Ann MaMa Thai Restaurant

Open Now

Now Closed

Lunch $68 有埋杯龍眼冰，無加一價錢都合理！同同事每人叫左一碗麵加杯龍眼冰！一個食冬陰公豬肉湯河，一個粉紅湯河雖然碗麵既份量就吾算太多！但味道都幾好味！Lunch可以再試！

咁岩行過見到裝修幾好就入去試下叫左碗豬肉船麵+小食木瓜沙律同一份酸辣魷魚船麵同泰國食既完全一樣 加d醋同辣粉食到Lam Lam脷😋😋😋應該算係香港數一數二既船麵👍🏼木瓜沙律好夠味 好開胃酸辣魷魚佢將d魷魚煮到岩岩好 好嫩下次黎一定會再食😻

上星期日行開旺角見到呢間新開既餐廳，係食泰國野，見氣氛幾好便入去試下。佢地既午餐豬手飯唔錯，幾好咪。而且環境幾好又有音樂。個樓面四眼肥仔幾好禮貌，可以下次再試。

朋友介紹下所以今日去試吓佢哋嘅招牌船麵。船麵可以揀豬肉或者牛肉，不過本人唔食牛肉嘅，所以叫左個豬肉船麵，湯底好特別，都好大碗，食過幾間都係細細碗淡茂茂，呢間湯底好濃郁，份量都幾多（因為食完個船面之後已經有飽肚嘅感覺）味道好似喺泰國食咁，果然係招牌😋木瓜沙律都唔錯，不過就辣咗少少🤏🤏仲食到佢哋今日新出嘅甜品—椰汁斑蘭千層糕，，食完都仲要打包一份走🤣🤣整體嚟講，呢餐晚飯都幾滿意👍👍👍👍

開左唔算耐但我已經幫襯過好多次仲成日因為掛住食唔記得影相😆有3樣我特別推介❤️船麵🍜係香港叫數一數二👀湯底濃 分量足另外值得一提 老闆好俾心機煮亦非常聽取客人意見好幾次lunch去食 佢都有走過來問有冇嘢需要改善👍🏻燒牛肉🥩我記得2xx一個dinner set 加廿蚊就可以試竟然可以有呢個質素🥹勁juicy 凍左都好好味生蝦🦐大隻！新鮮！但成日好快賣唒題外話 有次同行朋友唔食生野我自己啪唒成碟😅超級飽

大家好！我是和你吃喝玩樂KP😎香港地，雖然咩國家各地美食都有，其中泰國餐廳來說的話個人推介一間泰國餐廳給大家（Ann Mama）泰式餐廳，位於（旺角通菜街1A-1L號威達商業大廈地下N鋪 Hong Kong）本人好鍾意Ann Mama的招牌泰式船麵（正）👍🏽有牛肉和豬肉選擇湯底好有鮮味配料其中的芽菜好爽口（可以和職員說要求多加芽菜）其餘叫咗個生蝦，都好新鮮👍🏽喜歡吃泰式船麵朋友可以去試吃，回味無窮👍🏽之後我會再去Ann Mama再試其他菜式，有興趣的朋友可以約一齊去吃喝🍻

去到泰國一定會食嘅船河完全係樣代表性極高嘅嘢食就算熱到飛起流晒汗都一定要食嘅湯麵今日放假到旺角行街見到有間新餐廳開張裝修懷舊之餘仲好乾淨 入去試試🤣平時喺泰國食嘅係好平細細碗而呢間嘅船河價錢中等而味道的確比較精緻個湯真係好夠濃，同埋好香好惹味，聽聞店主係用傳統方式熬製嘅湯底，用好多泰國香料製成，熬製成深啡色湯底，豬肉丸亦都係泰國訂返黎，成碗麵層次好豐富。但係新開原因，外場侍應出錯餐俾我😂好在都立即換返

琴日行街試左一間泰國菜 味道好不錯 夠曬正宗 價錢又合理 認真可以再去 菜色又算多 船麵麵底都好多料 湯底都好夠味 芒果糯米飯味道剛剛好 環境裝修都好好 比起之前食過其它泰國菜 呢間真係最正宗味道亦都最好了 因為琴日行街只有兩個人😂可以點既菜色有限 下次再去可以再多試試距地餐廳既其它菜色 服務都好好 上菜時間不會好耐 環境都好乾淨 如果之後去開旺角 想食泰國菜 我估我應該只會離呢間了 第一次試無論菜色 味道 服務 環境 都很不錯 真心比個讚讚讚 一定會再幫襯

期待左成個星期，終於黎試到呢間新泰菜叫左個二人餐試下-木瓜沙律-泰式通菜-招牌船河-生蝦刺身-椰汁冰以我作為一個泰國人既口味去試，分開兩個部分評分、口味還原度，味道1. 木瓜沙律口味還原度：8/10味道：9/10沙律汁食多幾啖超辣，但好好味👍🏻2.泰式通菜口味還原度：9/10味道：10/10 有驚喜既通菜，泰式通菜食到尾通常都好鹹，但呢間拿捏到點樣恰到好處，夠味同鹹度中間攞到平衡。3.招牌船河口味還原度：9/10味道：9/10係為左呢個船河而黎果然冇失望，湯底做得十分好，濃濃既湯底加埋好滑口既牛肉完全征服左我🤤 口味還原度冇比10分係個河粉唔係黎自泰國，泰國既河粉係一塊塊正方型咁，香港河粉係一條條，果一分黎自呢度4.生蝦刺身口味還原度：6/10味道：5/10生蝦唔算新鮮同多根，建議綵購過第二間既生蝦，無謂比呢個菜式拖垮水平。酸辣海鮮醬要再調過，真心唔夠味。5.椰汁冰口味還原度：10/10味道：8/10味道同泰國一模一樣，甜到塊野咁😂總體而言：相當有水準，會返食🤤

喜歡泰國文化、美食嘅朋友有口福啦！早幾日係旺角，新開咗一間正宗傳統🇹🇭泰國媽媽風味餐廳「Ann Mama」Thai Restaurant 我自己身為泰二代中泰混血兒，一定要嚟試吓啦！餐廳環境好chil , 係新派嘅泰國裝修，樓底高，有吊燈，我最鍾意佢哋嘅玻璃杯，因為我泰國屋企都係用呢個杯，有家的感覺，想家了🥺食物方面：係由老闆娘嘅媽媽，親自主理。📣👩🏻‍🍳佢哋嘅招牌推介: 🦀 「Ann MaMa 蟹肉炒飯」、🚤 「招牌船麵」、🌿「自家製青咖喱」+ 即燒燒牛肉.豬頸肉🐔 「泰式海南雞」, 🔥「泰式濕炒濶河」,🍃「泰式香葉肉碎飯」 , 🦐「泰式生蝦」配以各式🍹泰式特調飲品，甜品 🍮而我哋係去食午餐，所以就叫咗⬇️泰式虎蝦炒金邊粉 、泰式手打蝦餅 、泰式魚餅 、招牌燒牛肉…個招牌燒牛肉大家真係要試吓，因為燒得非常之嫩滑，又Juice，你再睇相都睇到啦！另外，我自己就好鍾意個泰式魚餅，個魚餅好香，香茅味，夠正宗！手打蝦餅又係好正，又爽又彈牙😋最後，encore我哋係叫多一碟魚餅，同埋一碟手打蝦餅，真係超好食！好可惜因為我哋嗰日晏晝冇生蝦，下次帶埋老公同個女去，試埋佢個泰式生蝦先！

今日放工經過見到呢間試業中既泰式餐廳，門口貼住有一個晚巿二人餐既餐牌，覺得應該不錯，就二話不說入左去食。最後睇完餐牌都係點左一個晚巿二人餐，叫左一杯椰汁冰，一杯龍眼冰，一份木瓜沙律，一個炒金邊粉同加20蚊叫左燒牛肉。木瓜沙律同金邊粉份量不合理地少，一人亦食一定不足夠，而且炒金邊粉偏濕炒，而口味偏甜，燒牛肉味道還不錯，但整體而言二人餐的份量就算一個人食曬都唔會夠飽。飲品口味偏甜。埋單總共317，以性格比來說不值，想食夠飽既不建議到訪。

泰國人開既春國餐，好好食，個濕可最好食，生蝦好新鮮，軟殼蟹好酥脆 同埋啲甜酸醬 好食，個串燒啲醬同出邊嗰啲有啲唔同，比較甜辣味道，蟹炒飯都好食，overall 價錢都好抵，下次再黎

今天中午和同事路過女人街， 看見此店新開張沒多久，入去試新嘢。同事叫了青咖喱雞飯，我選了個船麵，味道偏淡，份量偏少，價錢略貴。所有午餐一律68元包一杯龍眼冰，船麵可配豬肉或牛肉，中有泰式豬手飯，共有7-8個午餐可以選擇。

同朋友行街經過見到呢間Ann mama新開，就行入去試吓，舖頭裝修環境都幾特別幾舒服。始終新開，驚會伏，都唔敢叫太多嘢食😂老闆娘推薦佢哋嘅招牌船麵，又真係幾出色，湯底好濃郁😋朋友就揀咗金邊粉，份量都啱啱好👍

見到門口寫住試業中又有好多花籃openrice又未有post但見裝修幾靚！價錢唔算貴～一於試試佢！—-我哋四個人去食嚟到嘅時候見到有枱但係又叫我哋等等又冇講其他嘢我哋就一直喺門口等店員又冇講實話係比枱我哋或者同我哋講話set緊枱我哋本身已經諗住走㗎先通知我哋入得—-4個人叫左4樣嘢燒豬頸肉 $88飛天炒通菜 $78泰式干炒闊河(雞) $88泰式香葉肉碎飯 $88—-每樣野都係正正常常唔會難食嘅～但又講唔出特別好食不過不失啦！—-加埋每人都唔使$100算係咁啦！但份量都偏細份架大食嘅朋友仔要叫多幾款～—-仲有要反映下嘅係⋯⋯關於凳嘅問題當然如果你唔介意嘅可以直入同睇到呢度為止—-本身以為係唔夠櫈但店家話唔夠位喎我哋嘅櫈係唔同款⋯⋯得1個人係坐正常嘅櫈其他3人係無椅背無得挨要坐無椅背嘅圓櫈或方櫈除此之外方凳嘅seat位同A4 size差唔多比起隔離正常size張櫈係細一半總之坐得唔舒服！放野都會嫌細張果隻⋯⋯個人覺得大排檔嗰隻膠櫈都仲坐得舒服啲！同埋櫈嘅種類建議統一啲～如圖隔離4人枱有3張正常櫈後面果張6人圓枱全部都係正常櫈⋯⋯真係好似要揀吧枱定係揀卡位咁要睇吓有咩櫈坐先入去XD—-味道