3
0
0
7-min walk from Exit A, Causeway Bay MTR Station continue reading
Telephone
25489880
Opening Hours
Today
18:00 - 02:00
Mon - Sun
18:00 - 02:00
Payment Methods
Visa Master AlipayHK Alipay Cash AE UnionPay JCB Apple Pay WeChat Pay PayMe
Other Info
Online Reservation
Reward Dining Points
Above information is for reference only. Please check details with the restaurant.
About Reward Scheme
Review (4)
灣仔新開串燒店,原來是一間廿年前在西環第三街常光顧的小店,碰巧就遷址到家附近,當然要來到重溫舊味一下。 🔹新舖位於灣仔道利景酒店旁,鄰近鵝頸橋銅鑼灣,比起西環交通便利了不少!門面以燈泡大大隻字寫著《BBQ》字,很有氣勢又夠標緻玩味,成功搶到Focus! 🔹小店裝潢較舊舖來得時尚光亮,白色主調感覺整潔,牆上掛畫更是潮味十足,而且抽風得宜在內用餐不會一身油煙味。店內不算太大約有7-8枱,座位間尚算寬敞,更設有2間私人廂房,想食得Private點也可以。 🔹餐牌內選擇頗多,海鮮肉類的燒物兼具,有些更是外面少見,好似雞背和雞尾肉,一般都是傳統日串才有;而第一刀豬梅頭更是一件難求,這店居然有供應而且不貴,實在難得!除了串燒之外也有炸物和天婦羅供應,送酒一流。價格則屬中檔定位由最平$4元的雞肉腸到$108元的海鮮類不等,平均串燒約$15-$38左右,豐儉由人。 燒活北寄貝 $108(2隻),鮮活北寄貝加上蒜蓉蔥花和少量牛油燒至剛熟,鮮甜Q彈滲著蒜香,而殼中的湯汁更是精華所在,滿滿的海水氣息,鮮甜甘香。 燒托托蜆 $108(5隻),來自紐西蘭的托托蜆看起來跟馬刀貝有幾分相近,師傅將其以蒜蓉牛油燒至僅熟再灑蔥花,蜆身脹卜卜大隻肉厚,口感爽脆多汁鮮味爆燈,比起北寄貝來得清爽又是另一種風味,完全吃到停不了口。 燒花膠 $68,一串4件份量十足,花膠發起先上底味,再捲成2層增加嚼勁,搽上燒汁輕燒至微焦,入口豐盈滑溜帶著淡淡的燒烤香,骨膠原滿滿!意想不到花膠都可以做串燒,實在夠創意。燒西冷牛扒 $28,大大串份量十足,牛扒燒得外脆內嫩,黑椒味爆香,入口多汁帶少許嚼勁,牛味十足,濃厚惹味。 鹽燒第一刀梅頭 $48,第一刀屬罕有部位,往往留也留不到。肉質肥瘦相間,肉味香濃沒有臊味,燒得微焦封住肉汁,入口即溶,簡單調味突出了第一刀的獨特滋味。 新鮮燒雞肝 $28,雞肝如處理不當會帶臊腥味,這裡的就剛剛好,口感綿化不腥,薄薄的甜香醬汁加上獨有肝香,入口即溶一啖接一啖,邪惡極致。 燒雞皮串 $12,最抵讚就是燒得夠乾身而不焦,功夫之作。入口香脆而富雞油香,帶著少許鹹香,佐酒一流。 新鮮雞背肉 $38,據店員說是人手揀選特定雞背位置去骨剩皮肉,手工繁複,燒起來雞皮脆香薄肉幼嫩,比起雞皮的酥脆多上肉香,雞香滿滿。 鹽燒滷水豬大腸 $28,大腸向來是 Keith Ku@古家私房菜 的至愛之一,這店的燒大腸更是在本地吃過的頭2位!大腸處理得宜,乾淨而仍帶應有的燥味,加先經鹵水入味再燒香,外脆內軟鹹香多汁,帶著微微嚼勁,香口惹味。 整餐質素十分到位,份量亦足,味道鮮美濃香兼備,佐酒正餐都不俗;加上坐得舒適招呼親和,目測和客人間好像朋友般溝通,富人情味,在灣仔較少這類的經營至深夜串燒店下,相信不難企穩陣腳分一杯羹,是一間不可多得值得支持的小店! continue reading
(The above review is the personal opinion of a user which does not represent OpenRice's point of view.)
呢間西環勁出名嘅 BBQ 依家搬咗去灣仔啦 (Exactly 利景酒店隔離),新舖感覺上更加光猛舒服~呢度嘅海鮮係好抵食,今次我哋要咗燒珍寶蟶子皇2隻都係$98咋,新鮮又肥美用簡單嘅薑葱牛油調味已經好足夠!而每次一定要點嘅一定係佢哋嘅燒花膠,聽落好似麒麟怪怪咁但真心一定要試吓!外層微脆入面係黏糯帶點漿口嘅口感,超正!呢款會比夠飽所以建議分享,唔好諗住一人一串呀😂內臟除咗平時食開嘅燒雞心,雞腎之外第一次食咗牛仔心,好raw 好野性嘅味道,新奇!仲有雞心喉,雞頸肉都好味道~不過特別大激賞個雞背肉 (chicken oyster) ,食落既鮮嫩多汁又有雞皮雞油香,估唔到同 wasabi 會咁夾! continue reading
(The above review is the personal opinion of a user which does not represent OpenRice's point of view.)
Level3 2025-05-01
1094 views
當初見招牌仲貼住紅紙但又高朋滿座已經覺得「食有蹺蹊」😂原來係西營盤BBQ搬到灣仔是夜Walk-in好彩坐到最近門口兩個位首先上枱嘅係孖醬:泰式辣醬➕沙嗲醬正所謂醬汁是靈魂!點乜都得令有丁丁苦嘅燒螢光魷魚惹味必試BBQ名物燒花膠同場有我至愛的紅腸、魚片頭等炸日本白蝦送酒一流餐牌item勁多!最想試燒海鮮隔籬枱上奄仔蟹要預訂🫠菜乾粥晚飯食到宵夜都一流幾乎枱枱飲啤酒開紅酒燒爐位置有全高玻璃檔見幾個靚仔燒烤師傅團團轉整體係好好氣氛嘅食店 continue reading
(The above review is the personal opinion of a user which does not represent OpenRice's point of view.)
Level2 2025-03-09
2056 views
一如以往保持水準,任點都係高水準食物,最鍾意叫燒海鮮,鮮味又香口,鵝肝多士必食,燒羊架好食過好多高級西餐好多,時間夠可以預訂海鮮,今次訂咗鹽焗奄仔蟹,又係超水準之作💯 continue reading
(The above review is the personal opinion of a user which does not represent OpenRice's point of view.)