Athena

不嬲好少買茶飲更加唔會打卡，但係呢間舖頭嘅阿哥逐杯勁有心機咁搖出嚟，而且成個沖野過程一啲都冇揸流攤，擺盤歪咗少少阿哥都再俾心機整靚佢，令到我忍唔住一次過做晒買茶飲+打卡嘅動作😹希望阿哥keep住呢份認真，雖然我今次杯Popping Coffee對於一個中女嚟講係太甜（反而另一杯傻·西柚就好清新👍🏻），但我pretty sure下一次再去葵廣掃街嘅時候，呢一間仍係我首選茶飲🫰🏻…ดูเพิ่มเติม

冇諗過喺葵涌廣場可以飲到咁特別嘅Mocktail ，都有多款式選擇，搞到我有少少選擇困難😂。老闆一早講咗話要慢慢製作，咁我哋就企埋一邊慢慢睇，睇住佢為咗一杯嘢飲，不停加入材料，仲要好用心去擺盤，一塊好普通嘅檸檬葉，佢都要擺得好靚，出嚟嘅效果，絕對可以媲美一間高級餐廳，力求完美，一絲不苟，真係要俾個讚👍🏻。飲落去好有層次感，好清新，有refresh 嘅感覺，仲要好大杯，飲咗好耐，真係好抵飲，值得推介。…ดูเพิ่มเติม

6-7-2025（Sun）晏晝，同老公，男友人NT食完慧食貓嘅手抓餅要買嘢飲喇，返上3樓小黑糖同李圓圓？問吓NT試唔試由手瓜起墊嘅型男手搖，而好貴嘅呢間？佢答試。於是我哋走嚟。睇睇menu，NT要$48.00嘅T5 因住啡爆你條脷，我要$40.00嘅A4熱情啫，犯法啊？老公要$41嘅A6 莓莓開心，但莓莓不說。我哋分別等咗好耐至搖到，好彩我哋有傾不完嘅話題，我嗰杯熱情果味正常，但好快飲完，飲完亦睇到大半係杯。3分老公嘅莓莓味道對版，比熱情果好飲，而且冰嘅份量少啲。5分至於NT嗰杯，佢話朱古力味蓋過咖啡味。一人手搖好攰，亦有賣相，但如果調較返份量比例做返好啲，咁就更完美。…ดูเพิ่มเติม

店面design 幾好，有gimmick.A6莓莓開心 但莓莓不說-$41飲開全糖，重甜人嘅可以試下。買之前問過有冇得少甜，係冇得揀嘅。見佢分別落左3次糖漿都估到大事不妙，一飲真係甜到糖尿病，等到d冰融晒先勉強飲得哂杯野，感覺飲咗一年份量嘅糖水。同埋呢款寫明係有梳打，但飲落一d氣都冇。topping 嘅水果都好酸。推薦指數:⭐️/5意見: 見好多人推介特登來試，結果係令人失望嘅。其實見佢有不斷試味去調，可能今日失準都唔定，亦可能純粹係唔岩我口味。…ดูเพิ่มเติม

咁岩今日假期，又心血來潮想去掃街，係葵廣想試好耐既一間飲品店，一杯手搖既價錢，調出酒吧级數的飲品。落order時見到冇人等喎，諗住即叫即整，點知原來已經有好多張order 係前面，店員已提醒要等30mins ，但絕對值得等待。見到店員用心調配每一杯飲品，下次會想試埋其他飲品。粉紅色yogurt 可遇不可求 $46 主要係士多啤梨奶昔沙冰 底層加入脆脆嘅粟米片 最頂層係一層火槍燒過既雲呢拿泡沫扮cream ，口感幾特別。士多啤梨控必嗌❤️🍓…ดูเพิ่มเติม