184
42
11
Exit B, Kowloon Bay MTR Station continue reading
All Branches (3)
Telephone
31050883
Opening Hours
Today
12:00 - 17:00
18:00 - 21:00
Mon - Sun
12:00 - 17:00
18:00 - 21:00
Public Holiday
12:00 - 17:00
18:00 - 21:00
Public Holiday Eve
12:00 - 17:00
18:00 - 21:00
*Last Order: 21:45
Payment Methods
AlipayHK Alipay Cash
Other Info
Spot payment
Review (276)
在香港,以往要食泰國菜,就要走到九龍城,【亞萊泰】卻選擇落戶在九龍灣德福花園,而且是眾間餐廳之中第一間是食泰國菜的餐廳,在疫情期間之下餐廳都依舊很多人前往,實力當然不容小覷,可能相對是價錢比起同區的德福花園親民許多。有相片可見晚飯時間都有不少人在餐廳徘徊並停下來望望餐牌。入面環境相當寬敞,進入餐廳前店員會幫我們量度體溫做好防疫措施等過客食得更為放心。.餐廳可以枱之間嘅距離都有1.5米或以上而且都有白色版去做分隔。餐廳設計雖然不算是很有地道的泰式風情但係顏色是用暖暖的木色去做主調,所以感覺上較為溫馨。餐牌嘅嘢食都非常之豐富,有一啲仲會圖文並茂,會令到嘢食因為吸引。員工都有知道人手並不足夠,會同我哋講聲唔好意思因為有時可能會比較慢先作出一些回應,我們都知道這期間人手減少了,我們是非常諒解,就算人手唔夠但我覺得佢哋都好好服務態度所以食得好開心。傾左一陣計嘢食都好快送到黎….👋🏻鐵板蠔仔煎蛋 $108香噴噴丶熱辣辣嘅「鐵板蠔仔煎蛋」嚟啦!蠔仔既飽滿又大粒,沾滿炒蛋,再用燒熱嘅鐵板奉上,淨睇賣相真係覺得好正!遠睇個陣都聞到陣陣蛋香又有蠔仔嘅鮮味。食落係點呢?!係第二度都食過,味道係好不錯,但同出一轍卻是味道 不同..... 正所謂;各施各法嘛!整體沒什麼蛋,反宜有好多一陀半透明的地瓜粉及炸粉,呢個位好減分,食炸粉地瓜粉多過蛋同蠔,不開心呀!有讚位道係用鐵板上菜保持剛炸起的熱度, 蠔仔每粒都飽滿,無腥味好鮮甜! 點埋附送辣醬,令整體味道再提升,如果細番點,又多蛋一點就好了。 .👋🏻鐵板泰式滷水無骨豬手 $115豬手以鐵板上枱,份量算多,拆除骨的豬手,整個吃起來很方便。豬手肉質嫩滑,軟淋不韌而豬皮爽口有彈性,口感豐富,以滷水醬汁烹煮,非常入味,食野最緊要有味嘛,底層擺放了翠綠的椰菜,吸入了滷水汁,好食好食。👋🏻冬陰雞肉炒飯 $88近幾天忽然想吃辣,見到用冬陰功醬來炒飯,加入香茅及青檸汁好像會十分開胃喔。賣相都幾精緻的。冬陰公酸酸辣辣的味道,充滿泰式風味,加入剩飯中炒得好香,雞肉都有少少酸辣感,飯粒分明夠乾身,呢個都推仲介的。👋🏻芒果白糯米飯 $58雖然芒果味道不如泰國,但都非常非常的甜,意料之外呀。糯米飯非常Q軟,軟糯多了一種香味,和芒果搭配起來真的是非常的合!淋漿上主要是用椰奶及糖製成,當然,這道甜點的好吃程度很大部份由芒果主宰,所以記得香甜的芒果是很重要。食埋個甜品真係好飽肚了,【亞萊泰】雖然無論菜式環境價錢等等,呢度唔係驚為天人,但係全部都比較平均,性價比都唔錯,如果我住得近住喺樓上嘅話都會成日落嚟食。有時候員工嘅服務態度都緊要過好多嘢,我係覺得依度嘅員工係好抵讚🤗。 continue reading
(The above review is the personal opinion of a user which does not represent OpenRice's point of view.)
Level4 2020-04-02
1967 views
今晚行經淘大商場,見到泰菜餐廳亞萊泰做全日免加一。泰菜是中菜之外,我倆最愛的菜式。亞萊泰有超值二人套餐,有小食、湯、主菜、炒菜及甜品,尚可以優惠價錢升級炒粉麵飯,想一想後就入內就坐。亞萊泰裝修清淡優雅,與傳統放滿佛像或泰王照片的餐廳有點不同。迷你泰式小食拼盤迷你泰式小食拼盤計有蝦餅、魚餅、素菜春卷及雞肉丸各一件切半,平日很少叫上此類小食,但今晚各款均新鮮炸起,熱得燙口,食味不俗。泰人大頭蝦冬蔭公冬蔭公湯酸辣味道突出,大頭蝦有一隻切半,雖不算大隻,但蝦頭有膏,秀珍菇爽脆可口,泰式香料如南薑、香茅及檸檬葉增添冬蔭公的香氣。泰式辣椒膏炒蜆炒蜆用上大蜆,入口肥嘟嘟的很有質感,鮮味雖然略遜,但辣椒膏味道香濃,配菜如洋蔥及彩椒爽脆清甜,可以彌補不足。泰式海鮮菠蘿炒飯老公很愛菠蘿炒飯,菠蘿的酸甜味誘發食欲。海鮮配料不算太多,但有不少菠蘿、腰果、提子、肉鬆,增添口感。馬拉盞炒通菜馬拉盞醬加上辣椒蒜頭,非常香濃惹味,配上鮮嫩通菜,味道很合拍。泰式甜品泰式甜品每款兩件,小小的味道不太甜,帶有黏性,份量剛好。 continue reading
(The above review is the personal opinion of a user which does not represent OpenRice's point of view.)
火車頭河粉 $58以前既我謝絕一切有香料既食物!!! 點知去完泰國喪食左成個trip之後竟然克服左7成 (不過芫荽真係不了😰) 就好似圖中依碗船河,以前既我一啖都唔會肯食,依家不知幾鍾意食🤤意外發現亞萊泰既火車頭河粉又幾高質喎🤗雖然價錢係泰國食既好多倍🤑湯底好濃郁,又唔會太甜,最緊要係食完唔覺口渴!! 特別欣賞牛丸超彈牙,牛肉味仲好濃!! 其他配料就正常發揮啦,整體黎講算唔錯😋 continue reading
(The above review is the personal opinion of a user which does not represent OpenRice's point of view.)
Level2 2020-08-19
35 views
豬頸肉炒河粉• 豬頸肉香脆爽口,味道香濃,同埋河粉炒得乾爽,條條分明泰式炒金邊粉• 香氣撲鼻,味道唔錯,甜甜酸酸,份外開胃,加上配料豐富,令口感變得好豐富雞絲沙律 • 啲菜好新鮮,食落幾爽口,加上雞絲份量好足,加上醬汁好味,作為前菜一流 continue reading
(The above review is the personal opinion of a user which does not represent OpenRice's point of view.)
Level2 2020-07-30
125 views
估唔到一間外表好似茶餐廳嘅,居然有Thai select認證, 係泰國皇室商務部發出嘅認證,代表佢嘅食材係泰國入口,廚師係泰國人,係有質素認證嘅泰國菜。椰汁雞湯(小)$88一入口就被驚豔到了,係好香醇嘅酸味,起初係椰奶嘅香味,有濃厚嘅口感,好似忌廉湯甘,後勁就會有一股好自然嘅酸味湧出,但係又出乎意料地夾。雖然有少少 芫茜味,但係唔係好濃,接受到。裏面材料都好豐富,有好大片嘅雞肉,食落都幾滑,仲有香茅,南薑同秀珍菇,雖然係細份但係兩個人飲綽綽有餘。瑪莎文咖哩$88因為本身唔係好食得辣,所以叫左個唔辣嘅瑪莎文咖哩,牛腩份量超多,成鍋都係肉,牛腩都煮得幾腍又入味,反而薯仔得幾粒,夠粉。調味都唔錯,冇上次食嗰間甘甜。叫左碗白飯$13餸咖哩,碗飯都幾多,兩個人食差唔多。青木瓜沙律$68唔係好食得辣所以要左少辣,食落微辣接受到嘅程度。花生好長身,比平時食嘅特別香,夾埋一齊食味道提升左一個層次,仲有好多車厘茄,調味好足夠,啲汁多到浸住全碗青木瓜,青木瓜好入味,唔會只係撈到少少汁甘。可以列入甘耐以黎食過青木瓜沙律嘅榜首。 continue reading
(The above review is the personal opinion of a user which does not represent OpenRice's point of view.)