8
2
1
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
整體來說是好吃的東南亞菜，他的海南雞飯配上雞湯，也是鮮嫩的，白滑的。另外配上他的串燒，可以吃得出他的肉質，是比較有質素的。另外他的菠蘿炒飯也是比較高質素的，他蝦肉的肉質也是煙韌有咬口的，但是可能料較少。整體上他是中上水平的，然後價格也是正常的。新開沒多久的餐廳，還是挺不錯的菜式。但是我覺得服務水平有待改善。
continue reading
之前一直食開佢嘅海南雞飯，今次試下佢個喇沙😬新加坡喇沙米線（蝦、魚片、雞蛋、豆腐卜、芽菜、通菜）見到個湯以為好辣，食落又唔係，仲要好香，唔會好重椰奶味，整體做得好平均👍🏻蝦剝晒殼，有4隻開邊蝦，有鮮味，好食😋魚片和豆腐卜浸湯食好正，如果餸的份量再多啲就perfect食過咁多喇沙，佢係暫時最啱我口味的☺️
continue reading
放假又要諗食咩好，系樓下附近行行下，決定又去返我個飯堂亞參😂食最中意嘅蝦麵佢嘅蝦麵真系食過返吾到轉頭，湯底十分濃郁，超級有蝦嘅香味，入面仲有好多材料tim而朋友就揀左個海南雞飯，有油飯揀，雞肉幾嫰滑，仲包埋個湯仲嗌埋好好食嘅斑斕咖央包，斑斕醬完全系畫龍點睛左，加哂分
continue reading
原來元朗YOHO開咗亞參雞飯，喺門口睇餐牌見到幾抵食，今晚試吓🤤第一次嚟梗係食海南雞飯，非常有驚喜海南雞肉質好滑。油飯味道唔錯，飯粒軟硬適中。配冬瓜湯都幾好飲👏🏻另外都試吓肉骨茶，平時唔算好鍾意呢種味道。呢度嘅肉骨茶都算易入口，胡椒味唔算超級重，食唔到咁辣都飲得到。有兩舊肉配豆卜，豆卜連湯一齊食味道唔錯。我自己就推介海南雞飯多啲佢哋嘅三周年慶免收+1，星期六日及公眾假期除外平日黎超級抵食！會encore🤤
continue reading
雖然亞蔘有好多分店但今次是我第一次幫襯，無特別期望之下竟然有驚喜，覺得幾好食！去骨海南雞飯($89): 雞都幾嫩滑，連雞胸都唔嚡，雞的份量算多，油飯幾香，冬瓜粒湯唔會好咸。新加坡喇沙米線($81)：湯底香濃，米線煮得剛好不會過稔，配料有蝦、雞蛋、魚蛋、豆卜。跟餐的飲品加$10/杯，叫咗熱薏米水同凍柑桔特飲。薏米水好好飲喎，甜甜地又有薑的微辣，不過太細杯唔夠喉！見到隔離枱碟椰香咖央南洋包($25/四件) 睇落幾好味咁我哋又叫咗嚟試，個包烘得香脆而不會好硬，厚牛油好邪惡不過夾埋食幾香口。另外叫多咗個 D197貓山王榴槤糯米糍 ($38/兩件), 糯米糍個皮好薄，半透明可以見到入面啲餡，榴槤蓉香甜美味，不過太細粒所以覺得有點貴。😜
continue reading