61
17
15
Telephone
29451138
29451139
Opening Hours
Today
07:00-22:30
Mon-Sun
07:00-22:30
Payment Method
Visa Master AE Cash UnionPay
Number of Seats
116
Other Info
Online Reservation
Wi-Fi
Alcoholic Drinks
May Bring Your Own Wine Details
Cake-cutting Details
Parking Details
Phone Reservation
10% Service Charge
Sea View
Outdoor Seating
About Dining Points
Review (124)
Level4 2017-08-05
2105 views
男朋友話最近無乜做運動,所以早排星期六,我地就去咗行山啦!今次又係行我最鍾意嘅路征(大埔-荃灣)佢係一條先苦後甜嘅路線!一開始你要不停行樓梯上山,到咗山頂之後,你就可以舒舒服服咁,沿著微斜啲平路落山,期間可以同男朋友兩個傾下計,談吓心,其實咁樣,我已經好滿足男朋友話見我最近辛苦,所以原來一早book定,行完山就去荃灣嘅汀蘭居食buffet聽到嗰吓真係超開心!抵我平時咁錫我男朋友㗎!哈哈邊會諗到,去食buffet 姐,竟然會見到汀九橋我地去嗰時咁啱係黃昏,所以特別有氣氛!冷盤有青口、蝦、螺、蟹,選擇都唔少!海鮮都算新鮮,最鍾意佢隻蝦,食落好爽甜而最正嘅,當然係佢地嘅即開生蠔師傅係你面前即叫即開,絕對新鮮!食落仲有少少海水味,味道鮮甜多汁,正!呢到有傳統嘅自助沙律吧,配料都算豐富,有粟米粒、蕃茄仔、波蘿、青瓜等等,而側邊有橄欖油,同不同款式沙律醬,可以按自己需要調配,啱晒啲成日話鍾意食沙律嘅女人。不過我最鍾意嘅,係佢隔離呢個凱撒沙律吧佢呢到除咗有一大磚芝士外,仲有我平時出去餐廳食,成日嫌唔夠嘅麵包粒比你任食!真係睇見都開心佢哋已家做緊星馬主題自助餐,所以餐廳特別有準備咗一部份星加坡或者馬來西亞嘅著名美食!呢個海南雞飯,就係其中一項啦!雞食落都算嫩滑,配埋薑蔥同埋特製醬汁一齊食,味道都唔錯。除咗海南雞飯,仲有呢個星加坡喇沙!魚蛋爽口,蝦都算鮮甜;不過可惜我嫌佢個湯底唔夠濃郁,所以呢到要扣分串燒方面都有唔少款式,好似雞翼、腸仔、羊架等等,啱晒啲食肉獸熟食方面我最鍾意呢個咖喱雞同清酒煮蜆!咖哩雞肉質嫩滑,辣味濃郁,無論齋食定係配側邊嘅脆脆一齊食,都好滋味!呢個清酒煮蜆,一打開蓋已經聞到陣陣嘅清酒香,酒味唔會好重,恰到好處!而且食落無沙,唔錯!食完主菜又點少得甜品呢!甜品款式都非常豐富㗎:有木糠布甸、藍妹芝士蛋糕、朱古力布甸、朱古力噴泉、朱古力蛋糕、焦糖布甸同埋一啲星馬甜品,好似三色糕等等!不過最重要嘅當然係佢哋有限量嘅movenpick 雪糕任食啦!!側邊仲可以自己整Pancakes, 夠晒過癮!如果唔鍾意甜品,呢啲都有三款鮮甜嘅生果比你選擇,梗有一款啱你!食完Buffet , 見個景色咁靚,我又同男朋友行咗出去影相同傾計感覺特別浪漫!同一時間,亦都好多謝男朋友為我準備嘅一切😍 continue reading
(The above review is the personal opinion of an user which does not represent OpenRice's point of view.)
靚景Buffet Featured Review
Level4 2017-07-06
3162 views
每次到訪過Anchor,都喜歡欣賞四周的景色,遠眺汀九橋,空氣清新,令人有置身郊區的感覺,就趁囝囝放假,一家人輕輕鬆鬆食餐飯。 雖然地點有些少隔涉,但荃灣地鐵站有專車,尚算方便。 餐廳規模不大,但有靠窗位有亮麗靚景,早點去到又有室外自然光,感覺舒適。 以大約$370左右,已經有即開生蠔,難怪會全場爆滿。 新西蘭生蠔 全程用冰鎮,即開即食,保證新鮮,就算每次只準拎兩隻,都非常合理,肉質爽甜,蠔味重,食多兩round。 Seafood Station 有三點蟹、藍貝、翡翠螺、凍蝦及青口,當中最吸引的一定是翡翠螺及凍蝦,前暫煙韌,而後暫爽彈,值得一試。 熱葷 除了放在吧檯的熱葷外,位處燒春雞旁邊有好幾款特色食品。 海南雞飯已經褪骨,真係啖啖肉,又有三色醬料,唯一要挑剔的,是雞油飯未夠油香。 另一款是鮑魚雞粥,其實幾杰身及淡口。 而個人反而幾鐘意泰式辣椒炒蜆,香料味幾重,蜆肉無乜砂,一陣辛辣好惹味。 囝囝就最喜歡泰式豬頸肉,柔韌有嚼口,肉味濃郁。 至於燒比目魚超大條,肉質嫩滑,清蒸時間掌握得啱啱好。 另外更有照燒三文魚、新加坡炒蝦、炒貴刁及咖哩雞,都有不少捧場客。 喇沙湯米可自行挑選豆卜、魚片及蝦仁,湯底香滑,如果椰香可以濃郁一點會更好。 Carving Station 有燒春雞及燒肉眼,春雞取了脾位,不過肉質偏結實,但雞皮好香脆;燒肉眼已經太飽,仲要留肚食甜品。 串燒 大堂一角擺滿了串燒,大蝦、雞翼、羊架、德國腸、菠蘿、草菇與及粟米,香氣四溢,囝囝就專攻雞翼及香腸,自己反而對大蝦及羊架落手,大蝦帶點焦香,蝦肉依然彈牙,羊架略嫌保守,烤得太熟了。 沙律 在芝士吧檯有新鮮菜蔬供應,客人大可按自己喜好,炮製屬於個人口味的自製沙律。 湯 雖然有青豆忌廉湯及肉骨茶,但似乎肉骨茶較受歡迎,舀了一碗,色澤深黝,藥材味重,是馬來西亞的風味,如果可以再夠火喉一點就更好。 芝士 提供了Brie Cheese、Emmenthal 及Camembet芝士。 亦有Parma Ham、莎樂美腸及Charizo。 Dessert 最吸引小朋友的,一定是Movenpick雪糕專櫃,有士多啤梨雪糕、雲呢拿雪糕、意大利奶凍雪糕及瑞士朱古力雪糕四款口味,獨立包裝清潔衛生,refill速度又快。 另外有迷你朱古力噴泉及自動pancake機,最啱喜歡自己落手落腳的客人。 至於甜品首選原盤Tiramisu,濕潤有酒香,質地鬆軟。 又有Apricat Pie、日式和果子、栗子撻、Serradura、檸檬Lemington、Cream brulee、朱古力蛋糕、栗子蛋糕及雜果涼粉,種類不算多,但賣相精緻,份量恰到好處,不怕浪費食物。 畢竟囝囝都鍾意食Buffet,所以都會四圍去試,未知下一次會去邊間呢﹖ continue reading
(The above review is the personal opinion of an user which does not represent OpenRice's point of view.)
Level4 2017-04-02
10651 views
第一次來呢度食自助餐因為上open rice click 自助餐,第二間就係呢間酒店,琴晚見到佢午餐自助餐有生蠔,打電話去預訂嘅時候佢又有七折,所以我琴晚好快就決定咗今日約媽咪過嚟呢度環境好好,臨近海邊,淨係食個環境我都已經覺得值回票價甜品同主食佢分開咗左右兩邊一方面增大左空間另外可以分開人流抵讚雪糕方面亦都係名牌雪糕而且又任食(雖然通常都只係食咗一個)甜品方面其實全部都麻麻地個龍蝦湯非常不錯,好香好香我飲咗半碗食品方面都幾多而且擺設都擺得唔錯我係為咗生蠔而來既值得讚嘅係佢即叫即開法國同愛爾蘭都好好味法國嘅比較甜,鮮甜美味可口愛爾蘭嘅creamy D,亦都香濃啲不過就真係好細隻( 新鮮但係細隻)三隻先等於平時我食一隻不過自助餐來講佢質素算好其他地方嘅自助餐生蠔通常都唔新鮮( 不過大隻)俾我揀我都想要新鮮如果唔新鮮嘅話大大隻我都唔食 continue reading
(The above review is the personal opinion of an user which does not represent OpenRice's point of view.)
一分價錢值一分美食 Featured Review
Level4 2016-12-21
18890 views
這個地點對個人來說是實在方便,因為在 葵芳 葵涌廣場 的另一面會有綠色小巴直達,車程只需要半小時便到達。 在等待 6 : 30 pm 吃自助餐的同時, 往外面平台欣賞黃昏下的夕陽美景。 自助餐價錢詳盡睇 ... 減價、 減價、減價,似乎是晚市自助餐的價錢最抵,有減價之餘還備有任吃的生蠔。 晚餐的任吃生蠔是即開,今期是法國的 natural wild oyster,口感非常爽脆,有先鹹而後甜的海水清新味。繼續吃凍海鮮,是晚有凍蝦、翡翠螺、藍青口、長蟹腳,凍海鮮的件頭是通通也不細隻,吃下去的肉質也不差,沒有雪味。沒有吃過壽司所以不評,刺身中的三文魚是肥美兼厚件、八爪魚是切得薄卻彈牙鮮美,反而立魚是讓我接受不來,腥氣逼人的程度是連我不怕腥的也怕了。沙律的配菜有很多,隨自己喜歡去左撈右撈,餐廳供應的蔬菜是厚片兼清爽乾淨,同時有 辣肉腸、甘香的 巴馬火腿 等供應,自己左拼右配已可成為一碟坊間餐廳有售兼價值數十元的沙律了。固體食物吃多了那麼先來喝碗湯吧,中式西式任客選擇,是晚的 青紅蘿蔔湯 及 意大利雜菜湯 都是很家常的湯款;若然湯的款式是不合口味,咖啡或茶或檸茶檸水都是自助的。自助晚餐除了有減價優惠外,每位客人可額外得到一杯 餐酒、啤酒 或 汽水。輪到吃熱盤的時候,雖然只得九個熱盤但是有菜有肉有海鮮,每款吃一口已能獲得均衡營養,當中的胡椒蝦及照燒三文魚是不能錯過的好吃。繼續前往下一個熱食點,這兩個拼在一起的 counter 都由一位廚師負責,他待客友善,連要求多多的食客都滿意他的服務。燒烤成肉嫩兼味濃的 燒牛肉,外層燒得香脆,吃出滿滿肉汁,一點也不會令食客失望。越式湯河 略欠牛骨湯底的甜味,不過河粉爽口,配料的選擇都有四至五款,特別要求 生牛肉 這一點,廚師都能做得到。終於輪到甜品這一刻,雪糕櫃旁有自製班戟機,Dreyer's D Collection® 雪糕任吃,蛋糕中較喜歡前面這款 啤梨撻,曲奇撻底襯上果味濃而且吃著汁多腍滑的啤梨肉,帶點點酸甜甜的清新之選。新鮮即製的窩夫,牛油香撲鼻而來。由 朱古力噴泉 演變出來的 朱古力蘸鍋 。喝時感覺超滋潤的 圓肉杞子雪耳糖水,多喝幾碗也感覺「 正 」!每位收費是原價的七折,不過服務費卻要收取原價的 10 %。聖誕及除夕快到,有心水的選擇嗎 ?味道 3.5環境 4服務 4衛生 4抵食 4 continue reading
(The above review is the personal opinion of an user which does not represent OpenRice's point of view.)
做冬 Featured Review
Level4 2016-12-19
11578 views
今日一家5口去食buffet 做冬,折左大人每人300蚊左右,小朋友就5歲以下唔洗錢。有即開生蠔食,每次限拎2隻,生蠔size 偏細,但好重海水味,好鮮,只可惜開得唔太好,大部都有蠔殼。魚生方面有三文魚,吞拿魚同章紅魚,仲有凍青口,蝦,蟹腳同螺。沙律方面都好多選擇,仲有好多ham 同芝士提供。反而熱食比較少,大約只有6款。今晚有蒸魚,糯米飯,咖哩牛肉,鴨胸,意粉,同菜。另有2款湯,1中1西,中嘅今日係蕃茄薯仔煲豬骨,西嘅係甘荀湯。有燒牛肉同燒雞。仲有越南粉面,個牛肉湯底十分好味。甜品方面就有3款蛋糕,有窩夫,有pancake ,布甸等,同埋dryers 雪糕。中式甜品有紫米露。仲有3款生果。餐飲就每位包一杯凍飲,可以揀啤酒,紅酒,白酒,果汁或汽水,當然5歲以下嘅冇得飲。另外仲有任飲嘅熱飲,例如咖啡,檸茶,檸水。另外餐廳環境唔錯,大部分位置都可以望到海。唯一美中不足係侍應嘅服務,問咩都答唔知,話要問下人先,但最後都冇任何人答返我。同埋問佢地拎野佢地都只會應你'等等'但轉頭又冇左件事,今日係星期一,又唔係話全場full左,但一樣有呢d問題出,真係要好好改善一下。 continue reading
(The above review is the personal opinion of an user which does not represent OpenRice's point of view.)