64
20
12
1-min walk from Exit C4, Tsuen Wan West MTR Station
continue reading
Telephone
28564021
Opening Hours
Today
08:00 - 21:00
Mon - Fri
11:30 - 21:00
Sat - Sun
08:00 - 21:00
Public Holiday
08:00 - 21:00
Above information is for reference only. Please check details with the restaurant.
Recommended Dishes
荃灣自從有Donki後間唔中都會去海之戀，行完Donki就順便搵餐廳食埋晚飯😋行過ASAP見到門面風格簡約清新就吸引咗過去❣️入到去就見到落地大玻璃望住藍巴勒海峽加汀九橋非常寫意，亦可以穿過玻璃門行出出面打卡📸🐂牛肋肉蛋蓋飯配熱飲 $86可以免費揀白飯/蕃茄飯，要咖喱汁/燒汁/蕃茄汁，今次揀咗咖喱汁 味道濃郁 似日式咖喱 唔會太辣👍🏻 牛肋肉一啲都唔韌亦都冇臊味 (加配)🥗柚子醋田園沙律 +$4叫餐可以以優惠價加配沙律或者湯，要健康當然要嗌番啲菜食下🤭田園沙律入面又有火龍果又有蔬菜 都只係加$4👍🏻抵🥩炭燒美國西冷 $178西冷嗌咗五成熟 配上蒜蓉汁同黑醋，個人覺得點黑醋更美味，切開內裏都非常juicy 亦都唔鞋口👍🏻8oz份量岩岩好(加配)黑松露忌廉野菌湯+$6本身跟餐已有免費熱飲 但天氣轉涼加$6試埋個湯，湯內夾雜野菌粒再配上黑松露油，非常足料👍🏻正🌱和風鐵板炒野菜 $35炒野菜內有秋葵❤️秋葵營養價值高 有抗氧化、可降低心臟病、癌症風險、降血糖等功效，非常推薦👍🏻🍓草莓伴雲呢拿雪糕配蜂蜜牛角窩夫 $65最後當然要食甜品做尾聲🤤，雲呢拿雪糕再配酥皮既窩夫 一冷一熱 非常滿足❤️
continue reading
阿仔話好耐冇試過咁好飲嘅朱古力。咀刁之人都有好評，就寫食評鼓勵一下。上次幫襯係薯條無限添加，今次係每個餐再加$4多一份沙律。每次都有新招，欣賞食店的努力🥰$4份的沙律，用料新鮮，漿汁甜酸適中。燈油火蠟，人工鋪租…超值啦食物質素不錯，$128 10oz牛排(金x的價錢)，望住海景，環境闊落。試過豬排&腸，春雞，肉丸，牛肋肉飯，藜麥飯，都好味道。酥皮海鮮湯，即叫即焗，雖然係食曬所有野先上，熱辣辣，好飲，值得等待。
continue reading
一家人食晏，近近哋屋企樓下食算，三份午餐上枱再嚟杯奶茶上枱色水同其他差唔多，聞落無乜奶味亦無乜茶香，一啖入口，奶味淡，無乜茶味，水溫尚可，攪勻再賞，茶味唔出亦無乜，奶味偏淡，唔知係咪西式餐廳茶包之過⋯⋯呢杯茶，無乜茶味無乜奶味
continue reading
ASAP買外賣🥡，原本想叫croffle all day breakfast 🥞 ，冇，再改叫海鮮🦞濃湯🍲飯，冇，最後叫咗安格斯漢堡奄列飯（燒汁）包✋磨菇湯🥣（$100）升呢latte($6)，蛋 🥚 ok不過漢堡扒皓燶，latte ok 👌
continue reading
十分需要檢視和加強員工的餐廳！同男朋友今次係第二次幫襯，明明食物質素唔錯，食飯時間都唔使等位就決定再食，食完隱隱約約有少少後悔。男朋友嗌咗牛扒配意粉，湯，飲品，都好正常咁樣上菜。如果唯一要講嘅的話，只係個意粉同個牛扒係唔同時間上枱，仲要望落去白烚，十分唔吸引。尼到我點嘅嘢食，出場次序就有啲亂，沙律係主菜同餐湯之後先上。投稿嘅原因有兩個，第一係茄汁嘅碟，我嘅主菜同男朋友一樣都係有跟薯條，但唯一唔同嘅係我嘅薯條冇茄汁，我見男朋友有點淨嘅茄汁，所以冇問職員重新拎過。可能到咗差唔多收工嘅時間？職員想將要嘅碗碟先收起，第一次女員工有問我，我同佢表示左係要嘅，但隔咗5至10分鐘佢又再行過嚟望左幾秒，一言不發就將隻碟收咗。我當時都幾愕然，因為我仲食緊，而明明係同一個女員工。。第二係因為我嘅嘢飲，喺離開餐廳前嘅5分鐘先上枱。事源係我無意中聽到好似嘢飲出錯咗枱，所以我就繼續食住嘢等，隔咗一陣我有聽到員工話士多啤梨缺貨，男員工依家出去買，我就唯有耐心繼續等。到佢返嚟交交咗俾水吧同事，咁我就諗應該唔係好耐啫。餐廳一直都冇向我交代，而係所有對話都係我自己聽返嚟，我亦都冇催促過。到就尼9:30，9:45要離開，所以要買咗單先，仍然我杯嘢飲係未到嘅。買完單冇幾耐，我哋終於同男員工表示話杯嘢飲未到，佢就向水吧講仲爭杯嘢飲，水吧同事話已經出咗，佢就好直接咁同返我哋講話已經出咗啦😅真係拗晒頭⋯⋯可能佢都頂唔順，跟手就已經入咗水吧，即刻整返一杯俾我，雖然係好有心，但真係好難飲⋯⋯意思意思都飲咗幾啖先走，畢竟都叫做等咗成晚除咗我哋有另一台客人同我哋差唔多時間埋單，都仲爭嘢飲同甜品未上枱。相信都係好人嘅顧客，相反員工就可能因為不耐煩，而係執枱期間大聲呻自己好嬲。因為員工而被耽誤嘅餐廳，真係好可惜！我自己都做過餐飲業，所以見到佢哋嘅狼狽，都唔想加添佢哋嘅忙。但可能只係我一廂情願😅佢哋並冇係客人嘅角度着想，好人真係唔易做。經驗話俾我聽，相信改善員工呢間餐廳能夠有很大嘅進步。
continue reading