八方台式麵屋 (九龍城廣場)

Open Now

Now Closed

真係好耐無去旅行，間中都會食唔同野!😉而我一直都好鍾意食台灣野，所以今日又心思思想食!😆😆所以四圍搵下唔同的台灣野，禁岩今日在九龍城附近，原來都有台灣野選擇📍-今日去左位於九龍城廣場的八方麵屋🧡，係台灣菜的好選擇！ 同埋價錢相宜，真係好抵食!💖入面有飯、麵同唔少主食，另外仲有一D小食呢! -主食我揀左紅燒湯麵，但轉左新竹米粉🍜因為今晚唔太餓，但又想食下辣呢!🌶整碗味道好足夠，唔會太辣又惹味，而且湯底好好味，配上新竹米粉真係好夾，仲有少少肉碎，好值得試!💯-另外都叫了台式雲吞麵，入面有幾隻大大的雲吞🥟而且入面的餡料都好足夠，會食到肉呢! 好足料，加上清清的湯底🍲，岩晒食唔到辣的朋友!-小食方面，分別點了韭菜鍋貼5隻🥟同肉燥青菜🥬🥦，先要讚一讚2個小食時上碟也很精緻，🥦🥬即使係肉燥青菜都放得好靚呀!肉燥青菜真係好味，每一個菜都會有味道，如果平日唔鍾意食菜的朋友可以試!🫑但我自己更喜歡韭菜鍋貼，熱辣辣又足料，配上醋食真係最正!😌😍-而去食台灣菜當然要點台式飲品啦!分別點了黑糖珍珠鮮奶🧋🧋及蜂蜜檸檬!黑糖珍珠鮮奶雖然好邪惡但又好好味!珍珠都好好咬呀!🧋🧋-整個晚飯都好滿足，岩晒想隨性食的一晚，

今日約了朋友到九龍城見面，佢話好掛住台灣美式，我就同佢入咗間台式麵館。呢間台式麵館都好多人來食嘢，仲有好多學生哥來買台式飲品。我哋都等了一陣位，先點餐後出到櫃面付款。坐低5分鐘左右，撲鼻嘅原味鍋貼就送上來。鍋貼低是脆口，面是軟軟質感，包住嫩滑肉碎，再配上醋汁，增加口感。不知不覺就吃了10隻。台式鹽酥雞和夜市花枝丸都係必食推介，金黃色鹽酥雞外脆內嫩，仲有肉汁流出。食落仲有少少海鹽味，真是似我在台灣食嘅味道。金黃色花枝丸，經過油炸後仍保留內質彈口。再配多碗懷舊經燒三寶麵。我選了麻辣湯低。看起來好似勁辣，但入口唔係好辣，係容易入口味道，牛腩超軟身，入口溶化。水餃飽滿肉汁鮮嫩、最緊要食件羅白，吸曬麻辣嘅味道。麵質爽口彈牙。再加上一杯梅子綠茶，味道清新帶有點梅子味道，是解喝之選。

朋友介紹話八方幾好食，今日去開九龍城，便順道一試，性價比果然幾高。濃香麻醬麵麵條粗幼適中，掛汁力夠強，每條都沾上好濃好香花生醬，花生控必點。原味鍋貼 五隻個底煎至金黃香脆，肉汁豐富，配上酸醋，醒胃又去膩。台灣牛肉麵 番茄湯底番茄味濃郁，並不是以茄汁製，最後連湯底都飲埋🙈牛肉嫩滑，帶有少少筋，增加口感，必點。溏心蛋蛋白脆嫩，蛋黃甘香，最愛溏心蛋齒頰留香嘅感覺。手工醬台式雲吞餐加$18, 粒粒飽滿，size 剛好一口一粒，正。黑糖珍珠鮮奶岀面買要30多元，宜家加二十元就有，大大杯，最開心係珍珠好多，珍珠帶甜，口感軟糯，。飲用前要搖勻，唔係飲到尾嘅時候就會好甜咖喇。

行經九龍城廣場入去逛一逛，見到有間台灣料理，都行到攰就入去食好西!! 見到餐牌有好多set，價錢都唔貴，而且又可以配下小食同加配飲品，幾抵! 我地叫左:..🍜台灣牛肉麵大大碗湯麵，有幾片好大塊的牛肉，湯底帶點微辛，湯頭濃，再食一口牛肉，牛肉都炆得軟，而且有好多配菜包括有紅蘿蔔同白蘿蔔同菜，都唔錯!! 仲要有半件溏心蛋😍超正！.跟餐配左 🍲手工醬台式雲吞 同🥤芋圓奶茶雲吞有6粒，配手工醬好惹味呢!! 感覺有D似食上海既紅油抄手咁～而芋圓奶茶，不得不說，真係勁多粒芋圓係裡面啊!! 煙煙韌韌咁，而奶茶就係台式奶茶既味道咁，我覺得唔錯啊..🍚懷舊飄香滷肉飯滷肉飯，並唔係肉燥飯，所以唔係細細碎碎既豬肉碎，而係一件件豬腩肉咁! 伴有菜同蛋，配埋醬汁再撈飯食，一流!..跟餐配左🍖師大香酥豬扒 同🥛黑糖珍珠鮮奶 (不過當晚去時珍珠賣哂，改左布丁)講一講份豬扒，好大塊，而且炸得好香脆!! 食落係皮薄肉嫩!! 呢個好好味呀!!😋 黑糖布丁鮮奶，黑糖味濃，撞落凍鮮奶既比例剛剛好，味道香甜，而加埋布丁增加左口感呢!!..絕對推薦呢間平民台灣食堂哦~很親民又不貴!! 而且燈光白淨環境乾淨企理，當晚去都有唔少一家

約咗幾個月嘅 #晚餐，呢日終於成事✌🏻 因為 #朋友仔 之前整親隻腳，所以我哋都唔打算去得太遠，就喺附近搵個聚腳點😉 仲戒緊口嘅佢，#大魚大肉 暫時就唔使諗😅 咁啱我哋行商場路過 八方台式麵屋 見餐牌上嘅 #台式食物 都幾吸引，一於試吓佢🤤餐牌上嘅食物選擇咁多，我真係唔知點揀好👉🏻👈🏻 #服務員 見我咁煩惱，推介我哋可以試吓佢哋招牌嘅 #台灣牛肉麵、#滷肉飯，如果唔夠嘅話，仲可以加少少錢轉做 #套餐，另加 #小食 同 #飲品 各一款🤩 大食底嘅我哋，又點會執輸？一於加個 #台式鹽酥雞、#花枝丸 做小食🤤 飲品🥤我就要咗杯 #黑糖珍珠鮮奶，而朋友仔就正氣啲，簡簡單單要咗杯 #茉香綠茶 暖吓個胃🍵 估唔到餐廳細細，都可以整到咁有 #台式風味 嘅食物🥢 我要嘅 #牛肉麵 份量都唔少，湯底辣辣地好惹味，加上碗裡面嘅 #牛肉 炆得淋得嚟、又有o趙口🤤 而朋友仔就話佢嘅滷肉飯雖然肥咗啲，不過汁醬真係幾好味，搞到佢都忍唔住成碗飯爬晒落口🤣 小食方面，我比較喜歡 #花枝丸，咬落去充滿 #魷魚 嘅鮮味🤤 最後配埋杯黑糖珍珠鮮奶，口味真係夾到震🤩 濃濃嘅 #奶香 混合埋 #黑糖珍珠... 真係好滿足呀❤️

今晚和友人希望在九龍城能夠探索泰國菜以外的美食，經過一個商場裡面有一間台式餐廳。剛好友人亦想吃牛肉麵。番茄牛肉湯麵的番茄湯底非常濃郁，而且牛肉份量非常多！而且軟骨部分多 啖啖都是煙韌多肉！非常推介這個湯麵。我就選擇了麻醬乾拌麵，看似平平無奇的，但其實吃上去沾滿麻醬，攪拌起來黏黏糯糯都幾好吃。另外再配小食原味鍋貼和手工麻醬餃。每份小食份量都足，而且係一口份量，唔會食到周圍都係。飲品方面，友人清淡少少飲茉香綠茶，茶味很濃，又香。我就選擇了黑糖珍珠鮮奶，珍珠煙韌彈牙，最近突然間凍返，飲少少熱飲非常暖。

來到九龍城午膳，選擇台式料理「八方台式麵屋」。鮮蕃茄牛肉湯麵~~台式牛肉是牛展肉，厚厚的、又大大片，烹調得宜，吃起來肉質柔嫩，細膩，搪著流心的糖心蛋甘香可口，去皮的鮮蕃茄吃起來更暢快，軟滑麵條掛鮮蕃茄湯吃，令胃口大開。濃香麻醬麵~~濃香麻醬撈麵吃得滿腔麻香，麻醬配軟滑麵條口感滑捋捋。兩款可口小食：夜市花枝丸~~香酥、鮮甜。煎原味鍋貼~~皮薄饀鮮，實而不華。熱黑糖珍珠鮮奶&凍芋圓奶茶~~兩份味道我較喜歡熱黑糖珍珠鮮奶，喜歡它質地較幼滑綿密。

計一計,都有成20年無嚟過九龍地廣場!今次嚟九龍城廣場全因為嚟哩區幫客人睇風水, 女主人想話裝修吓間屋, 但男戶主則唔想攪, 於是乎女主人想我順便幫忙講兩句好話, 哩層當然無問題啦!攪掂完之後, 兩公婆話要傾傾, 我亦都唔阻住人地, 快快同小師妹助手離開.因為...... 佢地兩公婆俾我強烈山雨欲來之感.之後同助手去醫肚, 問佢有咩提意, 小師妹助手提意去八方!小師妹都好中意去台灣旅行,依家去唔到台灣,就去D台灣餐廳食台灣菜當係去咗台灣.哩間八方, 同八方雲集有明顯分別, 但食物又好近似!原本想點麵線, 但超到隔離枱碗肉燥麵外相又好鬼吸引喎!麵線!肉燥麵!點㨂呀?唔通食碗麵都要起卦?最後都㨂咗肉燥麵, 原因係.... 未食過！另外點咗鍋貼, 香酥豬扒, 小師妹側點咗雲吞麵.試咗小小雲吞麵嘅湯底,雖然紫菜份量唔多, 但紫菜味濃, 顏色帶少少奶白, 感覺似魚湯, 味道適中唔會太咸.而兩碗麵嘅麵質相同.肉燥麵無咩湯水, 正確應該叫肉燥撈麵, 麵質軟滑, 肉燥味帶甜, 最特別係肉燥外表唔睇好但一D都唔柴口硬口! 滿意!最最最難忘都係塊豬扒, 口感完全唔似食開嘅豬扒! 外表無點落炸醬但極脆口,

日日諗食晏食咩諗到頭痛，又唔想訂位，又唔想太油，又唔想太遠。雖然呢間台灣野都幾遠，但聽同事討論過話幾好食，咁就早啲出發試下。黎到都13：07啦， 排哂隊，收銀姐姐一腳踢，又聽外賣電話，又賣餐，又叫人執枱，又要搞啲外賣平台單，可以睇得出佢一頭煙。建議最好唔好中午一個人黎，因為佢係排隊落單買野，我一個人無辦法搵位，好好彩阿姐幫我落單時佢叫我hold一hold,即刻搵到個位俾我，如果唔係源源不絕既人流我根本無可能又排隊買野又搵到位。間鋪唔算大，但人手都唔夠，得一個送餐執枱一腳踢既姐姐，同個後生仔（應該係做水吧既，負責送餐飲）。出餐唔算快，麵食好似需時耐啲，我見隔離位都要等20-25分鐘先有麵食。我嗌左個鹵肉飯加夜市小食。碗飯啲鹵肉大大粒，幾惹味，又有三條菜仔，不過真係好大碗，我肚餓去食多左都食唔哂。夜市小食係鹽酥雞同花枝丸，花枝丸有三粒，好味🤤。雞都炸得幾好，不過全部岩岩炸起，食完之後個上顎有啲損左🤣。個餐加$10換杯蜂蜜檸檬，甜得濟同熱得濟，拎都拎唔到。總括而言呢餐都食得滿足，同勁飽。$70喺舊區食一個台式午餐.....如果佢個飯細啲，計番我$60蚊，就更好啦。

商場內的台灣菜餐廳, 坐位寬敞, 有空間感。有一系列正宗台式食品及飲品, 主食方面, 主推台式湯麵餐及滷肉飯套餐, 每個套餐均可追加一款自選小食及一杯自選飲品。半筋半肉牛肉麵套餐(追加原味鍋貼及鮮豆乳)我選擇了轉蕃茄湯底, 湯底濃郁鮮甜, 有蕃茄的微酸甜味。粗身麵條掛湯, 質地彈牙, 充分吸收到蕃茄湯的味道。麵上佈滿香蔥, 牛筋牛腩份量多, 牛筋炆得很夠淋, 帶一點韌度, 口感Q彈, 很入味。厚切牛腩煮得很香腍, 肥瘦適中。鍋貼的皮底煎得微焦酥脆, 肉餡有肉汁。懷舊飄香滷肉飯套餐(追加鹽酥雞及芋圓奶茶)鹽酥雞很酥脆, 鹹香惹味!

九龍城雖然位置偏遠，不過不乏美食。今次嚟到九龍城廣場，開咗冇幾耐嘅台灣餐廳，應該係成個廣場入邊唯一一間食台灣野嘅。餐廳面積唔算好大，晚上嚟到啱啱好有位。叫咗兩個套餐，分別係台灣小食風味餐同埋台式湯麵餐，兩個人分享嚟食。每個餐包一個主食、小食同埋飲品。師大香酥豬扒，豬扒剪成大概有四件。外皮鬆脆，肉質香滑，而且有豐富嘅肉汁，令到佢唔會太乾，但又唔會好油膩，掌握得唔錯。鍋貼一共有五件，皮脆，菜肉好味道，唔會煮得太焦，岩岩好。台灣水餃湯麵個麵身煙韌彈牙，份量都唔少，可以配原味水餃或者韭菜水餃。因為今日想食得清淡，所以點左原味，有四隻水餃。下次有機會會試吓個麻辣湯底。滷肉飯係亮點，有懷舊飄香嘅台式風味。滷水汁滲入啲飯中，食落非常美味。飲品方面，我哋點左原味鮮豆乳，加$10，比平時飲開嘅豆漿香濃純正，另一杯係蜂蜜檸檬，都係加$10，可選甜度。整體來講，都幾抵食同好味，價錢方面就大概百三幾蚊左右。

收銀員態度差，好寸，好無禮貌，買佢野重9唔搭8，落單個餐飲要少冰，佢話一係要冰一係唔要，我再問你講乜野，佢先講可以少冰，同埸有個外賣客一樣鬧爆佢D態度，好有共鳴，本人以後一定唔會再幫襯……………………………………………..............................

小胖之前去台灣時就食過八方雲集，只能說港版真係貴好多。呢間雖然叫麵屋，但賣的其實都係八方雲集會買到的食物，不過就餐具，包裝等都會靚d 同貴d，肉塊都大d😂小胖食過呢間的牛肉麵同麵線，佢的牛肉塊都好軟熟入味，但麵線都係偏鹹少少都係佢的餃子好食d，不過味道就同平時八方雲集食到的差唔多，有好食少少，但未到好驚喜。佢食物的種類唔算多，但多咗台式飲品區，唔係只賣豆漿，仲有唔同口味的珠奶，奶蓋，茶咁，不過味道還好，偏甜，價錢就同出面珍珠奶茶店差唔多。佢的座位都算闊落，還可，下午茶會抵食d

今天下午到九龍城廣場逛街，便在這間台式食肆吃下午茶。台灣乾拌麵系列$49，包括：麻醬椒香乾拌麵、原味水餃五隻和蜂蜜檸檬加$10。麻醬椒香乾拌麵，芝麻醬的香味十足，花椒味濃郁，加上面的麺質爽口彈牙，實是一個不錯的伴麵。原味水餃五隻，水餃皮帶點嚼勁，餡料肉汁十足。蜂蜜檸檬🍋，有檸檬皮的甘香味，甜度不高，酸甜味道適中。台式湯麵餐$49 ，包括紅燒湯麵可選新竹米粉(麻辣湯$2）、原味鍋貼五隻、芋圓奶茶加$15紅燒湯麵可選新竹米粉，加了麻辣湯的新竹米粉，爽口彈牙，非常惹味。原味鍋貼五隻，鍋貼皮脆肉嫩，加點香醋，非常配合。芋圓奶茶，奶茶味道香甜，芋圓結實有口感。

想念這店的鹽酥雞，又趁出來九龍特地過來吃个午餐~😆$28，價錢真的很親民呀～😋👍又美味，以後還會想念它吧～比那間什麼【繼X】的味更好，粉也無那樣厚~美味~（也不太油膩，肉質卻夠嫰👍💗😌）然後今日試這款台式酸辣湯廟口麵線，喔喔喔～還不錯哩~清淡中又夠味兒。不會過酸過辣。👍 也吃光喔～（套餐配選 肉燥青江菜，也不錯。👍 肉燥味正常，不會過咸，菜也不會灼至太軟爛，剛剛好還有些咬口）飲品 凍 茉莉綠茶也是和上次一樣夠香夠茶味。全部加埋$77。有菜有肉，重要好食。夫復何求~? 一个字 : 抵~!! 👍👍👍 絕對會再光顧~😘💗😌