Asian Lab

位處黃埔稍稍外圍既位置，但都有相當多嘅支持者嚟捧場。餐牌有各式星馬菜選擇，睇相好多野都好似好吸引。 最後揀咗檳城蝦麵同串燒。檳城蝦麵既重點絕對係個湯。 個麵上枱時已可聞到相當濃蝦味。 試飲一口，湯味鮮甜，有頗濃蝦味而唔油膩。 配料方面，有蝦、魚片、芽菜等等，份量滿意。 麵係跟參參，即係油麵同米粉一半一半。 油麵食落較有口感，而米粉吸收湯味較強，一半一半互補長短啱啱好。跟餐有小食，揀咗個粉卷。 幾清新，口味略淡。鷄肉串燒大大串，燒得好香而唔會過熟。 沙嗲汁味道亦校得唔錯。整體上食物水準都相當高，肉骨茶同喇沙睇落都好似幾吸引下次可以再試。…Read More

食過兩次依間越南菜第一次食越南湯粉係🆗湯底偏甜但第二次黎食咗碗海鮮叻沙，個湯底完全無味，好似水咁淡。海鮮都係急凍海鮮，都係無味，雖然一早預咗係急凍貨，但處理得唔好都有分別。叻沙最重要就係湯底！埋單都差唔多要$100，咁嘅質素，我就無下次啦。眼見第二次黎食嘅時候已經少咗客啦，食飯時間坐唔滿⋯⋯服務方面都係幾多，睇得出好多新人，唔熟手，會比d熟手員工當面話，某程度上都幾影響食客。同埋上菜都會上到亂哂。…Read More

經過幾次留意到佢嘅裝修幾靚，就膽粗粗入去試咗。食物唔錯，但係亦都冇特別驚喜。當日一行四人有食炒飯，有食炒金邊粉，亦有叫嘢飲。炒飯同金邊粉不過不失，牛油果沙冰就反而幾清新，到而家都仲記得味道…Read More

黃埔隱世餐廳🔍店內外裝修同繪畫都充滿東南亞風情🏖想食到地道東南亞菜式絕對唔可以錯過‼️大推薦🙌🏻 (自費非廣告)牛市套餐【1主食 1小食 1凍熱飲】 💰78💙馬來海鮮#喇沙摻摻麵底好特別😃係油麵同米粉兩溝🍜喇沙勁勁勁濃郁😋配料好豐富，魷魚圈、青口、蝦仁、魚片、魚蛋樣樣都有🤩💯推薦💙檳城蝦麵都係油麵米粉兩溝，濃蝦湯底好香，湯面見到勁多蝦油🤩但偏鹹少少💙香茅雞翼2件 & 蝦仁米紙卷2件雞翼熱辣辣上好食😋米紙卷比較清淡，入面有米粉生菜紅蘿蔔絲做餡💙(熱)馬來奶茶值得一試🤩有淡奶香嘅同時唔會太甜🫶🏻💰午市套餐$78 (需加一)✦食物🌟🌟🌟🌟🌟✦服務🌟🌟🌟🌟✦環境🌟🌟🌟 🌟🌟✦性價比🌟🌟🌟🌟 🌟📍Asian Lab黃埔天地家居庭(第12期)地下22-23號舖⏰禮拜一至日 07:30-21:15#Asianlab #黃埔美食 #紅磡美食 #東南亞美食 #越南菜 #馬來菜 #香港美食 #紅磡 #黃埔 #香港 #美食 #foodie #foodiehk #香港人氣美食 #香港美食指南 …Read More

河內蕃茄軟殼蟹檬這碗湯以新鮮蕃茄和軟殼蟹煮成，味道酸酸甜甜，十分開胃。湯色鮮明，喝下去能感受到蕃茄的清新和蟹肉的鮮甜。軟殼蟹的肉質嫩滑，配合香草和檸檬，更加清新。特別適合炎熱的天氣，令人感到舒適。芒果牛油果米紙卷這款米紙卷用的是新鮮的芒果和滑嫩的牛油果，口感豐富。米紙包住這些配料，咬下去時可以感受到米紙的柔韌和水果的甜味。這道菜健康又清新，適合輕食的人。越南春卷越南春卷的外皮炸得金脆，咬下去時脆脆的，很吸引。內餡通常是海鮮和豬肉，再加上新鮮蔬菜，味道豐富。每一口都有不同的口感，外脆內嫩，適合和朋友分享。無論是小吃還是主菜，都很滿足。…Read More

扎肉蟹肉蝦米豬肉碎蒸粉包這道蒸粉包有蟹肉、蝦仁和豬肉，餡料多樣，每一口都很美味。蒸製的方式保持了食材的新鮮，粉包外皮軟滑，內餡多汁，特別是蟹肉的鮮甜。這道菜適合喜歡清淡口味的人，吃完讓人心情好。馬來路邊沙嗲串燒沙嗲串燒的香氣很吸引，肉質烤得剛好，外層的香料味道濃郁。肉類通常是雞肉或牛肉，配上特製的沙嗲醬，味道更出色。椰漿飯仁當牛肉這道椰漿飯搭配柔嫩的牛肉，椰漿的香甜與牛肉的鮮味結合。飯粒吸收了椰漿的味道，吃起來香滑可口，牛肉煮得剛好，嫩滑可口。整體擺盤也很美觀，適合聚餐時享用。…Read More

本人係一個越南粉黐, 以前係加拿大住差唔多每個禮拜都食三四次. 但係自從返咗嚟香港成日都搵唔到碗好味嘅, 好多時搵到湯底好啲料就唔好食, 一係就啲香草好似黐金薄咁淨係畀得兩三片...或者就算一開始好味, 過咗幾個月啲quality就逐漸減低, 最後變到食都唔想食今日早餐時間係黃埔行開， 見到有間新開嘅越南餐廳, 一碗早餐生牛肉粉 $42 包埋杯嘢飲就走入嚟試 (可以講話完全冇任何期望, 因為通常門面裝修靚 但係價錢親民嘅話裏面啲嘢食都麻麻, 一係就貴到發癲 $1xx 一碗)。 我為咗試下唔同配料，叫咗三餸 佢有好多嘢揀，我就揀咗生牛肉牛展同埋牛肋肉 (好少食越南粉見到有呢個餸揀， 揀完都有少少後悔因為如果處理得唔好會好韌)(見到咁多新鮮香葉真係好開心， 仲要唔會啡啡黑黑， 係新鮮嫩綠)估都估唔到係出嚟大有驚喜! 我通常鍾意好多香葉, 所以都會同阿姐講要多青, 不過出面好多餐廳都係求其幫你加多幾粒蔥就算... 點知呢度出到嚟真係成碗都係香葉呢樣嘢真係抵讚。試咗一下個湯底, 完全有當年係加拿大食嘅嗰個感覺! 啲生牛肉, 牛展同埋牛肋肉 都做到非常淋滑， 有牛肉味之餘連啲生牛肉都有返咁上下厚度唔係出面切到好似parma ham半透明嗰啲。 就連啲金邊粉都幾爽彈， 食落去有少少咬口嗰種，正~!(肉質靚又有牛味，正~!)最後嗰碗粉，我連個湯底都差唔多飲曬， 作為一個早餐呢個真係一個大滿足， 加上呢度阿姐同埋老闆娘態度都好好， 會主動同啲客傾計笑容又好， 啲熟客入到嚟都會主動同所有人打招呼， 睇得出佢哋平時對客嘅態度都應該幾好。 聽老闆來講個處係特登喺越南請過嚟, 所以會做到好地道嘅味道~(唯一命中不足係佢用嘅辣椒醬唔係公雞牌, 如果係嘅話就真係完美)(湯都忍唔住差啲飲哂)好耐冇試過喺香港食完一碗越南粉會有咁圓滿嘅感覺， 睇嚟我嚟緊應該會成日過嚟幫襯 👍🏻👍🏻👍🏻…Read More

黄埔又有新餐廳啦！今次開喺Taste果頭，位置非常方便。Asian Lab係主打特色嘅越南馬來菜，係我喜歡嘅菜式！今日去吃晚餐，熱辣辣嘅天氣食越馬菜真係好活啱，酸酸辣辣好開胃！2個人點咗一份小食拼盤，有4款小食，包括：炸春卷、米紙卷、牛油雞翼同蔗蝦。每款小吃都做得好好，即叫即整，保持新鮮度。我最鍾情牛油雞翼，牛油味濃，而且好香脆！仲有蔗蝦，同樣外層好香口，入層蝦肉更係鮮甜彈牙。另外。仲有叫咗炭燒豬頸肉濱海。豬頸肉嘅份量都幾多，配上沙律菜同埋好似米粉餅嘅濱海，點一下自家製醬汁，口感相當豐富，呢個配搭真係勁正！豬頸肉亦都好好味，油香十足。河內蕃茄蟹檬，入面有軟殼蟹，豬肉丸，扎肉，豆卜，都幾足料！軟殻蟹都幾大件，食得好滿足！」湯頭方面，新鮮蟹肉同蕃茄好夾，酸酸甜甜，perfect match！夏天食佢真夠又清新又開胃！肉骨茶，我哋叫咗一字骨，炆得超腍，夠晒味，送飯一流，重有濃濃嘅藥材味，真係好正。總體嚟講，呢餐真係食得開心，下次一定要再嚟！…Read More

有日放工經過，發現原先時新果個位已經有新餐廳開左係同一個位，今日就決定試下佢～ 仲要係好少有既越南馬拉菜。熱辣辣既天氣，最岩就食返啲酸酸辣辣既開胃餸，咁首先就叫左個小食拼盤小食拼盤，牛油雞翼，蔗蝦，米紙卷，炸春卷。想試邊樣小食？小朋友先做選擇，大人係要晒。每樣小食都做得好好，即叫即整，好新鮮。越南燒豬頸肉濱海，豬頸肉份量好足，沙律菜同埋一啲好似米粉餅既濱海加埋佢師傅自製既醬汁，口感好豐富，就咁食豬頸肉都係好夠味，好特別，平時好少地方有呢味餸肉骨茶，叫左一字骨，煮得好腍，啲肉一咬就散開，好入味，個湯完全唔咸，幾好送飯，都好重藥材味，好正飲品叫左杯牛油果沙冰，勁香濃牛油果味，而且好細滑，夏天飲佢就岩哂啦！…Read More

最近朋友搬到黃埔，上個星期日我們探訪他們新居之後，決定到樓下找一家餐廳吃晚餐。我們發現這一家色彩繽紛的東南亞餐廳，名為Asian Lab。這裡充滿濃厚的東南亞特色，環境寬敞舒適，散發著獨特的氛圍。服務員有禮貌且熱情招呼，讓整個用餐體驗更加愉快。我們當晚點了幾道招牌菜品來品嚐：扎肉蟹肉蝦米豬肉碎蒸粉包：這道料理結合了多種不同口味的肉類，帶來豐富的層次和口感。燒豬頸肉伴青木瓜沙律：烤豬頸肉搭配清爽的青木瓜沙律，展現出獨特的風味組合，讓人驚艷。巴生肉骨茶（一字骨）：這份肉骨茶融合了當歸、川芎等多種中藥藥材，味道濃厚，散發著濃濃的滋補風味。馬來炒粿條：這道散發著香氣的炒粿條展現了馬來料理的獨特魅力，絕對值得一試。海鮮喇沙：濃郁的喇沙湯底搭配新鮮海鮮，帶來豐富的口感和風味，讓人回味無窮。越南滴漏咖啡：以越南特有的滴漏方式沖泡的咖啡，帶來濃郁香醇的口感，是完美的結尾。Asian Lab每道菜品都展現了廚師們的精湛技藝和對食材的用心烹調。最重要是價錢合理，而且服務周到，期待再次光臨，品嚐更多精彩美食。…Read More

新開的越南菜見到咁多好評就入去試下價錢算平小食可以揀細份（兩條）啱我地得兩個人野食就普普通通 不過不失我地叫左春捲 ok串燒雞 有d鹹檳城蝦麵 份量比較大 多麵 紮肉麻麻地 唔知點解好鞋又無味同我自己係越南買的紮肉都幾大分別順化牛肉麵 男朋友話麻麻之後再睇返食評 大部分都話好正宗 係越南廚師內容全部都好似差唔多🤔不過哩個價錢就算啦 但係相信同價位都有更好食的越南菜小店同埋衛生可以做好少少新開的店黎講望落較舊 地下少少污糟 我地等嘢食嗰陣有隻無啦啦有隻bb小強係檯爬因為比較細隻 我地都只係細細聲同店員講…Read More

今日出到去黃埔尋找正宗嘅東南亞菜，同朋友好彩一早去到，晏少少依間Asian lab晚市時間真係座無虛席，仲有唔少人喺門口排隊。越式咖喱軟殼蟹$138咖喱汁勁濃郁，味道唔會太辣。軟殼蟹大大隻，炸得非常鬆脆可口。擺盤亦都好特別，將軟殼蟹擺成小山丘嘅形狀。咖喱配料亦都有洋蔥同馬鈴薯。薯仔味非常濃郁，口感亦都非常軟腍。越南春卷濱海$78濱海真係第一次食，好少喺其他越南餐廳見到。濱海食飯係將生菜包住濱海同春卷一齊食，沾上酸辣汁就更加好味。濱海質感煙煙韌韌，有啲似米粉。即使就咁酸辣汁都已經好好食。春卷非常大件，炸得非常脆口，春卷餡料亦都超多，係爆喊嘅狀態！檳城地道老鼠粉$78老鼠粉係成鍋上菜嘅，下面有個蠟燭保持住老鼠粉熱辣辣。老鼠非常惹味，配料亦都超多包括有雞蛋、豬油渣、豬肉碎同魚乾。撈勻一齊食，老鼠飯煙煙韌韌，魚乾又有鮮味，味道層次非常豐富。馬來海鮮咖喱喇沙$88喇沙湯底非常濃郁，但又唔會過鹹。面底係摻摻，即係米粉加油面。配料有雞蛋、鮮蝦同豆卜，好豐富。豆卜吸晒喇沙味，非常好食😋我牛油果沙冰$38沙冰非常之smooth ，散發着淡淡嘅牛油果香味，感覺非常清新。夏天飲用嚟消暑真係一流👍🏻牛油果味一啲都唔假，飲落唔似係用香精調出嚟嘅味道，感覺好真材實料👍🏻非常推薦鍾意食牛油果大家一定要試吓！凍豆花恐龍美祿$28美祿味道非常濃，飲品底部係有豆腐花。攪勻之後，每一啖尾路都有微微嘅豆腐花味，感覺都幾特別依間餐廳性價比非常之高，價錢唔算貴，份量亦都好多，值得再去！下次我打算再帶家人去試其他菜式😋…Read More

餐廳主打越南、馬拉菜，裝修則以東南亞風情為主。➰ 馬來海鮮咖哩喇沙大大碗嘅海鮮咖喱喇沙，內有大蝦、豆腐卜、魚蛋等配料⋯喇沙湯香濃、飲落去咖喱味十足，配以油麵同米粉。➰ 檳城地道老鼠粉老鼠粉都係必食之一，佢係以類似銀針粉、魚乾仔、豬油渣、蝦乾等配料製作而成。老鼠粉撈勻後便可以食用，味道鹹鹹香香，好惹味。➰ 越式咖哩軟殼蟹（2隻）炸到外脆內軟嘅軟殼蟹配以越式咖喱，食落香而不辣。咖喱薯仔仲係炸完再煮，好冧、好入味。➰ 越南春卷濱海經店員介紹後先，便嘗試一下呢個越南春卷濱海。食法主要以生菜包上濱海和春卷再配以越式甜酸汁，濱海食落好彈牙，春卷香脆可口。➰ 牛油果沙冰飲品方面選擇咗呢個牛油果🥑沙冰，佢飲落好濃牛油果味、好香滑。炎炎夏日最適合飲杯透心涼嘅飲品。➰ 凍豆花恐龍美祿呢杯飲品好特別，係以豆腐花同美祿製作而成。豆腐花飲落軟棉棉…Read More

黃埔Asian lab今日去黃埔探訪一間隱世餐廳，聽聞餐廳係由正宗越南菜師傅主理，餐廳入面裝修非常精緻，牆上面掛咗好多特別嘅越南特色風景畫，老闆專登誠聘畫家為餐廳設計嘅，配合餐廳仿竹林嘅牆壁，同埋綠色植物，感覺好清新，好舒服。食物方面，餐牌有好多選擇，真係花多眼亂。首先揀咗一個小食「炭燒豬頸肉濱海」，軟滑嘅粉條製作成濱海，配上熱辣辣嘅炭燒豬頸肉，真係有炭燒嘅風味，好香。主菜方面，先來一個「咖喱牛腩煲」，咖喱入面有椰汁，味道香濃，牛腩煲到腍腍地，充滿牛嘅鮮味，而且易入口，配合脆卜卜嘅蒜蓉包，非常推介。仲有一味小菜「順化辣炒通菜」，重口味，而且夠晒火候。主食方面，揀咗「炸軟殼蟹蕃茄湯檬」，軟殼蟹渣到脆卜卜，配合蕃茄湯底好香濃，大大碗，好抵食。另外，叫咗「炸雞髀椰香飯」，好飽肚。最後，揀咗一個甜品「炸芝麻波波」，外脆內軟，入面少少甜，令整個晚餐，畫上圓滿句號，非常滿足，下次一定再嚟。…Read More

地道廚師主理人由黃埔街坊帶我嚟呢間探店 估唔到lunch 價錢好親民好抵食🔆老鼠粉餐廳的必點菜式 好有鍋氣 上菜時仲喺用沙鍋連火爐比你撈埋隻半熟蛋同老鼠粉、蝦米、蒜蓉乾蔥、炸豬皮等 老鼠粉好煙韌有口感 🔆越南生牛肉湯河 半熟牛肉片好新鮮又大塊 湯底濃郁 河粉好滑溜而且份量十足lunch set仲有附有小食牛油雞翼烤得好好 外脆內軟 紙米卷好清新 有大量生菜同蝦 皮薄餡靚🔆春卷小食好想食啲香口小食 最後都叫多咗個春卷 烤到外脆 裡面又唔會太乾身🔆椰青夏天熱辣辣 真係好想飲返杯凍野 椰青大到檯面都唔夠位放 清甜消暑 🔆珍多冰 少甜嘅珍多冰 加上濃郁嘅盒椰奶 粉紅色嘅增多係自家製 口感煙靭…Read More