10
3
0
Opening Hours
Mon
11:30 - 18:00
Tue - Wed
Closed
Thu - Sun
11:30 - 18:00
Payment Methods
Cash
Review (14)
Level4 2021-05-21
407 views
如果你一直憧憬住一間小屋,小屋有一隻大窗,探頭可以見到森林,咁呢間可能係你搵緊嘅Cafe。依間新嘅咖啡店喺二月頭開業,會叫安•珈琲係因為前身係安記士多,位置有啲偏僻,喺大埔林村,最快嘅去係喺大埔火車站搭64k巴士,係坑下甫落車,應該就會見到一間紫色嘅大屋。偏僻換來既好處就係環境清幽,用餐時間冇限時,而且Cafe係pet-friendly,可以帶埋毛孩一齊嚟chill。Cafe好似台灣嘅Cafe,全紫色嘅牆身,最吸引就係呢隻夢幻嘅窗,但成間Cafe就得底層嘅呢個吧枱位有窗。成間Cafe有兩層,上面嗰層有室內同室外天台嘅位,室外位置有太陽傘提供,地板有白大理石地磚同白米色圖案地磚,下邊嗰層兩張四人枱、一張二人枱同望窗既二人吧枱,裝潢簡約為主,白色長身,木色枱櫈,地板係黑白為主,四周有植物盆栽,感覺清新,另外底層都有室外嘅位置。餐廳主食得是日推介,當日嘅是日推介係大啡菇牛油果配酸種麵包,餐廳主要提供自家製蛋糕同咖啡、手調飲品、熱水果花茶,選擇唔多,如果係未食嘢嚟呢度未必食得飽,但純粹想食件cake、或者飲杯嘢、打卡絕對好適合。當日係星期日下晝四點到,唔使等位但係去到已經啱啱好full,原本坐咗喺底層嘅一個兩人位,見到窗口位嘅人走咗又未有人入嚟,就問店員可唔可以轉過去,終於可以坐到呢個探窗位。可能因為親店關係店員都比較忙碌,但搵佢哋幫手影相佢哋都好樂意,好笑嘅係有個男店員影之前已經申報自己唔識影相,前後搵咗一個男店員同一個女店員影相,佢哋都好樂意,服務非常好。-1️⃣ 提拉米蘇巴斯克芝士蛋糕 💰48(👅: 8/10)提拉米蘇未呀芝士蛋糕有驚喜,有啖啖咖啡香,咖啡味香濃,芝士味兼備,cream打得唔錯,食落甜而不漏,tiramisu同cheesecake配搭得宜,不過份量偏小,如果未食嘢嚟食絕對唔夠飽。-2️⃣ 伯爵茶戚風蛋糕 💰48(👅: 8/10)賣相好靚,蛋糕上面有好多食用花瓣,仲有啲開心果碎,食落花香味幾重,幾清香,伯爵茶味會比花香味蓋過,但蛋糕食落好棉密濕潤,下面嘅奶蓋令到蛋糕夠濕潤,同蛋糕一齊食,入口creamy而且香甜,蛋糕既鬆軟程度同甜度都恰到好處,略嫌茶香味淡。-3️⃣ 熱情果草莓特飲 💰48(👅: 7.5/10)一杯清新水果既野飲,飲落士多啤梨同橙味較出,整體偏甜,甜味似係黎自糖漿,有小小似飲雜果賓治,飲落清甜解渴,夏天飲岩哂。-4️⃣ Cappuccino 💰38(👅: 7.5/10)咖啡沖嘅奶都算滑,咖啡同奶嘅比例正常,唔會過酸過苦都唔會太濃。-🌟 依度嘅招牌應該係檸檬撻同抹茶巴斯克芝士蛋糕,不過去到嗰時已經賣晒,但其他蛋糕質素唔錯,有更多主食或鹹點會更好。如果你好鍾意打卡、或者係住喺大埔附近,好推介你嚟,不過記得帶蚊怕水。不過Cafe喺4月15號喺官方IG話因為私人理由,停止營業兩個月直至另行通知,唔想摸門釘就留意番官方IG公佈幾時重開嘅消息。Cafe附近係林村許願樹,順路都可以去埋。-👅味道: 8/10🍴環境: 8/10 💰消費: $182 (服務費: 10%) (餐廳只收現金)🐶Pet-friendly continue reading
(The above review is the personal opinion of a user which does not represent OpenRice's point of view.)
Level4 2021-04-06
583 views
復活假期,約了田會長到最近人氣cafe-安•珈琲(據聞前身係安記士多),因為暫時冇得book位,大熱天時又驚等好耐,於是提早少少去到,博早點去到少人點。到了坑下莆站,cafe近馬路位置,頗為搶眼,紫色的屋子,門面真係幾靚,果然會吸引到不少女子想來打卡。當日意外地唔算好多人,唔洗等位即入去,實在太好了。Cafe外圍都有數張枱子,但當日天氣太熱⋯冇揀到。店子有兩層,下層,裝潢簡約柔和,白色牆身,木系枱椅,四周佈置了盆栽植物,有著小清新之感。大窗台位置,可欣賞風景之餘,又唔洗太熱,感覺愜意(同時係熱門打卡位)。我們往上層。上層,位子不多,好有家的感覺,地台位置甚有和風之感,比較寧靜自在,感覺更舒適。(我們坐的位置。)陽台位置,有露天茶座,曬太陽吹吹風,感覺relax。主打輕食及飲品,選擇不多。到下層落單,先付款後上餐,收加一。等待中,又影下相。血橙果粒茶(橙皮、蘋果、洛神花、玫瑰果及紅花瓣),$48,頗為大壺份量多,味道酸酸甜甜幾醒神,幾岩夏日炎炎飲用。水蜜桃果粒茶,$48,田會長的,試了少許,香水蜜桃味。乾杯wwwww。大啡菇牛油果配酸種麵包(LARGE),$78,大size有2件,炒啡菇份量多,味道濃郁香氣十足,牛油果果肉柔軟味道清香,酸種麵包煙韌,口感豐富,有開心果、火箭菜增添咬口及清新,不過食果陣時成日跌牛油果有點遴迍。抹茶巴斯克芝士蛋糕,$28,小小的一件,抹茶味道濃郁,芝士味輕微,蛋糕質感厚實中帶點細膩,因茶香味濃,食落唔算好甜漏,不俗。伯爵茶戚風蛋糕,$48,以食用花瓣作點綴,散落的花瓣,賣相甚有美感,蛋糕口感綿密濕潤,茶香味淡,好多cream伴食,味道香甜。食物正常水準,環境必勝,感覺舒適,服務態度幾好,格價合理,有下次。Cafe歡迎寵物內進,主人同寵物可過一個愉快的下午。洗手間都好乾淨。走時係屋外逛逛,見有幾部自動售賣機及安記的招牌,果然前身係多士。*聽到好多人嘆tea後都去林村行下(因為近),但太懶之下放棄了wwwww。大埔林村坑下莆村41A號舖太和站轉車25k小巴或64k巴士坑下甫站 continue reading
(The above review is the personal opinion of a user which does not represent OpenRice's point of view.)
大埔新開超靚紫色咖啡店☕️ 雖然地理位置有少少偏僻 但都好值得黎試吓💜原本以為淨係適合打卡 估唔到食物質素都好好🤤檸檬撻$58檸檬撻係每日限定 好香嘅檸檬味 加埋表面好似棉花糖味嘅cream 好好食🥰提拉米蘇巴斯克芝士蛋糕 $48提拉米蘇味偏甜 但芝士蛋糕幾creamy😋大啡菇配牛油果酸種麵包 $78/兩件新加入menu嘅主食‼️大啡菇粒炒得好香口🤤牛油果都有調味🥑兩樣嘢加埋真係好正😆值得一讚個麵包好脆👍🏻就算影左好耐相之後都仲好脆😳超推介!青檸特飲 $38熱情果草莓特飲 $48之前係ig見到其他foodie讚佢嘅特飲好好飲🍹所以就叫左兩款黎試下 確實係好有水準💜 感覺好fresh 飲落去好舒服😚 整體而言 食物質素好高 服務態度好好 仲有好多靚位(swipe去後面可以見到更多位置嘅相) 雖然地點比較偏僻 但絕對值得去🙆🏻‍♀️ continue reading
(The above review is the personal opinion of a user which does not represent OpenRice's point of view.)
🍞 讓你味蕾發癲的“大啡菇牛油果配酸種麵包”  Very Yummy Portobello with Avocado on Sourdough 🥨 原味巴斯克芝士蛋糕味道較淡,但價錢不貴 Original Burnt Cheese Cake not very strong in cheese favor, but price around $28; so it's ok🥯 怕蚊既朋友仔,如果又想坐戶外;可以噴下店內溫馨提供既蚊怕水,或選擇坐店內 🦟 Around if Outdoor, can use their provided Spray🥐 暫時只收現金 Cash Only continue reading
(The above review is the personal opinion of a user which does not represent OpenRice's point of view.)
This cafe away from the buzzling city of Hong Kong, is such a cozy place to just chill and relax... The place is so cute! Love the color of the exterior walls and the design of the interiors too! They have a terrace which is really a nice spot to get some fresh air while having some nice drinks and foods!Overall, me and my friends had a great time in this cafe. Friendly staff and they will respond to DM’s quickly! 😍 continue reading
(The above review is the personal opinion of a user which does not represent OpenRice's point of view.)