73
13
3
Restaurant: Ashima Yunnan Restaurant
Info:

To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.

For details, please click here, http://www.foodwisehk.gov.hk/en/food-wise-Eateries.php

Exit D2/ E1, Tai Koo MTR Station continue reading
Telephone
25609666
Opening Hours
Today
11:30 - 22:00
Mon - Sun
11:30 - 22:00
Public Holiday
11:30 - 22:00
Payment Method
Visa Master AE Cash UnionPay
Other Info
Wi-Fi
Alcoholic Drinks
May Bring Your Own Wine Details
Cake-cutting Details
Parking
Phone Reservation Details
10% Service Charge
Review (94)
Level4 2018-03-26
4051 views
一年一度家庭聚會,又要搵個好地方可以俾幾個親戚家庭去食飯,以往都係酒樓一圍枱食個套餐,不過今年就試下去食其他菜式,最後搵左去太古城食雲南菜餐廳名叫”阿詩瑪壹菌”,我對雲南菜無乜認識,從餐廳名估計應該有好多菌類的菜式,睇到餐牌有好多菜式都係辣,但係長輩好多都唔食得辣,餐廳無大枱,分左兩張枱,於是就要左兩個六人餐首先來個拼盤,拼盤有腐板卷,茄子,海蜇,豬扒,同埋玻璃藕片,藕片幾特別,整得好薄,又脆又甜,作為前菜真係唔錯接著就係野菌粉絲龍躉頭腩煲,砂鍋上可以仍然保持夠熱,同埋用左菌,粉絲一齊煮,所以食龍躉肉時已經好有菇味,而肉質仍然好滑另一值得推介菜式,蝦爆鮮牛肝菌,牛肝菌同蝦仁一齊爆炒,炒完的牛肝菌好夠鑊氣,好香口,仲食得出牛肝菌的鮮味原先係氣鍋雞湯,可惜侍應姐姐話已經賣晒,轉左個淮山野菌雞腳湯,個湯有好多材料,所以煲完個湯真係好鮮甜,飲落都有少少藥材味,應該好啱一家大細飲,同埋飲完都覺得對身體好,哈哈!還有雲南過橋米線,自家制豆腐,食埋碗米線就啱啱好甜品係玫瑰冰粉,好香玫瑰味,冰粉食落似啫哩,又似係透明的涼粉,整碗冰粉少少甜味,加上又夠凍,對於食左好多濃味的菜式,有個清甜的冰粉,可以用來中和平衡番,果然有點心思。 continue reading
(The above review is the personal opinion of an user which does not represent OpenRice's point of view.)
舌尖上的雲南 Featured Review
Level4 2017-11-29
6007 views
繼上次試過成都菜後,就知道中國菜式博大精深,今次試下滇菜,阿詩瑪呢個名字好特別,吸引左我黎食。以紅金色為主的中式裝修,帶濃厚的喜氣洋洋氣氛。店內有多間獨立房可以俾一家人食飯。前菜有拍青瓜和豆豆(小食$8/碟),配雲南糯米茶(茶芥$8/位),清得黎又有味道,茶味獨特,可細意品嘗。健康養生的野菌山珍氣鍋雞($78小)乃雲南名菜,用有嘴的紫陶氣鍋,放入雞和不同食材令到湯汁很有營養又滋補,味道都幾濃郁,真材實料。雲南過穚米線($78),豬骨湯、生雞肉、生豬肉、菜、腐皮、米線和辣酸菜分開一碟碟上,就體驗到正宗的過橋米線是分開上的。店員會在你面前為你把食材放入湯內。米線Q彈,湯頭跟坊間食的不太一樣,仲可以自己調酸辣度自由組合。味道不俗,感覺新鮮,份量夠兩人食。陳皮蒸龍躉腩($188)即叫即蒸,要等15mins。魚肉面真係有陳皮絲,魚塊有大量魚皮和collagen,肉質嫩滑,味道不俗,不會太淡,食得出係新鮮龍躉,魚油充足,味道清甜,蒸出原汁原味,食多多都唔會膩。娃娃菜吸收晒魚的精華,很入味。玫瑰湯圓($28)有片片玫瑰花瓣係面,詩情畫意。花生餡湯圓,不太甜,湯佷特別,傅來陣陣花香,不是薑水,是玫瑰糖開的水,很滋潤。玫瑰冰花質地QQ的,甜度剛好,食完之後口腔仲有股玫瑰花味。 continue reading
(The above review is the personal opinion of an user which does not represent OpenRice's point of view.)
Level4 2017-11-18
4073 views
太古城內有不少餐飲選擇,假日人流亦不少。“阿詩瑪壹菌” 位於太古城中心地下舖,非常近地鐵站。我每一次經過都會被特別的店名及華麗典雅的裝修所吸引,所以今日約埋朋友一齊試下呢間滇菜(雲南)專門食店。一坐低,侍應就端上2小碟前菜(前菜茶芥各$16)。分別是涼拌青瓜及醃蘿蔔。味道酸酸辣辣,挺開胃! 青瓜爽脆新鮮非常有口感。打開餐牌開始點菜,我們首先點了前菜組合推介,分別是蟹籽拌土豆絲及牛肝菌小龍包。土豆絲軟硬適中,配上蟹籽又不會流失土豆的香味,而且賣相精美又有不同口感層次。牛肝菌是一種野生而可食用的菇菌類,是雲南省有名的野生食用菌。湯汁加上牛肝菌的鮮味,十分香濃美味。到我們的主菜“雲南過橋米線”,是一道有名的雲南菜式。侍應用手推車推出所以材料包括:一大砂鍋盛裝滾燙雞湯,米線和各種配料,然後在我們面前一一放進湯內,真係又睇得又食得呀! 材料雖然簡單但香濃的雞湯味及配搭上不同的配料足以令人垂涏三尺。另外,米線十分爽口彈牙又入味。真是不能錯過,值得一試。另外叫咗一碟糖醋魚柳$88 加左一碗白飯$10 ,糖醋魚柳嘅肉質非常之嫩滑,外面的粉皮同時不會太后生厚身,難得食落去嘅質感仲好脆,口感來講真係冇得彈。味道方面,食落去酸酸甜甜,送飯一流,估唔到呢個價錢都有咁大碟,好抵食呀~旁邊亦有一些燈籠椒作為伴菜,味道清甜爽口, 很不錯。(+$10白飯)朋友提議點漬醬肉絲陪薄餅$98,漬醬應該是用了豆瓣醬醃制而成,顏色非常之深,同時肉絲的味道非常濃郁,一定要配上薄餅來吃,才減掉他的鹹味。肉絲的口感非常嫩滑,完全沒有咬不斷的感覺,相信小朋友會很喜歡。薄餅暖暖的,不算太厚,亦不算太薄,包入肉絲、青瓜以及沖,味道一流。玫瑰湯圓$28這個玫瑰湯圓的表面落了玫瑰乾花瓣,賣相唔錯。而底下亦有一啲玫瑰糖漿,營造浪漫的感覺。而真實嘅湯圓係花生湯圓,湯圓的皮比較厚,花生味道唔算太香,主要係食個感覺以及賣相。 continue reading
(The above review is the personal opinion of an user which does not represent OpenRice's point of view.)
Level4 2017-11-15
3009 views
今日老婆放早到太古接我放工, 我地6點半已經係太古城中心集合, 時間咁早未係好肚餓, 老婆話想食中菜飲燉湯, 我係Openrice搵到呢間係太古城二期地下嘅阿詩瑪壹菌。阿詩瑪壹菌係一間雲南菜館, 雲南菜係香港比較少見(如果米線店唔計的話🙈),。晚市二人套餐除左氣鍋雞, 兩個小菜, 頭盤同甜品之外, 仲有一份蔬菜, 同老婆食飯佢最緊張有冇菜食, 呢個套餐啱哂。👍 由於我地到餐廳時間尚早, 客人未算多, 不過7點半之後就開始多人。餐廳裝修好有雲南風格, 以紅白黑三種色調為主, 餐廳都幾大間, 卡位座位寬敞, 坐得好舒服。😚晚市二人套餐$428好豐富, 不過老婆睇到Menu有佢好鍾意嘅雲南過橋米線, 結果我地冇叫套餐, 點左一客雲南過橋米線, 一盅氣鍋雞, 酸菜魚片同老婆一定要點嘅浸時蔬。餐前小吃有兩款, 其中一款炸黃豆超香口, 如果唔係老婆怕我熱氣唔俾我食咁多, 我一定會食哂成碟。😝氣鍋雞我地點嘅係小鍋, 不過份量都唔少, 二個人分剛剛好, 湯料非常豐富, 湯頭好鮮甜。😋因為老婆唔太食得辣, 所以我地揀左唔太辣嘅酸菜魚片, 魚肉非常嫩滑, 酸度剛好, 底層除左芽菜仲有薯粉, $118好大盆, 4至5個人分都足夠。😮今晚嘅有機腐皮浸時蔬係用油麥菜, 老婆超Like, 爽脆嘅油麥菜浸入湯汁, 既爽口又惹味。雲南過橋米線店員會先把米線及食材混入滾雞湯, 送上枱時豬肉熟度剛剛好, 非常鮮嫩彈牙。酸菜肉碎另上, 客人可按自己口味加配, 老婆超鍾意酸菜, 佢差唔多成碟加哂係佢個碗度。米線好滑, 不過份量真係好多, 下次真係要4個人以上黎先好點呢個。埋單每人都係差唔多$200, 呢度食物份量太大份, 今晚雖然只係點左4款食物, 但應該三個人黎都夠哂食。🙈 continue reading
(The above review is the personal opinion of an user which does not represent OpenRice's point of view.)
Level4 2017-11-03
2485 views
今天友人提意試雲南菜,我當然舉腳贊承啦!除了米線外,香港的雲南餐廳也得少,所以來了平時不常來的太古。裝修富有中國色彩,感覺地道。前菜小食 ($8/位) 的青瓜十分爽脆和清新,而小黃豆炸得香甜又覺熱氣,吃完很醒胃唷。野菌山珍氣鍋雞 ($78) 材料充足,有很多菰菌在內。湯底更帶著雞的鮮味,清甜可口而不油膩,是正宗雲南的味道,還有滋陰的感覺呢~酸菜魚片 ($118) 份量十足,應該足夠三至四人分享。味道酸酸辣辣,而且辣度不過火,非常過癮,拌飯吃一流。雞樅醬粉絲蝦 ($98) 也不錯,粉絲炒得乾身入味,鑊氣十足。蝦的份量也不小,還很爽口彈牙呢。整體惹味非常呀!吃了那麼多肉類,也需要吃蔬菜均衡一下飲食。有機腐皮浸時蔬 ($78) 味道清淡,蔬菜鮮嫩翠綠。最後便是必試的玫瑰湯圓 ($28) 不但賣相吸引,味道還很特别。因帶著濃厚的玫瑰花香味,所以味道有清香。湯圓煙煙韌韌非常好吃,可惜只有兩件,不太夠喉呢!吃完濃味的主菜後再吃玫瑰冰粉 ($28) 就最適合不過了。之前吃四川菜也吃過冰粉,但這個加了玫瑰所以更有花香,而且味道不會太甜,口感一流。 continue reading
(The above review is the personal opinion of an user which does not represent OpenRice's point of view.)