16
15
5
Telephone
23636266
Payment Methods
Other Info
Accessible Environment
Details
Spot payment
Above information is for reference only. Please check details with the restaurant.
Recommended Dishes
新加玻菜菜、馬來西亞菜、講真我都好少食，如果你問我食D咩，我都答你唔到，不過我好肯定話你知，星馬呢樣野背後學問高深，能夠拍得住中菜一樣咁多工序，一樣咁複雜，不如都係等我試完，我再比個答案你？👇📌尋 覓 99 分 海 南 雞 飯 - ▪️ 亞 參 去 骨 海 南 雞 飯 - $91▫️ 一定要食一個人氣招牌「亞參去骨海南雞飯」，佢地用既係三黃雞，所以肉質食起上黎比平時既更加滑溜，而油香加左炒香過既班蘭葉同埋香茅，食落係滲到陣陣既油香，另一亮點就係個冬瓜清雞湯，夠哂清甜，整體高質之作。📌馬 來 咖 哩 系 列 - ▪️ 馬 來 咖 哩 豬 扒 撈 麵 - $78▫️ 跟住呢個「馬來咖哩豬扒撈麵」亦有驚喜，份量算係幾多，咖哩香濃得黎配搭辣醬同埋花生碎，成件事好特別；而豬扒亦夠厚肉，口感鬆化軟綿，撈麵亦夠咬口，我幾鍾意。📌星 馬 小 食 -▪️ 班 蘭 咖 央 多 士 - $27 ▪️ 香 煎 手 作 蝦 餅 - $43/3件▫️ 小食方面一定要嗌「班蘭咖央多士」，多士夠薄脆，牛油同咖央比例岩岩好，兩者加埋口感夠順滑，但唔會太膩，仲帶淡淡椰香，好食；而「香煎手作蝦餅」雖然即叫即煎，要等少少時間，但值得既，事關真係煎得好香口，食落係相當彈滑，蝦味濃郁，呢個真係必食。📌特 飲 -▪️ 柑 桔 特 飲 - $28▪️ 香 茅 薄 荷 特 飲 - $28▫️ 特飲分別嗌左「柑桔特飲」、「香茅薄荷特飲」，前者柑桔味濃，清甜解膩；後者薄荷味突出，加埋梳打夠哂清爽，唔錯。
continue reading
約咗朋友嚟銅鑼灣一聚，順便一齊食晏。友人一向都好鍾意食星馬菜，所以今次就專登揀咗利舞臺廣場呢間「亞參雞飯」。餐廳主打揉合馬來西亞、新加坡地道風格嘅海南雞飯，另外亦有一系列東南亞特色美食，例如新加坡肉骨茶、檳城蝦麵、巴東牛肉、亞參豬手等供應。先嚟一客亞參去骨海南雞飯跟清雞湯，海南雞採用了廚師嚴選嘅三黃雞，食落肉質好嫩滑，肉汁豐腴，脂香濃郁，點埋個秘製三色醬，令味道更突出。油飯拌入了炒香嘅班蘭葉同香茅，再以雞湯煨煮，入口粒粒分明、煙韌軟糯。附上嘅冬瓜雞湯味道亦唔錯，標明無添加額外調味，清香又解膩。另外呢客新加坡肉骨茶亦非常正，湯底以白胡椒、多種藥材及香料熬製而成，入口先嚐到胡椒嘅辛辣感，然後係湯頭嘅醇厚，配上軟腍嘅豬肋一字骨同入味嘅豆卜，暖心又暖胃。香煎手作蝦餅，呢個蝦餅真係十級推介，以人手打成，咬開見到入面有唔少蝦膠同蝦肉，食落好有口感，鮮味彈牙，點少少泰式甜辣醬吃，更加惹味。班蘭咖央多士，多士烘得好脆口，入面夾住咖央醬同牛油，咖央醬嘅班蘭味頗突出，入口香軟又唔會過甜，味道有層次，食完好有滿足感。至於飲品就點咗柑桔特飲 同 馬來拉茶，柑桔特飲好 fresh 好清新，味道酸酸甜甜，潤喉又醒胃。馬來拉茶水準亦唔錯，茶味很香濃，甜度也剛好，充滿南洋風味！
continue reading
約朋友晚飯去了銅鑼灣波斯富街99號利舞台廣場1樓102號舖亞參雞飯吃星加坡菜/馬來西亞菜，港鐵銅鑼灣站A出口，步行約5至6分鐘，交通非常方便。環境裝飾清新簡約自然，以淺米色和木器傢俱為主，店內面積很大，座位多是卡位，感覺很舒服，服務員禮貌招待，推介季節性的食物，使客人稱心。菜譜著名佳餚有星加坡特產海南雞飯、肉骨茶、喇沙、亞參豬手、星馬小食、馬來咖哩系列等，款式多元化，任客人配搭不同的口味。海南雞飯套餐雞件肉質嫩滑多汁，雞油脂非常香濃，雞皮與雞肉之間有啫喱。油飯柔軟適中，飯粒分明，調味恰好，配上三種不同味道的醬汁，極為惹味。還有一碗熱騰騰冬瓜草菇雞粒湯，濃郁雞肉襯托著淡淡的熱湯，很夾，美味又飽足。星加坡肉骨茶香噴噴熱騰騰的肉骨茶，濃濃的藥材味襯托著胡椒香，在寒冷的天氣添上陣陣暖意。腩排的肉煲得非常嫩淋，入口軟綿，肉排和長豆卜浸入香濃肉骨茶味，更覺美味又暖胃，加上一碗白飯，感覺充實飽足。馬來斑蘭咖央多士啡色多士烘得脆脆，加上一片鮮牛油和馬來咖央在多士中間，好味到了不得，嚐了一件又一件。香煎手作蝦餅濃香的鮮蝦味，蝦餅肉質很彈牙，表面煎至香脆，內裏肉質鮮甜有汁，確是出色的手作蝦膠，配上酸甜醬汁，更覺可口美味。熱飲~馬來拉茶/美祿馬來拉茶滿有奶香味，配上茶香，入口覺得很滑溜。熱飲美祿夠香夠甜，確是一杯餐後的好飲品。
continue reading
最近銅鑼灣開咗一間新嘅馬來西亞餐廳<亞參雞飯>，以平民價錢，提供高質素嘅食物，仲有我好鍾意食嘅海南雞飯，當然唔可以錯過啦～！！餐廳新裝修，環境非常闊落舒適。餐牌上面有好多唔同種類嘅馬來西亞同新加坡美食供應，有去骨海南雞飯、巴東牛肉飯、喇沙米線、小食同特飲等等。不但種類多，而且價格又唔貴，樣樣都好吸引。呢個<尋覓99分海南雞飯>，絕對沒有講錯，今晚嚟呢度食晚餐，都係為咗呢一個由馬來西亞同新加坡結合出來嘅去骨海南雞飯套餐。海南雞飯嘅海南雞份量好多，而且雞肉非常之嫩滑，餐廳用上嘅係雞髀肉同埋雞胸肉，就算係雞胸肉，同樣一啲都唔覺鞋口，肉質鮮嫩美味。付上嘅雞油飯好大碗，米飯粒粒分明，而且仲充滿清新嘅雞湯味道。雞湯同樣清甜好味。<咖哩豬扒撈麵>濃厚的咖哩汁，味道非常之濃郁，而且重伴有辣醬同花生碎，惹味程度大增，最驚喜既係，呢度豬排份量非常之多，而且豬扒亦都非常之厚肉，入口亦可保持到鬆化鬆軟，仲有咖哩薯仔相伴，以油麵作為面底，更加美味好食。魚餅煎得非常香口，入口微辣。咖央多士用上麥包作為多士底，入面有鮮牛油同咖央醬，味道甜甜地，特別又好味。呢度嘅馬來拉茶同南洋咖啡都超級大杯，絕對抵飲。整體嚟講，呢度無論食物質素、環境同價格，都非常之吸引，下次有機會，我都一定會再來。
continue reading
是日黃雨打算外賣返公司食，係鋪頭外面外賣機落單，等成10幾分鐘都未出單。詢問下才知道廚房接單機壞左接唔到外賣機嘅單，所有服務員都冇人打算講解下我聽咩事及表明有冇幫我重新落單或催單，最後只有一個服務員同我講催緊。1330左右有服務員拎單出來隨手放係檯面就走去招呼堂食客，單no.又唔讀出聲提醒攞單，如果唔係本人心急拎飯自行留意又要再拖一段時間。午餐時間咁就過左，極度唔建議各位於此分店外賣，堂食可能服務好啲嘅，但外賣就收左錢先，之後貴客自理。
continue reading