ASAP As Simple As Possible

Open Now

Now Closed

以往在此餐廳吃過几次，食物不錯，週六經過，不用等位，來個悠閒午餐。点了廚師推介——白酒忌廉煮青口配酸種包（$117），另加$14，轉黑松露忌廉湯。先來忌廉湯，夠熱，味道正常，不過不失，只是杯上份量較少。再來主菜青口——-實在挺失望的，青口与忌廉汁微暖，一点也不夠熱，像是放了一段時間才送上来似的。好吃嗎？青口麻麻，汁液稀淡，似超市白汁包裝青口貨色，實在不願置評。草草不浪費，囫圇吞棗吃過了，趕快埋單走人。至於餐飲那橙汁，不提也罷。回家路上，我認真思考下次是否會再光顧呢…..

今天又去了探朋友, 由於外面大風大雨, 所以朋友就在附近商場買外賣回家吃了粟米忌廉餐湯前菜有湯飲，粟米忌廉餐湯香甜可口又夠creamy，好快成杯飲哂，好彩係細細杯飲完都不會太飽吉列西班牙豚肉滑蛋蓋飯豚肉肉質好嫩滑醃得好入味，吉列豚外層又炸得好脆，外脆內軟，熱辣辣，上層再鋪上滑蛋，好嫩好滑，入口即溶; 點埋咖哩汁，簡直完美配搭，好快就食晒

安格斯漢堡個個風格牛肉只有一個比五元大餅大少少 其實一個肉丸沒有分別，啲薯條又唔趣仲要凍上嘅！😣個沙律醬又多又酸，食完即刻胃都痛埋！仲收$85完全唔抵食！各位要三思！

見面不如聞名不過唔知點解食評需要80個字有陣時啲嘢一張圖就已經可以表達晒啦所以你要我寫咁多個字我唯有喺呢度揼波鐘唔止夠80個字未呢如果未夠嘅我唯有再繼續講多幾句多謝

今日終於出太陽🌞天氣涼浸浸好舒服🍃食間靚餐廳🍴Tick-out Blue Tuesday🔥.吉列黑豚滑蛋蓋飯黑豚肉質好嫩滑 釀得好入味 熱辣辣 混埋啲滑蛋 入口即溶👅如果佢可以整埋好似蛋包飯咁就perfect 🍳安格斯牛肉芝士磨菇漢堡我食Burger 既牛肉一定要10分熟 依個符合到我要求 肉汁都好豐富 質素令我滿意🥰凍朱古力 依杯朱古力係我飲過最好食既朱古力！朱古力味濃郁 感覺似加咗奶先會咁香滑 唔會太甜 令人飲完一啖又一啖😋我絕對會為咗依杯朱古力再黎食🤣🤣

留左係屋企好耐好想出街食野，最後決定去平時食開早餐嘅地方之一 ASAP試下晚餐。前菜有湯飲，粟米湯甜甜地夠creamy 好快成杯飲哂～ 帶子黑松露野菌意粉 $130帶子有兩粒，裙邊有少少腥，口感都ok ge，野菌炒得幾香，意粉用橄欖油炒有啲偏乾，個人會鍾意creamy有汁個款，黑松露味就唔係幾食到😂咖喱牛肋骨蛋包飯 $86傳統日式咖喱絕對唔辣，不過撈飯幾香口，牛肋骨有啲肉會hi ，質素唔算好好，蛋仲如果多啲包晒成個飯就更理想～芝士粟米釀雞卷配香草蕃茄汁$128其實我唔太食得出佢包咗啲咩係裏面😂仲知就係雞髀肉，佢用新鮮蕃茄同芝士整嘅汁好開胃，仲有秋葵、椰菜花、薯蓉等蔬菜，係健康又好食嘅一個set 總結：價錢其實都相當於出面cafe咁，食物質素可以，但如果平啲CP值會再高啲評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

平時見這間餐廳的價錢都偏貴的，但望入去見個裝修同咪餐牌都幾吸引，今日就先試試ASAP早餐環境裝修都幾好，座位舒適，空間足夠$62牛油果炒滑蛋配法色麵包＋香煎雞胸＋自家製香腸＋沙律擺設很吸引，香腸幾好味滑蛋嫩滑，配牛油果很新鮮很淋 沒有快要爛的感覺，加上洋蔥配菜，口感很好雞胸就感覺比較乾身，配上新鮮的番茄醬都ok沙律加左柚子汁，酸酸地很開胃$44吉列魚柳＋牛乳炒滑蛋＋牛油多士魚柳外層脆口，內裡嫩滑，滑蛋嫩滑，多士烘得唔夠

見咁耐冇黎過就再幫親下，點知中哂伏叫左個雞脾意粉跟咖哩汁，意粉係冇味既應該用滾水熱番就出，咖哩汁味道尚可雞脾又係冇味，仲有甘筍臭既，叫人點食呀？真係以後都唔會再黎，冇下次

成日都比呢間餐廳既圖片吸引 間唔中會好想食日式蛋包飯 今次終於到捨得入去食！環境幾好 呢個西班牙飯唔係我食 試左少少 飯好重蝦味 味道唔差，不過就唔太西班牙飯（據食呢個飯既男朋友所comment）少少失望既蛋蓋飯 一直以為係蛋包飯原來係蛋蓋飯 蛋幾滑 呢個蘑菇汁有得轉其他汁 但係想試試蘑菇味會唔會夾 發現呢個汁唔太蘑菇 個雞件都好普通 味道單調 就同普通茶餐嗰塊雞扒切左粒無分別 但係價錢都唔平 好似都成 $70-80 再架埋野飲都差唔多 $100朱古力幾好飲 似奶味重既朱古力奶男朋友想飲杯熱奶，但係杯奶完全唔熱，只係少少暖😂總括而言個人認為不太抵食🥲 亦難啲會想返轉頭食

💕個人分享😋🍳吉列魚柳+牛奶炒滑蛋+牛油多士 $42魚柳炸得很脆👍🏼炸粉感覺像軟殼蟹味🦀===========================🍅牛乳滑蛋野菌三文治+雞肉蕃茄湯通粉🐥 $41感覺像茶餐廳/自己煮的通粉，牛乳滑蛋夠滑～～～～～～～～～😋美味指數：7/10🧼環境衛生：8/10👼🏻服務態度：6.5/10💰人均消費：~$41.5

行過第一城，最後一日可以堂食，入去一個人都冇，中伏！叫咗一個芝士蘑菇漢堡餐，九十幾蚊，落單時，叫他們走菇，來到沒有走，薯條同漢堡我要沙律還要凍，跟住要同侍應講點解冇走菰，佢話換比我，我再同佢講全部嘢都凍，於是佢玩俾我，換來返嚟薯條都係凍我漢堡包底頂都係凍，只係舊肉換咗有少少暖，嗰舊漢堡扒直徑可能得60 mm仲要係冇味，非常失望！有時唔係唔想幫襯你，你哋做返自己本分先。下次一定唔會再嚟！今日仲要趕住六點鐘走！

早鳥dinner 優惠，堂食、外賣都有9折🤩下午食得小，早點食晚餐真心唔錯😚不過最後之角落位需要處理下，上次有幾隻蚊飛嚟飛去，今次仲有😨海鮮龍蝦湯泡飯$81⋯⋯好正呀！夠晒熱，海鮮又多，叫多碗白飯夠2人食😀牛肝菌汁扒意大利粉$1252隻燒大蝦🍤配牛肝菌汁非常惹味咖喱牛肋肉滑蛋蓋飯$83⋯⋯咖哩唔太辣，啱小朋友食原庄可樂（罐上）餐飲包，抵！炭燒西班牙豚扒意粉🍝（豚肉汁）$81呢個最差，豚肉太乾、硬，鞋颯颯，麻麻地☹️粟米湯另+$3⋯⋯好多粟米🌽粒，香甜好飲👍🏻大大杯凍檸茶都當餐飲（包）Dinner menu 比較多選擇🤩

又係第一城呀，不過今日係隔咗好耐無食嘅早餐時段，難得早返dd起咗身，去食成2個月無嚟過嘅ASAP。呢度裝修其實幾有心思，間間單單又好有色彩，今日仲比之前少咗人，感覺仲寬敞咗。入座會比埋口罩袋，幾好服務。望返餐牌...咦？我唔知有無記錯，好似加咗dd價。叫咗兩份同樣setting嘅餐，差在一個係牛肉蛋包，一個係雜菌蛋包。包包好食，呢度住打蛋，炒得啱啱好夠滑又唔會太生。個通粉味幾好，不過煙肉得一條無加其他配料喇。呢度嘢食水準唔差，但用料嚟講加埋一都唔平，泊得住出面d午餐，間唔中食下都OK嘅。

日式鰻魚甜蛋青瓜粒炒飯（$95）鰻魚好好食，夠軟、一啲骨都冇🦴，大人細路都岩食👍🏻👍🏻除咗放喺炒飯面嘅鰻魚片，炒飯裡面都有少少鰻魚粒，加埋甜蛋🍳、青瓜🥒，全部食材都好夾🍚，眨吓眼就食晒成碟😂吉列黑豚滑蛋蓋飯（$77）吉列黑豚炸得好脆🐖，外脆內軟，點咖哩汁🍛食非常夾🤤！但只有四條，唔係幾夠喉😣。滑蛋炒得好嫩好滑🍳，好快就食晒成碟～鳥唐揚滑蛋蓋飯（$75）炸雞太硬🐓，而且數量太少，好多雞皮，冇咩雞肉。忌廉汁🥣唔夠味同埋係凍嘅🥶，令人失望😞

入面有成十張吉枱，出邊根本冇人等..（唔知幾耐冇出嚟睇有冇人等）我哋㩒張飛就行入去問有冇二位，個侍應寸寸摃話冇人都要叫㗎⋯⋯呢啲咁嘅安排，做老闆你睇吓會唔會有返單..冇嘢㗎，嚟少啲..