蟹肉啦但都非常鮮味,同埋最重要系渠地d意粉唔會有臭芝士或者好奶騷味Ø個d啦所以非常得我心!小編以前通常食渠地既軟殼蟹松露意粉或黑松露雜菌意大利飯,今次試呢個黃金蟹肉意粉都OK但略嫌蛋黃唔夠香,如果用鹹蛋黃整仲正呀! continue reading
(The above review is the personal opinion of an user which does not represent OpenRice's point of view.)
Level3 2018-07-16
48 views
我地幾個人每人叫左一樣share!個牛油果蟹餅普普通通,但個薄酥餅就幾好食,搭配一齊食唔錯,清清地!另一個班尼蛋幾好食,但可能一次食兩個就有點多,個全日餐更加好,一個班尼蛋再加其他野配搭配更中和!軟殼蟹意粉超濃味!正呀好好食☺️ 黑松露同菌類係永遠既perfect match! continue reading
(The above review is the personal opinion of an user which does not represent OpenRice's point of view.)