盤浦

Open Now

Now Closed

環境好唔錯，好有韓國local鋪頭嘅feel！叫咗豬肉燒肉、泡菜湯同埋辣炒年糕。燒肉真係好香，燒到外脆內嫩，啖啖肉汁，配上生菜口感真係一流！泡菜湯熱辣辣，酸酸辣辣嘅味道好開胃。年糕就好有咬口，配埋啲醬汁，食落去好有滋味。服務方面，員工態度好好，隨時幫手 。老細都好好服務，下次有機會一定再嚟！

今晚去咗間韓式燒肉店，由入座開始就感受到熱情服務！店員同老闆有時會幫手燒肉，換烤盤超勤快，服務好好，可以專心享受美食🥰主角燒五花肉好好食！108蚊一個人任食，抵！厚切五花肥瘦均勻，烤到外皮金黃酥脆，肉質卻保持juicy，包埋生菜同韓式辣醬，一啖咬落去超幸福～泡菜湯酸辣夠味，豆腐嫩滑，配白飯一流！炒年糕軟糯有嚼勁，甜辣醬汁好開胃，仲加咗面、魚糕同雞蛋，口感豐富。 同朋友都好滿意，下次有時間會再嚟食過！！

老細同店員都好好人老細廣東話幾勁下 份人又搞笑啲野食都好正 今次試咗$108嘅無限任食五花肉肉質唔霉有肉香，仲有專人幫手燒，懶人恩物～小食仲有韓式煎餅、炸雞，脆口唔油膩！泡菜湯飯都好正 但炒年糕係同朋友一致認為最正佢個年糕勁入味 又好咬 真係好正！！！而環境夠闊落，抽風勁，食完唔會成身油煙味。都有提供圍裙比我地，服務抵讚，換爐快過閃電服務生手腳快，加單唔會漏，抵讚！⚡️總結：性價比高，肉獸們可以出動啦！ 好正！

公司附近這間韓店試過他們的水冷麵，味道太酸了，但却反而喜愛他們的辣海鮮拉麵。湯汁很紅，味道濃郁，辣度中等，不會過辣，拉麵粗身爽口，配料有蝦、青口、魷魚、金菇、翠肉瓜、雲耳、冬菇片、韓國葱，很有滿足感，好味道。

今日我去咗北角蜆殼街盤浦食lunch. 聽講呢間餐廳係由韓國人主理，口碑都幾好。－去到見到裝修係傳統韓屋設計，見咁多食客出出入入，應該有水準。－直係韓牛愛好者嘅我見佢新推出嘅韓牛BBQ ，價錢比出面平，忍唔住叫咗碟牛裡脊肉黎試吓。油花分布均勻，色澤好靚好新鮮。經理細心幫我同教我點燒。燒緊嘅時候已經聞到好香牛味。肉質入口鮮嫰，肉同脂肪分佈剛剛好，令我諗起去韓國旅行時食韓牛嘅回憶，配合餐廳嘅裝修同k-pop音樂，就好似去咗韓國咁😁。服務方面，我最欣賞餐廳服務員嘅專業，對每位客人嘅需要都好細心。經理好有禮貌，又肯教其他員工。成個體驗好好，食完好有滿足感，仲有風趣靚仔經理😁，個人覺得物超所值😊。

勞動節的一晚這兒有四五台客 絕大部份都是韓國人價錢來說，地道韓國餐廳來說，算是合理泡菜款式甚多，隨傳統白菜和蘿蔔亦有茄子和洋蔥醒酒辣麵非常惹味辣牛肉湯仲有粉絲，但不算有太多牛肉燒肉份量不少，都是水準之作最能夠確認這間韓國餐廳是否地道就是看看這兒有沒有韓國的客人 相信人在異鄉，總會時常記掛家鄉的味道吧我會再回來的🇰🇷

公司搬到附近，所以lunchtime周圍試。以前School Food 的水冷麵好好味，很愛吃。見圖呢間水冷麵似乎不錯。前菜麻麻，比別的韓店差。水冷麵的麵可以，但個湯好酸，不喜愛，有半隻蛋，梨，白蘿蔔，青瓜。之後會再來試其他午餐。

（重點在文末）一開始食特價嘅牛肋骨都ok五花腩正常操作因為老竇鍾意食魚，叫咗餐廳入面算貴嘅$388鰻魚餐廳員工主動幫我哋燒，本來滿心歡喜，燒到好似尖沙咀韓燒老字號咁又彎又彈口，點知原來佢只不過係幫我煮熟，完全唔識燒，燒到好似又濕又淋又白奶奶嘅爛肉！事後自己加工，先叫做有返啲賣相同味道😥食完之後，仲要俾我見到同一個員工，將一張跌咗喺地下嘅錫紙放返上去第二日用，張錫紙係放喺燒板上面比客用嚟燒肉嘅，即係話，邊個用到嗰一張錫紙同舔地下冇乜分別😣

一直都好想來呢間韓國🇰🇷餐廳試下😊今晚終於有機會同家人來食🤩🤩ᴋᴏʀᴇᴀɴ sᴇᴀғᴏᴏ ᴅ ʟᴇᴇᴋ ᴘᴀɴᴄᴀᴋᴇ蔥煎餅煎餅大份,外脆內軟,好足料,餡內有鮮蝦、魷魚整個煎餅爆多韭菜和香蔥😳愛吃蔥的必食🤤加上搭配特製韓式醬油醋汁,更加惹味🤤ᴊᴀᴘᴄʜᴀᴇ 잡채炒粉絲粉絲鋪滿蛋絲、蔥花、青椒、洋蔥同牛肉, 粉絲份量多,牛肉份量頗多又唔韌,好足料粉絲柔軟又彈口,加上特製醬汁更加入味,只係油就多左一點點🤏🏻味道的確好味😋愛食粉絲的我係好喜歡食😊ᴋɪᴍᴄʜɪ sᴏᴜᴘ ᴡɪ ᴛʜ ᴘᴏʀᴋ泡菜湯😳大大鍋又好足料😳湯內有好多泡菜,金菇,豆腐,蔥,五花腩片唔食得辣既我同家人都覺得辣度剛剛好唔太辣☺️泡菜也是自家製的,不太喜歡吃既家人食到唔停口豆腐嫩滑,加上泡菜,令到湯更加入味再加上一碗白飯🍚連湯一齊進食,果然好美味😋每枱都會逢送有五小碟小菜泡菜,絕對係自家製口味,味道好特別,少少辣辣白蘿蔔,酸酸甜甜又少少辣,好食🤤辣青瓜🥒配辣紅蘿蔔🥕,兩者配合果然不錯芽菜配上麻油,可口洋蔥🧅炒四季豆加紅蘿蔔🥕環境方面都好寬敞舒適☺️舖外舖內以黃色為主💛舖內裝飾充滿韓國🇰🇷風味加上播放韓文歌曲,恍如在韓國🇰🇷當

第一次嚟食，超級失望叫咗牛肋骨肉同豬肋骨肉，雖然豬腩肉任食好抵，但係唔想食太肥，所以冇叫未試過韓燒係放張錫紙喺上面，啲肉嘅汁煮返熟啲肉，塊肉一啲焦香都冇，好似烚熟咁最搞笑係側邊有個兜，應該正常係用嚟兜住個板滴落嚟嘅油同汁，但係鋪咗錫紙根本就冇可能會滴到落去🤣其實如果韓燒店唔想洗塊板，不如唔好做韓燒啦其實肉嘅質素都OK，不過咁樣燒真係嘥咗呢個價錢有其他好多好好嘅選擇現場見到幾多外國人過嚟幫襯，應該都真係呃鬼佬🤣🤣

平安夜想同老公去食好野，之前朋友黎過食話呢間舖頭好食，所以我都同老公試下我地叫左1️⃣任食豬腩肉💰99一個人朋友推薦話99蚊任食豬腩肉好抵，我地兩個都叫左。豬腩肉肥肉瘦肉相間，都幾靚，有錫紙係面一齊燒，無咁容易燒膿，豬肉好好食，唔會好油膩，配埋泡菜好正❤️2️⃣牛肋條💰99見到牛肋條有特價，所以叫左，牛肋條本身調味左，但係醃料唔係好重，食落甜甜地，牛味都幾出，同埋燒完肉質都好軟焾👍3️⃣牛大腸💰188牛大腸一直都好想叫黎試下，今次終於叫左，油脂非常豐富，記得要燒燶啲先好食，好焦香，好邪惡😍4️⃣牛小排💰228牛小排無調味過，油花分佈好靚，牛味好濃，燒完質感都係柔軟，配泡菜一齊食或者用原本嘅醬汁都好食，呢間舖頭泡菜都好好食🥰5️⃣辣拌冷麵💰118辣拌冷麵可以揀辣度、幾好，啱曬我唔係好食得辣，冷麵配燒肉係最佳配搭，冷麵好爽口，加埋辣醬、梨、青瓜，甜甜辣辣好清爽❤️消費價錢：2人💰914.1，人均💰457結論：（10分為滿分）味道：8/10性價比：8/10回頭指數：8/10餐廳名稱：盤浦餐廳地址：北角蜆殼街18號嘉昌商業中心地舖

想講嗰사장님真係好風趣又好helpful👍🏿英文極好之主動埋黎幫手燒 佢嘅願景係多啲人接觸到韓式燒烤 就會自己識燒🤣所以後尾嗰豬肋骨燒得不錯 老細真係讚賞滿滿🥳好friendly嘅燒肉店！ ✢ 腌製豬肋骨 돼지 갈비 $99 (人頭計要2份起)唔食牛都可以有好好嘅體驗😎自己燒都無難度！攤開一份真係成塊爐咁大份😝真係好抵食！사장님有講過話呢份豬肋骨夠靚 糖分多 所以燒嗰時會易啲痴底xd 果不其然 食落口感認真鬆軟 尾段仲帶點甜！😚 彩蛋係사장님幫我地燒過頭一塊後 傾計下老闆都幾fun話想啲客個個訓練有成 燒到叻叻豬！所以我就實踐下🤪然後사장님簡直係給予滿滿嘅情緒價值💓經過幾次都不斷打氣 又會話我地聽幾多成熟🫶🏿差唔多食得！認真想比個讚 無大男人格 對自己啲staff又nice肯教👍🏿真係無比較無傷害 ✢ 花五花肉 $168睇落幾特別嘅五花肉🤩瘦肉夾三層肉 食落口感比起平時係彈牙啲 點埋佢比嘅麻油、辣醬 更增風味！✢ 人蔘雞湯 삼계탕 $188呢個必點！無後悔因為真係呢個天氣飲落超補身 人蔘、紅棗、糯米等補品一啲都唔吝嗇 釀哂係雞入面👍🏿熬煮後嘅湯頭夠香又易入口 連埋原隻嫩滑雞肉 邊食邊飲

近排見到北角新開咗韓國菜 好似唔錯 所以一於去試吓😚👅𝑈𝑛𝑙𝑖𝑚𝑖𝑡𝑒𝑑 𝑃𝑜𝑟𝑘 𝐵𝑒𝑙𝑙𝑦 $99/𝑝𝑝呢個幾抵食😆真係可以任食五花肉 仲要冇限時任食燒五花肉 一定可以食到夠晒飽😍五花肉唔會太過肥 豬肉部份都唔會好韌 同埋本身都有啲調味 幾好食😋👅𝑈𝑛𝑙𝑖𝑚𝑖𝑡𝑒𝑑 𝑉𝑒𝑔𝑒𝑡𝑎𝑏𝑙𝑒 𝑊𝑟𝑎𝑝 $38呢度加$38就有得無限任添生菜 啱晒可以包住啲五花腩一齊食😛解滯👅𝑅𝑖𝑏 𝐹𝑖𝑛𝑔𝑒𝑟 $99牛肋條食落有返少少咬口 都有啲彈性 亦都唔韌 鍾意呢個質感😙👅𝐽𝑎𝑝𝑐ℎ𝑎𝑒 $128韓國炒粉絲嘅配菜都幾多 唔會太過油膩 炒得幾乾爽 好食🤩總括嚟講 呢間韓國菜幾唔錯 嗰度嘅經理服務都好好 坐得幾舒服 大家要嚟呢度一試啊🥰😋 好味：8.57/10🤑 價錢：8.00/10🤗 服務：8.03/10😝 環境：7.85/10😚 衞生：7.85/10🤩 整體：8.42/10

首先，我們不得不提一下他們的新推出的 **Pork Belly $99 任食優惠**。這個優惠真的是太划算了，尤其對於喜愛豬五花肉的人來說，簡直就是天堂。豬五花肉質鮮嫩多汁，烤得外焦里嫩，搭配上生菜包，更加美味可口。這樣的任食優惠讓我們可以無限量地享受這道美味，真的是超值之選。First, we have to mention their newly launched **Unlimited Pork Belly for $99** promotion. This offer is truly a steal, especially for pork belly lovers. The pork belly is tender and juicy, grilled to a perfect crispy exterior and tender interior. When wrapped in fresh lettuce, it becomes even more delicious. This all-you-can-eat promotion allows us to enjoy

今次👧🏻同朋友去到炮台山搵食，發現有一間韓式餐廳推出咗$99任食豬腩肉！身為肉食獸緊係要試下啦！要讚下整體食物質素不錯，店員都勤力換錫紙👍🏻。🌟五花腩每人$99就可以任食燒肉真係超抵，一開始就送上一大盤腩肉，有肥有瘦，即使偏瘦既位置都唔會太瘦太韌，整體上亦肥瘦均勻！👧🏻同朋友有加咗一轉五花腩，質素仍有保持，唔會話係第二轉就變差。🌟牛肋條除咗五花腩，部分肉類，例如豬肋骨，都有做特價！牛肋條肥瘦均勻，有事先醃過，食落充滿牛肉同油脂香。🌟水冷麵食太多肉類，都要啲澱粉質調劑一下！呢度嘅水冷麵湯底比出面嘅酸啲，再落埋醋就非常醒胃！至於蕎麥麵煙靭彈牙，配料有基本嘅雞蛋、青瓜、雪梨片、白蘿蔔片，都幾好食！