Bamboo Thai (朗豪坊)

Open Now

Now Closed

預訂今天座位進食晚餐，座位有開揚、有角落較涼雅座、亦有多一點私隠度的雅座。餐廳安排了多一點私隠度的雅座給我們一行六人，感覺自成一角，光線好亦坐得舒適。先選幾款我們都想食的菜式，很隨意的不須考慮主菜或是開胃菜順序。第一道菜式是泰式香芒炒牛肉粒。泰式香芒炒牛肉粒牛肉粒香味濃味道好，芒果片清新有甜味，雖然是第一道上的菜式，但我們已愛上牛肉的香濃味，連連稱讚!泰式火車頭和牛炒飯 炒飯粒粒分明，和牛是一片片小片散落各方，另有蒜片和蕃茄仔，味道適中;若加入有青辣椒和紅辣椒的調味汁一起拌勻就可以剌激味蕾。脆炸豬肉春卷 春卷皮薄又脆，饀料包得滿滿。想味道更豐富可加點魚露，會有酸酸及微辣味，好味!招牌冬蔭公雞翼見到冬蔭公雞翼時就好似開派對一定會有的主角一樣，雞翼賣相很吸引，有冬蔭公汁包裹得漂亮，味道很辣，是很刺激的衝擊!泰式燒豬頸肉 豬頸肉燒得帶點焦香，可以清楚見到肉脂，油潤度適中，口感帶點爽，有香蒜片、蔥及醬汁令豬頸肉更香!沙嗲雞串燒   五串 雞肉容易咬開，肉質不錯，沙嗲味道非常好味，香味濃有花生碎更有口感!荔枝青檸梳打佳餚有不同程的辣，一定要有飲品舒緩一下。梳打味道清爽，可以沖淡一下口腔的濃味和辣

訂座已知悉90分鐘，無問題的，本人亦準時到達～今次不提及食物，因服務態度會影響一切！2人消費$400+，大約75-80分鐘職員已拎卡機來收錢，都明白既，好多餐廳都會提早收錢先，接住5分鐘內，剛剛食哂食物，同朋友傾計途中，職員再disturb… 「可以先交檯嗎？好多人等緊… but you can stay if you want」！What？我聽左啲咩？ 職員講左啲咩？差👎🏻認真仲有5-10分鐘內就夠時間，歡迎提示一陣夠鐘就要交檯啦而唔係咁樣對待！

呢一日約埋幾個朋友去試吓朗豪坊內嘅一間泰國菜，聽講味道唔錯，位置闊落，雖然有限時90分鐘，但如果冇客就可以繼續坐😆❣️大蝦蕃茄蟹肉海鮮湯檬 $98有一隻大蝦🦐同少量蟹肉🦀，湯底顏色深但蕃茄🍅味唔濃，整體味道偏向清淡🥸❣️精選拼盤 $198拼盤內有5款唔同嘅食物，岩晒一大班朋友Share，食物新鮮整起，炸物都熱辣辣，必點😋❣️馬拉盞炒泰國椰菜苗 $88椰菜苗炒得相當惹味，又保留到菜脆脆嘅口感❣️泰式肉碎生菜包 $88肉碎加上脆卜卜嘅炸豬皮，包上生菜同唔同嘅香葉，口感相當豐富🤓❣️大蝦米紙卷 $78材料非常豐富，大蝦大大隻，配上魚露食胃口大增👍🏻❣️荔枝青檸梳打 $58❣️洛神花黑糖薑茶 $52❣️香茅薑茶 $52飲品正常，食完濃味泰菜飲相當消滯😆❣️芒果糯米飯 $78芒果超甜，配上熱辣辣嘅糯米飯同椰漿食超夾❤️🏦是次消費總額 $869（人均消費 $217.3） 🍴須加一服務費👅好味度：8.5（10分滿分）泰菜嚟講都相當出色，價錢唔算太貴，可以再Encore😍🍽️ Bamboo Thai旺角亞皆老街8號朗豪坊8樓02-03號舖

每次行朗豪坊都見到呢間餐廳幾旺場，印象中已經開咗好多年，不過重新裝修過後環境更加靚同舒適，所以上星期就揀咗呢間餐廳同媽咪去慶祝母親節😆 精選拼盤🍢呢個拼盤好抵食，有齊春卷、大蝦米紙卷、沙嗲雞串燒、同埋餐牌冇得散叫嘅墨魚圈同炸魚餅😛最鍾意墨魚餅，真係要畀個👍 大大件好彈牙又唔腥，媽咪都話好好食！ 泰式蛋咖喱炒皇帝大蝦🦐隻蝦手掌咁大，咖喱撈埋炒蛋超濃郁，個咖喱真係「好餸飯」，忍唔住想問侍應「唔該加碗白飯啊！」🍚 香芒炒牛柳粒🥭阿媽至愛！加咗甜椒色彩豐富，牛柳粒炒得幾嫩唔韌，同芒果一齊食甜甜哋幾開胃，份量都大，適合多人分享～ 海虎蝦炒金邊粉金邊粉炒得乾身唔油，個味酸甜平衡，雖然隻蝦就冇咖喱嗰隻咁震撼，但都好新鮮彈牙😋 甜品控注意！芒果糯米飯暖笠笠，椰奶香但唔會甜到漏。椰子雪糕🍨 有驚喜，配搭椰子肉、花生同粟米，同椰香好夾，而且為口感增添層次🫶🏻 食泰國嘢梗係要嗌返杯吓夏日飲品，呢度飲品選擇好多，有Cocktail、Mocktail、沙冰、梳打等🍹我哋就試咗椰芒仙跡同菠蘿椰子沙冰，前者味道清爽又唔會太甜，後者飲到有菠蘿茸，夠晒真材實料～

平時好少去朗豪坊，今日去買衫，順便食個泰國菜。首先餐廳佈置典雅，叫咗四樣菜，和牛炒飯好好食，牛肉一啲都唔韌，蒜蓉包好香脆，好好味，椰子雞湯，酸酸鹹鹹，一啲都唔辣，豬頸肉有驚喜，好味。性價比好高，食咗咁多樣嘢， $400都唔使，下次會再嚟過。成間餐廳美中不足就係，雖然播放好多舊英文歌，好好聽，但係因為聲量太大，同家人傾偈都聽唔到對方講嘢，如果可以將餐廳音樂聲量調低少少，整體午餐體驗相當不俗，期待餐廳看到評語稍作改善。

🍽️Bamboo Thai有時在朗豪坊睇戲🎬 都會經過見到這一間泰國餐廳 今次終於入去試一試😋精選拼盤 Appetizer Platter💰188包含春卷Spring Rolls、大蝦米紙卷Prawn Rice Paper Rolls、炸魷魚Calamari、沙嗲雞串燒Chicken Satay及炸魚餅Fish Cakes一個拼盤包含了多款小食 每款都可以試少少炸物熱辣辣送上 即叫即炸🔥最欣賞炸蝦餅🍤 煙煙韌韌勁有蝦味🩷選擇困難的你必叫👀泰式大蝦炒金邊粉 Pad Thai with Tiger Prawns 💰128上面的蝦隻隻都得幾大 仲要食得出唔係雪蝦🦐金邊粉乾濕程度適中 但是口味偏淡 不是濃味的金邊粉 可能重口味人士會略介意👀泰式燒豬頸肉 Grilled Pork Neck 💰98豬頸肉燒得勁香 配上醬汁勁惹味😋份量尚可椰林飄香沙冰 Virgin Pina Colada💰62勁香椰子味🥥 食泰菜時配上一杯解咸解辣一流👍🏻青檸荔枝沙冰 Lychee and Lime 💰62見到顏色覺得勁奇怪😂但係味道不錯 青檸味道較突出🍋‍🟩勁解渴總括來說性價比一般 勝在地點方便 睇戲前後肚仔餓都可

旺角朗豪坊泰國菜無論環境抑或食物質素都不錯🐼 泰式大蝦金邊粉每次食泰國嘢都必定要嗌金邊粉甜甜辣辣 加埋青檸汁、花生碎更有層次感呢個推薦🤤🫶🏻🐼 泰式燒豬頸肉豬頸肉外皮焦脆 點埋個醬汁更加好食但略嫌肉嘅厚度有啲薄🙈🐼泰式蛋咖喱原隻肉蟹份量唔算好多 但係咖喱汁幾好食 打包咗返屋企配薄餅食整體嚟講都唔錯但唔太推薦 性價比不高

食物保持水準， 味道不錯。 可是上菜太快， 冬天食物會比較快變凍。 這個有待改善。但場景氣氛太嘈吵 。 室內播的音樂太嘈。 食飯時間停止播音樂會比較好希望日後會有改善。服務員態度不錯，有禮貌。

冬大過年一家人團團圓圓，今晚做冬唔食粵菜食泰菜。朗豪坊Bamboo Thai 一間不錯選擇，略嫌只有 90分鐘用餐時間，其實沒人排隊都可以彈性一點，無必要一到 90 分立刻遞上賬單要求結帳。泰式生蝦新鮮爽甜，馬沙文咖哩汁惹味，但同豬肋骨味道不夾，因為豬肋骨本身有燒骨味😃，生菜肉碎包，香辣微酸十分惹味！服務態度很好！

來到郎豪坊，選擇困難諗唔到食乜好，選擇了八樓的Bamboo Thai。上到來，真係充滿住聖誕🎄氣氛！行到攰，可以坐低chill下主食：和牛炒飯夾雜聖女茄$148，炒飯味道都還可以，但和牛就睇圖…蒜茸炒椰菜🥬，不過不失吧。（$88）驚喜的是份芒果糯米飯，味道剛剛好！$78 －份。

🐯蟹！蟹！蟹！真·泰國Style蟹肉炒飯🐭 ⭐️按「更多」睇詳細食評😋#今日要食螃蟹 #蟹蟹蟹～ 懶惰二人組聽完呢首歌泰國風情爆棚既「 #蟹の歌」後，就即刻想食返個泰國菜。於是嚟到朗豪坊嘅呢間泰國菜，今年真係俾我哋食到蟹？《泰式肉碎生菜包 Spiced Minced Pork with Lettuce》$88 肉碎五香粉味香濃，少少香辣，肉汁滿滿。加上一點點芫茜🌿同薄荷菜，都幾香口架！用黎包住肉碎既生菜都爽脆新鮮。不過跟埋一齊既炸豬皮就太硬喇！《招牌蟹肉臘腸炒飯 Thai Lap Cheong and Crab Meat Fried Rice》 🦀 $138蟹，蟹，蟹，嚟喇！蛋炒飯炒得比較濕潤。蟹唔算太多，雖然有臘腸，不過就冇想像中咁重口味。如果鍾意食口味濃一啲嘅朋友，可用魚露調味。《馬拉盞通菜 Stir Fried Morning Glory with Shrimp Paste and Chili 》 $78通菜都比預期中大啲，煮得爽口。馬拉盞亦炒出黎既通菜都咸香十足。😋🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物口味都唔錯， 以商場餐廳嚟講亦都算係多。性價比算係唔錯。💚環境裝修都

星期六1:00嚟到都唔算好full ✨大蝦芒果柚子沙律芒果好甜沙律汁係偏酸嘅同平時食柚子沙律嗰種酸甜甜係唔同我個人覺得加番啲甜味會平衡啲✨火車頭和牛炒飯呢個有驚喜炒飯味道好夠，但又唔會太鹹加埋和牛好好食✨蒜香炒泰國椰菜苗新鮮清爽調味都剛剛好✨泰式燒豬頸肉豬頸肉都幾香口個汁好好味，好夾！✨火山排骨小辣可能因為叫咗小辣個酸味比較突出估計如果有辣味，可能會再惹味啲啲肉係好腍好容易就咬到✨椰香青咖喱雞小辣正常發揮都好足料本身會期待椰汁味再突出啲✨油酥餅偏硬身同乾一啲少咗啲油酥餅嘅煙韌✨蒜蓉包好香，用嚟襯青咖喱真係一流✨芒果糯米飯糯米飯上面有啲炒咗嘅黃豆乾糯米飯嘅軟糯加上炒黃豆嘅脆好有口感！好欣賞呢間餐廳嘅心思！-呢度嘅服務好周到店員都係好親切友善有笑容😆上甜品之前仲會重新佈置新嘅碟同餐具✨食得好舒服👍🏻👍🏻

留港消費，與好友相約到朗豪坊玩樂一番，午餐食泰國菜。泰式拼盤食得多，這個是近期食過最好食的。春卷長到似搖控器，兼且十分酥脆！雞串燒的雞肉仍嫩，沙嗲汁相當好味！大蝦米紙卷很大件，加些魚露是惹味的源頭。炸魚餅與墨魚餅皆勁香口，泰式香料味尤其突出！泰式虎蝦炒金邊粉的虎蝦雖然只有三粒，不過真的好大隻，而且爽彈得很。金邊粉炒得條條分明，不算過油，加上旁邊肥嘟嘟的泰國芽菜及辣粉，可口味美。火山排骨一出場，震撼程度即時獲得大讚，就連鄰桌的食客亦驚嘆不已！外表似是煲湯豬骨的排骨，竟是入味之至，純粹的肉感豐盈，蘸些鹹鹹辣辣的湯汁以及無數的芫荽，已令人食不停口，直中了小人的心！好友的Mocha拉花拉得不錯，咖啡跟奶之間取得適當的的平衡，濃淡得宜。椰青非常清新，食過濃味的食物之後來一口，超凡的感受！首遇火山排骨，驚豔不已，一定要記入單！

呢間泰國餐廳幾好坐，又唔會人來人往好多人，可能門面畀人嘅感覺係一啲貴價餐廳，但係其實都唔算貴，物有所值，而且啲嘢食都唔錯。我哋今日叫咗啲輕食，分別有脆皮牛油雞翼、泰式小食拼盤同馬拉盞炒通菜。個泰式小食拼盤入面有泰式春捲、炸魷魚圈、泰式炸魚餅、串燒雞沙嗲同埋大蝦米紙卷。咁多樣嘢入面我最鍾意佢個泰式炸魚餅，點埋嗰個泰式甜酸醬真係好正。第二好食係個大蝦米紙卷，屬於清爽型嘅小食，啲蝦都幾新鮮。魷魚圈同埋春捲就屬於正常發揮水平。佢個拉盞炒通菜都幾大碟，所以我話呢度唔算貴，咁嘅價錢有返咁上下份量非常合理。呢度嘅脆皮牛油雞翼都幾好食，一啲都唔辣，雞翼脹卜卜，真係脆皮㗎。最後我想講佢個香茅薑茶都幾正，對於唔想飲甜嘢唔想飲凍嘢嘅我真係fit到爆，仲有成壺畀你慢慢斟。

作為餐廳 又五係快餐 入得去埋單都五百蚊。我唔認為要等齊人先入得去囉！7：50pm攞位, 個伴侶8：15pm 就可以到, 都唔可以入去? 咩玩法?? 其他餐廳要多謝佢趕走我呢個客，即上8樓bamboo Thai消費800蚊😁餐廳高層見到就自己檢討下個前台，拜