55
3
2
Exit B1, Tsuen Wan MTR Station continue reading
All Branches (2)
Telephone
39539333
Opening Hours
Today
12:00 - 16:00
17:00 - 22:00
Mon - Sun
12:00 - 16:00
17:00 - 22:00
Payment Methods
Cash
Other Info
Online Reservation
Reward Dining Points
About Reward Scheme
Review (64)
Level4 2021-04-29
223 views
安平燒肉啱啱一開始開業嗰陣,真係想食都好難,起碼等個半鐘💧😂,而家終於容易啲預約,不過其實都係爆場咖!所以記得訂位呀💕-🤍澳洲M5和牛120分鐘吃到飽19:30前離座/ 23:00後入座 $35821:30-23:00入座 $37817:00-21:30入座 $398小童/長者(任何時段)$348✨牛舌芯 (每位贈送一客2件)✨另設加一✨星期五六日、公眾假期及其前夕加$20.選擇M5和牛既放題多達81款食物仼食😍,當中最好食既頭三位一定係牛舌芯、M5和牛、安格斯牛小排👍🏻,牛舌芯係非常矜貴,每條只切淨中心,食落真係特別軟腍軟滑,好爽口🤤🤤真係必食❗️牛舌芯想再食仲要另外收費tim咖,$68(3條)。M5和牛有著恰到好處的大理石花紋,有帶溶入口中既效果。而安格斯牛小排肉質鮮美滑嫩、油花分布均勻,係鮮嫩多汁既肉質。🥳🥳除左有牛豬雞類之外,仲有海鮮、台灣燒烤、台灣夜市小食、台灣飲品等,台灣夜市小食真係同正宗台灣食既有相似,可以黎食止住旅行癮先🤪,當然唔少得仲有每人一杯Haagen Dazs 🥰真係抵到爛💕💕-環境:8/10服務:8/10好味指數:8/10回頭率:8/10 continue reading
(The above review is the personal opinion of a user which does not represent OpenRice's point of view.)
食過牛大人台式火鍋之後, 今次決定約朋友食安平燒肉😁, 地點位於荃灣眾安街55號大鴻輝(荃灣)中心17樓。 店內環境寬敞, 座位舒適, 店員服務貼心。餐廳共有四款套餐✨, 今次點澳洲M5和牛吃到飽$358, 一坐低店員首先為我們送上一客牛舌芯,牛舌軟腍,肉味濃郁,啖啖肉香🤤。肉類有好多款🥩, 牛類🐮包括有澳洲M5和牛、 安格斯牛小排、SRF極黑一口牛、SRF極黑牛肩胛肉、 烤金錢肚和鹽燒牛舌等等, 款式多不能盡錄。最欣賞澳洲和牛肉質細滑幼嫩,油香四溢。安格斯牛小排脂肪分佈細密平均😋,柔嫩口感,油脂豐盈,每款牛肉都各具特色。 豬類🐷就試了豬大腸和五花腩、 豬大腸肥美好味, 五花腩爽口滋味,配上特調蒜醋去膩。 海鮮類🦐🦪一定要試下烤帆立貝和爽彈虎蝦, 兩者味道鮮甜又新鮮。 除了烤肉,亦有地道台灣燒烤和夜市小食,例如燒雞泡魚乾、台灣小枕頭、 櫻花蝦乾拌手工麵、涼拌小黃瓜和滷水涼拌鴨舌, 都值得一試。餐廳更提供特別調配的四款汁,甜酸辣咸,令味道層次更豐富。👍🏻自助區有飲品🥤和蔬菜🥦🥬配料🤩,飲品方面,餐廳有四款冷泡茶,玄米茶、桂花烏龍、藍梅果茶和蕎麥茶等等,有各式各樣的汽水, 非常豐富。 也可以用QR Code點3款不同的特色手調飲品提供,包括冬瓜茶、百香果綠茶和阿里山檸檬紅茶。蔬菜自助區有新鮮蔬菜供應, 還有我最喜歡的秋葵和菠蘿, 款式一樣很多。甜品有 Haagen dazs雪糕或檸檬愛玉, 檸檬愛玉味道清新, 酸甜清爽。親民價又高質的安平燒肉, 任飲任食兩小時真係超抵, 值得推介給大家。👍🏻🉐 continue reading
(The above review is the personal opinion of a user which does not represent OpenRice's point of view.)
知道牛大人新開左安平燒肉,即刻BOOK位同好友試下先!今晚揀左澳洲M5和牛吃到飽套餐,120分鐘任飲任食,勁滿足~掃QR code落單夠哂方便,有齊各款肉類、小食、飲品等,自助區有多款蔬菜、自家製冷泡茶等,仲有櫻花蝦拌飯,另提供圍巾。套餐每位贈送嚴選牛舌芯,爽口嫩滑充滿油脂香帶點甘甜。牛類有15款供選擇,首推澳洲M5和牛!油花細密、脂肪均勻,牛味濃郁又嫩滑;SRF極黑一口牛豐富油份,柔嫩多汁;嚴選牛仔骨鮮嫩鬆軟,肉味足且帶嚼勁。豬類同雞類各有14款及6款選擇,推介安平私房梅花豬,入口軟嫩細緻;薑汁雞腿肉醃得入味好香濃,雞件夠嫩滑。海鮮有成11款,首推爽彈虎蝦、烤帆立貝同絲瓜煮蜆,款款都好新鮮!另屏東燒魚腹有驚喜,嫩滑魚肉配香甜醬汁好肥美。台灣正港燒烤推介墨魚香腸,爽口Q彈仲有墨魚粒!台灣夜市小吃都好出色!有鴨舌、鹽酥雞、炸蚵卷等選擇,推介梅山酥炸薯,外酥內軟綿;南部章魚卷香脆又彈牙。自選飲品有三款清新消暑選擇,另LIKE/FOLLOW FB或IG,每位可送肧芽珍珠,珍珠煙煙韌韌且甜度剛好。最後每人一杯Haagen Dazs雪糕,真係勁滿足! continue reading
(The above review is the personal opinion of a user which does not represent OpenRice's point of view.)
之前已經聽聞安平燒肉好多人排隊, 好多人話好食, 適逢小妹生日, 朋友就請小妹去試下! 安平燒肉嘅新分店位於荃灣嘅大鴻輝中心, 餐廳環境超級大, 採光度十足, 每張枱都好寛闊, 地板無咩油漬, 亦無咩油煙味, 整潔度不錯, 加上午市人煙唔多, 坐得都幾舒服😊! 既然要試, 我地就揀左最貴嘅澳洲M5和牛120分鐘吃到飽套餐, 加埋一都唔洗400蚊一個人🤔, 揀好個set, 店員會先比左一份肉, 一份海鮮, 同雞泡魚干, 之後就可以用QR code落單📱, 套餐已經包左有多款唔同level嘅牛肉🐂, 豬肉🐷, 雞肉🐔, 海鮮🦐, 台式燒烤食物(煙鴨肉, 麻薯, 雞泡魚干等等……), 台式地道夜市小食/主食, 同一d收費項目! 而蔬菜類例如菇菌類🍄, 栗米仔🌽, 翠玉瓜🥒, 一部分嘅台式燒烤食物好似台灣腸, 甜不辣都可以係出面自助區到拎, 至於飲品方面🥤, 亦有大量汽水果汁, 台式飲品, 而冷泡茶嘅口味同牛大人都有少少唔同, 除左桂花烏龍一樣之外, 佢地仲有藍莓果茶, 蕎麥茶同玄米茶! 🌟E到提供左幾款唔同嘅醬汁例如辣椒醬🌶️, 安平黃金醬, 玫瑰岩鹽🧂, 特調醬油同檸檬汁🍋, 小妹偏好特調醬油同檸檬汁, 微微沾上特調醬油可以食到牛肉嘅鮮味, 而沾檸檬汁食落清新開胃同幾解膩🌟嚴選牛舌芯🐂👅牛舌芯口感爽脆🌟澳洲M5和牛🐂👍🏻未入口已經聞到油香, 油脂豐腴, 食落牛味濃, 肉質軟腍, 油花係口中浪浪下😋!🌟SRF極黑霜降牛肉眼🐂油脂相對M5和牛少, 食落有嚼勁🌟雞泡魚干🐟/屏東燒魚腹🐟/海鮮🦐之前聽同事講雞泡魚干係必食的, 燒落好香唔腥, 佐酒一流🍶! 當佢彈起果陣就要即刻反轉, 燒出嚟就岩岩好! 燒魚腹都係另一推介, 食落幾鮮嫩, 味道好似鰻魚咁, 海鮮味道正常發揮!🌟蔬菜亦多款選擇, 小妹特別推介翠玉瓜🥒, 栗米仔🌽, 菇菇🍄同鳳梨🍍, 燒完出嚟超級juicy而且好爽脆!🌟台式小枕頭(麻糬)小妹都係第一次食, 佢一開始係一塊好似薄片日式年糕d fd咁, 放落去燒果陣會開始慢慢發漲到好似個枕頭咁, 之後燒到微焦就可以加煉奶🍼食, 口感煙煙韌韌幾得意! continue reading
(The above review is the personal opinion of a user which does not represent OpenRice's point of view.)
Level4 2021-03-26
1846 views
要抓著冬天的尾巴,去吃熱辣辣的澳洲M5和牛吃到飽 ($398/位),有多款高質和牛提供,120分鐘內瘋狂任食,絕對是牛魔王必選! 套餐附送嚴選牛舌芯(每位二件),粉嫩的牛舌芯十分矜貴,是去除牛舌尖,舌根及兩側後,只剩下二成的最軟滑位置。牛舌表面燒至油光亮澤,口感軟嫰、綿彈,不用調味,純樸牛肉香散發口腔,十分回味。牛肉有多款選擇: •極黑霜降牛肉眼•澳洲M5和牛肩胛肉•澳洲和牛保樂肩•安格斯牛板腱•厚切上選牛腹肉•鹽選牛舌每塊牛肉色澤鮮紅,雪花均勻滿佈,厚切的肉身,令人食慾大振。放入最肥美的霜降牛肉眼,肥油被迫出,令爐火更旺盛,傳來陣陣誘人肉香。肉眼燒至褐色網紋,入口油脂豐腴,咀嚼間釋出香濃牛肉汁,濃郁滋味。M5和牛充滿雲石紋,口感軟腍,油花細膩,豐盈的油脂縈繞於舌,鮮嫩吸引。牛板腱輕烤至兩邊金黃,柔軟而又嫩滑的質感,沾上燒肉汁,迷人牛香,令人難忘。原味厚切雪花豬/ 西班牙豬五花雪花豬迷人雪白,肥厚肉身燒至微微卷曲,相當爽彈、鬆軟,久煮不老,口感不錯! 豬五花鮮嫩,邊緣薄而焦脆,口感脆中帶嫩,鮮美可口,油香不膩,十分惹味。小食: •台灣小枕頭(麻糬)•梅山酥炸薯•澎湖花枝排•鹽酥雞必推台灣小枕頭,薄薄粉糰烤至脹卜卜,十分治癒。金黃焦香,沾上煉奶後,滿滿的糯米香和甜香,令人回味。梅山酥炸薯粉漿薄脆,粉糯香甜,入口綿密濕潤,配上甘草梅粉,沒有半點油膩感,著實不錯。海鮮: •燒帆立貝•爽彈虎蝦•安平私房烤青口•絲瓜煮蜆在高温下,牛油溶化並滾熱起泡時,帆立貝鮮香惹味,牛油令貝肉更溫潤滑順,鮮味中帶陣陣咸香,令人垂涎。虎蝦大隻,肉質紮實,入口彈牙吸引,鮮味十足。吃完熱燙的燒肉,最佳配搭消暑冬瓜茶,香甜清潤,冰涼的口感,清爽解渴。雪櫃自助區有支裝冷泡茶系列:桂花烏龍茶,藍莓花茶、白桃烏龍茶等,茶香怡人,新津解膩。最後吃一杯Haagen Dazs雪糕,為喉嚨降溫,畫上滿意句號。 continue reading
(The above review is the personal opinion of a user which does not represent OpenRice's point of view.)