-
法式田螺焗薯蓉
-
生蠔
-
香煎澳洲牛肉眼
-
美國頂級連骨肉眼斧頭扒
-
心太軟+20
399
41
22
9-min walk from Exit B1, Tsuen Wan MTR Station
continue reading
Telephone
23411388
Introduction
There is a large oil painting for the restaurant decoration with an old Hong Kong style. The Oysters are worth this amount and very fresh that you must order as a starter. The sizes of Tomahawk Steak and Rib Eye are full and meaty. You can also order Kung Fu lager (handcrafted beer) here.
continue reading
Opening Hours
Today
07:00 - 22:30
Mon - Sun
07:00 - 22:30
Above information is for reference only. Please check details with the restaurant.
About Reward Scheme
Recommended Dishes
今日去咗荃灣行街 經過呢間 雅高33 見到好多人食 而佢哋食嘅嘢都好大份好吸引🤩 就即刻入咗去食～ 坐低睇餐牌 有lunch set 好多嘢都好吸引 仲要包埋餐湯同埋牛角包 仲有埋嘢飲😍 諗咗一陣就落單～ 落咗單一陣 好快嘢飲就嚟咗 我哋叫咗凍奶茶同埋凍檸茶～ 再隔一陣熱辣辣嘅餐湯同埋烤過嘅牛角包就嚟啦😋 餐湯係羅宋湯 都好足料 味道正常 牛角包烤過有誠意 脆脆暖暖嘅好味～ 除咗主食之外 我哋仲追加咗兩樣小食😬 香煎雞翼 +$14熱辣辣啱啱煎起就上枱 雞翼好入味 表面脆脆的 底下仲有啲沙律菜 味道啱啱好 煙肉洋蔥芝士焗大蘑菇 +$28好好食嘅大蘑菇 記得熱辣辣嘅時候食 芝士仲係拉絲㗎😍 德國咸豬手配蜜糖芥末醬配薯菜 $115超大隻鹹豬手🤩 切開啲肉仲係粉嫩粉嫩 豬皮香脆唔算好油膩 同埋真係超大隻 味道啱啱好 點埋蜜糖芥末醬 好好食😋 薯條炸得香脆 再加埋啲沙律 即刻冇咁有罪惡感😌 香煎加拿大西冷牛扒配飯 $123好大塊牛扒🤩 朋友揀咗七成熟 切開入面係粉紅色又唔會有好多血水 煎得啱啱好 好香又容易咬開 點埋黑椒汁 好食👍🏻 整體嚟講 呢間 雅高33 環境舒適 食物大大份 嚟食個悠閑嘅午餐 都係不錯嘅選擇😌
continue reading
今日朋友扶我去完附近睇跌打，行經呢間食餐飯，決定同佢食個晚餐，晚餐配有餐湯同埋蒜蓉包，羅宋湯都幾足料，蒜蓉包非常有驚喜，雖然跟餐但係質素一啲都唔差，焗得香脆，上面滿滿牛油同蒜粒，十分香口！點左個澳洲肉眼扒配薯菜，肉眼扒好有份量而且好有肉味同油脂香味，食落唔會韌，好食。薯菜係意式香醋汁沙律同連皮薯角，熱辣辣啖啖薯仔味，又要開胃沙律伴碟，正。豬仔骨有時都好驚餐廳會燒到好柴好嚡口，但呢間餐廳就唔會，份量多得嚟係好食，肉淋得嚟又唔會冇曬咬口，用刀都容易切得開。豬仔骨嘅醬汁夠曬濃郁惹味，仲有牛舌真係一流，超值，再配埋番茄意粉，味道豐富，大滿足好味道！整體嚟講呢間餐廳嘅食物份量十足，用心製作，由蒜蓉包，餐湯至主菜都係咁好味，值得推介。
continue reading
今日經過荃灣，畀張海報吸引左見到咁抵嘅生蠔，無理由唔食，諗都唔諗就入去跟餐先至可以$15柯打生蠔，最多6隻，真係超抵呀先嚟羅宋湯同蒜蓉包，羅宋湯甜左少少，但幾足料！我地嗌左4隻生蠔，每人兩隻，上到黎幾大隻新鮮，可以加檸檬汁或者點cocktail醬生蠔有種淡淡的海水味，清新肥美，點cocktail醬岩晒主菜點左肉眼配薯菜$148，有沙律仲有薯角，薯角脆身等嚟唔油膩；肉眼就7成熟，有幾隻醬汁揀，我地揀左洋蔥汁加道小食法式田螺焗薯蓉$52，覺得幾特別，唔係成日食到啲田螺好大隻好q彈，仲有一層厚厚嘅芝士拉絲，非常滋味！呢餐我哋覺得幾驚喜，嘢食唔貴，但質素幾高，整體性價比好高，特別推薦生蠔，應該下次都會返嚟再食！
continue reading
噚日(9-2-2024 Fri)年三十公司放半日,由於肚餓,返荃灣至諗食咩啦,記起好耐以前有幫趁過呢間,但𠲖 o家搵唔返嗰個食評,於是走嚟,我嚟到時都有人等位,咁我攞咗飛先,大約等咗10分鐘有位,俾我坐半卡位,喺等嘅時候我睇咗menu先,都有好多選擇,坐低後,我就要$56.00嘅B03 lunch set,伊雲士燴雞焗意粉,要熱奶茶,加$28.00要法式田螺焗薯蓉.熱奶茶先到,熱騰騰嘅,飲落,茶味唔太夠,口感係滑嘅.2.7分之後等多9分鐘, 伊雲士燴雞焗意粉到嚟,見到雞扒已切件,面上有芝士,熱騰騰,食落,又酸又鹹,我覺得鹹咗啲,唔知呢個係咪應該係咁,而佢都幾厚身同唔嚡;意粉係港式腍身嗰隻,冇問題,不過好似好碎,攪到我用叉卷嚟食時,都只係卷到好少,咁就食耐咗,而個器皿係好保溫,食到最後都仍然係熱.3分法式田螺焗薯蓉都喺1分鐘後到,有6隻田螺,焗到啱啱好,又滑又juicy;而滑薯蓉就食到蒜蓉味.3分
continue reading
琴晚食完扒，都仲想食，所以就喺荃灣搵到第二間扒房，價錢又抵食。肉眼扒呢塊肉眼扒勁大塊，我哋叫咗5成，廚師煎得好好，恰到好處！再配上好脆嘅薯角，加埋落咗黑醋嘅沙律，好開胃。蒜蓉汁仲另上，可以邊切邊點汁。不過塊扒本身都好夠牛味，唔洗點汁都可以。燒春雞雞皮燒得好脆，切落去就索索性，勁脆。而且佢係半隻，雞胸啖啖肉，雞髀肉好嫩滑，雞翼仲燒到脆卜卜。芝士焗田螺薯蓉熱住咁上枱，出晒煙香噴噴！面嗰層芝士好厚，每舊田螺都可以連到一大塊芝士一齊食，超正。薯蓉墊底仲吸咗田螺逼咗出嚟嘅油份同味，連埋一啖食好香口。Tiramisu 咖啡味好香，中間2層cream都好creamy，大細又啱啱好，食完主菜再配呢個甜品啱啱好！
continue reading