19
6
4
2-min walk from Exit A3, Wan Chai MTR Station continue reading
All Branches (3)
Telephone
2815 8811
Opening Hours
Today
11:30-22:30
Mon-Sun
11:30-22:30
Payment Method
Cash
Review (32)
Lunch time 好選擇 Featured Review
Level4 2017-04-30
1035 views
我唔鍾意食飯,lunch主要食麵多,連帶飯都日日帶米線的。就算出食lunch,我都會要求食麵類東西,同事們都就我,但都會累。呢間越南料理勁近我公司,有飯有粉,我叫了生牛肉湯河。牛河未到,先嚟一份新鮮辣椒同青檸。河粉份量夠多, 反而牛肉就問多。 牛肉嚟到嗰時係半熟狀態,要及時放入湯內先熟,牛肉唔會過熟,令我喜歡佢個湯底很有牛肉和香料味, 它的九層塔味很香和强勁,河粉食完都想飲矖啲湯佢!不過想飮咖啡就要花多點錢了,加$18先可以,因為係越南咖啡,見人地的係滴滴吓嗰d, 份量又少,都係椰汁,三色冰好啲,嗰啲都係加10蚊咋,又夠香濃,真材實料。 continue reading
(The above review is the personal opinion of an user which does not represent OpenRice's point of view.)
牛肉粉美味 Featured Review
Level6 2016-12-09
2904 views
我喜歡吃粉麵,越南牛肉河粉非常合我口味,今晚在大有大廈見到一家名叫安南越式牛肉粉的店,心想牛肉粉定不會差,環境亦企理,於是光顧。提供不少套餐,推廣貴價食品如大頭蝦及軟殼蟹,我們亦被吸引了。安南生牛肉湯粉賣相正宗,富越式風味,湯頭看來清而不混濁,湯粉上大放了青蔥及九層塔,另配青檸及紅辣椒在小碟子上。只是生牛肉已經全部浸在湯中,只留下少許紅潤顏色,幸好口感依然鮮嫩,調味恰當,河粉幼滑,湯頭香濃,沒有多加味精,是牛骨牛肉久熬而成的。法式牛油雞翼炸至皮脆肉嫩,非常有水準,高溫快炸,咬一口依然熱辣,肉汁保持,牛油味不濃,香惹美味。越式蒸粉卷我的至愛,一向是必吃之選,可惜未如期望。大件抵食,但皮過厚,餡料並非不足,但欠扎肉的滋味,味道略寡!越式椒鹽軟殻蟹大量炸蒜、香蔥及辣椒鋪滿軟殻蟹,其實賣相一般,軟殻蟹炸至酥香通透,但一客份量太多,三人分吃亦有些膩感。白灼芥蘭最後配一份青菜,均衡飲食。河粉美味,其他菜式不過不失。 continue reading
(The above review is the personal opinion of an user which does not represent OpenRice's point of view.)
。港式越南味。 Featured Review
Level4 2016-11-29
1998 views
越南之旅返黎已經大半個月,開始懷念越南野的味道,所以放工約朋友去尋找越南的味道。因為朋友係灣仔返工,唔想走遠,所以上openrice揾到安南越式牛肉粉,因為夠就腳。 點左個蒜蓉牛油焗頂級大頭蝦二人餐,配2碗湯粉、雞翼及飲品。外加了一個上湯時蔬和米紙卷。大蝦製作需時,所以等得比較耐,但其他食物上菜都頗快。飲品先上,三色冰略嫌甜度不夠,奶味太多,但蜂蜜柚子茶就好夠熱同夠味。 扎肉米紙卷係大大件,雖然只有4件,但份量好足,每件都肥肥大大。入面有檬粉、扎肉、青瓜、蝦米及蘿葡絲,同越南的有得比。 然後來了生牛肉湯河,好大碗,好多河粉係入面,生牛肉粉紅色的好吸引,而且味道也和越南當地食到的差不多。配料有生菜、洋葱絲、青葱、蝦米和九層塔。微濃的湯底配上爽滑的河粉,是我喜愛的味道。生牛肉肉質也夠嫩滑,食起黎感覺就係越南味。或者話,我喜愛的越南味,其實不在越南,而係係香港!!! 雞翼平時我係唔食的,但因為朋友點左,有4大隻,所以我幫佢食一隻。但一食驚為天人,炸得好鬆脆,牛油味好香,皮脆肉嫩,加上面頭的蒜蓉,香脆好食,好出色的雞翼,不可錯過。 到了主角龍蝦出場,龍蝦好大隻,鮮橙色的,有成隻手掌咁大,加上大大隻蝦蚶,上面鋪上了厚厚的蒜蓉,所以蒜味濃郁,好蒜之人大愛。龍蝦肉肥美又彈牙,一拆肉即開,好食。 上湯西蘭花,份量好多,簡單的白灼,加上清湯,是簡單的美味,而且感覺好健康。 二人埋單每人$190有找,覺得大件夾扺食,而且食到飽飽,都二百蚊唔使。享受了寧靜的一個晚上,又懷念了越南的味道,食得滿足又坐得舒服,值得一試的越南餐廳。 continue reading
(The above review is the personal opinion of an user which does not represent OpenRice's point of view.)
美味的二人餐 Featured Review
Level4 2016-11-23
1296 views
接媽咪放工順便一齊食飯,喺港島區就最方便,是日選擇地方是灣仔,大家平時唔係成日食越南野,不過打從心底都好鍾意。 餐廳的餐牌好有趣,普通散叫餐牌有加一服務費但是套餐就沒有。 二人套餐$298 熟牛肉金邊粉,生牛肉檬粉 原來生熟牛肉分別不大,因為熟牛肉先放入湯之前已經熟了,但是生牛肉是未煮然後直接放入這個熱湯裏面,因為湯底溫度也很足夠所以好似打邊爐咁好快搞掂。金邊粉有少少似有彈性嘅窄身河粉,本身應該係一大餅,所以好多交錯。另外檬粉仲有啲似爽口但是比較幼身的瀨粉,各有不同。湯底清新但係如果食辣嘅話可以配搭提供的辣椒,豐富得多。牛肉的質素也實在不錯,起碼脂肪分布比較平均。 法式牛油蒜蓉雞翼 外皮炸得香脆,而且蒜蓉牛油味非常濃郁,估唔到可以咁好食,雞翼亦都保留應有的水份。所以就算散叫都好推薦! 蒜蓉牛油焗頂級大頭蝦 將一隻龍蝦分開兩邊,然後係表面瘋狂加蒜蓉,味道好香不過食完個口就好臭啦,大頭蝦好多肉好爽,亦有大量蝦膏係個頭度,好香呢! 椰汁三色冰 冰凍椰青+$18 果然夠冰凍,大大件,而且又清甜,真是我的最愛!旁邊有很多椰子肉可以食用,吃完真的飽到一個點呢-00-如果以價錢來講,椰汁三色冰本來不需要加錢,正價大約二十幾元,椰青正價三十幾元,但是套餐轉需要加$18 ,明顯是沒有那麼抵的,不過誰叫這是我最愛的飲品呢!而且平日不會買椰青回家喝是因為懶得開⋯ 粵式蒸粉卷四件$42 出面有少少似粉果外皮,晶瑩剔透,裏面有蘿蔔也有粉葛,木耳等等配料,非常豐富。香氣十足呢! 牛油蒜蓉法包$34 牛油和蒜蓉非常豐富,而且法式麵包也烘得夠香脆,單吃已經很好吃,比起很多西餐店還要好。 這樣就完成了一餐豐富晚餐,而且價格也不貴。 continue reading
(The above review is the personal opinion of an user which does not represent OpenRice's point of view.)
我想食Pho Featured Review
Level6 2016-11-18
1193 views
錯在米芝蓮的光芒來得太快,平時我都知道brass spoon但經歷完那個真實的名單出來後,brass spoon更長,我這個慕名而來的小伙子,只能望門輕嘆。 心癮是,我說過食Pho就要食,於是拿出電話開openrice個app。 上次在九龍城吃過了那個不錯的Pho後,那心癮依舊末除,於是離開brass spoon,在openrice找附近找有越南菜的地方,我找到了大有的商場裡,一間叫安南的餐廳。 當然不用排隊直入是常識,不過我同樣找到了美味的Pho,這個Pho絕不能和那間比較,但如果你像我在附近來吃一口,絕對不是問題。 飲品我選了經典的青檸梳打,成罐梳打水俾你,有好有唔好,好的是你可以自己去選擇那濃度,不好的就是沒有飲品自己的個性。 另外的那個杯熱滴漏咖啡,咖啡味濃,飲出的是那個地道味道,這個選擇較青檸梳打好。 不是太肚餓,來到簡單吃了幾樣東西,當然不能錯過Pho,安南生牛肉湯河,湯底味濃,加上那個生牛肉鮮嫩度高,河粉絕對是吸入了那湯頭的日月精華,還有那些薄荷葉,洋蔥,蔥頭,幾樣簡單的東西,帶給你越南故志明市的回憶。 有點錯配的,是那碗越南河加左幾條生菜,有少少大煞風景,似告訴你,其實你仲係香港。 當然要吃點菜,通菜是想也不用想的選擇,不過菜好像炒得未太有鑊氣,不過有炸蒜有辣椒令佢美味和回魂不少。 試得生牛河,當然不能錯過大頭蝦,這個配搭好像是越南菜便吃的選擇,我選擇了蒜蓉牛油焗大頭蝦,上場的一刻,氣派不凡,這種大頭蝦也是香港少見的。 大頭蝦還要配刀叉食,好elegant。 用上勁多香草香料來作配襯,那個蝦身沾上了無窮的牛油和蒜香,肉質咬下去非常爽口,而蝦頭的膏呈鮮橙色,用口吮下整個蝦頭,那個滿足感更勝蝦身。 蝦腳非常長,不過要好有心機先食到,睇你幾愛吃蝦了,然而蝦腳特別吃到那個用炭燒過的香味。 簡單吃了幾樣典型的越型菜,味道中上,只不過你像我抱著試米芝蓮的心來吃次選,當然不公平,這裡的價錢也非常經濟,如果你在灣仔想食Pho,你不一定要嘗米芝蓮的味道,我告訴你安南絕對是一個不錯的選擇。 安南越式牛肉粉 灣仔莊士敦道181號大有廣場2樓208-209號舖 continue reading
(The above review is the personal opinion of an user which does not represent OpenRice's point of view.)