ASAP As Simple As Possible

Open Now

Now Closed

Smile😄ASPA係第一城算係唔錯既餐廳每張枱紙都會有一張smile😄添。.食lunch時間，如果過1:00pm多數要等位，今次叫了個比較邪惡既午餐同亞女share，個名都幾長下喎😅.「蒲燒鰻魚吉列黑豚滑蛋蓋飯」我諗因為用左日式咖哩汁，所以完全唔辣，鰻魚都好大塊，都ok。吉列黑豚肉外皮都夠脆。個滑蛋就熟左少少。.套餐可以簡沙律/湯，我就簡左粟米湯，粟米湯係超水準，個湯幾香濃仲有粒粒粟米添，用柸上幾別緻，但匙羹都幾的骰。

去沙田第一城搵lunch食，見到呢間比較吸引就走左入去試下，兩個人點左兩個set lunch, 叫左個鰻魚吉列豚肉蛋飯同吉列魚柳意粉，兩個都點左柚子汁沙律，我有柚子汁好味好開胃，吉列豚肉外脆內juicy,好好味，個鰻魚都ok,整體都好味。至於吉列魚柳意粉，個吉列魚好味，好大件，絕對夠飽。再點左餐飲，兩個人埋單$195，我覺得稍為貴過d,服務好馬馬，店員愛理不理。不過我好surprise d 野食係好味既！

呢間cafe既餐牌都算多選擇，今日叫左個lunch set, 有沙律，主菜同凍飲。沙律好好味，撈左柚子汁好清新。如果唔要沙律可以揀配湯。主菜就試左吉列黑豚咖哩烏冬，豚肉都有4大塊，而且比預期好食，外脆內軟，肉身唔鞋口仲好有肉汁。另外原來仲加左芝士，同埋一啲配菜同菇，食落好豐富!不過可能個汁較濃同杰身，食食下略嫌有點膩。埋單加埋一大約$100，對普通食個lunch黎講就稍貴。

沙田第一城的ASAP(As Slow As Possible) 對我來說不是陋生的名字，喜歡它環境別緻舒適，價錢也合理。午餐選擇挺豐富的，有飯丶意粉丶沙律...我選了吉列黑豚滑蛋蓋飯，汁有三種選擇，我挑了咖哩汁。套餐包有餐湯/沙律及一杯飲品。餐湯選了玉米湯，它提供的湯全用杯上，很別緻。對女孩子來説不太大杯，更好。這個湯看圖已見是超水凖之作，玉米香味濃郁，一上枱已聞到。湯的質地幼滑，混有粒粒黍米，提升口感。👍🏻👍🏻👍🏻蓋飯亦十分好味，幼滑的炒蛋配上香濃的咖哩汁，已經好味，加上香脆的豬排，簡直是絕配。最難得的是豬排脆粉很薄，內有厚厚豬排肉，肉質仍十分juicy，咬落鬆軟有豬味。雖然這個飯很邪惡（卡路里過千），還是停唔到口，全部食曬。😋😋😋ASAP 絕對是我會再光顧及值得推介的餐廳。

其實每天都在那裡吃早餐，某天我坐下有一個冇穿制服的女士，毫不客氣問我你幾位，我講完一個她就不客氣拉枱和叫客坐，當時不太多客人，她的態度還衰過啲正式員工，後來先知她是阿姐，如下次見她在不吃啦！免得受氣

之前都有寫過ASAP的早餐，今次再來寫它，原因：他們轉了新早餐菜式啦！他們很久沒有轉過款式了，如果日日去食真係會悶！加上選擇款式不多。 連餐紙都印過新滑蛋特色腸仔治（半分）：麵包很厚，賣相挺身，炒蛋很滑多蛋汁，夾著腸仔粒，不錯！（以前是夾碎牛肉，這個舊款餐都仍然存在。）如果有吃過他們的早餐，亦有留意的話，早去食早餐的麵包是特別新鮮。 雞肉蕃茄通粉：湯熱度一般，微熱，味道很濃好夠蕃茄味，通粉爽口彈牙不 “立”喉，雞肉不肥膩，入口好有健康感。熱奶茶：水夠熱，茶味香濃沒有澀味，奶夠滑。 早餐全相食後感：轉了餐牌的ASAP，新款式質素不錯，沒有退步，會再去試其他款式。

放假同屋企人去試新野🤗我只可以講，選擇比想像中少好多，而且選擇種類都唔算吸引😂😂跟餐沙律，中規中矩，冇咩特別🤷🏻‍♀️哩個個名唔係好記得，味道唔錯，係賣相差左少少😂😂

呢間店既裝飾品好吸引到我的注意😊起初好擔心間店 '得個樣'但點都要試一次先知道值唔值得回頭!好鐘意呢間店既意念，入到去先被色彩繽紛既擺設吸引住，牆身以不同食物燈飾，有煎蛋、蕃茄等做裝飾。心情頓時會變好!店內其實還有一個另一個向街景落牆玻璃的角落，但因為已滿座，我們只好坐於近門口的角落。牆上寫著As Simple As Possible餐桌紙好簡單，但內容很有意思。The Simplier The Food, The Richer The Taste。來個朝氣滿滿的早餐吧！💪💪💪早餐套餐不多，而且種類好局限。要一提的是店員態度有禮，但人手實在不足。我們坐於近門口的角落更不見有店員，要落單叫早餐，更要走入向街景那邊的角落找店員，但他們也不能第一時間招呼我們，因為人手實在不夠😣份量不算多，尤其是男生，實在不夠填肚子!但味道的確不錯，先說通粉吧。湯底很濃郁滑溜，濃濃的香奶油香。另外，要說說兩小塊煙肉，我不是太喜好煙肉的人，但這次我吃得很滿意。兩塊煙肉被煎得很香脆，特別是煙肉邊位，不可不吃，不想吃得太肥，脂肪位可輕易與肉分離👍難得有黑糊椒粉，配通粉一流。牛乳滑蛋的確很滑溜，但對我來說，不夠吃😂另

早餐時間，多人幫襯，未完全滿座，地方寬敞。侍應不太積極，要等下才找到人落單，要等下才找到人給刀（枱面放少咗刀）。侍應set 枱面刀叉匙餐具非常隨意，放到東倒西歪呢。煙肉湯通粉配蛋牛治餐，如圖，不吸引。沙律配柚子汁，好吃。腸和煙肉ok。蛋冇乜味。煮完水波蛋D水冇瀝乾就放係塊包度，令到塊包濕淋淋，變成一塊浸水包，非常不討好。餐廳杯子都印有餐廳名的字母：A或S或P。伯爵茶選用Dimah。伯爵茶雖然沖泡得非常濃，但可口。

ASAP 一向都係我喺第一城食野嘅心水餐廳之一。返完通宵後，即刻同同事食lunch 醫肚先返屋企補眠。假日中午通常要等位，不過咁啱好彩今日唔駛等位就入得。餐牌上好多野食都好吸引，不過受到餓意同睡意夾擊嘅我哋，就叫咗最邪惡嘅吉列同埋咖哩喇！🤤🤤栗米湯加北海道牛奶令個湯更滑更creamy，夠特別。外面攝氏35度高溫，梗係要飲杯凍朱古力涼下醒神下。咖哩吉列豚肉滑多蓋飯，豚肉熱辣辣得嚟夠肉味，外皮烤得香口唔膩，加上醒胃嘅茄汁同滑蛋撈飯，成件事好March！咖哩吉列牛肉撈烏冬都唔錯，吉列皮有少少「林」，不過香嘅牛肉味搭夠，咖哩撈煙韌嘅烏冬，，又係好快就食哂落肚喇！午餐連加一每人100蚊左右，可以食到質素頗高嘅午餐，算係咁。

2:30叫食物，等到3點都未有野黎，唔知係有心定係點，好聲好氣叫侍應幫手追，追下又追多半個鐘，決定永遠都唔會再黎食，侍應態度差，野食係ok..但唔想比錢買難受囉

第一次在這間餐廳吃早餐， 沒想到 這個平凡的餐蛋通 ，可以看上去這麼特別， 一看便令人心情極好。 味道方面， 雖然有些偏鹹， 但實在是好吃的 ，湯底用了龍湯底 ，五餐肉是厚切的， 蛋的蛋黃吃上去像溫泉蛋的感覺，正。餐飲我要了一杯即磨咖啡 味道也很香， 31元再加加一服務費， 性價比也高， 而且環境 舒適， 座位舒適 ，空調等等的設施令人亦感覺舒適 ，裝修設計令人感覺也很寫意， 而店員的服務 方面也是不錯， 我們坐了很久才下單 ，也沒有說要催我們下單， 整個早餐的時間，是十分舒適的。

ASAP這裏的環境寬敞、裝修很特別，吃起來特別舒適。午餐時間有份special的menu，叫了一份牛乳炒滑蛋、吉列黑豚三文治（半份）、煙肉蕃茄湯意粉的套餐，卻意外地好吃。首先，有牛乳的炒滑蛋真的很滑，吉列黑豚三文治很大份，肉很脆，只是當中的醬可以再多一些，至於主食煙肉蕃茄湯意粉，蕃茄湯很濃，味道調得剛剛好，真的很好吃。起初以為這個餐的份量很少，但是卻很飽，而且吃過以後真的會想再吃一遍。套餐還包了一杯飲品，茶飲由茶包沖成，而且有很特別的茶飲，我喝了洋甘菊茶，味道很清新，著實不錯。

喺沙田做gym之後就去咗第一城嘅ASAP食晚飯。ASAP係喺第一城嘅西餐廳，環境寬敞而且裝修有特色，坐得都算舒服。去到餐廳，我和朋友倆等待約5分鐘就已經可以入座。我們分別點了咖喱牛肋肉蛋包飯同埋海鮮帆立貝黑松露意粉。頭款可以選擇餐湯或者沙律。我哋就選擇咗番茄湯同埋粟米湯。番茄湯有味道濃郁而且有番茄蓉，而粟米湯亦十分香甜。咖喱牛肋肉蛋包飯可以算係餐廳推介菜式之一。日式咖喱甜而不辣，牛肋肉煮得十分嫩滑入味，加上配上番茄汁的蛋包飯，使我很欣賞整個配搭，撈飯來講就更加正啦！相比之下海鮮帆立貝黑松露意粉就略嫌遜色。帆立貝只係得兩三粒，數量唔算太多。好彩黑松露嘅味道剛剛好，令我有開胃嘅感覺，而意粉炒得乾身，整體都算唔錯嘅。晚餐每人大概100蚊左右，算係可以接受，如果鍾意食日式咖哩嘅朋友不妨可以嚟試下。

昨天入沙田找朋友，友人帶咗我到ASAP 食，佢話新開一段時間，我見未食過試下啦，竟然俾到我驚喜！以中價位價錢，佢哋食物質素好好，好味 😋 之餘料十足！我點咗杯咖啡又香又滑！正！另外值得一讚係啲員工服務態度👍🏻 我見店面人手好不足，但係啲員工好勤快，咁忙都仲keep 到親切既笑容，服務又貼心，要俾個like, 衣家啲食店最大問題人手不足，搞到啲員工個個做到頭出煙，跟住就黑面，我試過好多次係出面食飯俾人黑面又叫極都無人應，今次除咗食物質素好，呢間啲員工服務都俾到我驚喜，勤快又好笑容😊食都食得開心啲，結果同友人坐咗傾咗好耐計先走，下次再入沙田，都會再嚟呢度食 😋