71
8
2
Exit C3, Mong Kok MTR Station, Exit E1, Mong Kok MTR Station, Exit B, Mong Kok East MTR Station
continue reading
Telephone
21119948
Introduction
The Thai restaurant in Langham Place uses fresh ingredients, offers classic Thai cuisines. Among them, "Laeng Saeb" is the restaurant's signature dish, and the mountain of lamb rib bones are served with Thai seasonings.
continue reading
Opening Hours
Today
12:00 - 22:00
Mon - Sun
12:00 - 22:00
Public Holiday
12:00 - 22:00
Public Holiday Eve
12:00 - 22:00
About Reward Scheme
Recommended Dishes
香港人最愛吃泰菜，我也不例外。今天走到朗豪坊，突然記起這裡有一間不錯的泰菜餐廳「Bamboo Thai」，她有道活像「盆景」的招牌菜「火山排骨」，酸酸咪咪肉質又夠腍，必吃！喜歡吃海鮮的朋友，更一定要點「泰式蛋咖喱炒原隻肉蟹」，蟹肉鮮甜不在話下，那些蛋咖喱才是重點，馥郁芳香，塗在油酥餅、蒜蓉包上，簡直是人間極品！餐廳位於商場八樓，沒有傳統泰國餐廳的滿天神佛，取而代之是型格的裝修。青木瓜沙律 $68先來一些前菜，我想吃酸咪咪的，故特別要了這「青木瓜沙律」，木瓜爽口，想不到裡面還有鮮蝦，味道鮮甜，絕不是雪藏貨，很是驚喜！招牌冬蔭雞翼 $68牛油雞翼吃得多，這個冬蔭雞翼是個變奏版，有點像牛油雞翼，不過卻增添了冬蔭公的酸辣味道，更加惹味。外層香脆，內裡雞肉嫰滑，十分完美，我個人霸了兩隻來吃。泰式肉碎生菜包 $78生菜包是大路菜式，這裡特別加入了炸豬皮，更添香脆口感。精選拼盤 $168炸魚餅炸魷魚沙嗲雞串燒春卷蝦米紙卷我們共四個人，不如點個拼盤開心Share。我沒有試齊全部，朋友說春卷很好吃，魷魚圈有點硬，我個人最喜歡是雞串燒，蘸一下沙嗲醬，美味。火山排骨 $118 (小)一大盆的排骨，疊得高高的，還灑上了很多蔥花，我覺得有點像盆景呢，很有美感。味道也不錯，肉質夠腍，底汁酸辣帶蒜香，有點像明爐烏頭那種，雖是一大盆肉，卻不會感到膩滯。泰式蛋咖喱炒原隻肉蟹 $398油酥餅 $28，蒜蓉包 $38是日最愛，一定是這咖喱蟹，大家第一時間不是食蟹，而是忙著把咖喱汁塗到油酥餅和蒜蓉包上，吃個不亦樂乎。蛋咖喱很香又夠厚身，與香脆的蒜蓉包是絕配，我們吃完一客再Encore，好滿足；吃夠了麵包再吃蟹，蟹很新鮮，肉質實淨鮮甜，一樣出色，食到要吮手指！香芒糯米飯 $68最後來個甜品，「香芒糯米飯」配了一球椰子雪糕，清新甜美，那塊芒果，厚肉又香甜，配以軟熟的糯米飯，超美味！
continue reading
見朗豪坊app 呢間餐廳做緊9折優惠，又見巨型火山排骨咁吸引就約fd 仔去食啦兩個人晚飯時間去，7點後都有人龍，建議openrice book 定位就唔使等我地叫左1）巨型火山排骨（細）唔錯，少甜，酸酸辣辣，好開胃，勁岩夏天食，一份有4舊，兩個女仔食到好飽，建議3個人share 就完美，可以試其他野食2）軟殼蟹纸米卷不過不失，一份有4舊，軟殼蟹好食，但分得好唔平均，一舊有好多蟹，一舊又冇咩。3）2X 棷青正，冇可挑剔
continue reading
有驚喜的泰國菜~惹味火山排骨喺旺角朗豪坊睇完戲，搵嘢食，一出戲院就見到呢間 Bamboo Thai ，我哋都幾鍾意食泰國嘢，一於試吓先。清新柚子蝦沙律 $72佢哋嘅柚子蝦沙律味道好特別，通常其他餐廳食都係甜甜酸酸，佢竟然係有鹹味，應該落咗啲醬油佢調味，有啲鹹有啲甜有啲酸，味道又幾特別有幾夾喎。黃金蝦餅 $75一碟四件，啱啱炸起嘅蝦餅特別香口，不過我估佢個名寫黃金，係指隻顏色，我哋誤會咗係鹹蛋黃🥰因為個蝦餅一啲鹹蛋黃味都冇😝泰式飛天通菜 $68每次食泰國菜都一定會叫，啱啱炒起嘅通菜特別好食，鹹香十足，好好味🥰椰子雞湯 $62前幾日喺第二間泰國菜食過椰子雞湯，覺得好好味，所以今次呢間又試吓，椰子雞湯幾清幾甜帶少少酸辣，味道特別開胃，不過雞肉就唔算好嫩滑。整體不過不失。火山排骨 $118我哋俾個餐牌嘅賣相吸引，就叫咗你試吓，估唔到咁大份，又係食唔晒要帶返屋企🥰第二日再慢慢嘆。火山排骨肉質好嫩，個汁係有少少酸辣，好惹味醒胃。不過係估唔到呢個火山排骨係要用手食，不過餐廳有準備手套俾我哋用，夠晒貼心。🥰Bamboo Thai (朗豪坊) (旺角)旺角亞皆老街8號朗豪坊8樓02-03號舖
continue reading
今次7個人食飯梗係要預早book定位，見好多人都點火山排骨，覺得佢好似一座山咁🤣 不過佢有大量芫荽碎唔鍾意既就唔好叫啦。一碟雞翼得4隻所以我地點左2款唔同既雞翼，有冬陰功雞翼同牛油雞翼，冬陰功雞翼係獲勝既🤣 好夠味之餘仲好香脆，值得試。另外我本人一眼望到就想點既蟹肉炒飯，大家都推薦真係好足料而且都大碟。泰菜梗係要試試佢個咖喱，但因為怕蟹難分就叫左個黃咖喱大蝦，當然要加埋份薄餅啦。呢個咖喱令我地再加點多2份薄餅配黎食，真係好好味好濃郁。最後點返個糖水啦，見楊枝甘露個圖同平時既好唔同就試下，但好不幸既係伏左!!!!! 反而芒果糯米飯就出色，佢仲搭埋椰子雪糕好夾好好味。
continue reading
聽好多人都話好食 ，最後我都忍唔住走咗去食，但記得對清楚先好埋單。L-Beef soup Noodle 越式牛肉湯河 $78我好鍾意佢將青檸辣椒分開，我先飲原味湯底，湯底清淡濃郁，牛肉鮮味真喺好出 ，湯河都好有水準 ，食到一半落曬配料 ，微微香辣 ＋ 青檸 等配料 ，令個湯底再多啲層次。Frozen Cappuccino 冰川咖啡 $48好啱我呢個甜甜控，甜甜嘅咖啡，每一啖 都好 甜甜味 ，加上沙冰 調教得啱啱好 ，你唔會飲飲下 飲到啲碎冰的確唔錯。
continue reading