6
0
0
Telephone
34604070
Opening Hours
Today
11:30 - 15:00
17:00 - 21:30
Mon - Sun
11:30 - 15:00
17:00 - 21:30
Payment Methods
Cash
Review (6)
Level4 2020-08-06
340 views
今日和太太去跑馬地辦一些事。不知不覺,上次到此區已是上年十二月,短短八個月,有些店舖因疫情關了,亦有些在這期間萌芽起來。這間在橫街的小店,店名是Banh mi Pate,意謂越南麵包,是酥脆法式麵包,撒以蛋黃醬,配料通常是豬肉、雞肉、醃製蔬菜、黃瓜和香菜。雖然此店主打是越南法式麵包,我們卻點了越式香茅牛肉撈檬和越南扎肉湯河粉。在櫃面負責接單的女士應是地道越南人,而在小小的廚房工作間共有五員工,我當時想單是人工費已佔了成本大半,做小店是需要靠多勞多得。這店主要做外賣,堂食有六個牆吧位,盡用空間。等了十分鐘,以紙製的碗盛載的撈檬和河粉準備了。 份量足,味道地道,簡單,沒有什麼取巧,此情此境,在跑馬地的橫街的越南小店,兩人坐在吧椅吃兩碗地道越南特式美食,仿如身在越南,或在法國十三區的越南小店享受美食。(疫情期間幻想自己在旅遊中是很需要的!)我們逗留在小店半小時,不斷有巿民魚貫排隊買外賣,相信此店頗受鄰居歡迎。奇怪餐單大部份菜式 (粉、檬、小食)都是一律每款$68,可能店主覺得方便計算,但我們倆人本來想點一個小食,但因為價單是一樣,就會直覺份量會不會太大,或是價錢是否偏貴,最後反而不點了。下次再到跑馬地時,我們必會再次光臨。Heston B 睎月藍 continue reading
(The above review is the personal opinion of a user which does not represent OpenRice's point of view.)
Level3 2020-06-23
444 views
跑馬地區無論大街或横街仔做食的小店多的是。這區很多小店都會不經意中帶點驚喜給食客及質素會遠超如期。這間越南食店就是其中一間‘好’之選。店舖size及settings比較看似外賣為主,我在堂食的短短半小時已有7個外賣自取客人來取食物,生意很不錯。雖然此店食品種類不多,但質素卻好過很多大名的越南餐館。今次特別推介火車頭湯河及春卷。火車頭湯河湯頭不是濃郁的牛肉湯,是較為清的,但牛味不失。料方面是很足及相當好質素,尤其牛肉及牛筋(淋、滑、香)高質!河粉是淋了少少但粉質很滑,整體上係一碗高檔次湯河,非常滿意!另一強勢食品-越式春卷脆而不油膩已不是要讚的一環,它的皮比其他我食過的越式春卷為薄,脆起來一咬就可分開,不會粘牙。油香亦加分,隨時食3、4件也不會感過多。最後來一杯越南咖啡,全餐大滿足!牛油雞翼是全翼,讚!蝦豬腩肉米紙卷店內環境布置很清新,有面綠色特色牆,加上窗外陽光透入店內,會令食客心情愉快,食慾大增。 continue reading
(The above review is the personal opinion of a user which does not represent OpenRice's point of view.)
🌞weekend lunch set🐮🍜河內生熟牛肉湯河粉 Hoian Raw and Beef soup rice noodles🤑$78有兩款牛,牛腩好有濃郁嘅牛肉味同牛油香,薄切牛肉牛肉味冇牛腩咁濃,但都唔差,湯底好清但香料提升左牛肉嘅味道,河粉唔算好彈牙,亦都唔係好淋嗰隻,都算有啲咬口,同好滑身。.半價可以加滴漏咖啡 Drip coffee☕️ +$16 佢係咖啡好濃郁,唔太甜唔太酸,分量調整得啱啱好,好值得一試.好味: 😋😋😋😋😋..🥖招牌越南法包Vietnamese baguette🤑 $78見我兩個人好貼身咁幫我切開兩份。法包好鬆脆,餡料有肝醬,燒肉片🥓,燻蹄🍖,扎肉,越南酸菜🥗, 芫荽。味道好好餡料好足夠,越南酸菜🥕份量唔會太多,最值得試嘅係燻蹄,佢做出嚟嘅味道,係咪好爽口,同個包一齊食好有層次口感好豐富🌯。.唯一冇咁好係越南法國麵包餐嘅餐飲只可以跟可樂🥤. 好味: 😋😋😋😋😋.最後食食吓加多左一個越南蒸份卷 🤑$68佢嘅份卷唔同一般餐廳咁一個包一個包嗰隻, 佢嘅形狀有啲似石磨腸粉手拉腸粉嗰種, 唔知係咪因為呢個關係, 所以唔會有一般包起嚟成舊粉皮係底嗰種口感, 佢呢隻成舊都好薄,餡料都覆蓋晒唔會食食吓有一拍成舊粉。粉質好滑好又唔係香,同豬肉同埋佢嘅木耳粒,再加上似係自己炸嘅乾蔥頭,值得一試。. 好味: 😋😋😋😋😋 continue reading
(The above review is the personal opinion of a user which does not represent OpenRice's point of view.)
Level3 2020-05-04
503 views
自成一角的跑馬地,方圓數里已經有好幾間越南食店。這間小店,大概只能同時容納六七個食客,以外賣為主。店內用綠色點綴,小吧枱陳設,店新且人少,故坐得自在。餐選,撈檬河粉法包小吃,價錢適中,點餐後付款,有點自助形式。越式雞絲撈檬,幼長白肉條上鋪滿紅椒粒綠莞茜橙蘿蔔絲,色彩斑斕,加檬汁,很開胃。生熟牛肉河,走去葱花洋葱之類,不用忌口,可啖啖嚐,豐富口腔的實感。 湯入味很濃,應該沒有精華素,起碼晚上沒有狂飲水。我的食料中,牛肉是不能錯過的,牛肉片不太薄,也軟口,河粉軟靭度恰好。兩片青綠大生菜,配托微澤光潤的炸春卷,皮脆鬆口,趁熱吃,很不錯。環保碗筷,食完即棄。木筷子有特色,一片蔚藍的藍的圖案黏在筷子頭端,圖添雅緻。儘管不便逗留閑聊,但食物可留客。 continue reading
(The above review is the personal opinion of a user which does not represent OpenRice's point of view.)
話說今日同朋友搭叮叮吹水,呢排肺炎冇得見,一傾計就忘哂形,回過神來已經喺跑馬地冇計,唯有周圍行睇吓有冇嘢醫肚啦行到郵局附近,對面有個好sharp嘅Take Away牌吸引咗我哋過去。本身朋友擔心係咪只做外賣生意,但老闆娘話如果有自備碗都可以喺bar枱食,仲會減$5添好在我係環保小先鋒,身邊就梗有一套碗啦!原來呢間舖頭新開冇耐,主打越式法包。我哋一月先去完胡志明市,所以一於挑吓佢機,睇吓有冇旅行嘅感覺先首先我哋嗌咗個越式法包,同朋友一人一半。個包皮烘得好鬆脆,入面嘅配料有蘿蔔同芫茜(<—我至愛,朋友不了)重點係佢竟然有加豬肝醬!呢一點係好多其他法包舖都做漏咗嘅,果然夠正宗。豬油嘅香味喺齒頰間溶化,真係畫龍點睛!不過如果有魚餅餡嘅法包揀就更好!食完半個包就梗係未夠喉,於是又嗌咗碗生牛肉PHO。呢碗粉真係好有驚喜!我覺得仲好食過越南街邊嘅PHO。可能因為啲牛肉靚,入口即溶;而湯底有牛骨味,我仲加咗辣椒同青檸汁,酸酸辣辣好惹味,忍唔住一啖接一啖咁飲哂佢!呢碗大推薦!!!食完鹹嘢,就要嚟翻個甜品,所以嗌咗蛋咖啡。佢本身分開咗兩層,飲嘅時候撈勻佢,蛋香配埋越南獨特帶甜嘅咖啡,順喉得嚟又解辣!食到咁飽,埋單每人百零蚊,跑馬地嚟講都算抵!不過間舖就細咗啲,冇得面對面咁坐低食嘢,始終做外賣生意多。同埋原來老闆娘真係越南人嚟,唔怪得食完真係似去多咗次越南啦🇻🇳🇻🇳🇻🇳 等我下次過嚟「旅行」再試埋佢啲檬粉同雞翼先! continue reading
(The above review is the personal opinion of a user which does not represent OpenRice's point of view.)