小天使餐廳 (Closed)

朋友生日book咗小天使餐廳試食，位於赤柱市集少少偏僻位置，入小巷前猶豫嗰陣附近商舖嘅人會好心指示小天使喺邊，好有愛。跟set嘅餐配果份煙三文魚沙律比想像中大兜，普通跟湯麵包。煙三文魚闊條麵個味幾似pizzahut嘅海鮮闊條麵🤣西冷牛扒如果肉質再細滑啲更好🤓重頭戲來了，咁我只係喺openrice book位remark左朋友生日，同點左個甜品，冇準備蛋糕嘅，餐廳非常聰明喺個酥皮蘋果撻伴雪糕上面加枝蠟燭，好驚喜🎂不過記得要快啲吹蠟燭🤣🤣呢個甜品真係大推呀，蘋果撻有啲焦糖脆同朱古力醬、雪糕好夾。

假期赤柱隨意遊蕩，隨心所至，行經此店，入口在橫巷內，橙色嘅外牆，給人歐陸feel, 看似幾捨意 ，正餓了，入去試試。食客不多，有的是附近住客，有的是來逛赤柱，室內好寧靜，環境舒適，裝修有點點舊式，Menu選擇蠻多，亦有套餐，冇興趣套餐的話，如只要maim dish, 另加$45就有是日甜品+飲品。同行友人點了天使麵，芝士味濃郁，掛滿麵條，yummy，頗期待我點的南瓜帶子risotto 。risotto 一上枱，OMG, 啲汁多到浸晒啲飯，試啖先，甜甜地嘅，雖然係有啲啲南瓜味，但這個甜不是南瓜嘅甜噃飯不是al dente, 煮過左些小喇，唯一3粒帶子剛剛好，好嫩滑反而送上嘅麵包涼的，但表面保持脆內軟，又有點nut，唔錯最後悔係另加嘅嗰杯cappuccino ，沒有拉花（亦不強求老伙記拉個花畀我），飲落口稀到奶水一樣。冇得旅遊嘅日子，志在周圍去hea下，forget 呢餐，今日就係好日😄

Weekend 去赤柱午餐喺OpenRice 揀咗呢間隱世小店😎餐廳環境整潔，幾鍾意佢既裝修🫶🏻唔係豪華裝潢但係簡單得黎舒服，又有啲喺外國既感覺。仲要有大玻璃窗😍上菜速度快，好夠熱，用料慷慨😋碟碟都幾好食喎性價比高，portion 都唔細🤩見之前有啲post 提到服務既問題，今次到訪又完全無咁既問題喎。仲好高效率、態度親切有善，密密手出餐、收碟、refill 水🙏🏻Overall 有讚無彈👍🏻 下次可以試埋其他菜式

老公生日飯 朋友介唔 果然不錯 所有員工 老闆服務一流 知道老公生日 🎂 更加贈送即影即有相片 作為留念而且尾聲嘅時候 仲請老公食蛋糕 🍰 好好味的Tiramisu 難忘的生日飯 今次食左大蝦pizza , 安格斯牛扒都好好味 😋值得再回訪的赤柱 小店 感受到愛的餐廳😍

老公生日飯 朋友介唔 果然不錯 所有員工 老闆服務一流 知道老公生日 🎂 更加贈送即影即有相片 作為留念 而且尾聲嘅時候 仲請老公食蛋糕 🍰 好好味的Tiramisu 難忘的生日飯 好有愛的為老心慶祝生日🎂今次食左大蝦pizza , 安格斯牛扒都好好味 😋前菜 餐包 餐湯都好飲 好食😋值得再回訪的赤柱 小店 感受到愛的餐廳😍

難得同屋企人入嚟赤柱行街食嘢，預早訂咗位，因為塞車所以預早打俾餐廳話會遲10分鐘，餐廳話OK，點知嚟到全場坐滿，全部人都係剛剛坐低。職員仲叫我哋等一陣，梗係唔等即刻走啦，個個都啱啱坐低，喺度等你成個鐘咩？Book咗枱都唔留枱比人，咁我book黎做乜？仲要我哋知自己會遲都已經預早打俾餐廳講聲，你哋又答OK，如果滿左不如同我哋講話滿晒，唔使人哋特登趕黎。上網見咁多人介紹話好食，老遠嚟到都食唔到🙄🙄🙄幾好食都冇用啦

今日去咗赤柱大街個聖誕市集 行咗一陣點知開始落雨 又凍又大風 所以就去咗附近睇下有咩餐廳可以坐低食嘢喇終於揀咗呢一間位置都比較隱蔽 喺巷仔再行入去呢度嘅店員都比較年長 但係非常之熱情😊估唔到聖誕節嘅時候都有套餐可以選擇可以單點主菜或者跟餐湯沙律我哋就點咗一個套餐再另加一個意粉估唔到跟餐沙律嘅Parma ham都咁高質 大大塊一啲都唔孤寒 沙律菜仲好新鮮添安格斯西冷叫咗五成熟 真係煎得啱啱好肉質鮮嫩 另外仲有個薯菜 焗薯好好味本身想叫呢度嘅signature Tiramisu 可惜叔叔話今日比較忙 所以做唔到 因為要二十分鐘所以就加錢跟咗呢個香濃朱古力蛋糕真係好驚喜 我個人本身唔係好鍾意朱古力但係呢個朱古力蛋糕真係真材實料 口感軟滑香濃最後叫咗latte仲唔使加錢㖭下次去赤柱都要去返呢度食飯👍🏻

第一次食小天使，小店座位唔太多，大約可坐20位，所以最好預先Book位。小店的Waiter原來快將70歲，招呼周到，好快手，又要落單，傳菜和做埋水巴，真係老當益壯。食品方面：麵包好好食，好有咬口。Pizza好好食，好有以前食Pizza的口感，今次叫左兩個Pizza, 藍芝士Pizza最好食，菠蘿火腿芝士Pizza啱小朋友食。豬手的皮好脆肉質好Juicy。至於墨汁海鮮意粉咸左少少，但麵條好彈牙，好有咬口。Tiramisu 和雙重朱古力蛋糕好好食，必食推介。另外今日為女兒慶祝生日，老店員還替我安排了臘燭，服務一流。

#穿過小巷嘅小店游完水之後去覓食，不經意經過見到，好有外國feel,食物不錯，今晚食咗ABD set + Main course 黑毛豬+ 田螺意大利飯，仲加埋芝士蛋糕,真係超級滿足，價錢也親民，可以再去！

今次就去到隱世小餐廳，門面已經好有外國風情，一入到去即刻覺得勁舒服 ，環境都有舊外國風味留意餐單不定期更新，有多款套餐前菜(套餐)Parma ham沙律主菜(套餐)大蘑菇意大利飯($98原價)，大蘑菇味道十分到位，醬汁底都味道濃厚🤤♥️主菜(套餐)大蝦薄餅 ($98原價)，薄餅利用手工做法，醬汁用左千島醬配上芝士，一上枱就可以拉*芝*甜品：Tiramisu 巨型Tiramisu絕對會填飽甜品殺手，甜度吾會好甜舖上可可粉飲品：茶/咖啡 另外有其他選擇套餐價 (更新可能性)因應當時套餐既主菜而定價錢由$178-$198不等！

同朋友赤柱三日兩夜偽輕旅行行行下入左呢間不起眼既隱世小店～.餐廳既店員、裝潢 、餐牌 、食物、氣氛都有種温度，.成個空間令人感覺置身於歐洲既家庭餐廳～瞬間忘卻置身香港既壓迫感。.同朋友都好享受呢個特別時空，對的環境同美食，似乎真的可以短暫治癒人。.整餐飯大家都放底電話，所以影相唔多，特別推薦pizza同蘋果甜品～.赤柱對我同朋友都真係好遠，幾年唔去一次，但係因為呢間餐廳，我哋多左個去赤柱既原因。.另外，推薦情侶黎，有種老派約會既情懷～

去赤柱想搵野食，點知見個個都係介紹某幾間餐廳，唯有自己上網昅下有咩餐廳😂 最後搵到係小巷入面既呢間餐廳，仲要大路係冇招牌指示係個條巷到，真係佛系經營😂😂————————❦ 𝑫𝒊𝒏𝒏𝒆𝒓 𝑺𝒆𝒕❧ ❧ ❧ 安格斯肉眼扒配黑菌汁 $138塊扒都幾大塊，而且超juicy！一咬落去個彈d肉汁係口到湧出黎，連埋邊位d肥膏一齊食仲香🤩評分：🌕🌕🌕🌕🌘-❧ ❧ ❧ 是日餐湯 +$38個日飲嘅係南瓜忌廉湯，飲落南瓜味濃，仲有少少南瓜嘅顆粒。評分：🌕🌕🌕🌕🌘-❧ ❧ ❧ 𝑻𝒊𝒓𝒂𝒎𝒊𝒔𝒖 +$20我見唔少人都有介紹tiramisu，即管叫黎試吓！個蛋糕超級軟綿綿，食落有淡淡既酒同咖啡味，真心唔錯～評分：🌕🌕🌕🌕🌘-❦ 煙三文魚千島薄餅 (𝑹𝒆𝒈𝒖𝒍𝒂𝒓) $108呢個pizza係薄底，咬落都幾脆。煙三文魚鋪滿成個pizza，鹹鹹地既煙三文魚同酸酸地既千島醬超夾！評分：🌕🌕🌕🌕🌑

今日和友人在赤柱半日遊，在大約6半點到了這間餐廳。這間餐廳在赤柱市場裡面，比較隱蔽位置。一進入餐廳，只有我們二人！餐廳環境很舒服清潔，由於只有我們二人，感覺更輕鬆，可以慢慢休息下！食食下，才多了兩枱客人！如果想靜靜地休息下，撐下枱腳是很好選擇！我們點了焗田螺、雜燴pizza和脆炸豬手！雜燴pizza裡面有雞肉，腸仔等等材料，雞肉中有燒烤醬，個燒烤醬甜甜咸咸好好味。材料很多，覆蓋了大部分pizza!脆炸豬手好好味，佢外層豬皮炸得很脆，咀嚼時會發出好似食薯片的聲音。豬手配了芥末和蜜糖，個人覺得蜜糖比較夾！焗田螺配了很多薯蓉，每隻田螺都有一隻草菇承托，味道唔錯。

一早經過openrice預訂，入去不需等候太久便可坐下。餐廳啲橙色做主調，裝修簡潔。可能因為平日關係，很少遊客，所以只有幾檯客人。這個煙三文魚芝士pizza 餅底做得很薄和脆口， 三文魚和其他配料都新鮮，加上分量適中和均勻的芝士，整體非常新鮮香滑。脆炸豬手非常大隻，原本配蜜糖。塊皮烤得非常乾脆，但太硬，非常難切開。年紀較大的人應該都好難食到塊皮。肉味算清香入味，但肉質有點乾。Tiramisu是加小小錢換的甜品，都算香甜軟滑。

新一年新開始，同家人一齊到赤柱逛逛，放鬆一下！出發前，做足準備，先上來搜尋有什麼餐廳推介。發現了這間名叫-小天使的西餐廳，評語也不錯，就即管訂位試試！雖然正門在小巷內，但位置不算難找。當日去到時，一打門只看到兩位客人，心想不是又中伏嗎？既然已訂位，還是試一試吧！幸好，這只是一場虛驚。坐下來不消15分鐘，已全院滿座！雖然是假日，但依然有套餐選擇，價錢不貴，頭盤是巴哈馬沙律和甘筍湯，主菜是安架斯西冷扒，再配咖啡/茶，都只是$198連加一。如想食甜品，可另加$20加配。點了一個西冷扒餐和大蝦Pizza 餐，一同share來吃。頭盤：巴哈馬沙律🥗，份量很多，不只是得一、兩片巴哈馬火腿，味道很夾熱湯：甘筍湯，熱騰騰上菜，味道濃郁，麵包烘得很脆，十分正主菜：安格斯西冷扒，份量很大，味道ok , 但熟了一點主菜： 大蝦pizza, 相比起西冷扒較為有驚喜，pizza底香脆，芝士香濃，吃完一塊又繼續想吃的感覺甜品：Tiramisu 和 Cheesecake 點了熱門推介的Tiramisu, 沒有介紹錯，確實是很出色，味道很match ,下次再來一定要點。相比之下， Cheesecake 較為一般。