大圍168串宵

Open Now

Now Closed

我食都未食！想攞個位！企正正係門口5分鐘，入面啲員工望左我幾眼就一直雞啄唔斷當我透明！直到我先生黎大聲叫入去先問我地做咩？我即答：下！！？做咩？我企左5分鐘你地完全當我透明！佢先話：我以為你等外賣咋！入面無位 坐樓上啦！我回左一句：仲以為你地唔係做生意既添！就走左去

店舖位於大圍火車站步行10分鐘左右，每晚7:00pm才開鋪，營業時間至2:00。這𥚃店內只有2張枱，大氣涼 客人一般選擇坐外面，全店主力賣串燒，價格由$8-$88，大部分平均都是$20-$30左右。有各式肉類、海鮮、芝士系列、蔬果蔬菜類、炸物、日本稻庭烏冬等等選擇，每件即叫即燒，加上孜然粉和辣粉，可以選擇大、中、小辣，燒出來香噴噴，野味十足，配啤酒一流啊！喜歡食串燒飲啤酒的朋友，這𥚃必定是晚餐宵夜一個好的選擇！

大圍既食肆多不勝數，最近亦多左好多食串燒既鋪頭🍢 而今次要介紹既串燒店係由一班後生仔經營，當然要支持下啦！安格斯牛柳粒🐂 - 1串有4粒，夾住3粒燒車厘茄，牛柳粒有少少韌，但燒車厘茄好甜好多汁墨魚咀 - 好好咬口，正🦑雞中翼 - 燒到外皮好脆，仲有蜜糖淋上面，食到lam lam 脷😋雞軟骨 - 每次食串燒都必點，依間個d都幾好食👍🏻 所以點完又點雞肉串 - 味道不過不失燒波蘿 - 好甜好juice，唔會話好多渣🍍原隻帆立貝 - 好大粒，加埋蒜蓉一齊燒，好香🤤燒韭菜 - 又係每次食串燒都會點既，依間d韭菜無渣，點完又點😜牛仔骨 - 唔係好厚好薄一塊，但唔會燒到好”un”，個人覺得好食過安格斯牛柳粒🤔牛肉薯餅 - 炸到好香脆，仲要$28有2大件，抵食👍🏻今次已經第2次食啦，之前食過另一間係大圍既串燒店，但因為鋪頭抽風系統好差，一路食個陣一路吸哂d油煙同煙味，仲要唔係好平🙅🏻‍♀️。相反168串宵雖然細細間，但唔會話有油煙味，而且服務態度又好，我地食左咁多加埋野飲都係$300有找，好抵食！🤑

三款燒蠔好好味，雞翼好好味，腎比較硬，不是我最喜歡食果隻，茄子正常，豬頸肉ok , 又厚又多，雞軟骨正常，因為之前掃完街，已經食不倒更多了！哈哈！店員服務也非常好，又好好傾。

平時經過見佢夜晚都幾多人, 見唔係等好耐就試下啦.佢既串燒唔算貴, 不過就有機會坐街邊, 都可以叫有風味既.不過ORDER左十幾串, 差唔多食2個鐘, 食一串又等......食一串又等.........好似等補給甘, 燒唔切, 真係食到無引......燒粟米 - 加上一大塊牛油, 真係好好食燒豬花腩 - 切得太薄了, 無口感又無肉味汁燒牛仔骨 - 得一片(4舊骨), 賣$38/份, 真係好貴, 而且太乾了三重芝士雞肉腸 - 即係廚師腸, 加好多"芝士", 不過唔係多似芝士味原條茄子 - 呢個唔錯冰火煙肉荔枝 - 先把煙肉燒好, 再包荔枝食第一啖, 咸咸甜甜甘, 好特別不過諗深一層, 個廚師對手係甘掂生野 (未煮食物), 甘邊個包粒荔枝落去呢???燒車厘茄 - 幾好食燒墨魚丸 - 係切開一半的墨魚丸, 都OK啦全部野食其實係先水煮, 再燒一燒, 然後灑上"味道", 全部串燒都係同一隻味!!!食左十幾串, "味道"大於一切, 無曬食物的味道.而且全部人手落單, 廚房燒一碟出黎, 慢慢對單, 再上檯, 完全無效率, 十分慢, 仲係甘漏單.浪費時間之外, 仲失去客人的信心, 眼見其他食客都嬲嬲

收工唔知食咩好，同事話想食串燒，睇open rice有咩串燒食，就揀左依間試下先，依間小店沒有令我們失望，老闆同侍應都好好人，服務態度又好，個個都係二十頭既後生仔經營，我地仲一齊吹水😅仲請我地飲野😊食物質素新鮮，味道又好味，價錢抵食，我地叫左好多燒海鮮好鮮甜👍🏻👍🏻茄子又燒得好野味，牛肉既肉質又林又有很濃既牛味，樣樣都好食，我地3個人食咁多野都係770蚊，黎大圍食串燒依間必食啦😋😋撐香港小店💪🏻💪🏻💪🏻

大圍好多新勢力, 串燒就係其中一樣, 今晚突然好想食宵夜, 年青人開業, 貼地街坊生意, 好地道, 串燒不太油膩, 但可燒到好野味, 低讚, 推介燒菠蘿, 牛油粟米! 款式價格親民, 用心制作, 宵夜之選燒菠蘿, 好清甜燒牛油粟米, 正燒茄子, 好juice燒煵仔，墨丸, 墨魚咀, 腸仔, 雞肉串, 鹽燒青魚

野食美味!!服務同味道真係值5粒星，我最愛超多蒜燒茄子，汁燒肥牛串一燒象拔蚌仔同燒生蠔!!燒生蠔仲要有3款口味選擇:清酒燒，三重芝士燒，蒜容燒，真係好好食!兩個人晚餐2百蚊埋單都幾抵食舖仔細細，裝修普普通通，但服務態度真係好好，特別係老闆又nice又靚仔...(笑)最好早點去，我之後10點去過2次都好多人，要等位...今次我8點去就唔洗等位，老闆好好記性，一坐低已經記得我食過燒生蠔同茄子要超多蒜容~

小妹我近期食緊素，見周圍都冇咩arm食有啲失落。點知行過呢度離遠smell到好香好香，都係俾佢吸左過黎。開心死我啦，有好多好多素食選擇，即刻坐低拿拿臨叫啦♡!呢個雜菜包有金菇，椰菜等。啲菜完全保持到水份^^金菇唔un,咬得開!秋葵都有得叫，果然緊貼潮流著重健康!調味得剛好，蓋了秋葵的菜腥但又保持鮮味。我朋友話雞脾菇有啲un,不過我果舊冇問題，好juicy!茄子係全晚重點之一，雖然個肉唔夠多同厚，但味道一流，連蒜一齊烤香氣滿天。好後悔，我放到凍曬先食，熱食一定仲正!呢味係女職員特登知我地食奶蛋素，推介俾我地的😀好sweet好窩心!全晚重點2原條既燒粟米!!!!點可以唔叫?如果俾多啲啲牛油就perfect了^^!車厘茄好香甜多汁!粒粒又圓又大。但娃娃菜好咸………其實可以唔洗落咁多調味料已經好好味啦。另外背心哥哥都好貼心，知我地落唔到主意邊樣野要辣同要幾辣，專登成枝辣粉俾我自己落(>﹏<)＼(^o^)／。

不嬲都會過大圍食宵夜 最近發現積富街開左間新既串燒鋪 中意食串燒既我緊係要試一試收工約一班同事黎食 我地揀左室外 因為覺得室外更有串燒風味 點左野食差吾多十分鐘 已經開始有野食上霸氣金菇肥牛卷點左辣既肥牛卷 辣粉好香 比起岀面既金菇肥牛大一倍 燒完都依然好juicy😋三重芝士燒生蠔伴薯蓉聽講呢到既芝士係自己打既雖然吾知係咩芝士個係芝士味好重 粒蠔都好大粒 正！跟住就係由大同大都好中意食既雞翼好夠味 辣粉真係好正😋😋仲有更多好野食下次再影再分享過😆